'ಪ್ರತಿದಿನ ಒಂದು ಸೇಬು ತಿನ್ನಿ, ವೈದ್ಯರಿಂದ ದೂರವಿರಿ' ಎಂಬ ಜನಪ್ರಿಯ ಗಾದೆಯನ್ನು ನಾವೆಲ್ಲರೂ ಕೇಳಿದ್ದೇವೆ. ಸೇಬು ಹಣ್ಣು ತನ್ನ ರುಚಿ ಮತ್ತು ಪೋಷಕಾಂಶಗಳಿಂದಾಗಿ ಎಲ್ಲರಿಗೂ ಆರೋಗ್ಯಕಾರಿ ಆಹಾರವಾಗಿದೆ. ಜೀವಸತ್ವಗಳು, ಫೈಬರ್, ಮತ್ತು ಉತ್ಕರ್ಷಣ ನಿರೋಧಕಗಳಿಂದ ಸಮೃದ್ಧವಾಗಿರುವ ಈ ಹಣ್ಣು ಹಲವಾರು ಕಾಯಿಲೆಗಳನ್ನು ತಡೆಗಟ್ಟುವಲ್ಲಿ ಸಹಾಯಕವಾಗಿದೆ. ಆದರೆ, ಇತ್ತೀಚಿನ ವೈಜ್ಞಾನಿಕ ಸಂಶೋಧನೆಯೊಂದು ಸೇಬಿನ ಬೀಜಗಳ ಕುರಿತು ಆಘಾತಕಾರಿ ಸತ್ಯವನ್ನು ಬಯಲಿಗೆ ತಂದಿದೆ. ಸೇಬಿನ ಬೀಜಗಳನ್ನು ಸೇವಿಸುವುದು ಆರೋಗ್ಯಕ್ಕೆ ಹಾನಿಕಾರಕವಾಗಿದೆ ಎಂದು ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ.
ಯಾಕೆ ಹಾನಿಕಾರಕ?
ಸೇಬಿನ ಬೀಜಗಳಲ್ಲಿ ಅಮಿಗ್ಡಾಲಿನ್ ಎಂಬ ವಿಷಕಾರಿ ಸಂಯುಕ್ತವಿದೆ. ಈ ಸಂಯುಕ್ತವು ದೇಹದಲ್ಲಿ ಹೈಡ್ರೋಜನ್ ಸೈನೈಡ್ ಆಗಿ ಪರಿವರ್ತನೆಗೊಳ್ಳುತ್ತದೆ, ಇದು ಆರೋಗ್ಯಕ್ಕೆ ತೀವ್ರ ಹಾನಿಕಾರಕವಾಗಿದೆ. ಅಮಿಗ್ಡಾಲಿನ್ ಸೇಬು, ಬಾದಾಮಿ, ಏಪ್ರಿಕಾಟ್, ಪೀಚ್, ಚೆರ್ರಿ ಮುಂತಾದ ಹಣ್ಣುಗಳ ಬೀಜಗಳಲ್ಲಿ ಕಂಡುಬರುತ್ತದೆ.ಈ ವಿಷಕಾರಿ ಸಂಯುಕ್ತವು ದೇಹದ ಜೀವಕೋಶಗಳಿಗೆ ಆಮ್ಲಜನಕ ತಲುಪುವುದನ್ನು ತಡೆಯುತ್ತದೆ, ಇದರಿಂದ ಗಂಭೀರ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು.ಸಣ್ಣ ಪ್ರಮಾಣದ ಸೈನೈಡ್ ಸೇವನೆಯಿಂದ ತಲೆನೋವು, ಗೊಂದಲ, ಆಯಾಸ, ಮತ್ತು ಆಲಸ್ಯದಂತಹ ತಾತ್ಕಾಲಿಕ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಆದರೆ, ಹೆಚ್ಚಿನ ಪ್ರಮಾಣದ ಸೈನೈಡ್ ಸೇವನೆಯಿಂದ ಅಧಿಕ ರಕ್ತದೊತ್ತಡ, ಪಾರ್ಶ್ವವಾಯು, ಮೂರ್ಛೆ, ಮತ್ತು ಕೆಲವು ಸಂದರ್ಭಗಳಲ್ಲಿ ಕೋಮಾ ಅಥವಾ ಸಾವಿನಂತಹ ಗಂಭೀರ ಪರಿಣಾಮಗಳು ಉಂಟಾಗಬಹುದು.
ಇದನ್ನೂ ಓದಿ: ಪೆಟ್ರೋಲ್ ಪಂಪ್ ಮಾಲೀಕರು ಎಷ್ಟು ಗಳಿಸುತ್ತಾರೆ? ಒಂದು ಲೀಟರ್ ಪೆಟ್ರೋಲ್-ಡೀಸೆಲ್ ಮೇಲೆ ಎಷ್ಟು ಕಮಿಷನ್ ಸಿಗುತ್ತೆ?
ವೈಜ್ಞಾನಿಕ ಸಂಶೋಧನೆ ಏನು ಹೇಳುತ್ತದೆ?
ಸಂಶೋಧನೆಯ ಪ್ರಕಾರ, ಸೇಬಿನ ಬೀಜಗಳಲ್ಲಿರುವ ಅಮಿಗ್ಡಾಲಿನ್ ಪ್ರಮಾಣವು ಸೇಬಿನ ವಿಧವನ್ನು ಅವಲಂಬಿಸಿದೆ. ಸರಾಸರಿಯಾಗಿ, ಒಂದು ಗ್ರಾಂ ಸೇಬಿನ ಬೀಜವು 0.6 ಮಿಲಿಗ್ರಾಂ ಹೈಡ್ರೋಜನ್ ಸೈನೈಡ್ ಅನ್ನು ಒಳಗೊಂಡಿರುತ್ತದೆ. 50-300 ಮಿಲಿಗ್ರಾಂ ಸೈನೈಡ್ ಮಾರಕವಾಗಬಹುದು ಎಂದು ಅಧ್ಯಯನಗಳು ತಿಳಿಸಿವೆ. ಇದರರ್ಥ, 80 ರಿಂದ 500 ಬೀಜಗಳನ್ನು ಸೇವಿಸುವುದು ಜೀವಕ್ಕೆ ಅಪಾಯಕಾರಿಯಾಗಬಹುದು. ಆದ್ದರಿಂದ, ಸೇಬು ಹಣ್ಣು ಅಥವಾ ಅದರ ಜ್ಯೂಸ್ ಸೇವಿಸುವ ಮೊದಲು ಬೀಜಗಳನ್ನು ತೆಗೆದುಹಾಕುವುದು ಅತ್ಯಗತ್ಯ.ಮಕ್ಕಳಿಗೆ ಜಾಗೃತೆ ಅಗತ್ಯ ವಿಶೇಷವಾಗಿ, ಮಕ್ಕಳಿಗೆ ಸೇಬು ಅಥವಾ ಸೇಬಿನಿಂದ ತಯಾರಿಸಿದ ಆಹಾರ ನೀಡುವಾಗ ಹೆಚ್ಚಿನ ಜಾಗೃತೆ ವಹಿಸಬೇಕು. ಸಂಶೋಧಕರು, ಸೇಬಿನ ಬೀಜಗಳನ್ನು ಸಂಪೂರ್ಣವಾಗಿ ತೆಗೆದುಹಾಕಿ, ಮಕ್ಕಳಿಗೆ ಈ ಹಣ್ಣನ್ನು ನೀಡಬೇಕೆಂದು ಸಲಹೆ ನೀಡಿದ್ದಾರೆ.
ಇದನ್ನೂ ಓದಿ: ನಿಂಬೆ ರಸಕ್ಕೆ ಇದನ್ನ ಬೆರೆಸಿ ಕುಡಿದು ನೋಡಿ... ಮಳೆಗಾಲದ ಮಾರಕ ರೋಗಗಳು ನಿಮ್ಮ ಹತ್ತಿರವೂ ಸುಳಿಯಲ್ಲ!!
ಜನರಿಗೆ ಸಲಹೆ:
ಸೇಬು ಹಣ್ಣಿನ ಆರೋಗ್ಯಕಾರಿ ಗುಣಗಳನ್ನು ಆನಂದಿಸಲು, ಸಿಪ್ಪೆಯೊಂದಿಗೆ ತಿನ್ನುವುದು ಒಳ್ಳೆಯದಾದರೂ, ಬೀಜಗಳನ್ನು ಸೇವಿಸದಿರುವುದು ಉತ್ತಮ. ಕೃತಕ ಬಣ್ಣ ಮತ್ತು ವ್ಯಾಕ್ಸ್ನಿಂದ ರಕ್ಷಣೆಗಾಗಿ ಸೇಬನ್ನು ಚೆನ್ನಾಗಿ ತೊಳೆದು, ಬೀಜಗಳನ್ನು ತೆಗೆದು ಸೇವಿಸುವುದು ಸುರಕ್ಷಿತ. ಈ ಸಂಶೋಧನೆಯಿಂದ ಜನರು ಸೇಬಿನ ಬೀಜಗಳ ಸೇವನೆಯ ಬಗ್ಗೆ ಜಾಗೃತರಾಗಿ, ಆರೋಗ್ಯಕರ ಜೀವನಕ್ಕಾಗಿ ಸರಿಯಾದ ಆಹಾರ ಪದ್ಧತಿಯನ್ನು ಅನುಸರಿಸುವುದು ಮುಖ್ಯ ಎಂದು ತಜ್ಞರು ಒತ್ತಿ ಹೇಳಿದ್ದಾರೆ. ನಿಮ್ಮ ಆರೋಗ್ಯ ನಿಮ್ಮ ಕೈಯಲ್ಲಿದೆ, ಜಾಗರೂಕರಾಗಿರಿ!
ಸೂಚನೆ: ಈ ಮೇಲಿನ ಮಾಹಿತಿಯನ್ನು ಸಾಮಾನ್ಯ ಜ್ಞಾನಕ್ಕಾಗಿ ಮಾತ್ರ ನೀಡಲಾಗಿದೆ. ಇದನ್ನು ಅಳವಡಿಸಿಕೊಳ್ಳುವ ಮೊದಲು ತಜ್ಞರನ್ನು ಸಂಪರ್ಕಿಸಿ.ಜೀ ಕನ್ನಡ ನ್ಯೂಸ್ ಇದನ್ನು ಧೃಡಿಕರಿಸುವುದಿಲ್ಲ.
