BBK 10 : ಬಿಗ್‌ಬಾಸ್‌ ಮೊದಲ ಕ್ಯಾಪ್ಟನ್‌ ಸ್ನೇಹಿತ್‌ಗೆ ಸ್ಪರ್ಧಿಗಳು ನೀಡಿ ಅಂಕ ಎಷ್ಟು ಗೊತ್ತಾ..? ಇಲ್ಲಿದೆ ನೋಡಿ..

Bigg boss 10 : ಬಿಗ್‌ಬಾಸ್‌ ಕನ್ನಡದ ಹತ್ತನೇ ಸೀಸನ್‌ನ ಮೊದಲನೇ ನಾಯಕನಾಗಿ ಸ್ನೇಹಿತ್ ಆಯ್ಕೆಯಾಗಿದ್ದಾರೆ. ನಾಯಕನಾದ ಮೇಲೆ ಅವರ ವರ್ತನೆಯೇ ಸಂಪೂರ್ಣವಾಗಿ ಬದಲಾಗಿದೆ ಎಂದು ಆರಂಭದಲ್ಲಿಯೇ ಕೆಲವು ಸ್ಪರ್ಧಿಗಳು ಮಾತನಾಡಿಕೊಂಡಿದ್ದರು. ಇದೀಗ ಕ್ಯಾಪ್ಟನ್‌ ಸ್ನೇಹಿತ್‌ ಮೇಲೆ ದೊಡ್ಮನೆ ಮಂದಿ ಆರೋಪಗಳ ಮಳೆ ಸುರಿಸುತ್ತಿದ್ದಾರೆ.

ಹೌದು... ಬಿಗ್‌ಬಾಸ್‌ ಮೊದಲ ಕ್ಯಾಪ್ಟನ್‌ ತಮ್ಮ ವರ್ತನೆಯನ್ನು ತಿದ್ದಿಕೊಂಡಿದ್ದಾರೆ ಎಂಬ ಮೆಚ್ಚುಗೆಯೂ ವ್ಯಕ್ತವಾಗಿತ್ತು. ಆದರೆ ವಾರವಿಡೀ ಹಲವು ಸಂದರ್ಭಗಳಲ್ಲಿ ಅವರು ನಾಯಕನ ಪಾತ್ರವನ್ನು ನಿರ್ವಹಿಸಿದ ಬಗ್ಗೆ ಬೇರೆ ಬೇರೆ ಅಭಿಪ್ರಾಯಗಳು ವ್ಯಕ್ತವಾಗಿದ್ದವು. ಅಲ್ಲದೆ, ಕೆಲವು ಸ್ಪರ್ಧಿಗಳು ಸ್ನೇಹಿತ್‌ ಮೇಲೆ ಕೋಪಗೊಂಡಿದ್ದರು.

ಇದನ್ನೂ ಓದಿ: BBK 10 : ಈ 6 ಸ್ಪರ್ಧಿಗಳಲ್ಲಿ ಈ ಬಾರಿ ಎಲಿಮಿನೇಟ್‌ ಯಾರಾಗ್ತಾರೆ..? ನಿಮ್ಮ ಮತ ಯಾರಿಗೆ..?

ಈಗ ಮನೆಮಂದಿಯೆಲ್ಲ ಸೇರಿ ಸ್ನೇಹಿತ್‌ ಕ್ಯಾಪ್ಟನ್ಸಿಗೆ ಅಂಕಗಳನ್ನು ಕೊಟ್ಟಿದ್ದಾರೆ. ಅಷ್ಟೇ ಅಲ್ಲ, ಸಕಾರಣ ನೀಡಿ ಅವರನ್ನು ಬಿಗ್‌ಬಾಸ್‌ ಮನೆಯ ಈಜುಕೊಳದಲ್ಲಿ ನೂಕಿದ್ದಾರೆ ಕೂಡ. ಪ್ರತಿಯೊಬ್ಬರು ನೂಕಿದಾಗಲೂ ನೀರೊಳಗೆ ಬಿದ್ದ ಸ್ನೇಹಿತ್, ಮತ್ತೆ ಎದ್ದುಬಂದು ನಡುಗುತ್ತ ನಿಂತಿದ್ದರು. ಅವರ ಮೈಯಲ್ಲಿ ನಡುಕವಿದ್ದರೂ ಸಹ ಕಣ್ಣೊಳಗೆ ಅಗ್ರೆಸಿವ್‌ನೆಸ್‌ ಕಾಣಿಸುತ್ತಿತ್ತು. 

ಸ್ನೇಹಿತ್‌ ಕ್ಯಾಪ್ಟನ್ಸಿ ಬಗ್ಗೆ ಯಾವ್ಯಾವ ಸ್ಪರ್ಧಿಗಳು ಎಷ್ಟೆಷ್ಟು ಮಾರ್ಕ್ಸ್‌ ಕೊಟ್ಟಿದ್ದಾರಾ? ಓವರಾಲ್ ಆಗಿ ಕ್ಯಾಪ್ಟನ್‌ ಆಗಿ ಸ್ನೆಹಿತ್ ಗೆದ್ದಿದ್ದಾರಾ? ಸೋತಿದ್ದಾರಾ? ಅಂತ ನೀವು ತಿಳಿಯಬೇಕಾದರೆ ವಾರದ ಜೊತೆ ಕಿಚ್ಚನ ಜೊತೆ ಶೋ ವರೆಗೂ ಕಾಯಬೇಕು. ಅಲ್ಲದೆ ಸ್ನೇಹಿತ್‌ ನಾಯಕತ್ವ ಕಿಚ್ಚನಿಂದ ಎಷ್ಟು ಮಾರ್ಕ್ಸ್‌ ಪಡೆಯುತ್ತೆ ಅಂತ ನೋಡಬೇಕಿದೆ.