ಬೆಳಿಗ್ಗೆ ಎದ್ದಾಗಿನಿಂದ ರಾತ್ರಿ ಮಲಗುವವರೆಗೆ ದಿನಕ್ಕೆ ಐದಾರು ಬಾರಿ ಚಹ ಕುಡಿಯುವವರೂ ಇದ್ದಾರೆ. ಚಹಾವು ಒತ್ತಡವನ್ನು ಕಡಿಮೆ ಮಾಡುತ್ತದೆ, ಮನಸ್ಸಿಗೆ ವಿಶ್ರಾಂತಿ ನೀಡುತ್ತದೆ. ಆದರೆ ಹಾಲು ಮತ್ತು ಸಕ್ಕರೆಯೊಂದಿಗೆ ಚಹಾವನ್ನು ಹೆಚ್ಚು ಕುಡಿಯಬಾರದು.
ಮಧುಮೇಹಿಗಳು ಸೇವಿಸುವ ಆಹಾರದಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ ಕಡಿಮೆ ಇರುವಂತೆ ನೋಡಿಕೊಳ್ಳಬೇಕು. ಹಾಗೆಯೇ ನೀವು ಸುಲಭವಾಗಿ ಜೀರ್ಣವಾಗುವ ಮತ್ತು ಹಸಿವನ್ನು ನಿಯಂತ್ರಿಸುವ ಆಹಾರವನ್ನು ಸೇವಿಸಬೇಕು.
ಮಧುಮೇಹ ಇರುವವರು ಕಡಿಮೆ ಕೊಬ್ಬಿನ ಹಾಲಿನೊಂದಿಗೆ ಮಾಡಿದ ಚಹಾವನ್ನು ಕುಡಿಯಬಹುದು. ಆದರೆ ಈ ಟೀಯಲ್ಲಿ ಬಿಳಿ ಸಕ್ಕರೆಯ ಬದಲು ಹಳ್ಳಿಗಾಡಿನ ಕಡಿಮೆ ಗ್ಲೈಸೆಮಿಕ್ ಇರುವ ಸಕ್ಕರೆ ಬಳಸಬೇಕು ಎನ್ನುತ್ತಾರೆ ಆರೋಗ್ಯ ತಜ್ಞರು.
ಸಕ್ಕರೆ ಕಾಯಿಲೆ ಇರುವವರು ಹಾಲಿನಿಂದ ಮಾಡಿದ ಟೀ ಕುಡಿದರೆ ಯಾವುದೇ ಸಮಸ್ಯೆ ಇರುವುದಿಲ್ಲ. ಆದರೆ ಅಂತಹ ಚಹಾದಲ್ಲಿ ಕಾರ್ಬೋಹೈಡ್ರೇಟ್ ಅಧಿಕವಾಗಿರುತ್ತದೆ. ಇವು ನಿಮ್ಮ ತೂಕವನ್ನು ಹೆಚ್ಚಿಸುತ್ತವೆ. ಆದ್ದರಿಂದ ಇದನ್ನು ಹೆಚ್ಚು ಕುಡಿಯಬೇಡಿ.
ನೀವು ಸಕ್ಕರೆ ಇಲ್ಲದೆ ಚಹಾವನ್ನು ಕುಡಿಯಲು ಬಯಸಿದರೆ, ಹಸಿರು ಚಹಾ, ನಿಂಬೆ ಚಹಾ, ಕಪ್ಪು ಚಹಾವನ್ನು ಕುಡಿಯಿರಿ. ಇವು ನಿಮ್ಮ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ.
ನೀವು ಹಾಲಿನ ಟೀ ಕುಡಿದ ಕುಡಿದ ತಕ್ಷಣ ನಿಮ್ಮ ರಕ್ತದ ಸಕ್ಕರೆಯಲ್ಲಿ ಏನಾದರೂ ಬದಲಾವಣೆಯಾಗಿದೆಯೇ ಎಂದು ಪರೀಕ್ಷಿಸಿ. ಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸಿದರೆ, ಚಹಾ ಸೇವನೆಯನ್ನು ಕಡಿಮೆ ಮಾಡಿ. ಅಥವಾ ಸಂಪೂರ್ಣವಾಗಿ ತ್ಯಜಿಸಿ.
ಮಧುಮೇಹ ಇರುವವರು ಬೆಳಿಗ್ಗೆ ಬೇಗನೆ ಚಹಾ ಕುಡಿಯುವುದನ್ನು ತಪ್ಪಿಸಬೇಕು. ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸುತ್ತದೆ. ಅದಕ್ಕಾಗಿಯೇ ನೀವು ಬೆಳಿಗ್ಗೆಯ ಬದಲು ಸಂಜೆ ಚಹಾವನ್ನು ಕುಡಿಯಬಹುದು.