ಭೀಕರ ಕಾರು ಅಪಘಾತದಲ್ಲಿ ಖ್ಯಾತ ನಿರ್ದೇಶಕನ ಪುತ್ರ ನಿಧನ

ಮುಂಬೈ: ಅಜಯ್ ದೇವಗನ್ ಅವರ ಸನ್ ಆಫ್ ಸರ್ದಾರ್ ಚಿತ್ರದ ನಿರ್ದೇಶಕ ಅಶ್ವಿನಿ ಧೀರ್ ಅವರ 18 ವರ್ಷದ ಮಗ ಜಲಜ್ ಧೀರ್ ಕಾರು ಅಪಘಾತದಲ್ಲಿ ಮೃತಪಟ್ಟಿದ್ದಾರೆ. ಭೀಕರ ಕಾರು ಅಪಘಾತದಲ್ಲಿ ಖ್ಯಾತ ನಿರ್ದೇಶಕರ ಪುತ್ರ ಮತ್ತು ಆತನ ಸ್ನೆಹಿತ ಮೃತಪಟ್ಟಿರುವುದಾಗಿ ವರದಿಯಾಗಿದೆ. ನವೆಂಬರ್ 23 ರಂದು ರಸ್ತೆ ಅಪಘಾತದಲ್ಲಿ ಜಲಜ್ ಧೀರ್‌ ನಿಧರಾಗಿದ್ದಾರೆ. ಮುಂಬೈನ ವೈಲ್ ಪಾರ್ಲೆಯಲ್ಲಿ ವೆಸ್ಟರ್ನ್ ಎಕ್ಸ್‌ಪ್ರೆಸ್ ಹೆದ್ದಾರಿಯಲ್ಲಿ ಈ ಘಟನೆ ನಡೆದಿದೆ.

ಜಲಜ್ ಮತ್ತು ಮೂವರು ಸ್ನೇಹಿತರು ಕಾರಿನಲ್ಲಿದ್ದರು. ಕಾರು ಚಲಾಯಿಸುತ್ತಿದ್ದ ಸ್ನೇಹಿತ ಸಾಹಿಲ್ ಮೆಂಧಾ ಕುಡಿದ ಮತ್ತಿನಲ್ಲಿದ್ದರು. 120-150 ವೇಗದಲ್ಲಿ ಕಾರು ಚಲಾಯಿಸುತ್ತಿದ್ದರು ಎಂದು ವರದಿಯಾಗಿದೆ. ವಿಲೆ ಪಾರ್ಲೆಯಲ್ಲಿ ಕಾರಿನ ನಿಯಂತ್ರಣ ತಪ್ಪಿದೆ. ಇದು ಸರ್ವಿಸ್ ರಸ್ತೆ ಮತ್ತು ಉತ್ತರದ ಬದಿಯ ಸೇತುವೆಯ ನಡುವಿನ ವಿಭಜಕಕ್ಕೆ ಡಿಕ್ಕಿ ಹೊಡೆದಿದೆ.  

ಇದನ್ನೂ ಓದಿ : ಫ್ಯಾಮಿಲಿ ಜೊತೆಗೆ ಮುಂಬೈಗೆ ಶಿಫ್ಟ್‌ ಆದ ರಾಕಿ ಭಾಯ್‌..?! ಅನುಮಾನ ಹುಟ್ಟಿಸಿದ ವಿಡಿಯೋ

ಇತ್ತೀಚಿನ ಮಾಹಿತಿಯಂತೆ ಪೊಲೀಸರು ಸಾಹಿಲ್ ಮೆಂಧಾ ಅವರನ್ನು ಬಂಧಿಸಿದ್ದಾರೆ. ಮತ್ತೊಬ್ಬ ಸ್ನೇಹಿತ ಜೆಡಾನ್ ಜಿಮ್ಮಿ ಪೊಲೀಸರಿಗೆ ದೂರು ನೀಡಿದ್ದಾನೆ. ವರದಿಯ ಪ್ರಕಾರ, ನಾಲ್ವರು ಸ್ನೇಹಿತರು ಗೋರೆಗಾಂವ್ ಪೂರ್ವದಲ್ಲಿರುವ ಜಲಜ್ ಧೀರ್ ಅವರ ಮನೆಯ ಸೇರಿದ್ದಾರೆ. ಸುಮಾರು 3.30 ರವರೆಗೆ ವಿಡಿಯೋ ಗೇಮ್‌ ಆಡಿದ್ದಾರ. ನಂತರ ಲಾಂಗ್ ಡ್ರೈವ್‌ಗಾಗಿ ಬಾಂದ್ರಾಕ್ಕೆ ತೆರಳಿದ್ದಾರೆ. ಬಾಂದ್ರಾದ ರೆಸ್ಟೋರೆಂಟ್‌ನಲ್ಲಿ ತಿಂಡಿ ತೆಗೆದುಕೊಂಡಿದ್ದಾರೆ. ನಂತರ ಸುಮಾರು 4.10 ರು ಸುಮಾರಿಗೆ ಗೋರೆಗಾಂವ್ ಪೂರ್ವಕ್ಕೆ ಹಿಂದಿರುಗಿದ್ದಾರೆ.

ಹೆದ್ದಾರಿಯಲ್ಲಿರುವ ಸಹಾರಾ ಸ್ಟಾರ್ ಹೋಟೆಲ್ ಬಳಿ ಅಪಘಾತ ಸಂಭವಿಸಿದೆ. ಸಾಹಿಲ್ ಮತ್ತು ಜಿಮ್ಮಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಹಿಂಬದಿ ಸೀಟಿನಲ್ಲಿ ಕುಳಿತಿದ್ದ ಜಲಜ್ ಮತ್ತು ಸಾರ್ಥಕ್ ತೀವ್ರವಾಗಿ ಗಾಯಗೊಂಡಿದ್ದರು. ಇಬ್ಬರನ್ನೂ ಜೋಗೇಶ್ವರಿ ಪೂರ್ವದಲ್ಲಿರುವ ಆಸ್ಪತ್ರೆಗೆ ಕರೆದೊಯ್ಯಲಾಯಿತು ಮತ್ತು ನಂತರ ಕೋಕಿಲಾಬೆನ್ ಧೀರೂಭಾಯ್ ಅಂಬಾನಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಯಿತು, ಅಲ್ಲಿ ವೈದ್ಯರು ಅವರು ಸಾವನ್ನಪ್ಪಿದ್ದಾರೆ ಎಂದು ತಿಳಿಸಿದ್ದಾರೆ. ಇತ್ತೀಚಿನ ಮಾಹಿತಿಯ ಪ್ರಕಾರ, ಪೊಲೀಸರು ಸಾಹಿಲ್ ಮೆಂಧಾ ವಿರುದ್ಧ ಮೋಟಾರು ವಾಹನ ಕಾಯ್ದೆಯ ವಿವಿಧ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. 

ಇದನ್ನೂ ಓದಿ : ​ವಿಚ್ಛೇದನ ವದಂತಿ ನಡುವೆ ಪತ್ನಿ ಐಶ್ವರ್ಯ ರೈ ಹಾಗೂ ಮಗಳ ಜೊತೆ ಅಭಿಷೇಕ್‌ ಬಚ್ಚನ್‌ ಜಾಲಿ ರೌಂಡ್ಸ್‌..! ಫೋಟೋಸ್‌ ವೈರಲ್‌

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.