 "ABCD ಕಲಿಯಲು 2.5 ಲಕ್ಷ ರೂಪಾಯಿ ಫೀಸ್: ಪೋಷಕರ ಪೋಸ್ಟ್ ಸಖತ್ ವೈರಲ್")
Children's school fees
: ದೇಶದಲ್ಲಿ ಶಿಕ್ಷಣ ಇಂದು ದೊಡ್ದ ಬ್ಯುಸಿನೆಸ್ ಆಗಿ ಮಾರ್ಪಟ್ಟಿದೆ. UKG-LKG ಓದು ಮಕ್ಕಳಿಗೆ ಇಂದು ಲಕ್ಷ ಲಕ್ಷ ಫೀಸ್ ಕಟ್ಟಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಶಿಕ್ಷಣದ ಹೆಸರಿನಲ್ಲಿ ವ್ಯಾಪಾರೀಕರಣದ ಭರಾಟೆ ಜೋರಾಗಿಯೇ ನಡೆಯುತ್ತಿದೆ. ಅನೇಕ ಪೋಷಕರು ತಮ್ಮ ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡಬೇಕೆಂಬ ಆಸೆಯಲ್ಲಿ ಕಷ್ಟಪಟ್ಟು ದುಡಿದ ಹಣವನ್ನ ನೀರಿನಂತೆ ಖರ್ಚು ಮಾಡಬೇಕಿದೆ. ಬಹುತೇಕ ಖಾಸಗಿ ಶಾಲೆಗಳು ಇಂದು ಮಕ್ಕಳ ಶಿಕ್ಷಣಕ್ಕೆ ಲಕ್ಷ ಲಕ್ಷ ಫೀಸ್ಗಳನ್ನ ವಸೂಲಿ ಮಾಡುತ್ತಿವೆ. ಕೆಲವು ಖಾಸಗಿ ಶಾಲೆಗಳು ನರ್ಸರಿ ಮಕ್ಕಳಿಗೆ ಲಕ್ಷಾಂತರ ರೂಪಾಯಿ ಫೀಸ್ ಪಡೆದು ಶಿಕ್ಷಣದ ಹೆಸರಿನಲ್ಲಿ ದೊಡ್ಡ ದಂಧೆಯನ್ನೇ ನಡೆಸುತ್ತಿವೆ. ಮಕ್ಕಳು ABCD ಕಲಿಯಲು ಸಹ ಇಂದು 2.5 ಲಕ್ಷ ರೂಪಾಯಿ ಫೀಸ್ ಕೊಡಬೇಕು. ನರ್ಸರಿ ಶಾಲೆ ಶುಲ್ಕದ ಕುರಿತು ಪೋಷಕರ ಪೋಸ್ಟ್ವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ಹೌದು, ಇತ್ತೀಚೆಗೆ ಹೈದರಾಬಾದ್ನ ಪ್ರಸಿದ್ಧ ಖಾಸಗಿ ಶಾಲೆಯ ಶುಲ್ಕದ "ರಿಸೆಪ್ಟ್"ವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಚರ್ಚೆಗೆ ಕಾರಣವಾಗಿದೆ. 2025-26ನೇ ಶೈಕ್ಷಣಿಕ ವರ್ಷಕ್ಕೆ ನರ್ಸರಿ ಪ್ರವೇಶಕ್ಕಾಗಿ ಶಾಲೆಯು 2.51 ಲಕ್ಷ ರೂಪಾಯಿಗಳನ್ನು ವಿಧಿಸುತ್ತಿದೆ ಎಂದು ತಿಳಿಸಲಾಗಿದೆ. ಈ ಆಘಾತಕಾರಿ ಅಂಕಿ ಅಂಶವು ABCD ಕಲಿಯಲು ಪ್ರಾರಂಭಿಸುವ ಮಗುವಿಗೆ ತಿಂಗಳಿಗೆ ಸರಿಸುಮಾರು 21,000 ರೂ.ಗಳಿಗೆ ಸಮನಾಗಿರುತ್ತದೆ.
Class- Nursery
Fees - Rs 2,51,000/-Now, learning ABCD will cost you Rs 21,000 per month.
What are these schools even teaching to justify such a ridiculously high fee? pic.twitter.com/DkWOVC28Qs
— Anuradha Tiwari (@talk2anuradha) July 30, 2025
ವೈರಲ್ ಪೋಸ್ಟ್ನ ಪ್ರಕಾರ, ಈ ಶುಲ್ಕವು ಶಾಲೆಯ ವಿವಿಧ ಸೌಲಭ್ಯಗಳಿಗೆ ನೀಡಬೇಕೆಂದು ಸೂಚಿಸಿದೆ. ಈ ಪೈಕಿ ಜಾಹೀರಾತು ಬೋಧನಾ ಶುಲ್ಕ: 47,750 ರೂ., ಪ್ರವೇಶ ಶುಲ್ಕ: 5,000 ರೂ., ಆರಂಭಿಕ ಶುಲ್ಕ: 12,500 ರೂ., ಮರುಪಾವತಿಸಬಹುದಾದ ಠೇವಣಿ: 10,000 ರೂ. ಹೀಗೆ ವಿವಿಧ ರೀತಿಯ ಶುಲ್ಕಗಳನ್ನು ಪಾವತಿಸಬೇಕೆಂದು ತಿಳಿಸಲಾಗಿದೆ. ಪೋಷಕರು ಒಟ್ಟು ಮೊತ್ತವನ್ನು ನಾಲ್ಕು ಕಂತುಗಳಲ್ಲಿ ಅಂದರೆ ಜೂನ್, ಸೆಪ್ಟೆಂಬರ್, ಡಿಸೆಂಬರ್ ಮತ್ತು ಅಂತಿಮ ಕಂತಿನಲ್ಲಿ ಪಾವತಿಸಬೇಕೆಂದು ತಿಳಿಸಲಾಗಿದೆ. ಈ ಎಲ್ಲಾ ಶುಲ್ಕದ ಒಟ್ಟು ಮೊತ್ತವು 2,51,000 ರೂ. ಆಗುತ್ತದೆ.
ಎಲ್ಲಾ ಹಂತಗಳ ಶುಲ್ಕದ ಪೈಕಿ ನರ್ಸರಿ ಶುಲ್ಕವು ಕೇವಲ ಆರಂಭವಾಗಿದೆ. ಅದೇ ಶುಲ್ಕ ರಚನೆಯ ಪ್ರಕಾರ: ಪೂರ್ವ ಪ್ರಾಥಮಿಕ I (PPI): 2,72,400 ರೂ., ಪೂರ್ವ ಪ್ರಾಥಮಿಕ II (PPII): 2,72,400 ರೂ., ವರ್ಗಗಳು I ಮತ್ತು IIಕ್ಕೆ 2,91,460 ರೂ., ವರ್ಗಗಳು III ರಿಂದ Vಕ್ಕೆ 3,22,350 ರೂ. ಆಗುತ್ತದೆ. ಈ ಪೋಸ್ಟ್ ನೋಡಿದ ಅನೇಕ ಪೋಷಕರು ಶಾಕ್ ಆಗಿದ್ದಾರೆ. ಖಾಸಗಿ ಶಾಲೆಗಳ ಶಿಕ್ಷಣ ದಂಧೆಯ ಬಗ್ಗೆ ನೆಟಿಜನ್ಸ್ ಕೂಡ ವ್ಯಾಪಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
)