 "ಹೆಚ್ಚಾಗಿ ಇಯರ್ಫೋನ್ ಬಳಸಿದರೆ ಬರಿ ಶ್ರವಣದೋಷ ಅಲ್ಲ.. ಹೃದಯಕ್ಕೂ ಕಾದಿದೆ ಗಂಡಾಂತರ..!")
Earphone side effect : ಇಂದಿನ ಕಾಲದಲ್ಲಿ ಇಯರ್ಫೋನ್ ಜನರ ಅವಿಭಾಜ್ಯವಾಗಿಬಿಟ್ಟಿದೆ. ಬಸ್, ಮೆಟ್ರೋ ಸೇರಿದಂತೆ ನಡೆದಾಡುವಾಗಲೂ ಇಯರ್ಫೋನ್ ಬಳಸುವುದು ಸಾಮಾನ್ಯವಾಗಿಬಿಟ್ಟಿದೆ. ಅದರಲ್ಲೂ ಕೆಲವರು ಗಂಟೆಗಟ್ಟಲೆ ಹಾಡು ಕೇಳುವುದು, ವಿಡಿಯೋ ನೋಡುವುದು ಅಥವಾ ಗೇಮ್ ಆಡಲು ಸಹ ನಿರಂತರವಾಗಿ ಇಯರ್ಫೋನ್ ಬಳಸುತ್ತಾರೆ.
ಈ ಅಭ್ಯಾಸದಿಂದ ಶ್ರವಣದೋಷ ಉಂಟಾಗುತ್ತದೆ ಅಂತ ವೈದ್ಯರು ಹೇಳುವುದನ್ನು ನೀವು ಕೇಳಿಬರಹುದು.. ಆದರೆ ಇತ್ತೀಚಿನ ವೈದ್ಯಕೀಯ ಅಧ್ಯಯನಗಳ ಪ್ರಕಾರ, ಇದು ಕೇವಲ ಕಿವಿಗೆ ಹಾನಿ ಮಾಡುವುದಷ್ಟೇ ಅಲ್ಲ ಹೃದಯಕ್ಕೂ ಸಮಸ್ಯೆಯನ್ನು ಉಂಟು ಮಾಡಬಹುದು ಎನ್ನಲಾಗುತ್ತಿದೆ.
ಶ್ರವಣದೋಷ : ಶಬ್ದದ ತೀವ್ರತೆ 85 ಡೆಸಿಬೆಲ್ಗಿಂತ ಹೆಚ್ಚಾದರೆ, ಅದು ಕಿವಿಯ ಒಳಗಿನ ನರಗಳನ್ನು (nerve cells) ಹಾನಿಗೊಳಿಸುತ್ತದೆ. ಹೀಗೆ ದಿನದಿಂದ ದಿನಕ್ಕೆ ಜಾಸ್ತಿ ಶಬ್ದದಲ್ಲಿ ಕೇಳುತ್ತಿದ್ದರೆ, ಶ್ರವಣ ಶಕ್ತಿ ಕುಂಟಿತಗೊಳ್ಳುತ್ತದೆ. ಇದು ಕೆಲವೊಮ್ಮೆ ಶಾಶ್ವತ ಕಿವುಡುತನ್ನಕ್ಕೆ ಕಾರಣವಾಗಬಹುದು.
ಹೃದಯದ ಮೇಲೆ ಪರಿಣಾಮ: ಇದು ಬಹಳಷ್ಟು ಜನಕ್ಕೆ ತಿಳಿಯದೇ ಇರುವ ವಿಷಯ. ಆದರೆ ಇಯರ್ಫೋನ್ನಿಂದ ಹೊರಡುವ ಶಬ್ದದ ತೀವ್ರತೆ ಮತ್ತು ನಡುಕ (vibration) ನೇರವಾಗಿ ನರವ್ಯೂಹದ (nervous system) ಮೇಲೆ ಪರಿಣಾಮ ಬೀರುತ್ತದೆ. ಇದರ ಪರಿಣಾಮ ಹೃದಯಕ್ಕೂ ಹಾನಿಯನ್ನುಂಟು ಮಾಡುತ್ತದೆ.
ಹೃದಯ ಬಡಿತ ಹೆಚ್ಚಳ : ಉಚ್ಛ ಶಬ್ದ ನಮ್ಮ ಮೈ ಮನಸ್ಸಿಗೆ ಒತ್ತಡ ಉಂಟುಮಾಡುತ್ತದೆ. ಇದು Sympathetic nervous system ಅನ್ನು ಉತ್ತೇಜಿಸಿ, ಹೃದಯದ ಬಡಿತ ಹೆಚ್ಚಿಸುತ್ತದೆ.
ಅಧಿಕ ರಕ್ತದೊತ್ತಡ (Blood Pressure) : ನಿರಂತರ ಶಬ್ದದ ಒತ್ತಡದಿಂದ ಶರೀರದಲ್ಲಿ ಕೋರ್ಟ್ಸೋಲ್ (cortisol) ಎಂಬ ಒತ್ತಡ ಹಾರ್ಮೋನ್ ಹೆಚ್ಚಾಗುತ್ತದೆ. ಇದರಿಂದ BP ಹೆಚ್ಚಾಗುವ ಸಾಧ್ಯತೆ ಇರುತ್ತದೆ.
ಹೃದಯಾಘಾತದ ಸಾಧ್ಯತೆ: ಜಾಸ್ತಿ ಕಾಲ ಇಂತಹ ತೀವ್ರ ಶಬ್ದದೊಳಗೆ ಬದುಕುವುದು ದೀರ್ಘಕಾಲಿಕ ಹೃದಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಇದರಿಂದ ಹೃದಯಾಘಾತದ ಭೀತಿಯಿದೆ.
ಇತರೆ ಆರೋಗ್ಯ ಸಮಸ್ಯೆಗಳು : ಅತಿಯಾದ ಇಯರ್ಫೋನ್ ಬಳಕೆಯಿಂದ ಮೆದುಳಿಗೆ ವಿಶ್ರಾಂತಿ ಸಿಗದು. ಮಾನಸಿಕ ಅಶಾಂತಿ ಅಥವಾ ಒಂಟಿತನ ಬೆಳೆಯಬಹುದು. ದೈನಂದಿನ ಬಳಕೆಯಿಂದ ಕಿವಿಯಲ್ಲಿ ಬೆಳೆದ ಬ್ಯಾಕ್ಟೀರಿಯಾ ಸೋಂಕು ತರುವ ಸಾಧ್ಯತೆ ಇದೆ.
)