ಬೇಕಂತಲೇ ನಾಯಿ ಕಚ್ಚಿಸಿದ್ರು, ಗಾಯವಾದ್ರು ನೋಡುತ್ತ ನಿಂತ್ರು : ದರ್ಶನ್​ ವಿರುದ್ಧ ಮಹಿಳೆ ಆರೋಪ

ಬೆಂಗಳೂರು: ಸ್ಯಾಂಡಲ್‌ವುಡ್ ಚಾಲೆಂಜಿಂಗ್‌ ಸ್ಟಾರ್ ದರ್ಶನ್ ತೂಗುದೀಪ ಅವರ ಸಾಕು ನಾಯಿಗಳು ಮಹಿಳೆಯೊಬ್ಬರಿಗೆ ಕಚ್ಚಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಜರಾಜೇಶ್ವರಿನಗರ ಪೊಲೀಸರು ಇಬ್ಬರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.

ದೂರುದಾರರಾದ ಅಮಿತಾ ಜಿಂದಾಲ್ ಅವರಿಗೆ ಕಳೆದ ವಾರ ದರ್ಶನ್ ಅವರ ಸಾಕು ನಾಯಿಗಳು ಕಚ್ಚಿದ್ದವು. ಆರ್‌ಆರ್‌ನಗರದಲ್ಲಿರುವ ದರ್ಶನ್‌ ಅವರ ಮನೆಯ ಪಕ್ಕದ ಖಾಲಿ ಜಾಗದಲ್ಲಿ ಕಾರನ್ನು ನಿಲ್ಲಿಸಿದ್ದರು ಎಂದು ವಕೀಲೆ ಅಮಿತಾ ದೂರಿನಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ : ಸಲಾರ್‌ ಸಿನಿಮಾ ತಂಡಕ್ಕೆ ಸೇರಿಕೊಂಡ ಸ್ಯಾಂಡಲ್ವುಡ್‌ ನಟ: ಪ್ರಭಾಸ್‌ ಜೊತೆಯಾದ ವಸಿಷ್ಠ ಸಿಂಹ

ನಾನು ನನ್ನ ಕಾರನ್ನು ತೆಗೆಯಲು ಹೋದಾಗ, ಇಬ್ಬರು ಕೇರ್‌ಟೇಕರ್‌ಗಳು ನನ್ನೊಂದಿಗೆ ಜಗಳವಾಡಿದರು. ಅಲ್ಲಿ ಮೂರು ನಾಯಿಗಳು ಇದ್ದವು ಮತ್ತು ಒಂದನ್ನು ಬಿಡಲಾಯಿತು. ವಾಗ್ವಾದ ಜೋರಾದಾಗ ನನ್ನ ಮೇಲೆ ಡಾಗ್‌ ಅಟ್ಯಾಕ್‌ ಮಾಡಿದವು. ಚೈನ್‌ ಸಡಿಲವಾಗಿದ್ದ ನಾಯಿ ತನ್ನ ಮೇಲೆ ಎರಗಿತು ಮತ್ತು ಇನ್ನೊಂದು ಬಟ್ಟೆಗಳನ್ನು ಹರಿದು ಹಾಕಿತು ಎಂದು ಅಮಿತಾ ಹೇಳಿದ್ದಾರೆ. 

ನಾಯಿ ಹಿಡಿದುಕೊಳ್ಳುವಂತೆ ಹೇಳಿದರೂ ನನ್ನ ಜೊತೆ ಜಗಳ ಮಾಡಿದರು. ಆಗ ನಾಯಿ ನನ್ನ ಮೇಲೆ ಅಟ್ಯಾಕ್ ಮಾಡಿದೆ. ಹೊಟ್ಟೆ ಭಾಗಕ್ಕೆ ಕಚ್ಚಿದರೂ ನಾಯಿ ಅಟ್ಯಾಕ್ ಮಾಡಲು ಬಿಟ್ಟು ಸುಮ್ಮನೆ ನಿಂತಿದ್ರು. ಬೇಕಂತಲೇ ನನ್ನ ಮೇಲೆ ನಾಯಿ ಅಟ್ಯಾಕ್‌ ಮಾಡಿಸಿದ್ದಾರೆ ಎಂದು ಅಮಿತಾ ಹೇಳಿದ್ದಾರೆ. 

ನಾಯಿ ಕಡಿತದಿಂದ ಅಮಿತಾ ಅವರ ಹೊಟ್ಟೆಗೆ ಗಾಯಗಳಾಗಿವೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಇಬ್ಬರು ಕೇರ್‌ಟೇಕರ್‌ಗಳು ಮತ್ತು ದರ್ಶನ್ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಅವರು ತಮ್ಮ ದೂರಿನಲ್ಲಿ ಒತ್ತಾಯಿಸಿದ್ದಾರೆ. ಐಪಿಸಿ ಸೆಕ್ಷನ್ 289 (ಪ್ರಾಣಿಗಳಿಗೆ ಸಂಬಂಧಿಸಿದಂತೆ ನಿರ್ಲಕ್ಷ್ಯ ವರ್ತನೆ) ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಲಾಗಿದೆ.

ಇದನ್ನೂ ಓದಿ : ತಲೈವಾ ಜೊತೆಗೆ ಬ್ಲಾಕ್‌ ಕೋಬ್ರಾ: ಲೋಕೇಶ್‌ ಕನಕರಾಜ್‌ ಸಿನಿಮಾದಲ್ಲಿ ಸ್ಯಾಂಡಲ್ವುಡ್‌ ಭೀಮ