ಪಹಲ್ಗಾಮ್: ಏಪ್ರಿಲ್ 22 ರಂದು ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್ ಜಿಲ್ಲೆಯ ಪಹಲ್ಗಾಮ್ನ ಬೈಸರನ್ ಕಣಿವೆಯಲ್ಲಿ ನಡೆದ ಭಯೋತ್ಪಾದಕ ದಾಳಿಯು ಭಾರತವನ್ನು ಬೆಚ್ಚಿಬಿಳಿಸಿದೆ. ಈ ದಾಳಿಯಲ್ಲಿ 28 ಪ್ರವಾಸಿಗರು ಮೃತಪಟ್ಟಿದ್ದು, 20ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಈ ದಾಳಿಯ ಜವಾಬ್ದಾರಿಯನ್ನು ಲಷ್ಕರ್-ಎ-ತೊಯ್ಬಾದ ಒಂದು ಶಾಖೆಯಾದ "ದಿ ರೆಸಿಸ್ಟೆನ್ಸ್ ಫ್ರಂಟ್" ಹೊತ್ತುಕೊಂಡಿದೆ ಎಂದು ಮಾಧ್ಯಮದ ವರದಿಗಳು ತಿಳಿಸಿವೆ.
ಪಹಲ್ಗಾಮ್ ಮೇಲಿನ ಉಗ್ರರ ದಾಳಿಯ ವೇಳೆ ಪ್ರೊಫೆಸರ್ ದೇಬಾಶಿಷ್ ಭಟ್ಟಾಚಾರ್ಯ ಎನ್ನುವವರು ಕಲ್ಮಾವನ್ನು ಪಠಿಸುವುದರ ಮೂಲಕ ಉಗ್ರರ ದಾಳಿಯಿಂದ ಪಾರಾಗಿದ್ದಾರೆ. ಈ ಬೆನ್ನಲ್ಲೇ ಈಗ ಕಲ್ಮಾದ ಕುರಿತಾಗಿ ಚರ್ಚೆ ನಡೆದಿದೆ.ತಮ್ಮ ಮೇಲೆ ಉಗ್ರರು ದಾಳಿ ಮಾಡುತ್ತಿದ್ದಾಗಿನ ಭೀಕರ ಅನುಭವವನ್ನು ಈ ರೀತಿ ವಿವರಿಸಿದ್ದಾರೆ. "ನನ್ನ ಸುತ್ತಲೂ ಎಲ್ಲರೂ ಕಲ್ಮಾ ಪಠಿಸುತ್ತಿದ್ದರು. ನಾನೂ ಕೂಡ ಅದನ್ನೇ ಪಠಿಸಲು ಆರಂಭಿಸಿದೆ. ಒಬ್ಬ ಉಗ್ರ ನನ್ನ ತಲೆಗೆ ಬಂದೂಕು ಹಿಡಿದು, ನಾನು ಏನನ್ನು ಪಠಿಸುತ್ತಿದ್ದೇನೆ ಎಂದು ಕೇಳಿದ. ಆಗ ನಾನು 'ಲಾ ಇಲಾಹ ಇಲ್ಲಲ್ಲಾಹ' ಎಂದು ಪಠಿಸುತ್ತಲೇ ಇದ್ದೆ. ಆಗ ಇದನ್ನು ಕೇಳಿ ಆತ ನಂತರ ದೂರ ಹೋದ," ಎಂದು ಭಟ್ಟಾಚಾರ್ಯ ಹೇಳಿದ್ದಾರೆ. ಕಲ್ಮಾ ಪಠಿಸಿದ್ದರಿಂದ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಹಾಗಾಗಿ ಈಗ ನಾವು ಈ ಕಲ್ಮಾ ಎಂದರೇನು? ಇದರ ಮಹತ್ವದ ಕುರಿತು ತಿಳಿದುಕೊಳ್ಳೋಣ ಬನ್ನಿ.
ಕಲ್ಮಾ ಎಂದರೇನು?
ಕಲ್ಮಾ (ಅರೇಬಿಕ್ನಲ್ಲಿ "ಕಲಿಮಾ") ಎಂಬುದು ಇಸ್ಲಾಂ ಧರ್ಮದಲ್ಲಿ ಪವಿತ್ರವಾದ ಘೋಷಣೆಯಾಗಿದ್ದು, ಇದನ್ನು "ಕಲಿಮಾ ತಯ್ಯಿಬಾ" ಅಥವಾ "ಶಹಾದಾ" ಎಂದೂ ಕರೆಯುತ್ತಾರೆ. ಇದು ಇಸ್ಲಾಂ ಧರ್ಮದ ಮೂಲಭೂತ ಸಿದ್ಧಾಂತವನ್ನು ಸಾರುವ ಒಂದು ಶಬ್ದವಾಕ್ಯವಾಗಿದೆ. ಕಲ್ಮಾದ ಸಂಪೂರ್ಣ ರೂಪವು ಹೀಗಿದೆ:
'ಲಾ ಇಲಾಹ ಇಲ್ಲಲ್ಲಾಹ, ಮುಹಮ್ಮದುರ್ ರಸೂಲುಲ್ಲಾಹ' ('ಅಲ್ಲಾಹನೊಬ್ಬನೇ ದೇವರು, ಮುಹಮ್ಮದ್ ಅವರು ಅಲ್ಲಾಹನ ದೂತರು')
ಈ ಘೋಷಣೆಯು ಇಸ್ಲಾಂನ ಏಕದೇವತಾವಾದವನ್ನು (ತೌಹೀದ್) ಮತ್ತು ಪ್ರವಾದಿ ಮುಹಮ್ಮದ್ ಅವರ ದೈವದೂತ ಸ್ಥಾನವನ್ನು ಒಪ್ಪಿಕೊಳ್ಳುವುದನ್ನು ಸೂಚಿಸುತ್ತದೆ. ಇಸ್ಲಾಂಗೆ ಪ್ರವೇಶಿಸುವವರು ಈ ಕಲ್ಮಾವನ್ನು ಹೃದಯಪೂರ್ವಕವಾಗಿ ಒಪ್ಪಿಕೊಂಡು ಉಚ್ಚರಿಸಬೇಕು, ಇದು ಆಗ ಆ ವ್ಯಕ್ತಿಯನ್ನು ಮುಸ್ಲಿಮನನ್ನಾಗಿ ಮಾಡುತ್ತದೆ. ಇದು ಇಸ್ಲಾಂನ ಐದು ಸ್ತಂಭಗಳಲ್ಲಿ (ಅರ್ಕಾನ್) ಮೊದಲನೆಯದಾದ "ಶಹಾದಾ"ವನ್ನು ಪ್ರತಿನಿಧಿಸುತ್ತದೆ.
ಕಲ್ಮಾವು ಧಾರ್ಮಿಕವಾಗಿ ಮಾತ್ರವಲ್ಲ, ಸಾಂಸ್ಕೃತಿಕವಾಗಿಯೂ ಮಹತ್ವವನ್ನು ಹೊಂದಿದೆ. ಇದನ್ನು ನಮಾಝ್ (ಪ್ರಾರ್ಥನೆ), ಅಜಾನ್ (ಪ್ರಾರ್ಥನೆಗೆ ಕರೆ), ಮತ್ತು ಇತರ ಧಾರ್ಮಿಕ ಸಂದರ್ಭಗಳಲ್ಲಿ ಉಚ್ಚರಿಸಲಾಗುತ್ತದೆ. ಇದು ಆಧ್ಯಾತ್ಮಿಕ ಶಕ್ತಿಯ ಮೂಲವೆಂದು ಭಾವಿಸಲಾಗುತ್ತದೆ.
ಈ ದಾಳಿಯ ಸಂದರ್ಭದಲ್ಲಿ ಕೆಲವು ಪ್ರತ್ಯಕ್ಷದರ್ಶಿಗಳ ಪ್ರಕಾರ, ಭಯೋತ್ಪಾದಕರು ದಾಳಿಯ ಸಮಯದಲ್ಲಿ ಕೆಲವು ಪ್ರವಾಸಿಗರಿಗೆ ಕಲ್ಮಾವನ್ನು ಪಠಿಸುವಂತೆ ಒತ್ತಾಯಿಸಿದ್ದಾರೆ. ಕಲ್ಮಾವನ್ನು ಉಚ್ಚರಿಸದವರನ್ನು ಗುಂಡಿಕ್ಕಿ ಕೊಂದಿದ್ದಾರೆ ಎಂಬ ಆರೋಪಗಳಿವೆ. ಉದಾಹರಣೆಗೆ, ಶುಭಂ ದ್ವಿವೇದಿ ಎಂಬಾತನ ಪತ್ನಿಯ ಹೇಳಿಕೆಯ ಪ್ರಕಾರ, ಭಯೋತ್ಪಾದಕರು ಶುಭಂ ಅವರಿಗೆ ಕಲ್ಮಾವನ್ನು ಪಠಿಸಲು ಹೇಳಿದ್ದಾರೆ, ಆದರೆ ಅವರು ಉಚ್ಚರಿಸದ ಕಾರಣ ಗುಂಡಿಕ್ಕಿ ಕೊಲೆ ಮಾಡಲಾಗಿದೆ ಎಂದು ವರದಿಯಾಗಿದೆ.
ಈ ಘಟನೆಗಳು ಕಲ್ಮಾವನ್ನು ಧಾರ್ಮಿಕ ಅಸ್ಮಿತೆಯ ಸಾಧನವನ್ನಾಗಿ ಭಯೋತ್ಪಾದಕರು ಬಳಸಿದ್ದಾರೆ ಎಂಬ ಗಂಭೀರ ಆರೋಪ ಇದೆ. ಇದು ಧರ್ಮದ ಹೆಸರಿನಲ್ಲಿ ನಡೆದ ಹಿಂಸಾಚಾರವನ್ನು ಎತ್ತಿ ತೋರಿಸಿದ್ದು, ದೇಶಾದ್ಯಂತ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. Xನಲ್ಲಿ ಕೆಲವು ಬಳಕೆದಾರರು ಈ ಘಟನೆಯನ್ನು ಜಿಹಾದಿಯ ಮನಸ್ಥಿತಿ ಎಂದು ಖಂಡಿಸಿದರೆ, ಇತರರು ಇದನ್ನು ಧಾರ್ಮಿಕ ಸಾಮರಸ್ಯಕ್ಕೆ ಧಕ್ಕೆ ತರುವ ಕೃತ್ಯ ಎಂದು ವಿವರಿಸಿದ್ದಾರೆ.
ಇಸ್ಲಾಂ ಧರ್ಮದಲ್ಲಿ ಕಲ್ಮಾವು ಶಾಂತಿ, ಶರಣಾಗತಿ, ಮತ್ತು ಆಧ್ಯಾತ್ಮಿಕತೆಯ ಸಂಕೇತವಾಗಿದೆ. ಆದರೆ, ಈ ದಾಳಿಯಲ್ಲಿ ಇದನ್ನು ಉಗ್ರರು ಧಾರ್ಮಿಕ ಗುರುತನ್ನು ಪರೀಕ್ಷಿಸುವ ಸಾಧನವಾಗಿ ಬಳಸಿದ್ದಾರೆ ಎನ್ನಲಾಗಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಜೀ ಕನ್ನಡ ನ್ಯೂಸ್ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ.
