ಮಕ್ಕಳಿಗೂ ಮಾರಕವಾಯ್ತು ಹೃದಯಾಘಾತ : ಆತಂಕಕಾರಿ ವರದಿ ಬಿಚ್ಚಿಟ್ಟ ಕೆಎಂಸಿ ಸಂಶೋಧನಾ ತಂಡ

ಹುಬ್ಬಳ್ಳಿ : ಇತ್ತೀಚೆಗೆ ಪ್ರತಿನಿತ್ಯ ಒಂದಲ್ಲಾ ಒಂದು ಕಡೆ ಮಕ್ಕಳು,ಯುವಕ,ಯುವತಿಯರು ಹೃದಯಾಘಾತಕ್ಕೊಳಗಾಗಿ ಆಸ್ಪತ್ರೆ ಸೇರಿದ್ದು, ಹೃದಯಾಘಾತದಿಂದ ಏಕಾಏಕಿ ಮೃತಪಟ್ಟ ಬಗ್ಗೆ  ಸುದ್ದಿಗಳು ಹೆಚ್ಚುತ್ತಿವೆ. ಈ ಮೊದಲು ನಲವತ್ತರ ವಯೋಮಾನದರಲ್ಲಿ ಹೆಚ್ಚಾಗಿ ಕಾಣುತ್ತಿದ್ದ ಈ ಹೃದಯಾಘಾತ, ಇದೀಗ ವಯಸ್ಸಿಗೆ ಸಂಬಂಧವಿಲ್ಲದೆ, ಕಿರಿಯರಿಂದಿಡಿದು, ಇಳಿ ವಯಸ್ಸಿನವರಿಗೆ ಸಾವು ತರುತ್ತಿದೆ. 

ಇದು ಮಕ್ಕಳ ಪಾಲಕರು ಸೇರಿದಂತೆ ಸರ್ಕಾರಗಳಿಗೂ ಆತಂಕಕ್ಕೆ ಕಾರಣವಾಗಿದೆ. ಹೀಗಾಗಿಯೇ ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿದ, ಹುಬ್ಬಳ್ಳಿಯ ಪ್ರತಿಷ್ಠಿತ ಕೆಎಂಸಿಯ ಬಹುಶಿಸ್ತೀಯ ಸಂಶೋಧನಾ ತಂಡ, ಮಕ್ಕಳಲ್ಲಿ ಹೆಚ್ಚುತ್ತಿರುವ ಹೃದಯಾಘಾತಕ್ಕೆ ಕಾರಣಗಳೇನು?.  ಅನ್ನೋದರ ಬಗ್ಗೆ ಸಂಶೋಧನೆ ನಡೆಸಿದೆ. ದೇಶದಲ್ಲಿಯೇ ಮೊದಲ ಬಾರಿಗೆ ಪೈಲಟ್ ಪ್ರೊಜೆಕ್ಟ್ ಆಗಿರುವ ಈ ಸಂಶೋಧನೆಯಲ್ಲಿ ಹಲವು ಆಘಾತಕಾರಿ ಅಂಶಗಳು ಕಂಡು ಬಂದಿವೆ..

ಇದನ್ನೂ ಓದಿ:ಮಧುಮೇಹಿಗಳು ಸಿಗರೇಟ್‌ ಸೇದಿದರೇ ಏನಾಗುತ್ತದೆ ಗೊತ್ತೇ? ಚಟ ಮಾಡೋರು ಈ ವಿಚಾರ ತಿಳ್ಕೊಂಡಿರಿ..

ಕೆಎಂಸಿಯ ಬಹುಶಿಸ್ತೀಯ ಸಂಶೋಧನಾ ಘಟಕ ತಂಡ ಮುಖ್ಯಸ್ಥ ಡಾ. ರಾಮ್ ಕವಲಗುಡ್ಡ ನೇತೃತ್ವದ ತಂಡ, ಎರಡ್ಮೂರು ತಿಂಗಳ ಕಾಲ, ನಿರಂತರವಾಗಿ ಅಧ್ಯಯನ ನಡೆಸಿ, ಅನೇಕ ಮಾಹಿತಿಯನ್ನು ಸಂಗ್ರಹಿದೆ. ಧಾರವಾಡ ತಾಲೂಕಿನ ಮೂವತ್ತೈದಕ್ಕೂ ಹೆಚ್ಚು ಖಾಸಗಿ ಹಾಗೂ ಸರ್ಕಾರಿ ಹೈಸ್ಕೂಲ್ ಗೆ ಭೇಟಿ ನೀಡಿ, ಎಂಟು ಮತ್ತು ಒಂಬತ್ತನೇ ತರಗತಿಯಲ್ಲಿ ಓದುತ್ತಿರುವ ಮೂವತ್ತು ಮಕ್ಕಳನ್ನು ಸಂಶೋಧನೆಗೆ ಆಯ್ಕೆ ಮಾಡಿಕೊಳ್ಳಲಾಗಿದೆ.  

ಇದರಲ್ಲಿ ವಿಶೇಷವಾಗಿ ವಯಸ್ಸಿನ ಮಿತಿಗಿಂತ ಹೆಚ್ಚು ತೂಕ ಇರೋ ಮಕ್ಕಳನ್ನೇ ಕೇಂದ್ರಿಕೃತವಾಗಿಟ್ಟುಕೊಳ್ಳಲಾಗಿತ್ತು. ಆಯ್ಕಾದ ಮಕ್ಕಳು ಸೇವಿಸುವ ಆಹಾರ,ದೈಹಿಕ ಚಟುವಟಿಕೆಗಳು, ಮೊಬೈಲ್ ಬಳಿಕೆ ತೆಗೆದುಕೊಳ್ಳುವ ಸಮಯ ಅಧ್ಯಾಯನ ಸೇರಿದಂತೆ, ಲಿಪಿಡ್ ಪ್ರೊಪೈಲ್, ಲೈಪೋ ಪ್ರೋಟಿನ್ ಎ, ಹೋಮೋಸಿಸ್ಟಿನ್, ಹೈಸೆನ್ಸಟಿವಿಟಿ ಸಿ ರ್ಯಾಕ್ಟಿವ್ ಪ್ರೋಟಿನ್ ರಕ್ತ ಪರೀಕ್ಷೆ, ಜೆನಟಿಕ್ ಪರೀಕ್ಷೆ ಸೇರಿದಂತೆ ಅನೇಕ ರೀತಿಯ ರಕ್ತ ಪರೀಕ್ಷೆಗಳನ್ನು ಸಹ ನಡೆಸಲಾಗಿತ್ತು‌.

ಇದನ್ನೂ ಓದಿ:ಈರುಳ್ಳಿ ರಸದ ಜೊತೆಗೆ ಇದನ್ನ ಬೆರೆಸಿ ಹಚ್ಚಿದ್ರೆ ಸಾಕು... ನಿಮ್ಮ ಸೊಂಟದವರೆಗೂ ಕೂದಲು ಬೆಳೆಯುತ್ತವೆ

ಎಲ್ಲಾ ಮಾದರಿಗಳ ಪರೀಕ್ಷೆ ಮುಗಿದು ಸಂಶೋಧನೆ ಫಲಿತಾಂಶ ಹೊರಬಂದಾಗ, ಅಧ್ಯಯ ಮಾಡಿದ ಇಡೀ ತಂಡವೇ ಶಾಕ್ ಆಗಿದೆ. ಯಾಕಂದ್ರೆ ಆಯ್ಕೆ ಮಾಡಿಕೊಂಡ ಮೂವತ್ತು ಮಕ್ಕಳ ಪೈಕಿ, ಬರೋಬ್ಬರಿ  26 ಮಕ್ಕಳು ಹೃದಯಾಘಾತದ ರಿಸ್ಕ್ ಹೊಂದಿರುವ ಅಂಶ ಬೆಳಕಿಗೆ ಬಂದಿದೆ..  

ಸಂಶೋಧನಗೆ ಆಯ್ಕೆ ಮಾಡಿಕೊಂಡ ಮೂವತ್ತು ವಿದ್ಯಾರ್ಥಿಗಳ ಪೈಕಿ ಓರ್ವ ವಿದ್ಯಾರ್ಥಿಗೆ ಸಕ್ಕರೆ ಖಾಯಿಲೆ ಇರೋದು ಪತ್ತೆಯಾದ್ರೆ, ನಾಲ್ವರು ವಿದ್ಯಾರ್ಥಿಗಳಲ್ಲಿ ಬಿಪಿ ಹೆಚ್ಚಾಗಿತ್ತು. ಐದು ವಿದ್ಯಾರ್ಥಿಗಳಲ್ಲಿ ಕೊಲೆಸ್ಟ್ರಾಲ್ ಪ್ರಮಾಣ ಹೆಚ್ಚಾಗಿತ್ತು. 11 ವಿದ್ಯಾರ್ಥಿಗಳಲ್ಲಿ ಟ್ರೈಗ್ಲಿಸರೈಡ್ ಹೆಚ್ಚಾಗಿತ್ತು. ಐವರು ವಿದ್ಯಾರ್ಥಿಗಳಲ್ಲಿ ಎಲ್ ಡಿ ಎಲ್ ಕೊಲೆಸ್ಟ್ರೈಲ್ ಹೆಚ್ಚಾಗಿರೋದು ಕಂಡುಬಂದಿದೆ. ಇನ್ನು ದೇಹದಲ್ಲಿ ರಕ್ತ ಹೆಪ್ಪುಗಟ್ಟುವ ಪ್ರಮಾಣ ತಿಳಿಸುವ ಹೋಮೋಸಿಸ್ಟಿನ್ ಪ್ರಮಾಣ, ಮೂವತ್ತು ಮಕ್ಕಳ ಪೈಕಿ ಬರೋಬ್ಬರಿ 26 ಮಕ್ಕಳಲ್ಲಿ ಹೆಚ್ಚಾಗಿತ್ತು.

ಇದನ್ನೂ ಓದಿ:ಈ 5 ಸಣ್ಣ ವಿಷಯಗಳು ನಿಮ್ಮ ಹೃದಯವನ್ನು ಆರೋಗ್ಯವಾಗಿಡುತ್ತವೆ.. ನಿಯಮಿತವಾಗಿ ಇವುಗಳನ್ನು ಅನುಸರಿಸಿ..!

ನಾಲ್ಕು ಮಕ್ಕಳಲ್ಲಿ ಲಿಪೋಪ್ರೋಟಿನ್ ಪ್ರಮಾಣ ಹೆಚ್ಚಾಗಿತ್ತು. ಹೈ ಸೆನ್ಸಟಿವ್ ಸಿ ರಿಯಾಕ್ಟಿವ್ ಪ್ರೋಟಿನ್ 18 ಮಕ್ಕಳಲ್ಲಿ ಹೆಚ್ಚು ಇರೋದು ವೈದ್ಯಕೀಯ ಪರೀಕ್ಷೆಗಳಲ್ಲಿ ಕಂಡುಬಂದಿದೆ. ಯಾರಲ್ಲಿ ಈ ಅಂಶಗಳು ಹೆಚ್ಚಾಗಿರುತ್ತವೋ ಅವರು  ಹೃದಯ ಸಂಬಂಧಿ ಕಾಯಿಲೆಯಿಂದ ಹೆಚ್ಚಿನ ತೊಂದರೆ ಹೊಂದಿರುವ ಸತ್ಯ ಬಯಲಾಗಿದೆ. ಇನ್ನೂ ಈ ಬಗ್ಗೆ ಕಾರಣ ತಿಳಿದುಕೊಳ್ಳಲು ಆಯ್ಕೆ ಮಾಡಿಕೊಂಡ ವಿದ್ಯಾರ್ಥಿಗಳ ಕೌನ್ಸಲಿಂಗ್ ಮಾಡಲಾಗಿದ್ದು. ದೈಹಿಕ ಚಟುವಟಿಕೆ ಇಲ್ಲದೇ ಇರೋದು. ಪ್ರತಿನಿತ್ಯ ಶಾಲೆಗೆ ಬರೋದು, ಶಾಲೆಯಿಂದ ಮನೆಗೆ ಹೋಗುವದನ್ನಷ್ಟೇ ಮಕ್ಕಳು ಮಾಡುತ್ತಿದ್ದರು. ಮನೆಯಲ್ಲಾಗಲಿ, ಶಾಲೆಯಲ್ಲಾಗಲಿ  ಮಕ್ಕಳು ಆಟವನ್ನೇ ಆಡ್ತಿರಲಿಲ್ಲಾ. ಪಠ್ಯೇತರ ಚಟುವಟಿಕೆಯಲ್ಲಿ ಬಾಗಿಯಾಗುತ್ತಿರಲಿಲ್ಲಾ. ಪ್ರತಿ ದಿನ ಮೊಬೈಲ್ ನ್ನು ಒಂದು ಗಂಟೆಯಿಂದ ನಾಲ್ಕು ಗಂಟೆವರಗೆ ನೋಡ್ತಿದ್ದರು. ಜೊತೆಗೆ ಅವರ ಆಹಾರ ಕ್ರಮ ಕೂಡಾ ಸರಿಯಾಗಿರಲಿಲ್ಲಾ. ಇದರಿಂದ ಅವರಿಗೆ ಹೃದಯಾಘಾತ ಪ್ರಮಾಣ ಜಾಸ್ತಿ ಆಗಿರುವುದು ಕಂಡುಬಂದಿದೆ.

ಇನ್ನೂ ಸಂಶೋಧನೆಯಲ್ಲಿ ಅಬ್ನಾರ್ಮಲಟಿ ಕಂಡುಬಂದ ವಿದ್ಯಾರ್ಥಿಗಳ ಪರೀಕ್ಷೆಯ ರಿಪೋರ್ಟ್ ನ್ನು ಪಾಲಕರಿಗೆ ಮತ್ತು ಶಾಲೆಯ ಆಡಳಿತ ಮಂಡಳಿಗೆ ವೈದ್ಯರು ರವಾನೆ ಮಾಡಿದ್ದು, ಮಕ್ಕಳ ದೈನಂದಿನ ಜೀವನ ಬದಲಾವಣೆಯಾಗದೇ ಹೋದ್ರೆ ಅವರು ಹೃದಯಾಘಾತಕ್ಕೆ ಹತ್ತಿರವಾಗಿದ್ದಾರೆ ಎನ್ನುವ ಎಚ್ಚರಿಕೆ ಸಹ ನೀಡಿದ್ದಾರೆ. ಜೊತೆಗೆ ಮಕ್ಕಳಿಗೆ ಸಂಶೋಧಕರೇ ಪರಿಹಾರ ಮಾರ್ಗದ ಸಲಹೆ ಸಹ ನೀಡಿದ್ದಾರೆ. ಮತ್ತೊಂದಡೆ ಕೆಎಂಆರ್ ಸಿ ತನ್ನ ವರದಿಯನ್ನು ರಾಜ್ಯ ಮತ್ತು ಕೇಂದ್ರ ಸರ್ಕಾರ,ಐಸಿಎಂಆರ್ ಗೆ ರವಾನೆ ಮಾಡಿದೆ. ದೇಶಾದ್ಯಂತ ಈ ಬಗ್ಗೆ ದೊಡ್ಡ ಮಟ್ಟದಲ್ಲಿ ಅಧ್ಯಯನ ಮಾಡಬೇಕು, ಸರಿಯಾದ ಸಮಯದಲ್ಲಿ ಅಗತ್ಯ ಕ್ರಮಗಳನ್ನು ಕೈಗೊಂಡರೆ, ಮಕ್ಕಳಲ್ಲಿ ಹೆಚ್ಚಾಗುತ್ತಿರುವ ಹೃದಯಾಘಾತದ ತೊಂದರೆ ತಪ್ಪಿಸಬಹುದು ಅನ್ನೋದು ಸಂಶೋಧನಾ ತಂಡದ ಆಶಯ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ 
Sun Direct-292 
TATA PLAY- 1664 
JIO TV-1334 
NXT Digital-30 
IN-CABLE-30 
U-Digital-162 
GTPL-17 
Rockline Telecommunications ಬೆಂಗಳೂರು-42
 V4 Digital Infotech ಮಂಗಳೂರು-628
Malanad infotech Pvt Ltd-56 
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ