Actress Anjali : ನನಗೆ 5ನೇ ಮದುವೆ ಮಾಡಲು ಹೊರಟಿದ್ದಾರೆ..! ಶಾಕಿಂಗ್‌ ವಿಚಾರ ಬಿಚ್ಚಿಟ್ಟ ನಟಿ ಅಂಜಲಿ

Actress Anjali marriage : ಸೌತ್‌ ಸ್ಟಾರ್‌ ನಟಿಯರಲ್ಲಿ ಅಂಜಲಿ ಕೂಡ ಒಬ್ಬರು. ಕನ್ನಡ, ತಮಿಳು, ತೆಲುಗು, ಮಲಯಾಳಂ ಸೇರಿದಂತೆ ಹಲವು ಭಾಷೆಗಳ ಸಿನಿಮಾದಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. 2006 ರಲ್ಲಿ ಫೋಟೋ ಎಂಬ ತೆಲುಗು ಸಿನಿಮಾ ಮೂಲಕ ಸಿನಿರಂಗಕ್ಕೆ ಕಾಲಿಟ್ಟ ಸುಂದರಿ ತನ್ನ ನಟನೆ ಮತ್ತು ಸೌಂದರ್ಯದಿಂದ ಪ್ಯಾನ್‌ ಇಂಡಿಯಾ ಲೆವೆಲ್‌ನಲ್ಲಿ ಮಿಂಚುತ್ತಿದ್ದಾರೆ.

ಆಂಧ್ರಪ್ರದೇಶದ ಗೋದಾವರಿ ಜಿಲ್ಲೆಯಲ್ಲಿ ಹುಟ್ಟಿದ ಅಂಜಲಿ (actress Anjali), ಹೆಚ್ಚಾಗಿ ಗುರುತಿಸಿಕೊಂಡಿದ್ದು, ತಮಿಳು ಸಿನಿರಂಗದಲ್ಲಿ. ಅಲ್ಲದೆ, ಹೊಂಗನಸು ಎಂಬ ಸಿನಿಮಾದ ಮೂಲಕ ಸ್ಯಾಂಡಲ್‌ವುಡ್‌ಗೆ ಕಾಲಿಟ್ಟ ನಟಿ, ರಣ ವಿಕ್ರಮ ಸಿನಿಮಾದ ಮೂಲಕ ಕ್ರೇಜ್‌ ಗಿಟ್ಟಿಸಿಕೊಂಡರು. ಈ ಸಿನಿಮಾದಲ್ಲಿ ಪವರ್‌ ಸ್ಟಾರ್‌ ಪುನೀತ್‌ ರಾಜ್‌ಕುಮಾರ್‌ ಜೊತೆ ನಟಿಸಿದ್ದರು.

ಇದನ್ನೂ ಓದಿ:RCB ಸೋಲಿಗೆ ಅಶ್ವಿನಿ ಪುನೀತ್‌ ರಾಜ್‌ಕುಮಾರ್‌ ಕಾರಣ..! DBoss ಪ್ಯಾನ್ಸ್‌ ಪೋಸ್ಟ್‌ ವೈರಲ್‌

ಇತ್ತೀಚೆಗಷ್ಟೇ ಈವೆಂಟ್‌ವೊಂದರಲ್ಲಿ ಅಂಜಲಿ ತಮ್ಮ ಮದುವೆ ವದಂತಿ ಕುರಿತು ನೀಡಿದ ಹೇಳಿಕೆ (Actress Anjali Responds To Rumours On Her Wedding) ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ. ಮಾಧ್ಯಮಗಳಲ್ಲಿ ನನಗೆ ಗೊತ್ತಿಲ್ಲದೆ ನಾಲ್ಕು ಬಾರಿ ಮದುವೆ ಮಾಡಿಸಿದ್ದಾರೆ. ಇದೀಗ ಐದನೇ ಬಾರಿ ಮದುವೆ ಮಾಡಿಸುತ್ತಿದ್ದಾರೆ ಎಂದು ಹಾಸ್ಯ ಮಾಡಿದರು.

ಅಲ್ಲದೆ, ಸೋಷಿಯಲ್‌ ಮೀಡಿಯಾದಲ್ಲಿ ಹಬ್ಬಿರುವ ಸುದ್ದಿಗಳಿಗೂ ನನಗೂ ಯಾವುದೇ ಸಂಬಂಧವಿಲ್ಲ, ಅವೆಲ್ಲವೂ ಸುಳ್ಳು. ನಾನು ಮದುವೆಯಾಗುವುದಾದರೆ, ಸಾರ್ವಜನಿಕವಾಗಿ ಪ್ರಕಟಿಸುತ್ತೇನೆ, ಆದರೆ ಅದಕ್ಕೆ ಇನ್ನು ಸಮಯವಿದೆ ಎಂದು ಮದುವೆ ವದಂತಿ ಸುಳ್ಳು ಅಂತ ನಟಿ ಅಂಜಲಿ ಸ್ಪಷ್ಟನೆ ನೀಡಿದ್ದಾರೆ. 

ಇದನ್ನೂ ಓದಿ:ಸಾವಿನ ಮುನ್ಸೂಚನೆ ಸಿಕ್ಕಿತ್ತಾ ಡೇನಿಯಲ್‌ಗೆ..! ನಿಧನಕ್ಕೂ ಮುನ್ನ ಈ ಪುಣ್ಯ ಕ್ಷೇತ್ರಗಳ ದರ್ಶನ ಪಡೆದಿದ್ದ ನಟ

ʼಗೀತಾಂಜಲಿʼ ಸಿನಿಮಾ ಹಿಟ್‌ ಬೆನ್ನಲ್ಲೆ, ಸಧ್ಯ ಅಂಜಲಿ ʼಗೀತಾಂಜಲಿ ಈಸ್ ಬ್ಯಾಕ್ ಅಗೇನ್ʼ​ (Geethanjali Malli Vachind) ಎಂಬ ಸಿನಿಮಾದ ಮೂಲಕ ತೆರೆಕೆ ಬರಲು ರೆಡಿಯಾಗಿದ್ದಾರೆ. ಇತ್ತೀಚಿಗಷ್ಟೇ ಈ ಚಿತ್ರದ ಟ್ರೇಲರ್ ರಿಲೀಸ್‌ ಆಗಿದೆ. ಏಪ್ರಿಲ್ 11 ರಂದು ಗೀತಾಂಜಲಿ ಇಸ್​ ಬ್ಯಾಕ್​ ಅಗೇನ್​ ಸಿನಿಮಾ ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ.