ನವದೆಹಲಿ: ಅಮಿತಾಭ್ ಬಚ್ಚನ್ ಬಾಲಿವುಡ್ ಖ್ಯಾತ ನಟರಲ್ಲಿ ಒಬ್ಬರು. ಅಮಿತಾಬ್ ಇಂದಿಗೂ ಸಿನಿ ಜಗತ್ತಿನಲ್ಲಿ ಮಿನುಗುತ್ತಿರುವ ನಕ್ಷತ್ರ. ಇಂತಹ ತಾರೆಯನ್ನು 'ಅಮೃತಧಾರೆ' ಚಿತ್ರದ ಮೂಲಕ ಕನ್ನಡಕ್ಕೆ ತಂದ ಕೀರ್ತಿ ನಾಗತಿಹಳ್ಳಿ ಚಂದ್ರಶೇಖರ್ ಅವರಿಗೆ ಸಲ್ಲುತ್ತದೆ. ವಾಸ್ತವವಾಗಿ ಅಮಿತಾಭ್ ಬಚ್ಚನ್ ಬಾಲಿವುಡ್ ಉದ್ಯಮದಲ್ಲಿ 49 ವರ್ಷಗಳನ್ನು ಪೂರೈಸಿದ್ದಾರೆ. ಇಂದಿಗೆ 49 ವರ್ಷಗಳ ಹಿಂದೆ ಅಮಿತಾಬ್ ಬಚ್ಚನ್ ತಮ್ಮ ಪ್ರಥಮ ಚಿತ್ರ 'ಸಾತ್ ಹಿಂದುಸ್ತಾನ್'ಗೆ ಸಹಿ ಹಾಕಿದರು. ಬಿಗ್ ಬಿ ಅಭಿಮಾನಿಗಳು ಇಂದು ಅದರ ಸಂಭ್ರಮಾಚರಣೆಯನ್ನು ಆಚರಿಸುತ್ತಿದ್ದಾರೆ.
ಅಮಿತಾಭ್ ಬಚ್ಚನ್ ಅವರ ಮೊದಲ ಚಿತ್ರ 'ಸಾತ್ ಹಿಂದೂಸ್ತಾನಿ'
'ಸಾತ್ ಹಿಂದುಸ್ತಾನ್'ಗೆ ಸಹಿ ಹಾಕಿದ ದಿನದಿಂದ ಇಂದಿನವರೆಗೂ ಅಮಿತಾಭ್ ಬಚ್ಚನ್ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಅಮಿತಾಭ್ ಬಚ್ಚನ್ ತಮ್ಮ 49 ವರ್ಷಗಳ ವೃತ್ತಿಜೀವನದಲ್ಲಿ ಅನೇಕ ಐತಿಹಾಸಿಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 'ಆಂಗ್ರಿ ಯಂಗ್ ಮ್ಯಾನ್' ಎಂಬ ಶೀರ್ಷಿಕೆಯೊಂದಿಗೆ ತಮ್ಮ ಉದಾತ್ತ ಧ್ವನಿಯಿಂದ ಅರ್ಧ ಶತಕದಿಂದ ಚಿತ್ರ ಜಗತ್ತಿನಲ್ಲಿ ತಮ್ಮದೇ ಹವಾ ಹೊಂದಿರುವ ಬಿಗ್ ಬಿ ಇಂದಿಗೂ ತಮ್ಮ ಚೈತನ್ಯದಲ್ಲಿ ಯಾವುದೇ ಕೊರತೆ ಇಲ್ಲ ಎಂಬುದನ್ನು ಸಾಭೀತು ಪಡಿಸಿದ್ದಾರೆ.
'102 ನಾಟ್ ಔಟ್' ನಲ್ಲಿ ಅಮಿತಾಭ್ ಕಾಣಿಸಿಕೊಳ್ಳಲಿದ್ದಾರೆ
ಗಮನಾರ್ಹವಾಗಿ, ಅಮಿತಾಭ್ ಬಚ್ಚನ್ '102 ನಾಟ್ ಔಟ್' ಎಂಬ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ರಿಷಿ ಕಪೂರ್ ಅಮಿತಾಭ್ ಗೆ ಸಾಥ್ ನೀಡಿದ್ದಾರೆ. ಈ ವರ್ಷ ಮೇ ತಿಂಗಳಲ್ಲಿ '102 ನಾಟ್ ಔಟ್' ಬಿಡುಗಡೆಯಾಗುತ್ತದೆ. ಈ ಹಿಂದೆ 'ಅಮರ್ ಅಕ್ಬರ್ ಅಂಥೋನಿ' ಚಿತ್ರದಲ್ಲಿ ಸಹೋದರರಾಗಿ ಕಾಣಿಸಿಕೊಂಡಿದ್ದ ಈ ಜೋಡಿ '102 ನಾಟ್ ಔಟ್' ಚಿತ್ರದಲ್ಲಿ ತಂದೆ ಮತ್ತು ಮಗನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ತಂದೆ ಮತ್ತು ಮಗನ ಕಥೆಯಾಗಿದ್ದು, ಇದರಲ್ಲಿ ಅವರ ತಂದೆ 102 ನೇ ವಯಸ್ಸಿನಲ್ಲಿಯೂ ಸಹ ಧನಾತ್ಮಕವಾಗಿದೆ ಮತ್ತು ಅವನ ವಯಸ್ಸಿನ ಅರ್ಧದಷ್ಟು ವಯೋಮಾನದ ಮಗ ಜೀವನದಲ್ಲಿ ಸಾಕಷ್ಟು ಋಣಾತ್ಮಕವಾಗಿರುತ್ತದೆ. ಇದಲ್ಲದೆ, ಅಮಿತಾಭ್ ಬಚ್ಚನ್ ಅಯನ್ ಮುಖರ್ಜಿ ಅವರ 'ಬ್ರಹ್ಮಸ್ತ' ಚಿತ್ರದಲ್ಲಿ ಕೂಡ ಕಾಣಿಸಿಕೊಂಡಿದ್ದಾರೆ.
