ಎಷ್ಟೇ ಬೆದರಿಕೆಗಳು ಬಂದರೂ, ಈ ವ್ಯಕ್ತಿ ಜೊತೆಗಿರುವವರೆಗೆ ಸಲ್ಮಾನ್ ಖಾನ್‌ನ ಒಂದು ಕೂದಲನ್ನೂ ಕೀಳಲು ಸಾಧ್ಯವಿಲ್ಲ!

Salman Khan Bodyguard Shera : ಬಾಲಿವುಡ್ ನಟ ಸಲ್ಮಾನ್ ಖಾನ್ ಗೆ ಮತ್ತೊಮ್ಮೆ ಬೆದರಿಕೆ ಬಂದಿದೆ. ಆದರೆ, ಸಲ್ಮಾನ್ ಖಾನ್ ಅವರಿಗೆ ಬೆದರಿಕೆಗಳು ಬರುತ್ತಿರುವುದು ಇದೇ ಮೊದಲಲ್ಲ. ಈ ನಟನಿಗೆ ಈ ಹಿಂದೆಯೂ ಹಲವು ಬಾರಿ ಬೆದರಿಕೆ ಕರೆಗಳು ಬಂದಿದ್ದವು. ಗ್ಯಾಂಗಸ್ಟರ್ ​​ಲಾರೆನ್ಸ್ ಬಿಷ್ಣೋಯ್ ಮತ್ತು ಗೋಲ್ಡಿ ಬ್ರಾರ್ ಅವರಿಂದ ನಟನಿಗೆ ಹಲವಾರು ಬಾರಿ ಬೆದರಿಕೆ ಇದೆ. ಕಳೆದ ವರ್ಷವೂ ಅವರ ಮನೆ ಮೇಲೆ ದಾಳಿ ನಡೆದಿತ್ತು.

Salman Khan: ಬಾಲಿವುಡ್ ನಟ ಸಲ್ಮಾನ್ ಖಾನ್ ಮತ್ತೊಮ್ಮೆ ಸುದ್ದಿಯಲ್ಲಿದ್ದು, ಬಾಯಿಜಾನ್‌ಗೆ ಮತ್ತೊಮ್ಮೆ ಬೆದರಿಕೆ ಬಂದಿದೆ ಎಂದು ವರದಿಯಾಗಿದೆ.. ಮುಂಬೈನ ವರ್ಲಿಯಲ್ಲಿರುವ ಸಾರಿಗೆ ಇಲಾಖೆಯ ವಾಟ್ಸಾಪ್ ಸಂಖ್ಯೆಗೆ ನಟನಿಗೆ ಬೆದರಿಕೆ ಸಂದೇಶ ಕಳುಹಿಸಲಾಗಿದೆ. ಇದರಲ್ಲಿ ಸಲ್ಮಾನ್ ಖಾನ್ ಅವರ ಮನೆಗೆ ನುಗ್ಗಿ ಅವರ ಕಾರನ್ನು ಬಾಂಬ್ ಇಟ್ಟು ಸ್ಫೋಟಿಸುವುದಾಗಿ ಬೆದರಿಕೆ ಹಾಕಲಾಗಿದೆ. ಸಂದೇಶ ಕಳುಹಿಸಿದ ಅಪರಿಚಿತ ವ್ಯಕ್ತಿಯ ವಿರುದ್ಧ ವರ್ಲಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಬೆದರಿಕೆ ಹಾಕಿದ್ಯಾರು ಎಂಬುದು ಇಲ್ಲಿವರೆಗೂ ತಿಳಿದುಬಂದಿಲ್ಲ.. ಅಲ್ಲದೇ ಈ ಬಗ್ಗೆ ಸಲ್ಮಾನ್ ಖಾನ್ ಮತ್ತು ಅವರ ಕುಟುಂಬದಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ. ಸಲ್ಮಾನ್ ಖಾನ್ ಅಭಿಮಾನಿಗಳು ಅವರು ಮತ್ತೆ ಬೆದರಿಕೆ ಕರೆಗಳನ್ನು ಸ್ವೀಕರಿಸುತ್ತಿರುವುದರಿಂದ ಆತಂಕಗೊಂಡಿದ್ದಾರೆ.

Add Zee News as a Preferred Source

ಸಲ್ಮಾನ್ ಖಾನ್ ಅವರಿಗೆ ಈ ಹಿಂದೆಯೂ ಹಲವು ಬಾರಿ ಬೆದರಿಕೆ ಕರೆಗಳು ಬಂದಿವೆ. ​​ಲಾರೆನ್ಸ್ ಬಿಷ್ಣೋಯ್ ಮತ್ತು ಗೋಲ್ಡಿ ಬ್ರಾರ್ ಅವರಿಂದ ನಟನಿಗೆ ಹಲವಾರು ಬಾರಿ ಬೆದರಿಕೆ ಇದೆ. ಕಳೆದ ವರ್ಷವೂ ಅವರ ಮನೆ ಮೇಲೆ ದಾಳಿ ನಡೆದಿತ್ತು. ಇಷ್ಟೆಲ್ಲಾ ಬೆದರಿಕೆಗಳ ನಡುವೆಯೂ, ಸಲ್ಮಾನ್ ಖಾನ್ ಜೊತೆ ನೆರಳಿನಂತೆ ಬದುಕುವ ಮತ್ತು ಅವರ ಸುರಕ್ಷತೆಗಾಗಿ ತಮ್ಮ ಪ್ರಾಣವನ್ನೇ ಕೊಡುವ ಸಾಮರ್ಥ್ಯವಿರುವ ಒಬ್ಬ ವ್ಯಕ್ತಿ ಇದ್ದಾರೆ. ಈ ವ್ಯಕ್ತಿ ಬೇರೆ ಯಾರೂ ಅಲ್ಲ, ಅವನ ಬಾಡಿಗಾರ್ಡ್ ಶೇರಾ.

ಇದನ್ನೂ ಓದಿ : ಈ ಗಿಡ ಹಾವುಗಳ ಶತ್ರು.. ನಿಮ್ಮ ಮನೆಯ ಬಾಗಿಲಲ್ಲಿ ಇದನ್ನು ನೆಟ್ಟರೆ, ಸಣ್ಣ ವಿಷ ಸರ್ಪ ಸಹ ಹೊಸಲು ದಾಟೊಲ್ಲ! ಅಪ್ಪಿ ತಪ್ಪಿ ಬಂದ್ರೂ ಜೀವಂತವಾಗಿ ವಾಪ್‌ ಹೋಗಲ್ಲ

ಶೇರಾ ಮತ್ತು ಸಲ್ಮಾನ್ ಖಾನ್ ಅವರ ಸ್ನೇಹ ದಶಕಗಳಷ್ಟು ಹಳೆಯದು. ಶೇರಾ 1995 ರಿಂದ ಸಲ್ಮಾನ್ ಖಾನ್ ಅವರ ಭದ್ರತಾ ಜವಾಬ್ದಾರಿಯನ್ನು ಹೊತ್ತಿದ್ದಾರೆ. ಶೇರಾ ಅವರೊಂದಿಗೆ ಇರುವವರೆಗೆ ಯಾರೂ ಅವರ ಕೂದಲನ್ನು ಸಹ ಕೀಳಲು ಸಾಧ್ಯವಿಲ್ಲ ಎಂದು ಹೇಳಲಾಗುತ್ತದೆ. ಸಲ್ಮಾನ್ ಖಾನ್ ಸ್ವತಃ ಶೇರಾಳನ್ನು ತಮ್ಮ ಕುಟುಂಬದ ಸದಸ್ಯ ಎಂದು ಪರಿಗಣಿಸುತ್ತಾರೆ. ಹಾಗಾಗಿ ಶೇರಾ ಸಲ್ಮಾನ್ ಖಾನ್ ಅವರನ್ನು ತನ್ನ ಸಹೋದರ ಎಂದು ಪರಿಗಣಿಸುತ್ತಾರೆ. ಬಾಡಿಗಾರ್ಡ್ ಶೇರಾ ಸಲ್ಮಾನ್ ಖಾನ್ ಜೊತೆ ನೆರಳಿನಂತೆ ವಾಸಿಸುತ್ತಾನೆ.

ಸಲ್ಮಾನ್ ಖಾನ್ ಮತ್ತು ಅವರ ಕುಟುಂಬಕ್ಕೆ 2024 ರಲ್ಲಿ ಅತಿ ದೊಡ್ಡ ಹೊಡೆತ ಬಿದ್ದಿತು. ಎಂದರೇ ನಟನ ಮನೆ ಗ್ಯಾಲಕ್ಸಿ ಅಪಾರ್ಟ್ಮೆಂಟ್ ಹೊರಗೆ ಗುಂಡಿನ ದಾಳಿ ನಡೆಯಿತು. ಈ ಸಮಯದಲ್ಲಿ ಯಾವುದೇ ಜೀವ ಅಥವಾ ಆಸ್ತಿಪಾಸ್ತಿ ನಷ್ಟ ಸಂಭವಿಸಿಲ್ಲ. ಗ್ಯಾಲಕ್ಸಿ ಅಪಾರ್ಟ್‌ಮೆಂಟ್‌ನಲ್ಲಿ ಗುಂಡಿನ ದಾಳಿ ನಡೆದಾಗ ಸಲ್ಮಾನ್ ಖಾನ್ ತಮ್ಮ ಮನೆಯಲ್ಲಿದ್ದರು. ಈ ಬಗ್ಗೆ ಶೇರಾ ಮಾಧ್ಯಮಗಳೊಂದಿಗೆ ಮಾತನಾಡುತ್ತಾ, 'ನಾನು ಬದುಕಿರುವವರೆಗೂ, ನನ್ನ ಸಹೋದರನೊಂದಿಗೆ ಇರುತ್ತೇನೆ ಮತ್ತು ಅವನನ್ನು ರಕ್ಷಿಸುತ್ತೇನೆ.. ನನ್ನ ಅಣ್ಣನ ಮೇಲೆ ಒಂದೇ ಒಂದು ಏಟು ಬೀಳಲು ನಾನು ಬಿಡುವುದಿಲ್ಲ. ಸಲ್ಮಾನ್ ಖಾನ್ ಮಾತ್ರವಲ್ಲ, ಅವರ ಇಡೀ ಕುಟುಂಬ ಕೂಡ ನನ್ನದೇ ಜವಾಬ್ದಾರಿ. ನಾನು ಅವರ ಜೊತೆಗಿರುವವರೆಗೂ ಸಲ್ಮಾನ್ ಖಾನ್ ಅವರ ಹತ್ತಿರ ಸುಳಿಯಲೂ ಬಿಡುವುದಿಲ್ಲʼ ಎಂದಿದ್ದರು.. 

ಶೇರಾ ಯಾರು?
ಶೇರಾ ಅವರ ನಿಜವಾದ ಹೆಸರು ಗುರ್ಮೀತ್ ಸಿಂಗ್ ಜಾಲಿ, ಅವರು ಪಂಜಾಬ್ ನಿವಾಸಿ. ಶೇರಾ 1995 ರಿಂದ ಸಲ್ಮಾನ್ ಖಾನ್ ಜೊತೆ ಇದ್ದಾರೆ. ಸಲ್ಮಾನ್ ಖಾನ್ ಶೇರಾ ಅವರನ್ನು ತನ್ನ ಕುಟುಂಬದ ಸದಸ್ಯನೆಂದೇ ಎಂದು ಪರಿಗಣಿಸುತ್ತಾರೆ ಮತ್ತು ಆತನನ್ನು ಯಾವಾಗಲೂ ತಮ್ಮ ಜೊತೆಯಲ್ಲಿಯೇ ಇಟ್ಟುಕೊಳ್ಳುತ್ತಾರೆ. ಸಲ್ಮಾನ್ ಖಾನ್ ಅವರನ್ನು ರಕ್ಷಿಸುವುದರ ಜೊತೆಗೆ, ಶೇರಾ ಸೆಕ್ಯುರಿಟಿ ಗಾರ್ಡ್ ಏಜೆನ್ಸಿಯನ್ನು ಸಹ ಪ್ರಾರಂಭಿಸಿದ್ದಾರೆ, ಅದರ ಮೂಲಕ ಅವರು ಇತರ ಸೆಲೆಬ್ರಿಟಿಗಳಿಗೂ ಭದ್ರತೆಯನ್ನು ಒದಗಿಸುತ್ತಾರೆ.