ಮಗುವಿಗೆ ಮೊಲೆಹಾಲುಣಿಸುವುದರ ಪ್ರಾಮುಖ್ಯತೆ

ಮಗುವಿನ ಆರೋಗ್ಯ ಉತ್ತಮವಾಗಿರಲು ಸ್ತನ್ಯಪಾನವು ಅತ್ಯಂತ ಪರಿಣಾಮಕಾರಿ ವಿಧಾನಗಳಲ್ಲಿ ಒಂದಾಗಿದೆ.

Yashaswini V Yashaswini V | Updated: Jan 23, 2018 , 06:07 PM IST
ಮಗುವಿಗೆ ಮೊಲೆಹಾಲುಣಿಸುವುದರ ಪ್ರಾಮುಖ್ಯತೆ

ನವದೆಹಲಿ: ತಾಯಂದಿರ ಎದೆ ಹಾಲುಗಳಲ್ಲಿ ಕಂಡುಬರುವ ಜೀವಸತ್ವಗಳು ಮತ್ತು ಪೌಷ್ಟಿಕಾಂಶಗಳು ನವಜಾತ ಶಿಶುವಿನ ಸೂತ್ರದಲ್ಲಿ ಪೋಷಕಾಂಶಗಳೊಂದಿಗೆ ಹೋಲಿಸಲಾಗುವುದಿಲ್ಲ ಎಂದು ನಮಗೆ ತಿಳಿದಿದೆ.

ಮಗುವಿನ ಆರೋಗ್ಯ ಮತ್ತು ಬದುಕುಳಿಯುವಿಕೆಯನ್ನು ಖಚಿತಪಡಿಸಿಕೊಳ್ಳಲು ಸ್ತನ್ಯಪಾನವು ಅತ್ಯಂತ ಪರಿಣಾಮಕಾರಿ ವಿಧಾನಗಳಲ್ಲಿ ಒಂದಾಗಿದೆ. 

ವಿಶ್ವ ಆರೋಗ್ಯ ಸಂಸ್ಥೆ (WHO) ಎದೆ ಹಾಲನ್ನು ಶಿಶುಗಳಿಗೆ ಉತ್ತಮ ಪೌಷ್ಠಿಕ ಆಹಾರದ ಮೂಲವೆಂದು ಗುರುತಿಸುತ್ತದೆ, ಆದ್ದರಿಂದ ಪ್ರತಿ ಮಗುವಿಗೆ ತಾಯಿಯ ಎದೆ ಹಾಲು ಲಭ್ಯವಿರಬೇಕು. ಮಗುವಿನ ಜನನದ ಒಂದು ಗಂಟೆಯೊಳಗೆ ಸ್ತನ್ಯಪಾನ ಪ್ರಾರಂಭವಾಗಬೇಕೆಂದು WHO ಮತ್ತು UNICEF ಶಿಫಾರಸ್ಸು ಮಾಡಿದೆ.

ನಿಮ್ಮ ಮಗುವಿಗೆ ಸ್ತನ್ಯಪಾನ ಮಾಡುವುದರ ಪ್ರಾಮುಖ್ಯತೆಯನ್ನು ತಿಳಿದುಕೊಳ್ಳಿ...

* ಮೊದಲ ಆರು ತಿಂಗಳು ಮಗುವಿಗೆ ಅಗತ್ಯವಿರುವ ಎಲ್ಲಾ ಜೀವಸತ್ವಗಳು ಮತ್ತು ಪೋಷಕಾಂಶಗಳು  ತಾಯಿಯ ಮೊಲೆಹಾಲಿನಿಂದ ಮಾತ್ರ ದೊರೆಯಲು ಸಾಧ್ಯ. 

* ನವಜಾತ ಶಿಶುವನ್ನು ರಕ್ಷಿಸುವ ಹಾಗೂ ಮಗುವಿನಲ್ಲಿ ಉಂಟಾಗುವ ಅನಾರೋಗ್ಯವನ್ನು ಗುಣಪಡಿಸುವ ರೋಗ ನಿರೋಧಕ ಶಕ್ತಿಯನ್ನು ಸ್ತನ್ಯಪಾನ ಹೊಂದಿದೆ.

* ಶಿಶುಗಳ ಮೆದುಳಿನ ಆರೋಗ್ಯಕ್ಕೆ ಮೊಲೆ ಹಾಲು ಒಳ್ಳೆಯದು ಮತ್ತು ಎದೆಹಾಲು ಪಡೆದ ಶಿಶುಗಳಿಗೆ ಬುದ್ದಿ ಶಕ್ತಿ, ಸ್ಮರಣ ಶಕ್ತಿ ಹೆಚ್ಚಾಗಿರುತ್ತದೆ ಎಂದು ಪುರಾವೆಗಳು ಸೂಚಿಸುತ್ತವೆ.

* ಸ್ತನ್ಯಪಾನವು ಅಲರ್ಜಿಗಳು ಮತ್ತು ಇತರ ಆರೋಗ್ಯ ಸಮಸ್ಯೆಗಳಿಂದ ಮಗುವನ್ನು ರಕ್ಷಿಸುತ್ತದೆ.

* ಮೊಲೆ ಹಾಲು ಮಗುವಿಗೆ ಸುಲಭವಾಗಿ ಜೀರ್ಣವಾಗುತ್ತದೆ.

* ಇದು ತಾಯಿ ಮತ್ತು ಮಗುವಿನ ನಡುವಿನ ಸಂಬಂಧವನ್ನು ಉತ್ತೇಜಿಸುತ್ತದೆ.

* ಅಂಡಾಶಯ ಮತ್ತು ಸ್ತನ ಕ್ಯಾನ್ಸರ್ ನಂತಹ ಕೆಲವು ವಿಧದ ಕ್ಯಾನ್ಸರ್ ಗಳಿಂದ ತಾಯಿಯನ್ನು ರಕ್ಷಿಸುತ್ತದೆ.

* ಗರ್ಭಾವಸ್ಥೆಯಲ್ಲಿ ಹೆಚ್ಚುವರಿ ಉಂಟಾದ ತೂಕವನ್ನು ತಾಯಿ ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ.

* ಸ್ತನ್ಯಪಾನವು ತಾಯಿಯ ಒತ್ತಡ ಮಟ್ಟವನ್ನು ಮತ್ತು ನಂತರದ ಖಿನ್ನತೆಯ ಅಪಾಯವನ್ನು ಕಡಿಮೆಗೊಳಿಸುತ್ತದೆ.