ಮುಂಬೈ: ಭಾರತದಲ್ಲಿ ಆಪಲ್ ಸಿಇಒ ಟಿಮ್ ಕುಕ್ ಭಾರತೀಯರಂತೆ ವರ್ತಿಸುತ್ತಾರೆ. ಇದು ಅನೇಕ ಬಾರಿ ನೆಟ್ಟಿಗರ ಮನಗೆದ್ದಿದೆ. ಮುಂಬೈನ ಪ್ರಸಿದ್ಧ ಉಪಾಹಾರ ಗೃಹದಲ್ಲಿ ಬಾಲಿವುಡ್ ನಟಿ ಮಾಧುರಿ ದೀಕ್ಷಿತ್ ಜೊತೆ ಟಿಮ್ ಕುಕ್ ವಡಾ ಪಾವ್ ತಿನ್ನುತ್ತಿರುವ ಫೋಟೋ ಎಲ್ಲರ ಗಮನಸೆಳೆದಿದೆ. ಈ ಕ್ಷಣವನ್ನು ಮಾಧುರಿ ಟ್ವೀಟ್ ಮೂಲಕ ಹಂಚಿಕೊಂಡಿದ್ದಾರೆ, ಅದರಲ್ಲಿ "ಮುಂಬೈಗೆ ಉತ್ತಮ ಸ್ವಾಗತ ಕೋರಲು ವಡಾ ಪಾವ್‌ಗಿಂತ ಬೇರೆ ಏನನ್ನೂ ಯೋಚಿಸಲು ಸಾಧ್ಯವಿಲ್ಲ!" ಎಂದು ಬರೆದಿದ್ದಾರೆ.
ಕುಕ್ ಅವರು ತಮ್ಮ ಟ್ವೀಟ್‌ನೊಂದಿಗೆ ಇದಕ್ಕೆ ಪ್ರತಿಕ್ರಿಯಿಸಿದ್ದಾರೆ. ಅದರಲ್ಲಿ ಅವರು ರುಚಿಯಾದ ಪದಾರ್ಥವನ್ನು ಪರಿಚಯಿಸಿದ್ದಕ್ಕಾಗಿ ಬಾಲಿವುಡ್ ಶ್ರೇಷ್ಠರಿಗೆ ಧನ್ಯವಾದ ಎಂದಿದ್ದಾರೆ. ವಡಾ ಪಾವ್ ಅನ್ನು ನನಗೆ ಪರಿಚಯಿಸಿದ್ದಕ್ಕಾಗಿ @madhuridixit ಅವರಿಗೆ ಧನ್ಯವಾದಗಳು. ಇದು ರುಚಿಕರವಾಗಿತ್ತು! ಎಂದು ಕುಕ್ ಟ್ವೀಟ್ ಮಾಡಿದ್ದಾರೆ.
Can’t think of a better welcome to Mumbai than Vada Pav! pic.twitter.com/ZA7TuDfUrv
— Madhuri Dixit Nene (@MadhuriDixit) April 17, 2023
ಇದನ್ನೂ ಓದಿ: Kasturi Nivasa: ಕಸ್ತೂರಿ ನಿವಾಸದಲ್ಲಿ ರಾಜ್‌ಕುಮಾರ್‌ ಬದಲು ನಟಿಸಬೇಕಿತ್ತಂತೆ ಈ ನಟ.!
ಭಾರತದಲ್ಲಿ ಭಾರತೀಯರ ಜೊತೆ ದೇಸಿಯಂತೆ ಕುಕ್ ವರ್ತಿಸುವುದು ಇದೇ ಮೊದಲೇನಲ್ಲ. 2016 ರಲ್ಲಿ ಕಾನ್ಪುರದಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯವನ್ನು ಕುಕ್ ಆನಂದಿಸಿದ್ದರು. ಗುಜರಾತ್ ಲಯನ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವಿನ ಪಂದ್ಯವನ್ನು ಅಂದಿನ ಐಪಿಎಲ್ ಅಧ್ಯಕ್ಷ ರಾಜೀವ್ ಶುಕ್ಲಾ ಅವರ ಜೊತೆ ವೀಕ್ಷಿಸಿದ್ದರು.
ಮುಂಬೈನಲ್ಲಿ ಆಪಲ್‌ನ ಮೊದಲ ಸ್ಟೋರ್‌ನ ತೆರೆಯಲು ಕುಕ್ ಭಾರತದಲ್ಲಿದ್ದಾರೆ. ಮಂಗಳವಾರ ಮುಂಬೈನಲ್ಲಿ ಆಪಲ್ ಸ್ಟೋರ್‌ ಉದ್ಘಾಟನೆ ನಡೆಯಿತು. ಕೆಲವು ವರದಿಗಳು ಮೊದಲ ದಿನದಲ್ಲಿ 5,000 ಕ್ಕೂ ಹೆಚ್ಚು ಜನಸಂದಣಿ ಇತ್ತು ಎಂದಿವೆ. ಕುಕ್ ಇದೀಗ ರಾಷ್ಟ್ರ ರಾಜಧಾನಿ ದೆಹಲಿಗೆ ಹಾರುವ ನಿರೀಕ್ಷೆಯಿದೆ, ಅಲ್ಲಿ ಇದೇ ರೀತಿಯ ಆಪಲ್ ಅನ್ನು ಏಪ್ರಿಲ್ 20 ರಂದು ಪ್ರಾರಂಭಿಸಲಾಗುವುದು. ಅಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಕೇಂದ್ರ ಸಚಿವ ಅಶ್ವಿನಿ ವೈಷ್ಣವ್ ಅವರನ್ನು ಭೇಟಿ ಮಾಡುವ ನಿರೀಕ್ಷೆಯಿದೆ.
ಭಾರತಕ್ಕೆ ಬಂದ ಮೊದಲ ದಿನದಂದು ಕುಕ್, ಶ್ರೀಮಂತ ಭಾರತೀಯ ಮುಕೇಶ್ ಅಂಬಾನಿ ಅವರ ಮನೆ ಆಂಟಿಲ್ಲಾಗೆ ಭೇಟಿ ನೀಡಿದರು. ಟಾಟಾ ಸನ್ಸ್ ಅಧ್ಯಕ್ಷ ಎನ್ ಚಂದ್ರಶೇಖರನ್ ಸೇರಿದಂತೆ ಇತರ ಉನ್ನತ ಕೈಗಾರಿಕೋದ್ಯಮಿಗಳನ್ನು ಭೇಟಿಯಾದರು.
ಇದನ್ನೂ ಓದಿ: Pooja Hegde : ಕೆಜಿಎಫ್‌ 3 ನಲ್ಲಿ ಪೂಜಾ ಹೆಗ್ಡೆ!? ಯಶ್‌ ಭೇಟಿಯಾಗಿದ್ದೇಕೆ ಸೌತ್‌ ಬ್ಯೂಟಿ!!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
