ಶಾಸ್ತ್ರಗಳಲ್ಲಿ ಅನ್ನವನ್ನು ಪರಬ್ರಹ್ಮ ಸ್ವರೂಪ ಎಂದು ಬಣ್ಣಿಸಲಾಗುತ್ತದೆ. ಹಾಗಾಗಿಯೇ, ಅನ್ನವನ್ನು ವ್ಯರ್ಥ ಮಾಡಬಾರದು ಎಂದು ದೊಡ್ಡವರು ಹೇಳುವುದನ್ನು ನೀವು ಕೇಳಿರಬಹುದು.
ರಾತ್ರಿ ಉಳಿದ ಅನ್ನವನ್ನು ಆಡು ಭಾಷೆಯಲ್ಲಿ ಹೆಚ್ಚಿನವಲ್ಲಿ ತಂಗಳನ್ನ ಎಂತಲೇ ಕರೆಯುತ್ತಾರೆ.
ನಮ್ಮಲ್ಲಿ ಹೆಚ್ಚಿನವರು ಈ ತಂಗಳನ್ನವನ್ನು ತಿನ್ನುವುದಿಲ್ಲ. ಆದರೆ, ಇದರ ಬಳಕೆಯಿಂದ ಆರೋಗ್ಯಕ್ಕಿರುವ ಪ್ರಯೋಜನಗಳ ಬಗ್ಗೆ ತಿಳಿದರೆ ನೀವು ಖಂಡಿತವಾಗಿಯೂ ತಂಗಳನ್ನವನ್ನು ಎಸೆಯುವುದಿಲ್ಲ.
ರಾತ್ರಿ ವೇಳೆ ಅನ್ನ ಉಳಿದರೆ ಅದನ್ನು ಎಸೆಯುವ ಬದಲಿಗೆ ಮಣ್ಣಿನ ಪಾತ್ರೆಯಲ್ಲಿ ಆ ಅನ್ನವನ್ನು ನೆನೆಸಿಟ್ಟು, ಬೆಳಿಗ್ಗೆ ರುಬ್ಬಿ ದೋಸೆ ಮಾಡಬಹುದು. ಇಲ್ಲವೇ ಇದಕ್ಕೆ ಮಜ್ಜಿಗೆ ಈರುಳ್ಳಿ ಹಾಕಿ ತಿನ್ನಬಹುದು. ಇದು ತುಂಬಾ ರುಚಿಕರವಲ್ಲದಿದ್ದರೂ ಇದರ ಬಳಕೆಯಿಂದ ಆರೋಗ್ಯಕ್ಕೆ ಸಾಕಷ್ಟು ಪ್ರಯೋಜನಗಳಿವೆ. ಅವುಗಳೆಂದರೆ...
ತಂಗಳನ್ನ ತಿನ್ನುವುದರಿಂದ ದೇಹದ ಅತಿಯಾದ ಉಷ್ಣತೆಯನ್ನು ನಿಯಂತ್ರಿಸಬಹುದು.
ತಂಗಳನ್ನದಲ್ಲಿ ನಾರಿಣಾಂಶ ಹೆಚ್ಚಾಗಿ ಕಂಡು ಬರುತ್ತದೆ. ಹಾಗಾಗಿ ಇದು ಮಲಬದ್ಧತೆಯಿಂದ ಪರಿಹಾರವನ್ನು ನೀಡುತ್ತದೆ.
ಸಾಮಾನ್ಯವಾಗಿ ತಂಗಳನ್ನ ತಿಂದರೆ ನಿದ್ದೆ ಬರುತ್ತದೆ ಎನ್ನುತ್ತಾರೆ. ಆದರೆ, ಇದು ಕೇವಲ ನಿಮ್ಮ ಮನಃಸ್ಥಿತಿಯಷ್ಟೆ. ವಾಸ್ತವವಾಗಿ, ತಂಗಳನ್ನ ತಿನ್ನುವುದರಿಂದ ಇಡೀ ದಿನ ತಾಜಾತನ ಇರಲಿದೆ.
ನೀವು ಅತಿಯಾಗಿ ಟೀ, ಕಾಫಿ ಸವಿಯುವುದನ್ನು ಬಿಡಲು ಇಚ್ಛಿಸಿದರೆ ದಿನ ಬೆಳಿಗ್ಗೆ ಹೊತ್ತು ತಂಗಳನ್ನ ಸೇವಿಸಿ.
ವಾರಕ್ಕೆರಡು ಬಾರಿ ತಂಗಳನ್ನ ತಿನ್ನುವುದರಿಂದ ಅಲ್ಸರ್ ಸಮಸ್ಯೆಗೆ ಪರಿಹಾರ ಪಡೆಯಬಹುದು ಎನ್ನಲಾಗುತ್ತದೆ. ಸೂಚನೆ: ಪ್ರಿಯ ಓದುಗರೇ, ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ದಯವಿಟ್ಟು ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಿ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.