78 ವರ್ಷಗಳ ಹಿಂದೆ ಭಾರತ- ಪಾಕ್ ಗಡಿ ನಿರ್ಧಾರವಾದದ್ದು ಹೇಗೆ? ಕೇವಲ ಇಬ್ಬರು ಅಧಿಕಾರಿಗಳೇ ನಿರ್ಧರಿಸಿ ಬಿಟ್ಟರೇ ಅಟಾರಿ ಬಾಗಾ ಬಾರ್ಡರ್

Attari Wagah border checkpost:ಅಟ್ಟಾರಿ-ವಾಘಾ ಗಡಿ ನಿರ್ಧರಾವಾಗಿರುವ ಹೊಂದಿದೆ ರೋಚಕ ಕತೆ. ಇಬ್ಬರು ಅಧಿಕಾರಿಗಳು ಸೇರಿ ಯಾವ ರೀತಿ ಇಲ್ಲಿ ಚೆಕ್ ಪೋಸ್ಟ್ ನಿರ್ಮಿಸಿದರು ಎನ್ನುವುದೇ ಕುತೂಹಲ.

Attari Wagah border checkpost : ಅಟ್ಟಾರಿ-ವಾಘಾ ಗಡಿ ಅಂದರೆ  ದೇಶಭಕ್ತಿಯ ಉತ್ಸಾಹ ಮತ್ತು ಚೈತನ್ಯವನ್ನು ತುಂಬುವ ಬೀಟಿಂಗ್ ರಿಟ್ರೀಟ್‌ನ ಚಿತ್ರಗಳು ಕಣ್ಣ ಮುಂದೆ ಹಾದು ಹೋಗುತ್ತವೆ. ಇಲ್ಲಿ ಪ್ರತಿದಿನ ಸಂಜೆ ಭಾರತ್ ಮಾತಾ ಕಿ ಜೈ ಘೋಷಣೆಗಳು ಪ್ರತಿಧ್ವನಿಸುತ್ತವೆ. ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ಹಿನ್ನೆಲೆಯಲ್ಲಿ ಭಾರತ ಅಟ್ಟಾರಿ ಚೆಕ್‌ಪೋಸ್ಟ್ ಅನ್ನು ಮುಚ್ಚಲಾಗಿದೆ. ಆದರೆ ಅಟ್ಟಾರಿ ಚೆಕ್‌ಪೋಸ್ಟ್‌ನ ಇತಿಹಾಸ ಕಡಿಮೆ ಆಸಕ್ತಿದಾಯಕವಲ್ಲ. 

Add Zee News as a Preferred Source

ರಾಡ್‌ಕ್ಲಿಫ್ ಲೈನ್ : 
ದೇಶ ವಿಭಜನೆಯ ಹೊತ್ತಿನಲ್ಲಿ ಅಟ್ಟಾರಿ ಚೆಕ್ ಪೋಸ್ಟ್‌ನಲ್ಲಿ ಅಷ್ಟೊಂದು ಆಡಂಬರವಿರಲಿಲ್ಲ. ಕೆಲವು ನೀಲಿ ಡ್ರಮ್‌ಗಳನ್ನು ಇಲ್ಲಿ ಇರಿಸಲಾಗಿತ್ತು, ಕಲ್ಲುಗಳಿಂದ ಗಡಿಗಳನ್ನು ಎಳೆಯಲಾಗಿತ್ತು. ಈ ಚೆಕ್ ಪೋಸ್ಟ್ ಕಥೆಯು 1947 ರಲ್ಲಿ ಪ್ರಾರಂಭವಾಗುತ್ತದೆ. ಬ್ರಿಟಿಷ್ ವಕೀಲ ಸರ್ ಸಿರಿಲ್ ರಾಡ್ಕ್ಲಿಫ್ ಅವರು ಭಾರತ ಮತ್ತು ಪಾಕಿಸ್ತಾನದ ನಡುವಿನ ಗಡಿಯನ್ನು ಗುರುತಿಸುವ ಜವಾಬ್ದಾರಿಯನ್ನು ಹೊಂದಿದ್ದರು. ಅಂತರರಾಷ್ಟ್ರೀಯ ಗಡಿಯನ್ನು ಗುರುತಿಸಲು ಅವರಿಗೆ ಕೇವಲ ಐದು ವಾರಗಳ ಕಾಲಾವಕಾಶ ನೀಡಲಾಯಿತು. ಅಂದರೆ ಆಗಸ್ಟ್ 15, 1947 ರೊಳಗೆ ಅವರು ಈ ನಿರ್ಧಾರ ಮಾಡಬೇಕಿತ್ತು. ಇದೆಲ್ಲವೂ ಎಷ್ಟು ಆತುರದಲ್ಲಿ ಸಂಭವಿಸಿತು ಎಂದರೆ, ಭಾರತ ಮತ್ತು ಪಾಕಿಸ್ತಾನ ಎರಡೂ ದೇಶಕ್ಕೂ ರಾಡ್‌ಕ್ಲಿಫ್ ಅವಾರ್ಡ್ ನ ಪ್ರತಿಯನ್ನು ಓದಲು ಸಿಕ್ಕಿದ್ದು ಕೆಲವೇ ಕೆಲವು ಘಂಟೆಗಳು ಮಾತ್ರ. ಇದು  ಆಗಸ್ಟ್ 17, 1947 ರಿಂದ ಜಾರಿಗೆ ಬಂದಿತು. ವಿಭಜನೆಯ ಸಮಯದಲ್ಲಿ, ಸುಮಾರು 65 ಲಕ್ಷ ಮುಸ್ಲಿಮರು ಪೂರ್ವ ಪಂಜಾಬ್‌ನಿಂದ ಪಶ್ಚಿಮ ಪಂಜಾಬ್‌ಗೆ ಮತ್ತು ಸುಮಾರು 47 ಲಕ್ಷ ಹಿಂದೂಗಳು ಮತ್ತು ಸಿಖ್ಖರು ಪಶ್ಚಿಮ ಭಾಗದಿಂದ ಪೂರ್ವ ಭಾಗಕ್ಕೆ ವಲಸೆ ಬಂದರು. ಆರಂಭಿಕ ತಿಂಗಳುಗಳಲ್ಲಿ, ಪಂಜಾಬ್ ನಡುವಿನ ಗಡಿಗಳು ತೆರೆದಿದ್ದವು.

ಇದನ್ನೂ ಓದಿ : ಕಾಶ್ಮೀರದ ಮೂಲ ಜನಾಂಗ ಯಾವುದು ಗೊತ್ತಾ? ಹಿಂದೂಗಳಿಗಿಂತ ಮೊದಲೇ ಇಲ್ಲಿ ಪ್ರಭಾವ ಬೀರಿತ್ತಂತೆ ಈ ʼಧರ್ಮʼ

ಮೊಹಿಂದರ್ ಸಿಂಗ್ ಚೋಪ್ರಾಗೆ ಜವಾಬ್ದಾರಿ : 
ಇತಿಹಾಸಕಾರ ವಿ.ಎನ್. ದತ್ತ ಅವರ ಪುಸ್ತಕ (Amritsar: Past and Present (Municipal Committee, Amritsar – 1967)ದಲ್ಲಿ ಉಲ್ಲೇಖವಾಗಿರುವ ಪ್ರಕಾರ, ಅಕ್ಟೋಬರ್ 8, 1947 ರಂದು, ಬ್ರಿಗೇಡಿಯರ್ ಮೊಹಿಂದರ್ ಸಿಂಗ್ ಚೋಪ್ರಾ ಅಮೃತಸರದಲ್ಲಿ 123 ಭಾರತೀಯ ಪದಾತಿ ದಳದ ಕಮಾಂಡರ್ ಆಗಿ ನೇಮಕಗೊಂಡರು. ಈ ಕಮಾಂಡರ್‌ಗೆ ಪಂಜಾಬ್ ಗಡಿಗಳನ್ನು ಮೇಲ್ವಿಚಾರಣೆ ಮಾಡುವ ಮತ್ತು ರಕ್ಷಿಸುವ ಜವಾಬ್ದಾರಿಯನ್ನು ನೀಡಲಾಯಿತು. ಅಮೃತಸರದಲ್ಲಿಯೇ ಜನಿಸಿದ ಚೋಪ್ರಾ ಅವರಿಗೆ ಆ ಪ್ರದೇಶದ ಬಗ್ಗೆ ಉತ್ತಮ ಜ್ಞಾನವಿತ್ತು. ಅವರು ಭಾರತೀಯ ಸೇನೆಯ ರಾಜ ನಿಯೋಜಿತ ಭಾರತೀಯ ಅಧಿಕಾರಿಗಳ ಮೊದಲ ಬ್ಯಾಚ್‌ನ ಮಿಲಿಟರಿ ಅಧಿಕಾರಿಗಳಲ್ಲಿ ಒಬ್ಬರಾಗಿದ್ದರು. 

ನಿವೃತ್ತಿಯ ನಂತರ, ಬ್ರಿಗೇಡಿಯರ್ ಚೋಪ್ರಾ ತಮ್ಮ ಪುಸ್ತಕ  (1947: A Soldier’s Story)ದಲ್ಲಿ ಗಡಿ ಚೆಕ್‌ಪೋಸ್ಟ್ ಸ್ಥಾಪಿಸುವ ಆಸಕ್ತಿದಾಯಕ ಕಥೆಯನ್ನು ಹೇಳಿದ್ದಾರೆ. ಚೋಪ್ರಾ ಅವರಂತೆಯೇ, ಈ ಜವಾಬ್ದಾರಿಯನ್ನು ಪಾಕಿಸ್ತಾನ ಕಡೆಯಿಂದ ನಜೀರ್ ಅಹ್ಮದ್ ಅವರಿಗೆ ನೀಡಲಾಯಿತು. ಇಬ್ಬರೂ ಸೇನಾ ರೆಜಿಮೆಂಟ್‌ನ 6 ನೇ ಬೆಟಾಲಿಯನ್, 13ನೇ ರಾಯಲ್ ಫ್ರಾಂಟಿಯರ್ ಫೋರ್ಸ್ ರೈಫಲ್ಸ್‌ನಲ್ಲಿ ಒಟ್ಟಿಗೆ ಸೇವೆ ಸಲ್ಲಿಸಿದ್ದರು.

ಇದನ್ನೂ ಓದಿ : Pahalgam Attack: ನಮಗೆ ಗುಂ*ಡು ಹಾರಿಸಿ, ಆದ್ರೆ ಭಾರತದಿಂದ ಮಾತ್ರ ಹೊರಹಾಕಬೇಡಿ: ಪಾಕಿಸ್ತಾನಿ ಪ್ರಜೆಯ ಮನವಿ

ಜಿಟಿ ರೋಡ್ ನಲ್ಲಿ ಭೇಟಿ : 
ಆ ಸಮಯದಲ್ಲಿ ಗಡಿಯನ್ನು ನಿರ್ಧರಿಸುವುದು ಸುಲಭವಾಗಿರಲಿಲ್ಲ .ಏಕೆಂದರೆ ಗಡಿಯನ್ನು ಗುರುತಿಸಲು ಕಂಬಗಳಾಗಲಿ ಅಥವಾ ಯಾವುದೇ ಚಿಹ್ನೆಗಳಾಗಲಿ ಇರಲಿಲ್ಲ ಎಂದು ಚೋಪ್ರಾ ಬರೆದಿದ್ದಾರೆ. ಇಬ್ಬರೂ ಗ್ರಾಂಡ್ ಟ್ರಂಕ್ ರಸ್ತೆಯಲ್ಲಿ ನಡೆದುಕೊಂಡು ಹೋಗುವಾಗ ಭೇಟಿಯಾದರು. ಈ ಸಭೆ ಈಗ ಪಾಕಿಸ್ತಾನದಲ್ಲಿರುವ ವಾಘಾ ಗ್ರಾಮದ ಗಡಿಯಲ್ಲಿ ನಡೆಯಿತು. ಆ ಕ್ಷಣದಲ್ಲೇ, ಇಲ್ಲಿ ಚೆಕ್ ಪೋಸ್ಟ್ ನಿರ್ಮಿಸಲು ನಿರ್ಧರಿಸಲಾಯಿತು.

ವಾಘಾ ಚೆಕ್‌ಪೋಸ್ಟ್ : 
ಇಬ್ಬರೂ ಬ್ರಿಗೇಡಿಯರ್‌ಗಳು 11 ಅಕ್ಟೋಬರ್ 1947 ರಂದು ತಾತ್ಕಾಲಿಕವಾಗಿ ವಾಘಾ ಚೆಕ್‌ಪೋಸ್ಟ್ ಅನ್ನು ಸ್ಥಾಪಿಸಿದರು. ಅಲ್ಲಿ ಕೆಲವು ಡ್ರಮ್‌ಗಳು ಮತ್ತು ಕಲ್ಲುಗಳನ್ನು ಇರಿಸಿ ಗಡಿ ರೇಖೆಯನ್ನು ಎಳೆಯಲಾಯಿತು. ಎರಡೂ ಬದಿಗಳಲ್ಲಿ ಕೆಲವು ಡೇರೆಗಳನ್ನು ಹಾಕಲಾಗಿತ್ತು. ಸೈನಿಕರ ಕಣ್ಗಾವಲುಗಾಗಿ ಸೆಂಟ್ರಿ ಬಾಕ್ಸ್‌ಗಳನ್ನು ನಿರ್ಮಿಸಲಾಗಿತ್ತು. ಇದರೊಂದಿಗೆ ಭಾರತ ಮತ್ತು ಪಾಕಿಸ್ತಾನದ ಧ್ವಜಗಳು ಹಾರಲಾರಂಭಿಸಿತು. ಈ ಐತಿಹಾಸಿಕ ಘಟನೆಯ ಸ್ಮರಣಾರ್ಥವಾಗಿ ಎರಡೂ ಬದಿಗಳಲ್ಲಿ ಎರಡು ಧ್ವಜ ಕಂಬಗಳನ್ನು ಸ್ಥಾಪಿಸಲಾಯಿತು ಮತ್ತು ಹಿತ್ತಾಳೆ ತಟ್ಟೆಯನ್ನು ಸಹ ಇರಿಸಲಾಯಿತು. 

ಅಟ್ಟಾರಿ ಗ್ರಾಮದಲ್ಲಿ ಸಭೆ : 
ಗಡಿಯನ್ನು ನಿರ್ಧರಿಸಿದ ನಂತರ, ಇಬ್ಬರೂ ಅಧಿಕಾರಿಗಳು ಅಕ್ಟೋಬರ್ 21 ರಂದು ಭಾರತದ ಗಡಿಯಲ್ಲಿರುವ ಅಟ್ಟಾರಿ ಗ್ರಾಮದಲ್ಲಿ ನಿರಾಶ್ರಿತರ ಸುರಕ್ಷಿತ ನಿರ್ಗಮನದ ವಿಧಾನಗಳನ್ನು ನಿರ್ಧರಿಸಲು ಮತ್ತೊಮ್ಮೆ ಭೇಟಿಯಾದರು. 1947-48ರಲ್ಲಿ ಭಾರತ ಮತ್ತು ಪಾಕಿಸ್ತಾನದ ನಡುವಿನ ಮೊದಲ ಯುದ್ಧದ ಸಮಯದಲ್ಲಿಯೂ ಪಂಜಾಬ್ ವಲಯದಲ್ಲಿ ಶಾಂತಿ ಇತ್ತು. ಆರಂಭಿಕ ವರ್ಷಗಳಲ್ಲಿ, ಭಾರತದಿಂದ ಪಾಕಿಸ್ತಾನಕ್ಕೆ ಮತ್ತು ಪಾಕಿಸ್ತಾನದಿಂದ ಭಾರತಕ್ಕೆ ನಿರಾಶ್ರಿತರ ಸುಗಮ ಸಂಚಾರವಿತ್ತು.

ಇದನ್ನೂ ಓದಿ : ಇದು ಸೈನಿಕರ ದೇವಾಲಯ !ಇಲ್ಲಿರುವ ಯೋಧನ ಆತ್ಮವೇ ಸೈನಿಕರಿಗೆ ನಮ್ಮ ಶ್ರೀ ರಕ್ಷೆ! ಭಾರತ-ಪಾಕ್ ಗಾಡಿಯಲ್ಲಿ ಭಾರತೀಯ ಸೇನೆಗೆ ಕಾವಲು ಈ ದೇವಾಲಯದ ಬಾಬಾ

ಸಂಚಾರ ಮತ್ತು ವ್ಯಾಪಾರ ಹೆಚ್ಚಾದಂತೆ, ಈ ಚೆಕ್‌ಪೋಸ್ಟ್ ಸಾಕಷ್ಟು ಜನಪ್ರಿಯವಾಯಿತು. ನಂತರ ಈ ಚೆಕ್‌ಪೋಸ್ಟ್ ಅನ್ನು ಭಾರತವು ಗಡಿ ಭದ್ರತಾ ಪಡೆ (ಬಿಎಸ್‌ಎಫ್) ಮತ್ತು ಪಾಕಿಸ್ತಾನ ರೇಂಜರ್‌ಗಳಿಗೆ ಹಸ್ತಾಂತರಿಸಿತು. ಬಿಎಸ್ಎಫ್ ಮತ್ತು ಪಾಕಿಸ್ತಾನ ರೇಂಜರ್‌ಗಳು 1959 ರಿಂದ ಇಲ್ಲಿ ಬೀಟಿಂಗ್ ರಿಟ್ರೀಟ್ ಆಚರಿಸುತ್ತಿದ್ದಾರೆ. ಇದರಲ್ಲಿ, ಸೈನಿಕರು ಒಂದು ಕಡೆಯಿಂದ ಇನ್ನೊಂದು ಕಡೆಯಿಂದ ಗೇಟ್ ಹಿಡಿದುಕೊಂಡು ತಮ್ಮ ಕಾಲುಗಳನ್ನು ತಲೆಯವರೆಗೆ ಎತ್ತುವ ದೃಶ್ಯ ರಮಣೀಯವಾಗಿರುತ್ತದೆ. ದೇಶಭಕ್ತಿ ಗೀತೆಗಳನ್ನು ನುಡಿಸಲಾಗುತ್ತದೆ. ಆ ಪ್ರದೇಶವು ಜೈ ಹಿಂದ್ ಮತ್ತು ಪಾಕಿಸ್ತಾನ್ ಜಿಂದಾಬಾದ್ ಘೋಷಣೆಗಳಿಂದ ಪ್ರತಿಧ್ವನಿಸುತ್ತಿದೆ.

ಮೊದಲು, ಸುಮಾರು ಅರವತ್ತು ವರ್ಷಗಳ ಕಾಲ, ಈ ಚೆಕ್‌ಪೋಸ್ಟ್ ಅನ್ನು ವಾಘಾ ಬಾರ್ಡರ್ ಎಂದು ಕರೆಯಲಾಗುತ್ತಿತ್ತು.ಆದರೆ ನಂತರ ಸೆಪ್ಟೆಂಬರ್ 8, 2007 ರಂದು, ಇದನ್ನು ಅಟ್ಟಾರಿ ಬಾರ್ಡರ್ ಅಥವಾ ಅಟ್ಟಾರಿ ಚೆಕ್‌ಪೋಸ್ಟ್ ಎಂದು ಹೆಸರಿಸಲಾಯಿತು. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l
Sharechat Link - https://bit.ly/3LCjokI
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ 
Sun Direct-292 
TATA PLAY- 1664 
JIO TV-1334 
NXT Digital-30 
IN-CABLE-30 
U-Digital-162 
GTPL-17 
Rockline Telecommunications ಬೆಂಗಳೂರು-42
 V4 Digital Infotech ಮಂಗಳೂರು-628
Malanad infotech Pvt Ltd-56 
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ.