ಭಾರತದ ಅತಿ ಶ್ರೀಮಂತ ರಾಜ್ಯ ಯಾವುದು ಗೊತ್ತಾ? ಕರ್ನಾಟಕಕ್ಕೆ ಎಷ್ಟನೇ ಸ್ಥಾನ..!

ನವದೆಹಲಿ: 2027-28ರ ವೇಳೆಗೆ ಭಾರತ ಮೂರನೇ ಅತಿದೊಡ್ಡ ಆರ್ಥಿಕತೆಯಾಗಲಿದೆ. 5 ಟ್ರಿಲಿಯನ್ ಡಾಲರ್ ಜಿಡಿಪಿ ಅಂದರೆ ಒಟ್ಟು ದೇಶೀಯ ಉತ್ಪನ್ನದ ಗುರಿಯನ್ನು ತಲುಪಿದ ತಕ್ಷಣ ಈ ಸಾಧನೆಯನ್ನು ಸಾಧಿಸುತ್ತದೆ ಎಂದು ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ವರ್ಷದ ಆರಂಭದಲ್ಲಿ ಹೇಳಿದ್ದರು.ಈಗ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಹೆಚ್ಚುತ್ತಿರುವ ವೇಗದೊಂದಿಗೆ ಅದರ ಸಾಧ್ಯತೆಗಳು ಮತ್ತಷ್ಟು ಹೆಚ್ಚಿವೆ. ಭಾರತದ ಜಿಡಿಪಿ 6 ವರ್ಷಗಳಲ್ಲಿ ಬಹುತೇಕ ದ್ವಿಗುಣಗೊಳ್ಳುತ್ತದೆ ಎಂದು ಅಂದಾಜಿಸಲಾಗಿದೆ.

Add Zee News as a Preferred Source

ಟಾಪ್ 5 ಶ್ರೀಮಂತ ರಾಜ್ಯಗಳು:

ದೇಶದ ಜಿಡಿಪಿಗೆ ಶೇ.13.30 ರಷ್ಟು ಕೊಡುಗೆ ನೀಡುವ ಮಹಾರಾಷ್ಟ್ರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಇದರ ನಂತರ ತಮಿಳುನಾಡು ಶೇಕಡಾ 8.90 ರಷ್ಟು ಕೊಡುಗೆ ನೀಡಿದೆ.ಕರ್ನಾಟಕ ಮತ್ತು ಗುಜರಾತ್ ಕ್ರಮವಾಗಿ ಶೇ. 8.20 ಮತ್ತು ಶೇ. 8.10 ರಷ್ಟು ಕೊಡುಗೆ ನೀಡುತ್ತಾ ಮೂರನೇ ಮತ್ತು ನಾಲ್ಕನೇ ಸ್ಥಾನದಲ್ಲಿವೆ. ಜನಸಂಖ್ಯೆಯ ದೃಷ್ಟಿಯಿಂದ ದೇಶದ ಅತಿದೊಡ್ಡ ರಾಜ್ಯವಾದ ಉತ್ತರ ಪ್ರದೇಶವು 5 ನೇ ಸ್ಥಾನದಲ್ಲಿದೆ, ದೇಶದ ಜಿಡಿಪಿಯಲ್ಲಿ ಶೇಕಡಾ 8.40 ರಷ್ಟು ಪಾಲನ್ನು ಹೊಂದಿದೆ.

ಇದನ್ನೂ ಓದಿ:Traffic Rules ಫಾಲೋ ಮಾಡು ಅಂದಿದ್ದಕೆ ಅ*ಶ್ಲೀಲ ಸನ್ನೆ ಮಾಡಿ ಕಾರು ಚಾಲಕ ಕಿರಿಕ್..! ವಿಡಿಯೋ ವೈರಲ್... ದೂರು ದಾಖಲು 

ಪತ್ರಿಕೆ ವರದಿಯ ಪ್ರಕಾರ, ಈ ಪಟ್ಟಿಯಲ್ಲಿ ನವದೆಹಲಿ 13 ನೇ ಸ್ಥಾನದಲ್ಲಿದೆ. ಇಲ್ಲಿ 2024-25ನೇ ಹಣಕಾಸು ವರ್ಷಕ್ಕೆ GSDP 11.07 ಲಕ್ಷ ಕೋಟಿ ರೂ. ಎಂದು ಅಂದಾಜಿಸಲಾಗಿದೆ. ಅದೇ ಸಮಯದಲ್ಲಿ, ದೆಹಲಿಯು ದೇಶದ ಆರ್ಥಿಕತೆಗೆ ಶೇಕಡಾ 3.6 ರಷ್ಟು ಕೊಡುಗೆ ನೀಡುತ್ತದೆ.

2024-25ರಲ್ಲಿ ರಾಜ್ಯ ಅಂದಾಜು GSDP (ಲಕ್ಷ ಕೋಟಿಗಳಲ್ಲಿ ಅಂಕಿಅಂಶಗಳು) 2022-23ರಲ್ಲಿ ತಲಾ ಜಿಡಿಪಿ ನಿವ್ವಳ ರಾಜ್ಯ ದೇಶೀಯ ಉತ್ಪನ್ನ (ಲಕ್ಷ ಕೋಟಿಗಳಲ್ಲಿ ಅಂಕಿಅಂಶಗಳು) ದೇಶದ GDP ಗೆ ಕೊಡುಗೆ

1 ಮಹಾರಾಷ್ಟ್ರ 42.67 2.89 13.30%
2 ತಮಿಳುನಾಡು 31.55 3.50 (2023-24) 8.90%
3 ಕರ್ನಾಟಕ 28.09 3.31 8.20%
4 ಗುಜರಾತ್ 27.9 3.13 8.10%
5 ಉತ್ತರ ಪ್ರದೇಶ 24.99 0.96 8.40%
6 ಪಶ್ಚಿಮ ಬಂಗಾಳ 18.8 1.57 5.60
7 ರಾಜಸ್ಥಾನ 17.8 1.67 (2023-24) 5%
8 ತೆಲಂಗಾಣ 16.5 3.83 (2023-24) 4.90%
9 ಆಂಧ್ರಪ್ರದೇಶ 15.89 2.7 4.70%
10 ಮಧ್ಯಪ್ರದೇಶ 15.22 1.56 (2023-24) 4.50%

ಎಸ್ & ಪಿ ಗ್ಲೋಬಲ್ ಅಂದಾಜಿನ ಪ್ರಕಾರ, 2030-31ರ ಆರ್ಥಿಕ ವರ್ಷದ ವೇಳೆಗೆ ಭಾರತದ ನಾಮಮಾತ್ರ ಜಿಡಿಪಿ ಬಹುತೇಕ ದ್ವಿಗುಣಗೊಂಡು 7 ಟ್ರಿಲಿಯನ್ ಡಾಲರ್ ಗಡಿ ದಾಟುತ್ತದೆ ಎಂದು ಹೇಳಲಾಗುತ್ತಿದೆ. ಮೂರನೇ ಅತಿದೊಡ್ಡ ಆರ್ಥಿಕತೆಯ ಗುರಿಯನ್ನು ಸಾಧಿಸುವ ಓಟದಲ್ಲಿ, ತಲಾವಾರು ಜಿಡಿಎಸ್ಪಿ ಅಂದರೆ ಒಟ್ಟು ರಾಜ್ಯ ದೇಶೀಯ ಉತ್ಪನ್ನ ಮತ್ತು ಜಿಡಿಪಿಯಲ್ಲಿ ಕೊಡುಗೆ ನೀಡುವಲ್ಲಿ ದೊಡ್ಡ ಪಾತ್ರ ವಹಿಸುತ್ತಿರುವ ಅನೇಕ ರಾಜ್ಯಗಳು ಹೊರಹೊಮ್ಮಿವೆ.