ದರ್ಶನ್ ಸಿನಿಮಾದ ಆ ದೃಶ್ಯ ಕಾಪಿ ಮಾಡಿದ್ರಾ ಪುಷ್ಪಾ 2 ಖ್ಯಾತಿ ಅಲ್ಲು ಅರ್ಜುನ್...?

ಬೆಂಗಳೂರು: ಅಲ್ಲು ಅರ್ಜುನ್ ಅಭಿನಯದ ಪುಷ್ಪಾ 2 ಚಿತ್ರ ಈಗ ವೇಗವಾಗಿ 1000 ಕೋಟಿ ರೂ ತಲುಪಿದ ಮೊದಲ ಚಿತ್ರ ಎನ್ನುವ ಹೆಗ್ಗಳಿಕೆಯೊಂದಿಗೆ ಬಾಕ್ಸ್ ಆಫೀಸ್ ಗಲ್ಲಾ ಪೆಟ್ಟಿಗೆಯನ್ನು ಕೊಳ್ಳೆ ಹೊಡೆದಿದೆ.ಈ ಚಿತ್ರದ ಕುರಿತಾಗಿ ಮಿಶ್ರ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ.ಕೆಲವರು ಅಲ್ಲು ಅರ್ಜುನ್ ಅವರ ನಟನೆಯನ್ನು ಮೆಚ್ಚಿಕೊಂಡರೆ ಇನ್ನು ಕೆಲವರು ಈ ಚಿತ್ರದಲ್ಲಿ ಯಾವುದೇ ಕಥೆ ಇಲ್ಲ ಬರಿ ಹೈಪ್ ನೀಡಿರುವ ದೃಶ್ಯಗಳಷ್ಟೇ ಇವೆ ಎನ್ನುತ್ತಾರೆ.

ಇನ್ನು ಕೆಲವರು ಈ ಚಿತ್ರವೂ ಚಂದನವನದ ಕೆಜಿಎಫ್-2' ಹಾಗೂ 'ಕಾಂತಾರ' ಚಿತ್ರಗಳನ್ನು ಮಿಕ್ಸ್ ಮಾಡಿ ಪುಷ್ಪಾ 2 ಮಾಡಿದ್ದಾರೆ ಎನ್ನುವ ಟೀಕೆಗಳು ಸಹ ವ್ಯಕ್ತವಾಗಿವೆ.ಪುಷ್ಪಾ 2 ಚಿತ್ರದಲ್ಲಿ ಸಹೋದರಿಯೋಬ್ಬಳಿಗೆ ಲೈಂಗಿಕ ಕಿರುಕುಳ ಕೊಟ್ಟವರನ್ನು ಅಟ್ಟಾಡಿಸಿ ಪುಷ್ಪರಾಜ್ ಹೊಡೆಯುವ ದೃಶ್ಯವನ್ನು ಅದ್ಧೂರಿಯಾಗಿ ಚಿತ್ರಿಸಲಾಗಿದೆ.

ಇದನ್ನೂ ಓದಿ- ಪ್ರಪಂಚದ ಶ್ರೀಮಂತರ ಪೈಕಿ ಶ್ರೀಮಂತ ವ್ಯಕ್ತಿ ಎಲಾನ್ ಮಸ್ಕ್ ಆಸ್ತಿಯ ಮೌಲ್ಯ ಒಟ್ಟು ಎಷ್ಟು ಗೊತ್ತಾ ?

ಈ ಚಿತ್ರದ ದೃಶ್ಯವನ್ನು ನೇರವಾಗಿ ದರ್ಶನ್ ಅಭಿನಯದ ಕಾಟೇರಾ ಚಿತ್ರದಿಂದ ಯಥಾವತ್ತ್ ಆಗಿ ಕಾಪಿ ಮಾಡಲಾಗಿದೆ ಎಂದು ದರ್ಶನ್ ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.ದರ್ಶನ್ ಅಭಿನಯದ ಕಾಟೇರಾ ಚಿತ್ರವೂ ವಿಭಿನ್ನ ಕಥೆಯ ಮೂಲಕ ಬಿಡುಗಡೆಯಾಗಿ ಬಾಕ್ಸ್ ಆಫೀಸ್ ನಲ್ಲಿ ಕೊಳ್ಳೆ ಹೊಡೆದಿತ್ತು.ಈಗ ಅಭಿಮಾನಿಗಳು ಎರಡು ಚಿತ್ರದಲ್ಲಿನ ಸಾಮ್ಯತೆಯ ಬಗ್ಗೆ ಮಾತನಾಡುತ್ತಿದ್ದಾರೆ.ಅದರಲ್ಲಿ ದರ್ಶನ್ ನಟನೆಯ ಕಾಟೇರಾದಲ್ಲಿ ಎರಡೂ ಕೈಗಳನ್ನು ಹಿಂದಕ್ಕೆ ಕೋಳ ಹಾಕಿ ಹೀರೋ ನನ್ನು ಬಂಧಿಸಲಾಗಿರುತ್ತದೆ.ಆದರೆ ಆಗ ಹೀರೋ ಎರಡು ಕೈ ಬಳಸದೇ ಫೈಟ್ ಮಾಡುತ್ತಾರೆ.ಕಾಟೇರಾ ಚಿತ್ರದಲ್ಲಿನ ಕೆಲವು ಪ್ರೇಮ್ ಗಳು ಪುಷ್ಪಾ 2 ದಲ್ಲಿ ಕಾಪಿ ಮಾಡಲಾಗಿದೆ ಎಂದು ಫ್ಯಾನ್ಸ್ ಗಳು ಹೇಳುತ್ತಿದ್ದಾರೆ.ಏನೇ ಆಗಲಿ ಯಾವುದೇ ಒಂದು ಚಿತ್ರ ಯಶಸ್ವಿಯಾದಾಗ ಚಿತ್ರದಲ್ಲಿನ ಹೋಲಿಕೆ ಸಾಮಾನ್ಯವಾಗಿದೆ.