ಅಮೀರ್‌ ನನಗೆ ಗರ್ಭಪಾತ ಮಾಡಿಸಿಕೊಳ್ಳಲು ಹೇಳಿದ, ಅವರೇ ನನ್ನ ಮಗುವಿನ ತಂದೆ..! ಶಾಕಿಂಗ್‌ ವಿಚಾರ ಬಿಚ್ಚಿಟ್ಟ ನಟಿ

Jessica Hines on Aamir khan : ಬಾಲಿವುಡ್ ಸೆಲೆಬ್ರಿಟಿಗಳ ವಿಷಯಕ್ಕೆ ಬಂದರೆ, ಸಿನಿಮಾಗಳಿಗಿಂತ ಅವರ ಖಾಸಗಿ ಜೀವನದ ಬಗ್ಗೆ ಯಾವಾಗಲೂ ಚರ್ಚೆ ನಡೆಯುತ್ತದೆ. ಅಲ್ಲದೆ, ಸೆಲೆಬ್ರಿಟಿಗಳ ವೈಯಕ್ತಿಕ ವಿಚಾರಗಳು ಆಗಾಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿರುತ್ತವೆ. ಮದುವೆಯ, ಡೇಟಿಂಗ್‌, ಡಿವೋರ್ಸ್‌ ಹೀಗೆ ಒಂದಲ್ಲ ಒಂದು ವಿಚಾರವಾಗಿ ಸುದ್ದಿಯಲ್ಲಿರುತ್ತಾರೆ. ಇದೀಗ ನಟ ಅಮೀರ್‌ ಖಾನ್‌ ಕುರಿತು ಶಾಕಿಂಗ್‌ ವಿಚಾರವೊಂದು ಬಹಿರಂಗವಾಗಿದೆ..

Aamir Khan affairs: ಬಾಲಿವುಡ್ ಸ್ಟಾರ್‌ ನಟ ಆಮಿರ್ ಖಾನ್ ಅವರ ಸಿನಿಮಾಗಳ ಬಗ್ಗೆ ಹೆಚ್ಚು ಹೇಳಬೇಕಾಗಿಲ್ಲ.. ಅದರಂತೆ ವೈಯಕ್ತಿಕ ಜೀವನದ ಕಾರಣದಿಂದಾಗಿ ಸದಾ ಸುದ್ದಿಯಲ್ಲಿರುತ್ತಾರೆ. ಆಮಿರ್ ಖಾನ್ ಎರಡು ಬಾರಿ ವಿವಾಹವಾದರು ಮತ್ತು ಇಬ್ಬರೂ ಪತ್ನಿಯರಿಂದ ವಿಚ್ಛೇದನ ಪಡೆದರು. ಕಿರಣ್ ರಾವ್ ಅವರನ್ನು ಮದುವೆಯಾದ ನಂತರ, 'ದಂಗಲ್ ಗರ್ಲ್' ಫಾತಿಮಾ ಸನಾ ಶೇಖ್ ಅವರೊಂದಿಗೆ ಸಂಬಂಧ ಹೊಂದಿರುವುದಾಗಿ ಸುದ್ದಿಯಾಗಿತ್ತು. ಆದರೆ, ಈ ಬಗ್ಗೆ ಅಮೀರ್ ಖಾನ್ ಅಥವಾ ಫಾತಿಮಾ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

Add Zee News as a Preferred Source

ಫಾತಿಮಾ ಸನಾ ಶೇಖ್ ಜೊತೆಗಿನ ಸಂಬಂಧಕ್ಕೂ ಮುನ್ನ ಹಲವು ವರ್ಷಗಳ ಕಾಲ ಆಮಿರ್ ಅವರ ವಿವಾಹೇತರ ಸಂಬಂಧಗಳ ಬಗ್ಗೆ ಸಾಕಷ್ಟು ಚರ್ಚೆ ನಡೆಯುತ್ತಿತ್ತು. ಆ ಸಮಯದಲ್ಲಿ, ಅವರು ರೀನಾ ದತ್ತಾ ಅವರನ್ನು ವಿವಾಹವಾದರು. ಅದೇ ವೇಳೆ ಅಮೀರ್‌ ಹೆಸರು ವಿದೇಶಿ ಪತ್ರಕರ್ತೆಹೊಂದಿಗೆ ಕೇಳಿ ಬಂದಿತ್ತು. ರೀನಾ ದತ್ತಾ ಅವರನ್ನು ಮದುವೆಯಾಗುವ ಮೊದಲು ನಟ ಬ್ರಿಟಿಷ್ ಪತ್ರಕರ್ತೆ ಮತ್ತು ಲೇಖಕಿ ಜೆಸ್ಸಿಕಾ ಹೈನ್ಸ್ ಅವರೊಂದಿಗೆ ಸಂಬಂಧ ಹೊಂದಿದ್ದರು ಎಂದು ಆ ಸಮಯದಲ್ಲಿ ಮಾಧ್ಯಮ ವರದಿ ಮಾಡಿದ್ದವು..

ಇದನ್ನೂ ಓದಿ:ಒಂದು ಕಾಲದಲ್ಲಿ ಕ್ರೇಜಿ ಹೀರೋಯಿನ್.. ಇಂದು ಬ್ಯಾಡ್ಮಿಂಟನ್ ಆಟಗಾರ್ತಿ! ಯಾರು ಗೊತ್ತೇ?

ಜೆಸ್ಸಿಕಾ ಮತ್ತು ಆಮಿರ್ ಮೊದಲು ಭೇಟಿಯಾದದ್ದು 'ಗುಲಾಮ್' ಚಿತ್ರದ ಸೆಟ್‌ನಲ್ಲಿ. 2005 ರಲ್ಲಿ, ಒಂದು ನಿಯತಕಾಲಿಕೆಯು ಬ್ರಿಟಿಷ್ ಮಹಿಳಾ ಪತ್ರಕರ್ತೆಯೊಂದಿಗೆ ಆಮಿರ್ ಅವರ ಸಂಬಂಧದ ಬಗ್ಗೆ ಬರೆದಿದೆ. ಜೆಸ್ಸಿಕಾ ಕೂಡ ಆಮಿರ್ ಜೊತೆಗಿನ ಸಂಬಂಧವನ್ನು ಒಪ್ಪಿಕೊಂಡಿದ್ದರು. ಇಬ್ಬರೂ ಲಿವ್-ಇನ್ ಸಂಬಂಧದಲ್ಲಿ ಇರುವುದಾಗಿ ಸುದ್ದಿ ಹಬ್ಬಿತ್ತು.

ಅಷ್ಟೇ ಅಲ್ಲದೆ, ಲಿವ್‌ಇನ್‌ ಸಂಬಂಧದಲ್ಲಿ ಇದ್ದಾಗ ಜೆಸ್ಸಿಕಾ ಗರ್ಭಿಣಿಯಾಗಿದ್ದರು ಎಂದು ಹೇಳಿಕೊಂಡಿದ್ದಾರೆ. ಅಲ್ಲದೆ, ಆ ವೇಳೆ ಆಮಿರ್ ಗರ್ಭಪಾತ ಮಾಡಿಸಿಕೊಳ್ಳುವಂತೆ ಸಲಹೆ ನೀಡಿದ್ದರು ಎಂದು ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.. ಆದರೆ ಜೆಸ್ಸಿಕಾ ಹಾಗೆ ಮಾಡಲಿಲ್ಲ ಮತ್ತು ಗಂಡು ಮಗುವಿಗೆ ಜನ್ಮ ನೀಡಿದಳು. ಜೆಸ್ಸಿಕಾ ಪ್ರಕಾರ, ಜಾನ್ ಆಮಿರ್ ಖಾನ್ ಅವರ ಮಗ. ಆದರೆ ಆಮಿರ್ ಖಾನ್ ಈ ಬಗ್ಗೆ ಎಂದಿಗೂ ಪ್ರತಿಕ್ರಿಯಿಸಲಿಲ್ಲ.