ಮುಖದಲ್ಲಿ ಮೊಡವೆ ಮೂಡಲು ಕಾರಣಗಳಿವು...!

ಮ್ಯಾಡ್ರಿಡ್‌ನ 28 ನೇ ಯುರೋಪಿಯನ್ ಅಕಾಡೆಮಿ ಆಫ್ ಡರ್ಮಟಾಲಜಿ ಮತ್ತು ವೆನೆರಿಯಾಲಜಿ ಕಾಂಗ್ರೆಸ್‌ನಲ್ಲಿ ಪ್ರಸ್ತುತಪಡಿಸಿದ ಈ ಸಂಶೋಧನೆಯು ಮೊಡವೆಗಳ ಹಾನಿಕಾರಕ ಅಂಶಗಳ ಬಗ್ಗೆ ಒಟ್ಟು ಆರು ದೇಶಗಳ 6,700 ಕ್ಕೂ ಹೆಚ್ಚು ಮಂದಿಯನ್ನು ಮಂದಿಯನ್ನು ಸಂಶೋಧನೆಗೆ ಒಳಪಡಿಸುವ ಮೂಲಕ ಪತ್ತೆ ಹಚ್ಚಿದೆ.

Representational image

ಮ್ಯಾಡ್ರಿಡ್: ತಪ್ಪಾದ ಆಹಾರ ಪದ್ಧತಿ, ಒತ್ತಡ ಮತ್ತು ಸರಿಯಾದ ರೀತಿಯಲ್ಲಿ ಚರ್ಮದ ರಕ್ಷಣೆ ಮಾಡದಿರುವುದು ಮೊಡವೆಗಳಿಗೆ ನೇರವಾಗಿ ಸಂಬಂಧಿಸಿರುವ ಕೆಲವು ಪ್ರಮುಖ ಕಾರಣಗಳಾಗಿವೆ ಎಂಬುದು ಸಂಶೋಧನೆಯಲ್ಲಿ ಬಹಿರಂಗವಾಗಿದೆ. ಮ್ಯಾಡ್ರಿಡ್‌ನ 28 ನೇ ಯುರೋಪಿಯನ್ ಅಕಾಡೆಮಿ ಆಫ್ ಡರ್ಮಟಾಲಜಿ ಮತ್ತು ವೆನೆರಿಯಾಲಜಿ ಕಾಂಗ್ರೆಸ್‌ನಲ್ಲಿ ಪ್ರಸ್ತುತಪಡಿಸಿದ ಈ ಸಂಶೋಧನೆಯು ಮೊಡವೆಗಳ ಹಾನಿಕಾರಕ ಅಂಶಗಳನ್ನು ಒಟ್ಟು ಆರು ದೇಶಗಳ 6,700 ಕ್ಕೂ ಹೆಚ್ಚು ಮಂದಿಯನ್ನು ಸಂಶೋಧನೆಗೆ ಒಳಪಡಿಸುವ ಮೂಲಕ ಪತ್ತೆ ಹಚ್ಚಿದೆ. "ಮೊದಲ ಬಾರಿಗೆ, ಈ ಸಂಶೋಧನೆಯು ಚಿಕಿತ್ಸೆಯ ಸೂಚನೆಯ ಮೊದಲು ಅದಕ್ಕೆ ಸಂಬಂಧಿಸಿದ ಅಂಶಗಳನ್ನು ಗುರುತಿಸಲು ನಮಗೆ ಅನುಮತಿಸುತ್ತದೆ."

ಪ್ರತಿದಿನ ಡೈರಿ ಉತ್ಪನ್ನಗಳನ್ನು ಸೇವಿಸುವ ವ್ಯಕ್ತಿಗಳಲ್ಲಿ ಮೊಡವೆಗಳು ಹೆಚ್ಚಾಗಿವೆ ಎಂದು ಫಲಿತಾಂಶಗಳು ಸೂಚಿಸುತ್ತವೆ. ಅಂದರೆ ಡೈರಿ ಉತ್ಪನ್ನಗಳನ್ನು ನಿಯಮಿತವಾಗಿ ಸೇವಿಸುವ ಜನರಲ್ಲಿ 48.2 ಪ್ರತಿಶತದಷ್ಟು ಜನರು ಮೊಡವೆಗಳನ್ನು ಹೊಂದಿದ್ದರೆ, ಡೈರಿ ಉತ್ಪನ್ನಗಳನ್ನು ಸೇವಿಸದ 38.8 ರಷ್ಟು ಜನರಲ್ಲಿ ಮೊಡವೆಗಳು ಇಲ್ಲದಿರುವ ಬಗ್ಗೆ ಕಂಡು ಹಿಡಿಯಲಾಗಿದೆ. ಇದಕ್ಕೆ ಸಂಖ್ಯಾಶಾಸ್ತ್ರೀಯವಾಗಿ ಮಹತ್ವದ್ದಾಗಿತ್ತು. ಈ ಅಂತರವು ಸೋಡಾ ಅಥವಾ ಸಿರಪ್ ಸೇವಿಸುವವರಲ್ಲಿ (35.6 ಪ್ರತಿಶತ ಮತ್ತು 31 ಪ್ರತಿಶತ), ಪೇಸ್ಟ್ರಿ ಮತ್ತು ಚಾಕೊಲೇಟ್ ಸೇವಿಸುವವರಲ್ಲಿ (37 ಪ್ರತಿಶತ ಮತ್ತು 27.8 ಪ್ರತಿಶತ) ಮತ್ತು ಸಿಹಿತಿಂಡಿಗಳನ್ನು ಸೇವಿಸುವವರಲ್ಲಿ (29.7 ಪ್ರತಿಶತ ಮತ್ತು 19.1 ಪ್ರತಿಶತ) ಪ್ರಮುಖವಾಗಿ ಕಂಡು ಬಂದಿದೆ.

ಆಶ್ಚರ್ಯಕರ ಸಂಗತಿಯೆಂದರೆ, 11 ಪ್ರತಿಶತದಷ್ಟು ಮೊಡವೆ ಪೀಡಿತರಲ್ಲಿ 7 ಪ್ರತಿಶತದಷ್ಟು ಜನರು ಪ್ರೋಟೀನ್ ಬಳಸುತ್ತಾರೆ. ಇದು 3.2 ಮೊಡವೆಗಳಿಲ್ಲದ ವ್ಯಕ್ತಿಗಳಿಗೆ ವಿರುದ್ಧವಾಗಿ, ಅನಾಬೊಲಿಕ್ ಸ್ಟೀರಾಯ್ಡ್ ಅನ್ನು ಸೇವಿಸುವವರಲ್ಲಿ ಶೇಕಡಾ 11.9 ರಷ್ಟು ಜನರು ಇದರಿಂದ ಬಳಲುತ್ತಿದ್ದಾರೆ.

ಇವುಗಳಲ್ಲದೆ, ಧೂಳು ಮತ್ತು ಮಾಲಿನ್ಯವು ಮೊಡವೆ ಉಂಟುಮಾಡುವ ಪ್ರಮುಖ ಅಂಶಗಳಲ್ಲಿ ಒಂದಾಗಿದೆ. ಇದಲ್ಲದೆ, ಚರ್ಮದ ರಕ್ಷಣೆಗೆ ಹೆಚ್ಚು ರಾಸಾಯನಿಕ-ಸಮೃದ್ಧ ಉತ್ಪನ್ನಗಳ ಬಳಕೆಯು ಮೊಡವೆಗಳಿಗೆ ಕಾರಣವಾಗಿದೆ. ತಂಬಾಕು ಮೊಡವೆಗಳಿಗೆ ಸಂಭವನೀಯ ಕಾರಣವೆಂದು ಈ ಸಂಶೋಧನೆಯಲ್ಲಿ ತೋರಿಸಲಾಗಿದೆ.  ಆದಾಗ್ಯೂ ಈ ಸಂಶೋಧನೆಯು ಅದರ ಪರಿಣಾಮವನ್ನು ತೋರಿಸಿಲ್ಲ.