ಮುಂಬೈ: ಬಾಲಿವುಡ್ ನಟಿ ಶಿಲ್ಪಾಶೆಟ್ಟಿ ಮತ್ತು ರಾಜ್ ಕುಂದ್ರಾ ದಂಪತಿಗಳು ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.
ಈ ಸಂಗತಿಯನ್ನು ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ.'ನಮ್ಮ ಕುಟುಂಬದ ಹೊಸ ಸದಸ್ಯ ಸಮಿಶಾ ಶೆಟ್ಟಿ ಕುಂದ್ರಾ ಅವರನ್ನು ಘೋಷಿಸಲು ನನಗೆ ಎಷ್ಟು ಸಂತೋಷವಾಗಿದೆ ಎಂದು ವ್ಯಕ್ತಪಡಿಸಲು ಸಾಧ್ಯವಿಲ್ಲ' ಎಂದು ಬರೆದುಕೊಂಡಿದ್ದಾರೆ. ಶಿಲ್ಪಾ ಮತ್ತು ರಾಜ್ ಅವರ ಪುತ್ರಿ ಸಮಿಶಾ ಶೆಟ್ಟಿ ಕುಂದ್ರಾ ಫೆಬ್ರವರಿ 15 ರಂದು ಜನಿಸಿದರು.
ಶಿಲ್ಪಾ ತನ್ನ ಹೆಣ್ಣು ಮಗುವಿನ ಮೊದಲ ನೋಟವನ್ನು ಇನ್ಸಾಗ್ರಾಂನಲ್ಲಿ ಹಂಚಿಕೊಂಡು ಈ ರೀತಿ ಬರೆದುಕೊಂಡಿದ್ದಾರೆ, “ನಮ್ಮ ಪ್ರಾರ್ಥನೆಗಳಿಗೆ ಪವಾಡದಿಂದ ಉತ್ತರಿಸಲಾಗಿದೆ.ನಮ್ಮ ಹೃದಯದಲ್ಲಿ ಕೃತಜ್ಞತೆಯೊಂದಿಗೆ, ನಮ್ಮ ಪುಟ್ಟ ಏಂಜಲ್ ಸಮಿಶಾ ಶೆಟ್ಟಿ ಕುಂದ್ರಾ ಅವರ ಆಗಮನವನ್ನು ಘೋಷಿಸಲು ನಾವು ರೋಮಾಂಚನಗೊಂಡಿದ್ದೇವೆ. ಜನನ: ಫೆಬ್ರವರಿ 15, 2020, ಮನೆಯಲ್ಲಿ ಜೂನಿಯರ್ ಎಸ್ಎಸ್ಕೆ, ಸಂಸ್ಕೃತದಲ್ಲಿ ‘ಸಾ’ ಎಂದರೆ “ಹೊಂದಿರಬೇಕು”, ಮತ್ತು ರಷ್ಯನ್ ಭಾಷೆಯಲ್ಲಿ ‘ಮಿಶಾ’ ಎಂದರೆ “ದೇವರಂತೆ ಯಾರಾದರೂ. ಎಂದು ಬರೆದುಕೊಂಡಿದ್ದಾರೆ.ಪಿಟಿಐ ಪ್ರಕಾರ, ಸರೊಗಸಿ ಮೂಲಕ ಅವರಿಗೆ ಹೆಣ್ಣು ಮಗು ಜನಿಸಿದೆ ಎನ್ನಲಾಗಿದೆ.
ಶಿಲ್ಪಾ ಸುದ್ದಿ ಹಂಚಿಕೊಂಡ ಕೂಡಲೇ ಭೂಮಿ ಪೆಡ್ನೇಕರ್, ಮಲೈಕಾ ಅರೋರಾ, ನೇಹಾ ಧೂಪಿಯಾ, ದಿಯಾ ಮಿರ್ಜಾ, ಸೋನಾಲಿ ಬೆಂದ್ರೆ ಮತ್ತು ಸೋಫಿ ಚೌದ್ರಿ ಇತರರು ಶೆಟ್ಟಿ ಕುಟುಂಬಕ್ಕೆ ಸಾಕಷ್ಟು ಪ್ರೀತಿ ಮತ್ತು ಶುಭಾಶಯಗಳನ್ನು ಕೋರಿದರು. ಶಿಲ್ಪಾ ಶೆಟ್ಟಿ 2009 ರಲ್ಲಿ ಉದ್ಯಮಿ ರಾಜ್ ಕುಂದ್ರಾ ಅವರನ್ನು ವಿವಾಹವಾದರು. ಅವರ ಮಗ ವಯಾನ್ 2012 ರಲ್ಲಿ ಜನಿಸಿದರು.