 "ಶಾಲಾ ಪಠ್ಯಕ್ರಮದಲ್ಲಿ ದಕ್ಷಿಣ ಭಾರತದ ಇತಿಹಾಸ ಕಡೆಗಣನೆ-ನಟ ಆರ್ ಮಾಧವನ್ ಅಸಮಾಧಾನ")
)
ಮುಂಬೈ: ಖ್ಯಾತ ನಟ ಆರ್. ಮಾಧವನ್ ಭಾರತದ ಶಾಲೆಗಳಲ್ಲಿ ಇತಿಹಾಸವನ್ನು ಕಲಿಸುವ ವಿಧಾನದ ಬಗ್ಗೆ ಗಂಭೀರ ಆತಂಕ ವ್ಯಕ್ತಪಡಿಸಿದ್ದಾರೆ. ದೇಶದ ಪ್ರಾಚೀನ ಇತಿಹಾಸ, ವಿಶೇಷವಾಗಿ ದಕ್ಷಿಣ ಭಾರತದ ರಾಜ್ಯಗಳ ಕೊಡುಗೆಯನ್ನು ಪಠ್ಯಕ್ರಮದಲ್ಲಿ ಕಡೆಗಣಿಸಲಾಗಿದೆ ಎಂದು ಅವರು ಆರೋಪಿಸಿದ್ದಾರೆ.
ಇತ್ತೀಚೆಗೆ ಕರಣ್ ಸಿಂಗ್ ತ್ಯಾಗಿ ನಿರ್ದೇಶನದ ಕೇಸರಿ ಚಾಪ್ಟರ್ 2 ಚಿತ್ರದಲ್ಲಿ ಅಕ್ಷಯ್ ಕುಮಾರ್ ಜೊತೆಗೆ ಕಾಣಿಸಿಕೊಂಡಿರುವ ಮಾಧವನ್, ಈ ವಿಷಯದ ಬಗ್ಗೆ ಮಾತನಾಡುವುದರಿಂದ ತೊಂದರೆಗೆ ಸಿಲುಕಬಹುದು ಎಂದರೂ, ತಮ್ಮ ಅಭಿಪ್ರಾಯವನ್ನು ಧೈರ್ಯವಾಗಿ ಹಂಚಿಕೊಂಡಿದ್ದಾರೆ.
"ನಾನು ಶಾಲೆಯಲ್ಲಿ ಇತಿಹಾಸ ಓದಿದಾಗ, ಮೊಘಲರ ಬಗ್ಗೆ ಎಂಟು ಅಧ್ಯಾಯಗಳು, ಹರಪ್ಪ ಮತ್ತು ಮೊಹೆಂಜೊದಾರೋ ನಾಗರಿಕತೆಗಳ ಬಗ್ಗೆ ಎರಡು, ಬ್ರಿಟಿಷ್ ಆಳ್ವಿಕೆ ಮತ್ತು ಸ್ವಾತಂತ್ರ್ಯ ಹೋರಾಟದ ಬಗ್ಗೆ ನಾಲ್ಕು, ಆದರೆ ದಕ್ಷಿಣ ರಾಜ್ಯಗಳಾದ ಚೋಳ, ಪಾಂಡ್ಯ, ಪಲ್ಲವ ಮತ್ತು ಚೇರರ ಬಗ್ಗೆ ಕೇವಲ ಒಂದೇ ಅಧ್ಯಾಯವಿತ್ತು," ಎಂದು ಮಾಧವನ್ ಹೇಳಿದ್ದಾರೆ. ಚೋಳ ಸಾಮ್ರಾಜ್ಯವು 2,400 ವರ್ಷಗಳ ಇತಿಹಾಸ ಹೊಂದಿದ್ದರೆ, ಮೊಘಲರು ಮತ್ತು ಬ್ರಿಟಿಷರು ಒಟ್ಟಿಗೆ 800 ವರ್ಷಗಳ ಕಾಲ ಮಾತ್ರ ಆಳಿದ್ದಾರೆ ಎಂದು ಅವರು ಹೇಳಿದರು.
ಚೋಳರು ಸಮುದ್ರ ಯಾತ್ರೆ ಮತ್ತು ನೌಕಾಶಕ್ತಿಯಲ್ಲಿ ಪರಿಣತರಾಗಿದ್ದರು ಎಂದು ವಿವರಿಸಿದ ಮಾಧವನ್, "ಅವರು ರೋಮ್ವರೆಗೆ ಮಸಾಲೆ ವ್ಯಾಪಾರದ ಮಾರ್ಗಗಳನ್ನು ಸ್ಥಾಪಿಸಿದ್ದರು. ಆದರೆ ಈ ಇತಿಹಾಸ ಎಲ್ಲಿದೆ? ನಮ್ಮ ಶಕ್ತಿಶಾಲಿ ನೌಕಾಬಲದೊಂದಿಗೆ ಅಂಗಕೋರ್ ವಾಟ್ವರೆಗೆ ದೇವಾಲಯಗಳನ್ನು ನಿರ್ಮಿಸಿದ್ದೇವೆ ಎಂಬುದರ ಉಲ್ಲೇಖ ಎಲ್ಲಿ? ಜೈನಿಸಂ, ಬೌದ್ಧಧರ್ಮ ಮತ್ತು ಹಿಂದೂ ಧರ್ಮವು ಚೀನಾದವರೆಗೆ ವಿಸ್ತರಿಸಿತು. ಕೊರಿಯಾದಲ್ಲಿ ಜನರು ಅರ್ಧ ತಮಿಳು ಮಾತನಾಡುತ್ತಾರೆ, ಅಷ್ಟು ದೂರ ನಮ್ಮ ಭಾಷೆ ತಲುಪಿತ್ತು. ಆದರೆ ಇದೆಲ್ಲವನ್ನೂ ಕೇವಲ ಒಂದು ಅಧ್ಯಾಯದಲ್ಲಿ ಸಂಕ್ಷೇಪಿಸಲಾಗಿದೆ," ಎಂದು ಅವರು ವಿಷಾದಿಸಿದ್ದಾರೆ.
ತಮಿಳು ಭಾಷೆಯನ್ನು 'ವಿಶ್ವದ ಅತ್ಯಂತ ಹಳೆಯ ಭಾಷೆ' ಎಂದು ಕರೆದ ಮಾಧವನ್, ಅದರ ಮಹತ್ವವನ್ನು ಯಾಕೆ ಸರಿಯಾಗಿ ಗುರುತಿಸಲಾಗಿಲ್ಲ ಎಂದು ಪ್ರಶ್ನಿಸಿದ್ದಾರೆ. "ಇದು ಯಾರ ಕಥನ? ಪಠ್ಯಕ್ರಮವನ್ನು ಯಾರು ನಿರ್ಧರಿಸಿದರು? ತಮಿಳು ವಿಶ್ವದ ಅತ್ಯಂತ ಹಳೆಯ ಭಾಷೆಯಾಗಿದ್ದರೂ ಅದರ ಬಗ್ಗೆ ಯಾರಿಗೂ ತಿಳಿದಿಲ್ಲ. ನಮ್ಮ ಸಂಸ್ಕೃತಿಯಲ್ಲಿ ಅಡಗಿರುವ ವೈಜ್ಞಾನಿಕ ಜ್ಞಾನವನ್ನು ಇಂದು ಅಪಹಾಸ್ಯ ಮಾಡಲಾಗುತ್ತಿದೆ," ಎಂದು ಅವರು ಕಳವಳ ವ್ಯಕ್ತಪಡಿಸಿದ್ದಾರೆ.
ರಾಷ್ಟ್ರೀಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ಸಂಸ್ಥೆ (NCERT) ಇತ್ತೀಚೆಗೆ ಇತಿಹಾಸ ಪಠ್ಯಪುಸ್ತಕಗಳ ಕೆಲವು ಅಧ್ಯಾಯಗಳನ್ನು ಪರಿಷ್ಕರಿಸಿರುವುದಕ್ಕೆ ವ್ಯಾಪಕ ಟೀಕೆಗೆ ಒಳಗಾಗಿದೆ. ಏಳನೇ ತರಗತಿಯ ಹೊಸ ಇತಿಹಾಸ ಪಠ್ಯಕ್ರಮದಿಂದ ದೆಹಲಿ ಸುಲ್ತಾನರ ಆಡಳಿತ, ಮೊಘಲ್ ಸಾಮ್ರಾಜ್ಯ, ಸಾಮಾಜಿಕ ಚಳವಳಿಗಳು ಮತ್ತು ಜಾತಿ ವ್ಯವಸ್ಥೆಗೆ ಸಂಬಂಧಿಸಿದ ದೊಡ್ಡ ಭಾಗಗಳನ್ನು ಕೈಬಿಡಲಾಗಿದೆ. ಹೊಸದಾಗಿ ಸೇರಿಸಲಾದ ವಿಷಯಗಳಲ್ಲಿ ಮೇಕ್ ಇನ್ ಇಂಡಿಯಾ, ಬೇಟಿ ಬಚಾವ್ ಬೇಟಿ ಪಢಾವ್ನಂತಹ ಸರಕಾರಿ ಯೋಜನೆಗಳು ಮತ್ತು ಚಾರ್ ಧಾಮ್ ಯಾತ್ರೆಯಂತಹ ಧಾರ್ಮಿಕ ಯಾತ್ರೆಗಳು ಸೇರಿವೆ.
ಕೇಸರಿ ಚಾಪ್ಟರ್ 2 ಚಿತ್ರವು 1919ರ ಜಲಿಯನ್ವಾಲಾ ಬಾಗ್ ಹತ್ಯಾಕಾಂಡದ ನಂತರದ ಘಟನೆಗಳ ಕಾಲ್ಪನಿಕ ಚಿತ್ರಣವಾಗಿದ್ದು, ದಿ ಕೇಸ್ ದಟ್ ಶೂಕ್ ದಿ ಎಂಪೈರ್ ಪುಸ್ತಕವನ್ನು ಆಧರಿಸಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಜೀ ಕನ್ನಡ ನ್ಯೂಸ್ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ.
