 "ʼಆಡಿಷನ್ ಅಂತ ವಿಡಿಯೋ ಕಾಲ್ ಮಾಡಿ ಬಟ್ಟೆ ಬಿಚ್ಚೋಕೆ ಹೇಳಿದ್ರುʼ.. ಇಂಡಸ್ಟ್ರಿಯ ಕರಾಳ ಸತ್ಯ ಬಿಚ್ಚಿಟ್ಟ ಖ್ಯಾತ ನಟಿ!")
Jamie Lever faced casting couch: ಖ್ಯಾತ ಹಾಸ್ಯನಟ ಜಾನಿ ಲಿವರ್ ಅವರ ಮಗಳು ಜೇಮೀ ಲಿವರ್ ಕೂಡ ಸಾಮಾಜಿಕ ಮಾಧ್ಯಮ ಜಗತ್ತಿನಲ್ಲಿ ಬಹಳ ಜನಪ್ರಿಯರು. ಅವರ ತಂದೆಯಂತೆಯೇ ಅವರು ಸಹ ಜನರನ್ನು ತುಂಬಾ ನಗಿಸುತ್ತಾರೆ. ಜೇಮೀ ತಮ್ಮ ಮುಕ್ತ ಮಾತುಗಳಿಗೆ ಹೆಸರುವಾಸಿಯಾಗಿದ್ದಾರೆ. ಆಗಾಗ ತಮ್ಮ ಜೀವನದ ಸ್ಟೋರಿಗಳನ್ನ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳುತ್ತಾರೆ. ಇನ್ಸ್ಟಾಗ್ರಾಮ್ನಲ್ಲಿ ತುಂಬಾ ಸಕ್ರಿಯರಾಗಿರುವ ಜೇಮೀ ತಮ್ಮ ಹೊಸ ಹೊಸ ತಮಾಷೆಯ ರೀಲ್ಗಳೊಂದಿಗೆ ಜನರನ್ನು ರಂಜಿಸುತ್ತಾರೆ. ಅಂತಾರಾಷ್ಟ್ರೀಯ ಯೋಜನೆಯ ಆಡಿಷನ್ ಸಮಯದಲ್ಲಿ ಸಂಭವಿಸಿದ ಅಹಿತಕರ ಮತ್ತು ಚಿಂತೆಗೀಡು ಮಾಡುವ ಘಟನೆಯ ಬಗ್ಗೆ ಅವರು ಇತ್ತೀಚೆಗೆ ಬಹಿರಂಗವಾಗಿ ಮಾತನಾಡಿದ್ದಾರೆ. ಇದರ ಬಗ್ಗೆ ಮತ್ತಷ್ಟು ಮಾಹಿತಿ ಇಲ್ಲಿದೆ ನೋಡಿ...
ಅಂದು ನಡೆದ ಆಘಾತಕಾರಿ ಘಟನೆಯ ಬಗ್ಗೆ ಹೇಳಿರುವ ಜೇಮೀ, ʼಅಂದು ಜೂಮ್ ಕಾಲ್ ಮೂಲಕ ನಡೆಸಲಾದ ಆಡಿಷನ್ನಲ್ಲಿ ವಿಡಿಯೋ ಕರೆಯ ಸಮಯದಲ್ಲಿ ತನ್ನ ಬಟ್ಟೆಗಳನ್ನು ತೆಗೆಯಲು ಕೇಳಲಾಯಿತು. ಇದು ತನಗೆ ದೊಡ್ಡ ಆಘಾತ ಮತ್ತು ಸವಾಲಿನ ಅನುಭವವಾಗಿತ್ತುʼ ಎಂದು ಹೇಳಿದ್ದಾರೆ. ಸಂದರ್ಶನದ ಸಮಯದಲ್ಲಿ ಈ ಅಂತಾರಾಷ್ಟ್ರೀಯ ಯೋಜನೆಗೆ ಆಫರ್ ಬಂದಾಗ ನಾನು ತುಂಬಾ ಉತ್ಸುಕಳಾಗಿದ್ದೆ ಎಂದು ಜೇಮೀ ಹೇಳಿದ್ದಾರೆ. ಆರಂಭದಲ್ಲಿ ಸ್ಕ್ರಿಪ್ಟ್ ಅನ್ನು ಈಗಲೇ ನೀಡಲಾಗುವುದಿಲ್ಲ. ಏಕೆಂದರೆ ಅದನ್ನು ನಂತರ ಸುಧಾರಿಸಲಾಗುವುದು ಎಂದು ಹೇಳಲಾಗಿತ್ತು.
ನಿಗದಿತ ಸಮಯದಲ್ಲಿ ಜೇಮೀಗೆ ಆನ್ಲೈನ್ನಲ್ಲಿ ಸಂಪರ್ಕಿಸಬೇಕಾದ ಲಿಂಕ್ ಅನ್ನು ಕಳುಹಿಸಲಾಯಿತು. ಈ ವೇಳೆ ನಿರ್ದೇಶಕರೊಂದಿಗೆ ಮಾತನಾಡಲು ಜೇಮಿಗೆ ಕೇಳಲಾಯಿತು. ಆದರೆ ವಾಸ್ತವದಲ್ಲಿ ನಿರ್ದೇಶಕನೆಂದು ಹೇಳಿಕೊಂಡ ವ್ಯಕ್ತಿ ತನ್ನ ವಿಡಿಯೋವನ್ನ ಆನ್ ಮಾಡಲಿಲ್ಲ. ʼನೀವು ಈ ಚಿತ್ರಕ್ಕೆ ಸಂಪೂರ್ಣವಾಗಿ ಹೊಂದಿಕೊಳ್ಳಬೇಕೆಂದು ಅವರು ನನಗೆ ಹೇಳಿದರು. ನಿಮಗೆ ಕೆಲವು ಪರೀಕ್ಷೆಗಳನ್ನು ಮಾಡಬೇಕಾಗಿದೆ ಅಂತಾ ಹೇಳಿ ಅವರು, ನನಗೆ ತುಂಬಾ ಅನಾನುಕೂಲವಾದ ರೀತಿಯಲ್ಲಿ ವರ್ತಿಸಲು ನನ್ನನ್ನು ಕೇಳುತ್ತಿದ್ದರುʼ ಅಂತಾ ಜೇಮಿ ಹೇಳಿಕೊಂಡಿದ್ದಾರೆ.
ʼನಿಮ್ಮ ಮುಂದೆ 50 ವರ್ಷದ ವ್ಯಕ್ತಿ ಇದ್ದಾನೆಂದು ಊಹಿಸಿ, ನೀವು ಅವನನ್ನು ಮೋಹಿಸಲು ಪ್ರಯತ್ನಿಸುತ್ತಿದ್ದೀರಿ ಎಂದು ಭಾವಿಸಿ. ಈ ಪಾತ್ರವು ರೋಮ್ಯಾನ್ಸ್ ದೃಶ್ಯಗಳನ್ನು ಹೊಂದಿರುತ್ತದೆ ಮತ್ತು ಯಾವುದೇ ಹಾಸ್ಯ ಇರುವುದಿಲ್ಲವೆಂದು ಹೇಳಿದರುʼ ಅಂತಾ ಜೇಮೀ ತಿಳಿಸಿದರು. ನಾನು ಇದರ ಬಗ್ಗೆ ತನ್ನ ಅಸಮಾಧಾನ ವ್ಯಕ್ತಪಡಿಸಿದೆ. ಸ್ಕ್ರಿಪ್ಟ್ ಆಧರಿಸಿ ಕೆಲಸ ಮಾಡುತ್ತೇನೆ ಅಂತಾ ಹೇಳಿದೆ. ಆದರೆ ಆತ ಯಾವುದೇ ಸ್ಕ್ರಿಪ್ಟ್ ಇರಲ್ಲ ಮತ್ತು ಎಲ್ಲವೂ ಇಂಪ್ರೂವೈಸೇಶನ್ ಆಗಿರುತ್ತದೆ ಎಂದು ತಿಳಿಸಿದ. ವಿಡಿಯೋ ಕರೆಯ ಸಮಯದಲ್ಲಿ ತನ್ನ ಬಟ್ಟೆಗಳನ್ನು ಬಿಚ್ಚಲು ಅಥವಾ ಯಾವುದೇ ರೀತಿಯ ನಟನೆ ಮಾಡಲು ಸಜ್ಜಾಗಬೇಕೆಂದು ನನಗೆ ಸೂಚಿಸಿದ. ʼನನಗೆ ಈ ರೀತಿ ಮಾಡುವುದು ಸರಿ ಎನಿಸುತ್ತಿಲ್ಲʼʼ ಎಂದು ನಾನು ಹೇಳಿದೆ. ಆದರೆ ಇದು ಒಂದು ದೊಡ್ಡ ಆಫರ್ ಆಗಿದ್ದು, ಇದಕ್ಕೆ ನಿಮ್ಮನ್ನೇ ಆಯ್ಕೆ ಮಾಡಲು ಬಯಸುತ್ತಾರೆಂದು ನನ್ನ ಎದುರಿಗಿದ್ದ ವ್ಯಕ್ತಿ ಹೇಳಿದನೆಂದು ಜೇಮೀ ತಿಳಿಸಿದ್ದಾರೆ.
ʼಅಂದಿನ ಪರಿಸ್ಥಿತಿಯ ಬಗ್ಗೆ ತನಗೆ ತುಂಬಾ ಭಯವಾಗಿತ್ತು. ಆದರೆ ನಾನು ಧೈರ್ಯ ಕಳೆದುಕೊಳ್ಳಲಿಲ್ಲ. ಈ ವಿಡಿಯೋ ಕರೆಯಲ್ಲಿ ನಾನು ನನ್ನ ಬಟ್ಟೆಗಳನ್ನು ಬಿಚ್ಚುತ್ತೇನೆಂದು ನೀವು ನಿರೀಕ್ಷಿಸಿದರೆ, ಅದರ ಬಗ್ಗೆ ನನಗೆ ಮೊದಲೇ ಹೇಳಬೇಕಿತ್ತುʼ ಅಂತಾ ಜೇಮೀ ಹೇಳಿದರು. ಇದಾದ ನಂತರ ಜೇಮೀ ತಕ್ಷಣವೇ ವಿಡಿಯೋ ಕರೆಯನ್ನು ಕ್ಲೋಸ್ ಮಾಡಿದಳು. ಅವರು ಹೇಳಿದಂತೆ ನಾನು ನಡೆದಕೊಂಡಿದ್ದರೆ ದೊಡ್ಡ ಸುದ್ದಿಯಾಗುತ್ತಿತ್ತು. ತನ್ನ ವಿಡಿಯೋವನ್ನ ರೆಕಾರ್ಡ್ ಮಾಡಬಹುದು. ಅದನ್ನೇ ಮುಂದಿಟ್ಟುಕೊಂಡು ನನ್ನನ್ನ ಶೋಷಿಸಬಹದುʼ ಜೇಮೀ ತಮಗಾದ ಕಹಿ ಘಟನೆಯ ಅನುಭವವನ್ನ ಹಂಚಿಕೊಂಡಿದ್ದಾರೆ.
"ಕಾಸ್ಟಿಂಗ್ ನೆಪದಲ್ಲಿ ಅನೇಕ ಮಹಿಳೆಯರು ಮೋಸ ಹೋಗಿದ್ದಾರೆ ಮತ್ತು ಸಿಕ್ಕಿಬಿದ್ದಿದ್ದಾರೆ. ನನ್ನ ಮನಸ್ಸಿನ ಉಪಸ್ಥಿತಿಯು ನನ್ನನ್ನು ಉಳಿಸಿದ್ದು ನನಗೆ ತುಂಬಾ ಅದೃಷ್ಟವೆಂದು ನಾನು ಭಾವಿಸುತ್ತೇನೆ" ಅಂತಾ ಜೇಮೀ ಹೇಳಿಕೊಂಡಿದ್ದಾರೆ. ಅಂದಿನ ಪರಿಸ್ಥಿತಿಯಲ್ಲಿ ಸರಿಯಾದ ನಿರ್ಧಾರ ತೆಗೆದುಕೊಳ್ಳುವ ಮೂಲಕ ನಾನು ಸೇಫ್ ಆದೆ ಅಂತಾ ಜೇಮೀ ತಿಳಿಸಿದ್ದಾರೆ. ಜೇಮೀ ಲಿವರ್ 'ಕಾಸ್ ಕಿಸ್ಕೋ ಪ್ಯಾರ್ ಕರೂನ್', 'ಹೌಸ್ಫುಲ್ 4', 'ಭೂತ್ ಪೊಲೀಸ್', 'ಯಾತ್ರಿ' ಮತ್ತು 'ಕ್ರ್ಯಾಕ್' ಸೇರಿದಂತೆ ಹಲವು ಬಾಲಿವುಡ್ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಹಾಸ್ಯ ಮತ್ತು ನಟನಾ ಕ್ಷೇತ್ರದಲ್ಲಿ ಹೆಸರು ಮಾಡಿರುವ ಜೇಮೀ ಈಗ 'ದಿ ಜೇಮೀ ಲಿವರ್ ಶೋ' ಎಂಬ ದೊಡ್ಡ ಹಾಸ್ಯ ಪ್ರವಾಸದೊಂದಿಗೆ ಅಮೆರಿಕಾದಾದ್ಯಂತ ಪ್ರದರ್ಶನ ನೀಡಲಿದ್ದಾರೆ. ಈ ಪ್ರವಾಸವು ಆಗಸ್ಟ್ 1ರಂದು ಸಿಯಾಟಲ್ನಿಂದ ಪ್ರಾರಂಭವಾಗಿ ಆಗಸ್ಟ್ 31ರಂದು ಬೋಸ್ಟನ್ನಲ್ಲಿ ಕೊನೆಗೊಳ್ಳಲಿದ್ದು, ಇದರಲ್ಲಿ ಅವರು 15 ನಗರಗಳಲ್ಲಿ ತಮ್ಮ ಅಭಿಮಾನಿಗಳನ್ನು ಭೇಟಿಯಾಗಲಿದ್ದಾರೆ.
)