close

News WrapGet Handpicked Stories from our editors directly to your mailbox

ಆಯುಷ್ಮಾನ್ ಭಾರತ ಯೋಜನೆ: 15 ಸಾವಿರ ಜನರಿಗೆ ತರಬೇತಿ

ದೇಶದ ಬಡ ಜನರಿಗೆ ಉತ್ತಮ ವೈದ್ಯಕೀಯ ಸೇವೆ ಒದಗಿಸಲು ಪ್ರಾರಂಭಿಸಲಾದ ಆಯುಷ್ಮಾನ್ ಭಾರತ್ ಯೋಜನೆಯನ್ನು ಉತ್ತಮವಾಗಿ ಜಾರಿಗೆ ತರಲು ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ (ಎನ್‌ಎಚ್‌ಎ) ಮತ್ತು ಐಸಿಐಸಿಐ ಪ್ರತಿಷ್ಠಾನ ಕೈಜೋಡಿಸಿವೆ.

Updated: Jun 20, 2019 , 01:03 PM IST
ಆಯುಷ್ಮಾನ್ ಭಾರತ ಯೋಜನೆ: 15 ಸಾವಿರ ಜನರಿಗೆ ತರಬೇತಿ

ನವದೆಹಲಿ: ದೇಶದ ಬಡ ಜನರಿಗೆ ಉತ್ತಮ ವೈದ್ಯಕೀಯ ಸೇವೆ ಒದಗಿಸಲು ಪ್ರಾರಂಭಿಸಲಾದ ಆಯುಷ್ಮಾನ್ ಭಾರತ್ ಯೋಜನೆಯನ್ನು ಉತ್ತಮವಾಗಿ ಜಾರಿಗೆ ತರಲು ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ (ಎನ್‌ಎಚ್‌ಎ) ಮತ್ತು ಐಸಿಐಸಿಐ ಪ್ರತಿಷ್ಠಾನ ಕೈಜೋಡಿಸಿವೆ. ಈ ಯೋಜನೆಯ ಪ್ರಯೋಜನಗಳನ್ನು ಅಗತ್ಯವಿರುವವರಿಗೆ ತರಲು ರಾಜ್ಯ ಮತ್ತು ಜಿಲ್ಲಾ ಮಟ್ಟದಲ್ಲಿ ತರಬೇತಿ ನೀಡಲು ಎರಡೂ ಸಂಸ್ಥೆಗಳು ಒಪ್ಪಂದಕ್ಕೆ ಸಹಿ ಹಾಕಿವೆ.

20 ಕೇಂದ್ರಗಳಲ್ಲಿ ತರಬೇತಿ:
ಅಂತರ್ಗತ ಬೆಳವಣಿಗೆಗೆ ಎನ್‌ಎಚ್‌ಎ ಮತ್ತು ಐಸಿಐಸಿಐ ಫೌಂಡೇಶನ್ ನಡುವಿನ ಒಪ್ಪಂದವು ವೈದ್ಯಕೀಯ ಸಿಬ್ಬಂದಿಯನ್ನು ರಾಜ್ಯ ಮತ್ತು ಜಿಲ್ಲಾ ಮಟ್ಟದಲ್ಲಿ ಪರಿಣತರನ್ನಾಗಿ ಮಾಡುವ ಗುರಿಯನ್ನು ಹೊಂದಿದೆ. ಈ ಸಹಭಾಗಿತ್ವದಲ್ಲಿ, ಒಂದು ವರ್ಷದಲ್ಲಿ 15 ಸಾವಿರಕ್ಕೂ ಹೆಚ್ಚು ರಾಜ್ಯ ಸಿಬ್ಬಂದಿ ಮತ್ತು ಆರೋಗ್ಯ ಸ್ನೇಹಿತರಿಗೆ ತರಬೇತಿ ನೀಡಲು ನಿರ್ಧರಿಸಲಾಗಿದೆ.

ತರಬೇತಿಯ ನಂತರ, ತರಬೇತಿ ಪಡೆದ ಸಿಬ್ಬಂದಿ ಫಲಾನುಭವಿಗಳಿಗೆ ಯೋಜನೆಯನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತಾರೆ ಎಂದು ಎನ್‌ಎಚ್‌ಎ ಅಧಿಕಾರಿಯೊಬ್ಬರು ಹೇಳಿದರು. ಐಸಿಐಸಿಐ ಅಕಾಡೆಮಿ ಫೋರ್ ಸ್ಕಿಲ್ಸ್ ತನ್ನ 20 ಕೇಂದ್ರಗಳಲ್ಲಿ ತರಬೇತಿ ನೀಡಲಿದೆ.

ಈ ಪಾಲುದಾರಿಕೆಯ ಬಗ್ಗೆ ಆಯುಷ್ಮಾನ್-ಭಾರತ-ಪ್ರಧಾನ ಮಂತ್ರಿ ಜನ ಆರೋಗ್ಯ ಯೋಜನೆ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಇಂದೂ ಭೂಷಣ್, ಆರೋಗ್ಯ ಸೇವೆಗಳನ್ನು ಜನರಿಗೆ ಉತ್ತಮವಾಗಿ ಲಭ್ಯವಾಗುವಂತೆ ಮಾಡಲು ಮತ್ತು ಫಲಾನುಭವಿಗಳಿಗೆ ನಿರಂತರ ಅನುಭವವನ್ನು ಒದಗಿಸಲು ಖಾಸಗಿ ಸಂಸ್ಥೆಗಳ ಪರಿಣತಿಯ ಲಾಭ ಪಡೆಯಲು ಎನ್‌ಎಚ್‌ಎ ಅವರೊಂದಿಗೆ ಸಹಭಾಗಿತ್ವದಲ್ಲಿ ಕಾರ್ಯನಿರ್ವಹಿಸಲಿದೆ ಎಂದು ಹೇಳಿದರು.