ಭಾರತದಿಂದ ಮಧ್ಯರಾತ್ರಿ ಕಾರ್ಯಾಚರಣೆ; ಇಸ್ಲಾಮಾಬಾದ್‌, ಲಾಹೋರ್‌, ರಾವಲ್ಪಿಂಡಿ ಮೇಲೆ ಖಂಡಾತರ ಕ್ಷಿಪಣಿ ದಾಳಿ

ಶ್ರೀನಗರ ವಿಮಾನ ನಿಲ್ದಾಣ, ಅವಂತಿಪೋರ ವಾಯುನೆಲೆಯ ಮೇಲಿನ ಡ್ರೋನ್ ದಾಳಿ ವಿಫಲ. ಗಡಿ ಪ್ರದೇಶಗಳಲ್ಲಿ ನಿರಂತರವಾಗಿ ಫೈರಿಂಗ್‌ ನಡೆಸುತ್ತಿರುವ ಪಾಕಿಸ್ತಾನ. ಪಾಕ್‌ಗೆ ತಕ್ಕ ಪ್ರತ್ಯುತ್ತ ನೀಡುತ್ತಿರುವ ಭಾರತೀಯ ಸೇನೆಯಿಂದ ಪ್ರತಿದಾಳಿ...

ಭಾರತ ಮತ್ತು ಪಾಕಿಸ್ತಾನ ಯುದ್ಧ - ದೆಹಲಿ ವಿಮಾನ ನಿಲ್ದಾಣದಲ್ಲಿ ಭಾರೀ ಬಿಗಿ ಭದ್ರತೆ  ಭಾರತದ ಪ್ರತಿದಾಳಿಗೆ ಪಾಕಿಸ್ತಾನ ನಲುಗಿ ಹೋಗಿದೆ. ಭಾರತದ ಸೇನೆ ಈಗ ಮತ್ತೊಂದು ಭರ್ಜರಿ ಬೇಟೆಯಾಡಿದೆ. ಪಾಕಿಸ್ತಾನ ನಿನ್ನೆ ಶ್ರೀನರ ಏರ್‌ಪೋರ್ಟ್‌ ಟಾರ್ಗೆಟ್‌ ಮಾಡಿ ಕ್ಷಿಪಣಿಗಳನ್ನು ಹಾರಿಸಿತ್ತು. ಆದರೆ ಅದನ್ನು ಭಾರತದ ವಾಯುಪ್ರದೇಶಕ್ಕೆ ಬರುವ ಮುನ್ನವೇ ಹೊಡೆದುರುಳಿಸಲಾಗಿದೆ. ಇದರಿಂದ ಪಾಕಿಸ್ತಾನ ಬೆಚ್ಚಿ ಬಿದ್ದಿದೆ. ಅಲ್ಲದೇ ಲಾಹೋರ್‌ ಮೇಲೆ ಭಾರತ ಡ್ರೋನ್‌ ಅಟ್ಯಾಕ್‌ ನಡೆಸಿತ್ತು ಇದು ಪಾಕಿಸ್ತಾನದ ಎದೆಯಲ್ಲಿ ನಡುಕ ಹೆಚ್ಚಿಸಿದೆ. ಭಾರತದ ಪ್ರತಿದಾಳಿಯಿಂದ ಪಾಕಿಸ್ತಾನದಲ್ಲಿ ಭಾರಿ ವಿನಾಶ ಉಂಟಾಗಿದ್ದು,  20 ನಗರಗಳಲ್ಲಿ ತುರ್ತು ಪರಿಸ್ಥಿತಿ ಘೋಷಣೆ ಮಾಡಲಾಗಿದೆ. ಇಂದು ಭಾರತ ಪಾಕಿಸ್ತಾನ ನಡುವಿನ ಯುದ್ಧದ ಕ್ಷಣ ಕ್ಷಣದ ಇಂಚಿಂಚು ಮಾಹಿತಿ Zee Kannada News Live ನಲ್ಲಿ ತಿಳಿಯಿರಿ... 

• 10 May, 2025 06:46 AM

  India Pakistan War Live Updates: ಪಾಕಿಸ್ತಾನದ ವಿಮಾನ ನಿಲ್ದಾಣಗಳ ಮೇಲೆ ದಾಳಿ

  ಪಾಕಿಸ್ತಾನದ ನೂರ್ ಖಾನ್ ವಾಯುನೆಲೆಯ ಮೇಲೆ ಭಾರತೀಯ ಸೇನೆ ದಾಳಿ ನಡೆಸಿತು. ಅಖ್ನೂರ್ ಪ್ರದೇಶದ ಪರ್ಗಲ್, ಕಾನಾ ಚಕ್, ಛಾಂಬ್ ಸೆಕ್ಟರ್‌ನಲ್ಲಿ ಭಾರೀ ಶೆಲ್ ದಾಳಿ ಆರಂಭವಾಗಿದೆ. ಪಾಕ್ ರೇಂಜರ್‌ಗಳು ಹಲವು ವಸತಿ ಪ್ರದೇಶಗಳನ್ನು ಗುರಿಯಾಗಿಸಿಕೊಂಡು ಗುಂಡು ಹಾರಿಸುತ್ತಿದ್ದಾರೆ. ಅಖ್ನೂರ್‌ನಲ್ಲಿ ಸೈರನ್‌ಗಳ ಸದ್ದು ನಿರಂತರವಾಗಿ ಕೇಳಿಬರುತ್ತಿದೆ. ಯಾವುದೇ ರೀತಿಯ ಹಾನಿಯ ಸುದ್ದಿ ಬಂದಿಲ್ಲ. 

  ಪಾಕಿಸ್ತಾನ ರಾತ್ರಿ 26 ಸ್ಥಳಗಳ ಮೇಲೆ ದಾಳಿ ಮಾಡಿತು. ಇದಾದ ನಂತರ ಭಾರತ ಪ್ರತೀಕಾರ ತೀರಿಸಿಕೊಂಡಿದೆ. ಎಲ್‌ಒಸಿಯಲ್ಲಿ ಹಲವು ಸ್ಥಳಗಳಲ್ಲಿ ಮಧ್ಯಂತರ ಗುಂಡಿನ ಚಕಮಕಿ ನಡೆಯುತ್ತಿದೆ ಎಂದು ಮೂಲಗಳು ತಿಳಿಸಿವೆ.

  ಪಾಕಿಸ್ತಾನದ ಇತ್ತೀಚಿನ ದಾಳಿಯ ನಂತರ ಭಾರತದ ಎಲ್ಲಾ ಪ್ರಮುಖ ನಗರಗಳಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ. ಹಲವಾರು ಸ್ಫೋಟಗಳ ಶಬ್ದ ಕೇಳಿಬಂದಿದೆ.

• 10 May, 2025 06:17 AM

  India Pakistan War Live Updates: ಪಾಕಿಸ್ತಾನ ಫತೇಹ್ ಕ್ಷಿಪಣಿ ಉಡೀಸ್‌ 

  ಭಾರತ ಪಾಕಿಸ್ತಾನ ಯುದ್ಧ ಲೈವ್:‌ ಪಾಕಿಸ್ತಾನವು ಫತೇಹ್ 1 ಎಂಬ ಕ್ಷಿಪಣಿಯೊಂದಿಗೆ ಭಾರತದ ಮೇಲೆ ಇದ್ದಕ್ಕಿದ್ದಂತೆ ದಾಳಿ ಮಾಡಿತು. ಭಾರತವು ಅದನ್ನು ಹೊಡೆದುರುಳಿಸಿದೆ. ಮಾಧ್ಯಮ ವರದಿಗಳ ಪ್ರಕಾರ, ಪಾಕಿಸ್ತಾನವು ಫತೇಹ್ ಒನ್ ಕ್ಷಿಪಣಿಯ ಮೂಲಕ ಭಾರತದ ಪ್ರಮುಖ ನಗರವನ್ನು ಗುರಿಯಾಗಿಸಲು ಪ್ರಯತ್ನಿಸಿದೆ. ಇದನ್ನು ಭಾರತೀಯ ಸೇನೆ ವಿಫಲಗೊಳಿಸಿದೆ. ಈ ವಿಷಯದಲ್ಲಿ ಸೇನೆಯ ಅಧಿಕೃತ ಹೇಳಿಕೆ ಇನ್ನೂ ಬಂದಿಲ್ಲ. 

• 10 May, 2025 05:44 AM

  India Pakistan War News Live: ಅಖ್ನೂರ್‌ನಲ್ಲಿ ವಿದ್ಯುತ್ ಕಡಿತ; ಸ್ಫೋಟ ಮತ್ತು ಸೈರನ್‌ ಸದ್ದು

  ಪಾಕಿಸ್ತಾನದೊಂದಿಗಿನ ಉದ್ವಿಗ್ನತೆ ಹೆಚ್ಚುತ್ತಿರುವ ಹಿನ್ನೆಲೆ ಶನಿವಾರ ಜಮ್ಮು ಮತ್ತು ಕಾಶ್ಮೀರದ ಅಖ್ನೂರ್ ಮತ್ತು ಉಧಂಪುರ ಪ್ರದೇಶಗಳಲ್ಲಿ ಸಂಪೂರ್ಣ ವಿದ್ಯುತ್ ಕಡಿತಗೊಳಿಸಲಾಗಿದೆ. ಸಾಂಬಾ ಸೆಕ್ಟರ್ ಸೇರಿದಂತೆ ಹಲವಾರು ಪ್ರದೇಶಗಳಲ್ಲಿ ಭಾರತದ ವಾಯು ರಕ್ಷಣಾ ಪಡೆಗಳು ಡ್ರೋನ್‌ಗಳನ್ನು ತಡೆಹಿಡಿದ ಕಾರಣ ಸ್ಫೋಟಗಳು ಮತ್ತು ವಾಯುದಾಳಿ ಸೈರನ್‌ಗಳು ವರದಿಯಾಗಿವೆ. ಹಲವಾರು ಡ್ರೋನ್‌ಗಳು ಕಾಣಿಸಿಕೊಂಡ ನಂತರ ಪಂಜಾಬ್‌ನ ಜಲಂಧರ್‌ನಲ್ಲಿ ಈ ಹಿಂದೆ ಇದೇ ರೀತಿಯ ವಿದ್ಯುತ್ ಕಡಿತಗೊಳಿಸಲಾಗಿತ್ತು. ಸೇನಾ ಪಡೆಗಳು ಪರಿಸ್ಥಿತಿಯನ್ನು ಪರಿಶೀಲಿಸುತ್ತಿವೆ, ದಯವಿಟ್ಟು ಶಾಂತವಾಗಿರಿ ಮತ್ತು ವಿದ್ಯುತ್ ಕಡಿತಗೊಳಿಸುವ ಪ್ರೋಟೋಕಾಲ್‌ಗಳನ್ನು ಅನುಸರಿಸಿ" ಎಂದು ಜಲಂಧರ್‌ನ ಉಪ ಆಯುಕ್ತರು ಸ್ಥಳೀಯ ಜನರಿಗೆ ತಿಳಿಸಿದ್ದಾರೆ. 
  

• 10 May, 2025 05:35 AM

  India Pakistan War News Live: ಭಾರತದಿಂದ ಮೂರು ವಾಯುನೆಲೆಗಳ ಮೇಲೆ ಕ್ಷಿಪಣಿ ಮತ್ತು ಡ್ರೋನ್‌ ದಾಳಿ-ಪಾಕ್‌ನ ಆರೋಪ

  ಶನಿವಾರ ಮುಂಜಾನೆ ತನ್ನ ಮೂರು ವಾಯುನೆಲೆಗಳಾದ ನೂರ್ ಖಾನ್, ಮುರಿಯದ್ ಮತ್ತು ರಫೀಕಿಯನ್ನ ಗುರಿಯಾಗಿಸಿಕೊಂಡು ಭಾರತವು ಕ್ಷಿಪಣಿಗಳು ಮತ್ತು ಡ್ರೋನ್‌ಗಳ ಮೂಲಕ ದಾಳಿ ಮಾಡಿದೆ ಎಂದು ಪಾಕಿಸ್ತಾನವು ಆರೋಪಿಸಿದೆ. ಮಿಲಿಟರಿ ವಕ್ತಾರ ಲೆಫ್ಟಿನೆಂಟ್ ಜನರಲ್ ಅಹ್ಮದ್ ಷರೀಫ್ ಚೌಧರಿ ಬೆಳಗ್ಗೆ 4 ಗಂಟೆಗೆ ಈ ಬಗ್ಗೆ ಸುದ್ದಿಗೋಷ್ಠಿ ಮೂಲಕ ತಿಳಿಸಿದ್ದು, ʼಯಾವುದೇ ವಾಯುಪಡೆಯ ಸ್ವತ್ತುಗಳಿಗೆ ಹಾನಿಯಾಗಿಲ್ಲವೆಂದು ಹೇಳಿದ್ದಾರೆ. ಯುದ್ಧದ ಬೆದರಿಕೆಯನ್ನು ಹೆಚ್ಚಿಸುವ "ದುಷ್ಟ ಕೃತ್ಯ"ವನ್ನ ಭಾರತ ಎಸಗಿದೆ. ನಾವು ಕೂಡ ತಕ್ಕ ಪ್ರತಿಕ್ರಿಯೆ ನೀಡುತ್ತೇವೆಂದು ಎಚ್ಚರಿಕೆ ನೀಡಿದ್ದಾರೆ.
  

• 10 May, 2025 05:27 AM

  India Pakistan War News Live: ಕೆಲವೇ ಕ್ಷಣಗಳಲ್ಲಿ ಭಾರತೀಯ ಸೇನಾಧಿಕಾರಿಗಳಿಂದ ಸುದ್ದಿಗೋಷ್ಠಿ

  ಕೆಲವೇ ಕ್ಷಣಗಳಲ್ಲಿ ಭಾರತೀಯ ಸೇನಾಧಿಕಾರಿಗಳಿಂದ ಸುದ್ದಿಗೋಷ್ಠಿ
  ʼಆಪರೇಷನ್‌ ಸಿಂದೂರ್‌ʼ ಬಗ್ಗೆ ಮಾಹಿತಿ ನೀಡಲಿರುವ ಅಧಿಕಾರಿಗಳು
  ಭಾರತ ಮತ್ತು ಪಾಕಿಸ್ತಾನ ನಡುವೆ ಉದ್ವಿಗ್ನತೆ ಹೆಚ್ಚುತ್ತಿರುವ ಹಿನ್ನೆಲೆ 
  ದೆಹಲಿಯಲ್ಲಿ ಭಾರತೀಯ ಸೇನಾಧಿಕಾರಿಗಳಿಂದ ಸುದ್ದಿಗೋಷ್ಠಿ
  

• 10 May, 2025 05:19 AM

  India Pakistan War News Live: ಭಾರತದಿಂದ ಮಧ್ಯರಾತ್ರಿ ಕಾರ್ಯಾಚರಣೆ

  ಪಾಕಿಸ್ತಾನದ ಮೇಲೆ ಭಾರತೀಯ ಸೇನಾಪಡೆ ಮಧ್ಯರಾತ್ರಿ ಕಾರ್ಯಾಚರಣೆ ನಡೆದಿದೆ. ಪಾಕ್‌ನ ಡ್ರೋನ್‌ ದಾಳಿಗೆ ತಿರುಗೇಟು ನೀಡಿರುವ ಭಾರತೀಯ ಸೇನೆಯು 6 ಖಂಡಾಂತರ ಕ್ಷಿಪಣಿಗಳನ್ನ ದಾಳಿ ಮಾಡಿದೆ. ಪಾಕ್‌ನ ಇಸ್ಲಾಮಾಬಾದ್‌ ಮೇಲೆ ಖಂಡಾತರ ಕ್ಷಿಪಣಿ ದಾಳಿ ನಡೆಸಿದೆ. ಪಾಕ್‌ನ ವಾಯುನೆಲೆಗಳನ್ನು ಗುರಿಯಾಗಿಸಿ ಭಾರತೀಯ ಸೇನೆಯು ದಾಳಿ ಮಾಡಿದೆ. ಲಾಹೋರ್‌ನಲ್ಲೂ ದಾಳಿ ನಡೆಸಿರುವ ಭಾರತ ಕೌಂಟರ್‌ ಅಟ್ಯಾಕ್‌ ನಡೆಸಿದೆ. ರಾವಲ್ಪಿಂಡಿಯ ನೂರ್‌ ಖಾನ್ ಮತ್ತು ಮುರೀದ್ ವಾಯುನೆಲೆಯ ಮೇಲೆ ದಾಳಿ ನಡೆಸಲಾಗಿದೆ. ಭಾರತದ ದಾಳಿ ಬೆನ್ನಲ್ಲೇ ಪಾಕಿಸ್ತಾನವು ತನ್ನ ಎಲ್ಲಾ ತರಹದ ವಿಮಾನಗಳ ಹಾರಾಟಗಳನ್ನ ಬಂದ್‌ ಮಾಡಿದ್ದು, ವಾಯುನೆಲೆಗಳನ್ನೂ ಬಂದ್‌ ಮಾಡಿದೆ. ಪೇಶಾವರದ ಮೂರು ಕಡೆ ಸ್ಫೋಟವಾಗಿದೆ ಎಂದು ವರದಿಯಾಗಿದೆ. ಭಾರತ ದಾಳಿ ನಡೆಸಿರುವ ಬಗ್ಗೆ ಪಾಕ್‌ನ ಸೇನಾಧಿಕಾರಿ ಸುದ್ದಿಗೋಷ್ಠಿಯಲ್ಲಿ ದೃಢಪಡಿಸಿದ್ದಾರೆ. 
  

• 10 May, 2025 05:05 AM

  India Pakistan War News Live: ಪೇಶಾವರದಲ್ಲಿ ಭಾರೀ ಸ್ಫೋಟ!!

  ಪಾಕಿಸ್ತಾನವು ಮಧ್ಯಾಹ್ನ 12 ಗಂಟೆಯವರೆಗೆ ಎಲ್ಲಾ ವಿಮಾನಗಳಿಗೆ ವಾಯುಪ್ರದೇಶವನ್ನು ಮುಚ್ಚಿದೆ ಎಂದು ತಿಳಿದುಬಂದಿದೆ. ಪೇಶಾವರದಲ್ಲಿ ಬಹು ಸ್ಫೋಟಗಳ ಶಬ್ದ ಕೇಳಿಬಂದಿದ್ದು, ಅಲ್ಲಿನ ಸ್ಥಳೀಯರು ಭಯಭೀತರಾಗಿದ್ದಾರೆ. ಭಾರೀ ಸ್ಫೋಟದ ಶಬ್ಧ ಕೇಳಿದ್ದರಿಂದ ಜನರಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದೆ.  

• 10 May, 2025 04:50 AM

  India Pakistan War News Live: ಅಖ್ನೂರ್‌ನಲ್ಲಿ ಸಂಪೂರ್ಣ ವಿದ್ಯುತ್ ಕಡಿತ!!

  ಗಡಿ ಪ್ರದೇಶಗಳಲ್ಲಿ ಪಾಕಿಸ್ತಾನ ಡ್ರೋನ್‌ ದಾಳಿ ನಡೆಸಿದ ಹಿನ್ನೆಲೆ ಜಮ್ಮು ಮತ್ತು ಕಾಶ್ಮೀರದಲ್ಲಿ ಅಖ್ನೂರ್‌ನಲ್ಲಿ ಸಂಪೂರ್ಣ ವಿದ್ಯುತ್ ಕಡಿತಗೊಳಿಸಲಾಗಿದೆ. ಈ ಪ್ರದೇಶದಾದ್ಯಂತ ಸ್ಫೋಟಗಳು ಮತ್ತು ಸೈರನ್‌ಗಳ ಸದ್ದು ಕೇಳಿಬರುತ್ತಿವೆ.

  #WATCH | Jammu & Kashmir | A complete blackout has been enforced in Akhnoor. Explosions and sirens can be heard.

  (Visuals deferred by an unspecified time) pic.twitter.com/aWtA1C5Ob3

  — ANI (@ANI) May 9, 2025

• 10 May, 2025 04:21 AM

  India Pakistan War News Live: ಮಹಿಳಾ ಮತ್ತು ಪುರುಷ SSC ಅಧಿಕಾರಿಗಳ ಬಿಡುಗಡೆಗೆ ಇದು ಸಮಯವಲ್ಲ!!

  ಪಾಕಿಸ್ತಾನದ ವಿರುದ್ಧ ನಡೆಯುತ್ತಿರುವ 'ಆಪರೇಷನ್ ಸಿಂದೂರ್' ಮಧ್ಯೆ, ಸುಪ್ರೀಂಕೋರ್ಟ್ 47 ಮಹಿಳೆಯರು ಸೇರಿದಂತೆ 69 ಕಿರು ಸೇವಾ ಆಯೋಗ ಅಧಿಕಾರಿಗಳ ಬಿಡುಗಡೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದೆ. ಸಂಘರ್ಷದ ಸಮಯದಲ್ಲಿ ನೈತಿಕತೆಯನ್ನು ಕಾಪಾಡಿಕೊಳ್ಳುವ ಅಗತ್ಯವನ್ನು ನ್ಯಾಯಾಲಯ ಒತ್ತಿಹೇಳಿದೆ. ಅವರ ಕೌಶಲ್ಯಗಳನ್ನು ಬೇರೆಡೆ ಬಳಸಿಕೊಳ್ಳಬಹುದು ಎಂದು ಇದೇ ವೇಳೆ ಸೂಚಿಸಿದೆ. ಶಾಶ್ವತ ಆಯೋಗಗಳನ್ನು ನೀಡುವಲ್ಲಿ ತಾರತಮ್ಯದ ಅಭ್ಯಾಸಗಳ ಬಗ್ಗೆ ವಾದಗಳನ್ನು ಅನುಸರಿಸಿ, ವಿಶೇಷವಾಗಿ ಮಹಿಳೆಯರ ಅರ್ಹತೆಯ ಕುರಿತು ಇತ್ತೀಚಿನ ತೀರ್ಪುಗಳನ್ನು ನೀಡಲಾಗಿದೆ.
  

• 10 May, 2025 04:18 AM

  India Pakistan War News Live: ಗಗನಯಾನ ಮಿಷನ್‌ಗೆ ಆಯ್ಕೆಯಾದ ಐಎಎಫ್ ಪೈಲಟ್‌ ಕರ್ತವ್ಯಕ್ಕೆ ವಾಪಸ್ 

  ಭಾರತದ ಬಹು ನಿರೀಕ್ಷಿತ ಗಗನಯಾನ ಮಿಷನ್‌ಗೆ ಆಯ್ಕೆಯಾದ ನಾಲ್ವರು ಗಗನಯಾತ್ರಿಗಳಲ್ಲಿ ಒಬ್ಬರಾದ ಭಾರತೀಯ ವಾಯುಪಡೆಯ ಗ್ರೂಪ್ ಕ್ಯಾಪ್ಟನ್ ಅಜಿತ್ ಕೃಷ್ಣನ್ ಅವರನ್ನು ʼಆಪರೇಷನ್ ಸಿಂದೂರ್ʼ ನಂತರ ಪಾಕಿಸ್ತಾನದೊಂದಿಗಿನ ಮಿಲಿಟರಿ ಉದ್ವಿಗ್ನತೆ ಹೆಚ್ಚುತ್ತಿರುವ ಕಾರಣ ಐಎಎಫ್ ಮತ್ತೆ ಕರ್ತವ್ಯಕ್ಕೆ ಕರೆಸಿದೆ. "ಪ್ರಸ್ತುತ ಪರಿಸ್ಥಿತಿಯಿಂದ ಐಎಎಫ್ ನನ್ನನ್ನು ವಾಪಸ್ ಕರೆಸಿದೆ" ಎಂದು ಗ್ರೂಪ್ ಕ್ಯಾಪ್ಟನ್ ಕೃಷ್ಣನ್ ಬುಧವಾರ ದೆಹಲಿಯ ಯಶೋಭೂಮಿ ಕನ್ವೆನ್ಷನ್ ಸೆಂಟರ್‌ನಲ್ಲಿ ನಡೆದ ಜಾಗತಿಕ ಬಾಹ್ಯಾಕಾಶ ಪರಿಶೋಧನಾ ಸಮ್ಮೇಳನದಲ್ಲಿ (ಗ್ಲೆಕ್ಸ್-2025) ಭಾಗವಹಿಸಿದ್ದಾಗ ತಿಳಿಸಿದರು.

  ಗ್ರೂಪ್ ಕ್ಯಾಪ್ಟನ್ ಕೃಷ್ಣನ್ ಸಹ-ನಿಯೋಜಿತ ಗಗನಯಾತ್ರಿ ಅಂಗದ್ ಪ್ರತಾಪ್ ಜೊತೆಗೆ 3 ದಿನಗಳ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಸಮ್ಮೇಳನದಲ್ಲಿ ಭಾಗವಹಿಸುತ್ತಿದ್ದಾಗ ಐಎಎಫ್‌ನಿಂದ ಸಕ್ರಿಯ ಕರ್ತವ್ಯಕ್ಕೆ ವಾಪಸ್‌ ಆಗುವಂತೆ ಸೂಚನೆ ಪಡೆದರು. ರಷ್ಯಾದಲ್ಲಿ ಗ್ರೂಪ್ ಕ್ಯಾಪ್ಟನ್ ಪ್ರತಾಪ್, ಗ್ರೂಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಮತ್ತು ಗ್ರೂಪ್ ಕ್ಯಾಪ್ಟನ್ ಪ್ರಶಾಂತ್ ಬಿ ನಾಯರ್ ಅವರೊಂದಿಗೆ ವಿಶೇಷ ಬಾಹ್ಯಾಕಾಶ ತರಬೇತಿ ಪಡೆದ ಕೃಷ್ಣನ್, ನಂತರ ಭಾರತದ ಚೊಚ್ಚಲ ಮಾನವ ಬಾಹ್ಯಾಕಾಶ ಹಾರಾಟ ಕಾರ್ಯಾಚರಣೆಗಾಗಿ ಬೆಂಗಳೂರಿನಲ್ಲಿರುವ ಐಎಎಫ್ ಸೌಲಭ್ಯದಲ್ಲಿ ಅವರು ಒಬ್ಬ ವಿಶಿಷ್ಟ ಪೈಲಟ್ ಆಗಿದ್ದಾರೆ. 2003ರಲ್ಲಿ ಸೇವೆಗೆ ಸೇರಿದ ಗ್ರೂಪ್ ಕ್ಯಾಪ್ಟನ್ ಕೃಷ್ಣನ್, flying instructor ಮತ್ತು ಪರೀಕ್ಷಾ ಪೈಲಟ್ ಆಗಿ ಸುಮಾರು 2,900 ಗಂಟೆಗಳ ಕಾಲ ಹಾರಾಟ ನಡೆಸಿದ್ದಾರೆ. ಅವರು Su-30 MKI, MiG-21, MiG-29, ಜಾಗ್ವಾರ್, ಡಾರ್ನಿಯರ್ ಮತ್ತು An-32 ವಿಮಾನಗಳನ್ನು ಹಾರಿಸಿದ ಅನುಭವ ಹೊಂದಿದ್ದಾರೆ. 
  

• 10 May, 2025 03:58 AM

  India Pakistan War News Live: ಜಲಂಧರ್‌ನಲ್ಲಿ ಬ್ಲ್ಯಾಕೌಟ್

  ಪಂಜಾಬ್‌ನ ಜಲಂಧರ್‌ನಲ್ಲಿ ಕೆಲವು ಡ್ರೋನ್‌ಗಳು ಕಾಣಿಸಿಕೊಂಡಿರುವ ವರದಿಯಿಂದಾಗಿ ನಾವು ಸ್ವಲ್ಪ ಸಮಯದವರೆಗೆ ಬ್ಲ್ಯಾಕೌಟ್ ವಿಧಿಸಿದ್ದೇವೆ. ಪಡೆಗಳು ಪರಿಶೀಲಿಸುತ್ತಿವೆ. ದಯವಿಟ್ಟು ಶಾಂತವಾಗಿರಿ ಮತ್ತು ಬ್ಲ್ಯಾಕೌಟ್ ಪ್ರೋಟೋಕಾಲ್ ಅನ್ನು ಅನುಸರಿಸಿ ಎಂದು ಜಲಂಧರ್ ಡಿಸಿ ಸ್ಥಳೀಯ ಜನರಿಗೆ ತಿಳಿಸಿದ್ದಾರೆ. 

  Punjab | We have imposed a blackout for some time as some drones have been reportedly sighted in Jalandhar. Forces are checking. Please be calm and follow the blackout protocol: DC, Jalandhar

  — ANI (@ANI) May 9, 2025

• 10 May, 2025 03:23 AM

  India Pakistan War News Live: ದೆಹಲಿ ವಿಮಾನ ನಿಲ್ದಾಣದಿಂದ ಪ್ರಯಾಣಿಕರಿಗೆ ಸಲಹೆ 

  ದೆಹಲಿ ವಿಮಾನ ನಿಲ್ದಾಣದ ಕಾರ್ಯಾಚರಣೆಗಳು ಪ್ರಸ್ತುತ ಸಾಮಾನ್ಯವಾಗಿದೆ. ಆದರೆ ಬದಲಾಗುತ್ತಿರುವ ವಾಯುಪ್ರದೇಶದ ಪರಿಸ್ಥಿತಿಗಳು ಮತ್ತು ನಾಗರಿಕ ವಿಮಾನಯಾನ ಭದ್ರತಾ ಬ್ಯೂರೋದ ಆದೇಶಗಳ ಪ್ರಕಾರ ಹೆಚ್ಚಿದ ಭದ್ರತಾ ಕ್ರಮಗಳಿಂದ, ಕೆಲವು ವಿಮಾನ ವೇಳಾಪಟ್ಟಿಗಳ ಮೇಲೆ ಪರಿಣಾಮ ಬೀರಬಹುದು. ಅಲ್ಲದೇ ಭದ್ರತಾ ಚೆಕ್‌ಪಾಯಿಂಟ್ ಪ್ರಕ್ರಿಯೆಯ ಸಮಯ ಹೆಚ್ಚಾಗಬಹುದು ಎಂದು ಟ್ವೀಟ್‌ ಮೂಲಕ ಮಾಹಿತಿ ನೀಡಲಾಗಿದೆ. 

  Delhi Airport travel advisory | Delhi Airport operations are normal at present. However, due to changing airspace conditions and increased security measures as per orders from the Bureau of Civil Aviation Security, some flight schedules might be impacted and security checkpoint… pic.twitter.com/RE4755DWfw

  — ANI (@ANI) May 9, 2025

• 10 May, 2025 03:20 AM

  India Pakistan War News Live: ಪಾಕಿಸ್ತಾನದಲ್ಲಿ 4.0 ತೀವ್ರತೆಯ ಭೂಕಂಪ

  ಪಾಕಿಸ್ತಾನದಲ್ಲಿ ಶನಿವಾರ ಬೆಳಗಿನ ಜಾವ 1.44ಕ್ಕೆ (IST) ರಿಕ್ಟರ್ ಮಾಪಕದಲ್ಲಿ 4.0 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ (NCS) ತಿಳಿಸಿದೆ.

  An earthquake with a magnitude of 4.0 on the Richter Scale hit Pakistan at 01.44 am (IST) today: National Center for Seismology (NCS) pic.twitter.com/zAuDQQ2WRQ

  — ANI (@ANI) May 9, 2025

• 10 May, 2025 03:18 AM

  India Pakistan War News Live:  ಭಾರತ-ಪಾಕ್ ಉದ್ವಿಗ್ನತೆ ಶಮನವಾಗಬೇಕು: ಟ್ರಂಪ್

  ಭಾರತ-ಪಾಕ್ ಉದ್ವಿಗ್ನತೆ ಬೇಗ ಶಮನವಾಗಬೇಕು ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಟ್‌ ಟ್ರಂಪ್ ಬಯಸುತ್ತಾರೆ ಎಂದು ಶ್ವೇತಭವನ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಭಾರತದ ಗಡಿ ಪ್ರದೇಶಗಳನ್ನ ಗುರಿಯಾಗಿಸಿಕೊಂಡು ಪಾಕಿಸ್ತಾನವು ನೂರಾರು ಡ್ರೋನ್‌ಗಳ ದಾಳಿ ನಡೆಸಿದೆ. ಪಾಕ್‌ನ ಎಲ್ಲಾ ಡ್ರೋನ್‌ಗಳನ್ನು ಭಾರತೀಯ ಸೇನೆಯು ಹೊಡೆದುರುಳಿಸಿದೆ. ದಿನದಿಂದ ದಿನಕ್ಕೆ ಭಾರತ-ಪಾಕ್ ನಡುವೆ ಹೆಚ್ಚುತ್ತಿರುವ ಉದ್ವಿಗ್ನತೆ ಶೀಘ್ರವೇ ಶಮನವಾಗಬೇಕೆಂದು ಟ್ರಂಪ್‌ ಒತ್ತಾಯಿಸಿದ್ದಾರೆ.  

• 10 May, 2025 03:15 AM

  India Pakistan War News Live: ಸೇನೆಯ ಶೆಲ್ ದಾಳಿಗೆ 28 ಭಯೋತ್ಪಾದಕರು ಮಟಾಶ್, 7 ನುಸುಳುಕೋರರನ್ನ ಕೊಂದ BSF!!

  ಮೇ 8-9ರ ರಾತ್ರಿ ಪಾಕಿಸ್ತಾನದಿಂದ ಜಮ್ಮು ಮತ್ತು ಕಾಶ್ಮೀರದ ಸಾಂಬಾಗೆ ನುಸುಳಲು ಯತ್ನಿಸಿದ ಏಳು ಭಯೋತ್ಪಾದಕರನ್ನು ಕೊಲ್ಲಲಾಗಿದೆ ಎಂದು ಗಡಿ ಭದ್ರತಾ ಪಡೆ (BSF) ಶುಕ್ರವಾರ ತಿಳಿಸಿದೆ. ಅಂತಾರಾಷ್ಟ್ರೀಯ ಗಡಿಯಾದ್ಯಂತ ಧಂಧರ್ ಪೋಸ್ಟ್‌ನಲ್ಲಿ ಬೀಡುಬಿಟ್ಟಿದ್ದ ಪಾಕಿಸ್ತಾನ ರೇಂಜರ್‌ಗಳಿಂದ ಒಳನುಸುಳುವವರು ಗುಂಡಿನ ದಾಳಿ ನಡೆಸಿದರು. ಅದೇ ಸಮಯದಲ್ಲಿ ಉರಿಯಿಂದ ಪ್ರತಿಯಾಗಿ ಗುಂಡಿನ ದಾಳಿ ನಡೆಸುವಾಗ, ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದಲ್ಲಿ ಪಾಕಿಸ್ತಾನ ಸೇನಾ ನೆಲೆಯ ಪಕ್ಕದಲ್ಲಿರುವ ಎರಡು ಭಯೋತ್ಪಾದಕ ಉಡಾವಣಾ ಸೌಲಭ್ಯಗಳನ್ನು ಭಾರತೀಯ ಸೇನೆ ನಾಶಪಡಿಸಿತು. 

  ಸ್ಥಳದಲ್ಲಿ ಗಮನಿಸಿದ ಸಂಪರ್ಕ ತಡೆ ಮತ್ತು ಆಂಬ್ಯುಲೆನ್ಸ್ ಚಲನವಲನಗಳ ಆಧಾರದ ಮೇಲೆ, ಪಾಕಿಸ್ತಾನ ಸೇನೆಯ ಫಿರಂಗಿ ಬೆಂಬಲದೊಂದಿಗೆ ಒಳನುಸುಳಲು ತಯಾರಿ ನಡೆಸುತ್ತಿದ್ದ ಕನಿಷ್ಠ 28 ಭಯೋತ್ಪಾದಕರನ್ನು ಯಶಸ್ವಿಯಾಗಿ ಹತ್ಯೆ ಮಾಡಲಾಗಿದೆ ಎಂದು ಭಾರತೀಯ ಅಧಿಕಾರಿಯೊಬ್ಬರು ದೃಢಪಡಿಸಿದ್ದಾರೆ. ಈ ಕಾರ್ಯಾಚರಣೆಯಲ್ಲಿ ಪಾಕಿಸ್ತಾನ ಸೇನೆಯೂ ಗಣನೀಯ ಸಾವುನೋವುಗಳನ್ನು ಅನುಭವಿಸಿದೆ ಎಂದು ಮೂಲಗಳು ತಿಳಿಸಿವೆ.

• 10 May, 2025 03:10 AM

  India Pakistan War News Live: ಭಾರತದಲ್ಲಿ ಭಯೋತ್ಪಾದಕ ದಾಳಿಗೆ ಪಾಕ್‌ ಪ್ಲ್ಯಾನ್? 

  ಪಾಕಿಸ್ತಾನದ ನಡೆಸಿದ ವೈಮಾನಿಕ ದಾಳಿಯನ್ನ ಭಾರತೀಯ ಸೇನೆಯು ಯಶಸ್ವಿಯಾಗಿ ಹತ್ತಿಕ್ಕಿದೆ. ಭಾರತದ ಗಡಿ ಪ್ರದೇಶಗಳಲ್ಲಿ ನೂರಾರು ಡ್ರೋನ್‌ ದಾಳಿ ನಡೆಸುವ ಪಾಕ್‌ನ ಪ್ರಯತ್ನ ವಿಫಲವಾಗಿದೆ. ತಮ್ಮ ದಾಳಿ ವಿಫಲವಾಗಿರುವ ಹಿನ್ನೆಲೆ ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಜನರಲ್ ಅಸಿಮ್ ಮುನೀರ್ ಭಾರತದ ಭೂಪ್ರದೇಶದೊಳಗೆ ಭಯೋತ್ಪಾದಕ ಚಟುವಟಿಕೆಗಳನ್ನು ಆಯೋಜಿಸಬಹುದು ಎಂದು ಗುಪ್ತಚರ ಮೂಲಗಳು ಶಂಕಿಸಿವೆ. ಈ ಹಿಂದೆ ಐಎಸ್‌ಐ ಮುಖ್ಯಸ್ಥರಾಗಿದ್ದ ಮತ್ತು 2019ರ ಪುಲ್ವಾಮಾ ದಾಳಿಯನ್ನು ಆಯೋಜಿಸಿದ್ದ ಮುನೀರ್, ಪಾಕಿಸ್ತಾನ ಬೆಂಬಲಿತ ಭಯೋತ್ಪಾದಕ ಗುಂಪುಗಳನ್ನು ದಾಳಿಗಳನ್ನು ನಡೆಸಲು ನಿರ್ದೇಶಿಸುವ ಸಾಧ್ಯತೆಯಿದೆ ಎಂದು ಗುಪ್ತಚರ ಅಧಿಕಾರಿಗಳು ಗಮನಿಸಿದ್ದಾರೆ. ಈ ಸಂಭಾವ್ಯ ಬೆದರಿಕೆಗಳಿಗೆ ಪ್ರತಿಕ್ರಿಯೆಯಾಗಿ ಭಾರತೀಯ ಅಧಿಕಾರಿಗಳು ಭದ್ರತಾ ಕ್ರಮಗಳನ್ನು ಮತ್ತಷ್ಟು ಬಲಪಡಿಸುತ್ತಿದ್ದಾರೆಂದು ತಿಳಿದುಬಂದಿದೆ. 

• 10 May, 2025 02:49 AM

  India Pakistan War News Live: ಟರ್ಕಿ, ಅಜೆರ್ಬೈಜಾನ್‌ಗೆ ಪ್ರಯಾಣ ಬಹಿಷ್ಕಾರ

  ಪಾಕಿಸ್ತಾನಕ್ಕೆ ಬೆಂಬಲ ನೀಡುತ್ತಿರುವ ಟರ್ಕಿ, ಅಜೆರ್ಬೈಜಾನ್‌ಗೆ ಪ್ರಯಾಣವನ್ನು ಬಹಿಷ್ಕರಿಸುವಂತೆ ಬಹುರಾಷ್ಟ್ರೀಯ ಆನ್‌ಲೈನ್ ಟ್ರಾವೆಲ್ ಕಂಪನಿ EaseMyTripನ ಸಹ-ಸಂಸ್ಥಾಪಕ ನಿಶಾಂತ್ ಪಿಟ್ಟಿ ಕರೆ ನೀಡಿದ್ದಾರೆ. 
  

  EaseMyTrip's Nishant Pitti calls for travel boycott of Turkey, Azerbaijan over their blatant support to Pakistan

  Read @ANI Story | https://t.co/1mi6mecRNK#NishantPitti #EaseMyTrip #Turkey #Pakistan pic.twitter.com/LOx8p0fApe

  — ANI Digital (@ani_digital) May 9, 2025

• 10 May, 2025 02:18 AM

  India Pakistan War News Live: ಪಾಕ್‌ ಡ್ರೋನ್ ದಾಳಿಯಲ್ಲಿ ಒಂದೇ ಕುಟುಂಬದ ಮೂವರಿಗೆ ಗಾಯ!!

  ಪಾಕಿಸ್ತಾನವು ಶುಕ್ರವಾರ ರಾತ್ರಿ ಪಂಜಾಬ್‌ನ ಗಡಿ ಜಿಲ್ಲೆಗಳಿಗೆ ಡ್ರೋನ್‌ ದಾಳಿ ನಡೆಸಿದ್ದರಿಂದ ಫಿರೋಜ್‌ಪುರದ ಹಳ್ಳಿಯೊಂದರಲ್ಲಿ ಒಂದೇ ಕುಟುಂಬದ ಮೂವರು ಸದಸ್ಯರು ಗಾಯಗೊಂಡಿದ್ದಾರೆ. ಡ್ರೋನ್‌ಗಳನ್ನ ಹೊಡೆದುರುಳಿಸಿದ ಬಳಿಕ ಅನೇಕ ಸ್ಫೋಟಗಳು ಕೇಳಿಬಂದವು. ಗಡಿ ಜಿಲ್ಲೆಗಳಾದ ಅಮೃತಸರ, ಗುರುದಾಸ್ಪುರ್, ಪಠಾಣ್‌ಕೋಟ್, ಫಿರೋಜ್‌ಪುರ, ಫಜಿಲ್ಕಾ ಮತ್ತು ತರಣ್ ತರಣ್‌ನಲ್ಲಿ ವಿದ್ಯುತ್ ಕಡಿತಗೊಳಿಸಲಾಗಿದೆ.

  ಜಮ್ಮು-ಕಾಶ್ಮೀರದ ಜಮ್ಮು, ಸಾಂಬಾ ಮತ್ತು ಪಂಜಾಬ್‌ನ ಪಠಾಣ್‌ಕೋಟ್, ಫಿರೋಜ್‌ಪುರ ಮತ್ತು ಫಜಿಲ್ಕಾದಲ್ಲಿ ಡ್ರೋನ್‌ಗಳು ಕಾಣಿಸಿಕೊಂಡಿವೆ. ಖೈ ಫೆಮೆ ಕೆ ಗ್ರಾಮದ ಮನೆಯ ಮೇಲೆ ಒಂದು ಡ್ರೋನ್ ಬಿದ್ದ ಪರಿಣಾಮ ಒಂದೇ ಕುಟುಂಬದ ಮೂವರು ಸದಸ್ಯರು ಗಾಯಗೊಂಡಿದ್ದಾರೆ. ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. 
  

• 10 May, 2025 02:00 AM

  India Pakistan War News Live: ಮೇ 15ರವರೆಗೆ 32 ವಿಮಾನ ನಿಲ್ದಾಣಗಳು ಬಂದ್!!

  'ಆಪರೇಷನ್ ಸಿಂಧೂರ್' ಮೂಲಕ ಭಾರತವು ಪಾಕಿಸ್ತಾನದ ಮೇಲೆ ಸಮರ ಸಾರಿದೆ. ಭಾರತ ಮತ್ತು ಪಾಕಿಸ್ತಾನ ನಡುವಿನ ಹೆಚ್ಚಿದ ಉದ್ವಿಗ್ನತೆಯ ನಡುವೆ, ಉತ್ತರ ಮತ್ತು ವಾಯುವ್ಯ ಭಾರತದಾದ್ಯಂತ ಹಲವಾರು ವಿಮಾನ ನಿಲ್ದಾಣಗಳು ಕಾರ್ಯನಿರ್ವಹಿಸುತ್ತಿಲ್ಲ. ಏರ್ ಇಂಡಿಯಾ ಮತ್ತು ಇಂಡಿಗೋ ಸೇರಿದಂತೆ ವಿಮಾನಯಾನ ಸಂಸ್ಥೆಗಳು ತಮ್ಮ ವಿಮಾನ ರದ್ದತಿಯನ್ನು ಮೇ 15ರವರೆಗೆ ವಿಸ್ತರಿಸಿವೆ. ಕಾರ್ಯನಿರ್ವಹಿಸುತ್ತಿರುವ ವಿಮಾನ ನಿಲ್ದಾಣಗಳಲ್ಲಿ ಹೆಚ್ಚುವರಿ ಲ್ಯಾಡರ್ ಪಾಯಿಂಟ್ ತಪಾಸಣೆ ಮತ್ತು ಸಂದರ್ಶಕರ ಪ್ರವೇಶದ ಮೇಲಿನ ಮಿತಿಗಳನ್ನು ಒಳಗೊಂಡಂತೆ ಹೆಚ್ಚಿದ ಭದ್ರತಾ ಪ್ರೋಟೋಕಾಲ್‌ಗಳನ್ನು ಪೂರೈಸಲು ಪ್ರಯಾಣಿಕರು ತಮ್ಮ ನಿಗದಿತ ನಿರ್ಗಮನ ಸಮಯಕ್ಕೆ ಮೂರು ಗಂಟೆಗಳ ಮೊದಲು ವರದಿ ಮಾಡಬೇಕು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ. 
  

• 10 May, 2025 01:44 AM

  India Pakistan War News Live: 26 ಸ್ಥಳಗಳಲ್ಲಿ ಪಾಕಿಸ್ತಾನದ ಡ್ರೋನ್‌ಗಳು ಪತ್ತೆ!!

  ಗಡಿ ನಿಯಂತ್ರಣ ರೇಖೆ (LOC) ಮತ್ತು ಅಂತರರಾಷ್ಟ್ರೀಯ ಗಡಿ (IB) ಉದ್ದಕ್ಕೂ 26 ವಿಭಿನ್ನ ಸ್ಥಳಗಳಲ್ಲಿ ಪಾಕಿಸ್ತಾನದ ಡ್ರೋನ್‌ಗಳು ಪತ್ತೆಯಾಗಿವೆ. ಇದರಲ್ಲಿ ಹಲವಾರು ಶಂಕಿತ ಸಶಸ್ತ್ರ ಡ್ರೋನ್‌ಗಳು ಸೇರಿವೆ ಎಂದು ರಕ್ಷಣಾ ಸಚಿವಾಲಯ ಶನಿವಾರ ತಿಳಿಸಿದೆ. ಬಾರಾಮುಲ್ಲಾ, ಶ್ರೀನಗರ, ಅವಂತಿಪೋರಾ, ನಾಗ್ರೋಟಾ, ಜಮ್ಮು, ಫಿರೋಜ್‌ಪುರ, ಪಠಾಣ್‌ಕೋಟ್, ಫಜಿಲ್ಕಾ, ಲಾಲ್‌ಗಢ್ ಜಟ್ಟಾ, ಜೈಸಲ್ಮೇರ್, ಬಾರ್ಮರ್, ಭುಜ್, ಕುವಾರ್ಬೆಟ್ ಮತ್ತು ಲಖಿ ನಲಾ ಸೇರಿದಂತೆ ಇನ್ನೂ ಕೆಲವು ಪ್ರದೇಶಗಳಲ್ಲಿ ಡ್ರೋನ್‌ಗಳು ಪತ್ತೆಯಾಗಿವೆ. ಒಂದು ಸಶಸ್ತ್ರ ಡ್ರೋನ್ ಫಿರೋಜ್‌ಪುರದ ನಾಗರಿಕ ಪ್ರದೇಶವನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಿದ್ದು, ಸ್ಥಳೀಯ ಕುಟುಂಬದ ಸದಸ್ಯರು ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ. ಗಾಯಾಳುಗಳಿಗೆ ವೈದ್ಯಕೀಯ ಚಿಕಿತ್ಸೆ ನೀಡಲಾಗಿದೆ. ಆ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಹೆಚ್ಚಿನ ಭದ್ರತೆ ಒದಗಿಸಿವೆ. 
  

• 10 May, 2025 01:40 AM

  India Pakistan War News Live: ಕತ್ತಲ ರಾತ್ರಿಯಲ್ಲಿ ಸೈರನ್‌ಗಳ ಕೂಗು; ಭಯದಿಂದ ಬೆಚ್ಚಿದ ಸ್ಥಳೀಯರು

  ಭಾರತದ ಪಶ್ಚಿಮ ಗಡಿಯಲ್ಲಿರುವ ನಿವಾಸಿಗಳು ಶುಕ್ರವಾರ ಪಾಕಿಸ್ತಾನದಿಂದ ವೈಮಾನಿಕ ದಾಳಿಯ ಹಿನ್ನೆಲೆ ಹಾಕಿದ್ದ ಸೈರನ್‌ ಕೂಗಿಗೆ ಬೆಚ್ಚಿಬಿದ್ದಾರೆ. ಶ್ರೀನಗರ ಮತ್ತು ಜಮ್ಮುವಿನಿಂದ ರಾಜಸ್ಥಾನದ ಜೈಸಲ್ಮೇರ್ ಮತ್ತು ಜೋಧ್‌ಪುರ ಸೇರಿದಂತೆ ಪಂಜಾಬ್‌ನ ವಿವಿಧ ಜಿಲ್ಲೆಗಳು ಮತ್ತು ಗುಜರಾತ್‌ನ ಕೆಲವು ಪ್ರದೇಶಗಳಲ್ಲಿ ರಾತ್ರಿ ವೇಳೆ ಸೈರನ್‌ ಕೂಗು ಮೊಳಗಿತ್ತು. ಸುರಕ್ಷತಾ ಕ್ರಮವಾಗಿ ದೀಪಗಳನ್ನು ಆಫ್ ಮಾಡಲು ಅಧಿಕಾರಿಗಳು ನಿವಾಸಿಗಳಿಗೆ ಸೂಚಿಸಿದ್ದರು. ಇದರಿಂದ ವ್ಯಾಪಕ ಗಡಿ ಪ್ರದೇಶಗಳು ಕತ್ತಲೆಯಲ್ಲಿ ಮುಳುಗಿವೆ.

  ಜಮ್ಮು ಪ್ರದೇಶ, ದಕ್ಷಿಣ ಕಾಶ್ಮೀರ, ಪಠಾಣ್‌ಕೋಟ್, ಫಿರೋಜ್‌ಪುರ ಮತ್ತು ಜೈಸಲ್ಮೇರ್ ಸೇರಿದಂತೆ ಅನೇಕ ಸ್ಥಳಗಳಲ್ಲಿ ಸ್ಫೋಟಗಳು ವರದಿಯಾಗಿವೆ. ಪಂಜಾಬ್‌ನ ಗುರುದಾಸ್ಪುರ ಮತ್ತು ತರಣ್ ತರಣ್‌ನ ಪಟ್ಟಿ ಪ್ರದೇಶದಿಂದ ಇದೇ ರೀತಿಯ ವರದಿಗಳಾಗಿವೆ. ಆದರೂ ಅಧಿಕಾರಿಗಳು ಈ ಗಲಭೆಗಳ ಮೂಲವನ್ನು ದೃಢಪಡಿಸಿಲ್ಲ. ಫಿರೋಜ್‌ಪುರ, ಪಠಾಣ್‌ಕೋಟ್, ಅಮೃತಸರ ಮತ್ತು ಹೋಶಿಯಾರ್‌ಪುರ ಸೇರಿದಂತೆ ಹಲವಾರು ಪಂಜಾಬ್ ಜಿಲ್ಲೆಗಳಲ್ಲಿ ಎಚ್ಚರಿಕೆ ವ್ಯವಸ್ಥೆಗಳು ಸದ್ದು ಮಾಡಿದ್ದು, ನಿವಾಸಿಗಳಲ್ಲಿ ಭಯದ ವಾತಾವರಣ ಉಂಟಾಗಿತ್ತು. ಫಿರೋಜ್‌ಪುರ, ಪಠಾಣ್‌ಕೋಟ್, ಅಮೃತಸರ, ಹೋಶಿಯಾರ್‌ಪುರ, ಫಜಿಲ್ಕಾ, ಮುಕ್ತಸರ್ ಮತ್ತು ಸಂಗ್ರೂರ್ ಸೇರಿದಂತೆ ಹಲವಾರು ಜಿಲ್ಲೆಗಳಲ್ಲಿ ಅಧಿಕಾರಿಗಳು ವಿದ್ಯುತ್ ಕಡಿತಗೊಳಿಸಿದ್ದರು. "ಮನೆಯ ದೀಪಗಳನ್ನು ಆಫ್ ಮಾಡಿ. ಮೊಬೈಲ್ ಫೋನ್‌ಗಳು, ಕ್ಯಾಮೆರಾಗಳು ಮತ್ತು ಇನ್ವರ್ಟರ್ ಸೆಟ್‌ಗಳ ದೀಪಗಳನ್ನು ಆಫ್ ಮಾಡಿ. ಕಿಟಕಿಗಳನ್ನು ಪರದೆಗಳಿಂದ ಮುಚ್ಚಿ. ಜಿಲ್ಲಾಡಳಿತದೊಂದಿಗೆ ಸಹಕರಿಸಿ. ನಿಮ್ಮ ಸುರಕ್ಷತೆಗಾಗಿ ನಾವು ಇಲ್ಲಿದ್ದೇವೆ" ಎಂದು ಜಿಲ್ಲಾ ಅಧಿಕಾರಿಗಳು ಸಾರ್ವಜನಿಕರಿಗೆ ಸಲಹೆ ನೀಡುತ್ತಿರುವುದು ಕಂಡುಬಂತು.
  

• 10 May, 2025 01:13 AM

  India Pakistan War News Live: ಜಮ್ಮು ಪ್ರದೇಶದ 5 ಗಡಿ ಜಿಲ್ಲೆಗಳಲ್ಲಿ ಸ್ಥಳಾಂತರ ಕಾರ್ಯ  

  ಪಾಕಿಸ್ತಾನದ ಗಡಿಯಲ್ಲಿರುವ ಜಮ್ಮು ಪ್ರದೇಶದ ಕನಿಷ್ಠ ಐದು ಜಿಲ್ಲೆಗಳಿಂದ ಜನರನ್ನು ಸ್ಥಳಾಂತರಿಸಲಾಗುತ್ತಿದೆ. ಗಡಿಯಾಚೆಗಿನ ಶೆಲ್ ದಾಳಿಯಲ್ಲಿ ಈ ಭಾಗದಲ್ಲಿ 18 ಜನರು ಸಾವನ್ನಪ್ಪಿದ್ದು, ಸುಮಾರು 60 ಜನರು ಗಾಯಗೊಂಡಿದ್ದಾರೆ. ಈವರೆಗೆ ಸಾವಿರಾರು ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಪರಿಹಾರ ಶಿಬಿರಗಳಿಗೆ ಸ್ಥಳಾಂತರಿಸಲಾಗಿದೆ. ಮುಖ್ಯಮಂತ್ರಿ ಒಮರ್ ಅಬ್ದುಲ್ಲಾ, ಉಪಮುಖ್ಯಮಂತ್ರಿ ಸುರೀಂದರ್ ಚೌಧರಿ ಮತ್ತು ಸಚಿವ ಸತೀಶ್ ಶರ್ಮಾ ಅವರೊಂದಿಗೆ ಜಮ್ಮು, ರಾಜೌರಿ ಮತ್ತು ಸಾಂಬಾ ಜಿಲ್ಲೆಗಳ ಪರಿಹಾರ ಶಿಬಿರಗಳಿಗೆ ಭೇಟಿ ನೀಡಿ ವ್ಯವಸ್ಥೆಗಳನ್ನು ಮೇಲ್ವಿಚಾರಣೆ ನಡೆಸಿ, ಸ್ಥಳಾಂತರಗೊಂಡ ಕುಟುಂಬಗಳಿಗೆ ಧೈರ್ಯ ತುಂಬಿದರು.
  

• 10 May, 2025 01:00 AM

  India Pakistan War News Live: 32 ವಿಮಾನ ನಿಲ್ದಾಣಗಳು ತಾತ್ಕಾಲಿಕವಾಗಿ ಬಂದ್‌

  ಭಾರತ ಮತ್ತು ಪಾಕಿಸ್ತಾನದ ನಡುವೆ ಸಂಘರ್ಷ ಹೆಚ್ಚಾಗುತ್ತಿರುವ ಬೆನ್ನಲ್ಲೇ ಭಾರತ ಮತ್ತು ಪಾಕ್ ಗಡಿ ಬಳಿಯ 32 ವಿಮಾನ ನಿಲ್ದಾಣಗಳನ್ನು ತಾತ್ಕಾಲಿಕವಾಗಿ ಬಂದ್‌ ಮಾಡಲಾಗಿದೆ. ಉತ್ತರ ಮತ್ತು ಪಶ್ಚಿಮ ಭಾರತದಾದ್ಯಂತ 32 ವಿಮಾನ ನಿಲ್ದಾಣಗಳನ್ನು ಎಲ್ಲಾ ನಾಗರಿಕ ವಿಮಾನ ಕಾರ್ಯಾಚರಣೆಗಳಿಗೆ ತಾತ್ಕಾಲಿಕವಾಗಿ ಮುಚ್ಚುವುದಾಗಿ ಘೋಷಿಸುವ ಸರಣಿ ನೋಟಿಸ್‌ಗಳನ್ನು ಭಾರತೀಯ ವಿಮಾನ ನಿಲ್ದಾಣ ಪ್ರಾಧಿಕಾರ (AAI) ಮತ್ತು ಸಂಬಂಧಿತ ವಾಯುಯಾನ ಅಧಿಕಾರಿಗಳು ಏರ್‌ಮೆನ್‌ಗಳಿಗೆ (NOTAMs) ಜಾರಿ ಮಾಡಿದ್ದಾರೆ. ಈ ಕುರಿತು ಮೇ 9ರಿಂದ ಮೇ 14ರವರೆಗೆ ಜಾರಿಗೆ ಬರಲಿದೆ. ಈ ಕೆಳಗಿನ ವಿಮಾನ ನಿಲ್ದಾಣಗಳು ತತ್‌ಕ್ಷಣದಿಂದ ಜಾರಿಗೆ ಬರುವಂತೆ ತಾತ್ಕಾಲಿಕವಾಗಿ ಬಂದ್‌ ಆಗಲಿವೆ. 

  ಯಾವ್ಯಾವ ವಿಮಾನ ನಿಲ್ದಾಣಗಳು ಬಂದ್?

  1. ಅಧಂಪುರ
  2. ಅಂಬಾಲಾ
  3. ಅಮೃತಸರ
  4. ಅವಂತಿಪುರ
  5. ಬಟಿಂಡಾ
  6. ಭುಜ್
  7. ಬಿಕಾನೆರ್
  8. ಚಂಡೀಗಢ
  9. ಹಲ್ವಾರ
  10. ಹಿಂಡನ್
  11. ಜೈಸಲ್ಮೇರ್
  12. ಜಮ್ಮು
  13. ಜಾಮ್‌ನಗರ
  14. ಜೋಧಪುರ
  15. ಕಾಂಡ್ಲಾ
  16. ಕಂಗ್ರಾ (ಗಗ್ಗಲ್)
  17. ಕೇಶೋದ್
  18. ಕಿಶನ್ಗಡ್
  19. ಕುಲು ಮನಾಲಿ (ಭುಂಟರ್)
  20. ಲೇಹ್
  21. ಲುಧಿಯಾನ
  22. ಮುಂದ್ರಾ
  23. ನಲಿಯಾ
  24. ಪಠಾಣ್‌ಕೋಟ್
  25. ಪಟಿಯಾಲ
  26. ಪೋರಬಂದರ್
  27. ರಾಜ್‌ಕೋಟ್ (ಹಿರಾಸರ್)
  28. ಸರ್ಸಾವಾ
  29. ಶಿಮ್ಲಾ
  30. ಶ್ರೀನಗರ
  31. ಥೋಯಿಸ್
  32. ಉತ್ತರಲೈ
  

• 10 May, 2025 00:52 AM

  India Pakistan War News Live: ಭಾರತೀಯ ಸೇನೆಯಿಂದ ತಕ್ಕ ಪ್ರತ್ಯುತ್ತರ

  ಪಾಕಿಸ್ತಾನ ಸೇನೆಯು ಗಡಿ ನಿಯಂತ್ರಣ ರೇಖೆ (LOC) ಮತ್ತು ಅಂತರರಾಷ್ಟ್ರೀಯ ಗಡಿ (IB) ಉದ್ದಕ್ಕೂ ಭಾರತೀಯ ನಗರಗಳ ಮೇಲೆ ನಡೆಸುತ್ತಿರುವ ಡ್ರೋನ್ ದಾಳಿಯನ್ನು ಗಮನದಲ್ಲಿಟ್ಟುಕೊಂಡು ಭಾರತೀಯ ಸೇನೆಯು ಜಮ್ಮು ವಲಯದ ವಿರುದ್ಧ ಬಲವಾಗಿ ಪ್ರತೀಕಾರ ತೀರಿಸಿಕೊಳ್ಳುತ್ತಿದೆ ಎಂದು ರಕ್ಷಣಾ ಮೂಲಗಳು ತಿಳಿಸಿವೆ.

  Indian Army is retaliating strongly opposite the Jammu sector in view of the drone attacks on Indian cities by the Pakistan Army along the Line of Control (LoC) and International Border (IB): Defence sources pic.twitter.com/JvmsDad7iL

  — ANI (@ANI) May 9, 2025

• 10 May, 2025 00:49 AM

  India Pakistan War News Live: ಪ್ರಧಾನಿ ಮೋದಿ ನೇತೃತ್ವದಲ್ಲಿ ಉನ್ನತ ಮಟ್ಟದ ಸಭೆ

  ಭಾರತದ ಗಡಿ ಪ್ರದೇಶಗಳ ಮೇಲೆ ಪಾಕಿಸ್ತಾನ ಮತ್ತೆ ಡ್ರೋನ್‌ ದಾಳಿ ನಡೆಸಿದೆ. ದೇಶದ ಪಶ್ಚಿಮ ಭಾಗದಲ್ಲಿರುವ ನಗರಗಳು ಮತ್ತು ಮಿಲಿಟರಿ ನೆಲೆಗಳ ಮೇಲೆ ಪಾಕಿಸ್ತಾನ ಮತ್ತೆ ಕ್ಷಿಪಣಿಗಳು ಮತ್ತು ಡ್ರೋನ್‌ ದಾಳಿ ನಡೆಸಿದೆ. ಈ ಹಿನ್ನೆಲೆ ಬಿಕ್ಕಟ್ಟಿನ ಪರಿಸ್ಥಿತಿ ಬಗ್ಗೆ ಚರ್ಚಿಸಲು ಪ್ರಧಾನಿ ನರೇಂದ್ರ ಮೋದಿ ಅವರು ರಕ್ಷಣಾ ಸಚಿವರು ಮತ್ತು ರಕ್ಷಣಾ ಪಡೆಗಳ ಮುಖ್ಯಸ್ಥರ ಜೊತೆ ಶುಕ್ರವಾರ ಉನ್ನತ ಮಟ್ಟದ ಸಭೆ ನಡೆಸಿದರು. ಈ ವೇಳೆ ಭದ್ರತಾ ಪರಿಸ್ಥಿತಿಗಳ ಪರಿಶೀಲನೆ ನಡೆಸಿದರು.

  ಭಾರತ ಮತ್ತು ಪಾಕಿಸ್ತಾನದ ನಡುವಿನ ಸಂಘರ್ಷ ತೀವ್ರಗೊಂಡಿರುವ ಬೆನ್ನಲ್ಲೇ ಪ್ರಧಾನಿ ಮೋದಿಯವರು ಈ ಸಭೆ ನಡೆಸಿದರು. ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ದೋವಲ್, ಸೇನಾ ಪಡೆ, ವಾಯು ಪಡೆ ಮತ್ತು ನೌಕಾ ಪಡೆಯ ಮುಖ್ಯಸ್ಥರ ಸಭೆಯಲ್ಲಿ ಭಾಗವಹಿಸಿದ್ದರು. ಮುಂದೆ ಕೈಗೊಳ್ಳಬೇಕಾದ ಕಾರ್ಯತಂತ್ರದ ಬಗ್ಗೆ ಈ ಮಹತ್ವದ ಸಭೆಯಲ್ಲಿ ಚರ್ಚೆ ನಡೆದಿದೆ ಎಂದು ಮೂಲಗಳು ತಿಳಿಸಿವೆ.

  PM @narendramodi chaired a meeting, which was attended by Defence Minister @rajnathsingh, NSA Ajit Doval, CDS General Anil Chauhan, Chiefs of the armed forces and senior officials. pic.twitter.com/ciFWz8osRK

  — PMO India (@PMOIndia) May 9, 2025

• 10 May, 2025 00:39 AM

  India Pakistan War News Live: ಭಾರತೀಯ ಸೇನೆಗೆ ಬೆಂಬಲ ವ್ಯಕ್ತಪಡಿಸಿದ ತೇಜಸ್ವಿ ಯಾದವ್ 

  ಪಾಕಿಸ್ತಾನದೊಂದಿಗಿನ ಉದ್ವಿಗ್ನತೆ ಹೆಚ್ಚುತ್ತಿರುವ ನಡುವೆ ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್ ಭಾರತೀಯ ಸಶಸ್ತ್ರ ಪಡೆಗಳು ಮತ್ತು ಕೇಂದ್ರ ಸರ್ಕಾರಕ್ಕೆ ತಮ್ಮ ಬೆಂಬಲವನ್ನು ವ್ಯಕ್ತಪಡಿಸಿದ್ದಾರೆ. ಭಾರತೀಯ ಸೇನೆಯು ಪಾಕಿಸ್ತಾನದ ಮೇಲೆ ನಿರಂತರವಾಗಿ ತನ್ನ ಶ್ರೇಷ್ಠತೆಯನ್ನು ಪ್ರದರ್ಶಿಸಿದೆ. ಮುಂದಿನ ದಿನಗಳಲ್ಲಿಯೂ ಇದು ಮುಂದುವರಿಯಲಿದೆ ಎಂದು ನನಗೆ ನಂಬಿಕೆ ಇದೆ ಎಂದು ಹೇಳಿದ್ದಾರೆ. ಭಾಗಲ್ಪುರದಲ್ಲಿ ಸುದ್ದಿಗಾರರ ಜೊತೆಗೆ ಮಾತನಾಡಿದ ಅವರು, ಭಾರತೀಯ ಸೇನೆಯ ಪರಾಕ್ರಮದಲ್ಲಿ ತಮ್ಮ ಪಕ್ಷದ ವಿಶ್ವಾಸವನ್ನು ಒತ್ತಿ ಹೇಳಿದ್ದಾರೆ. ಭಾರತೀಯ ಸೇನೆಯ ಸಾಮರ್ಥ್ಯಗಳಿಗೆ ಪುರಾವೆಯಾಗಿ ಐತಿಹಾಸಿಕ ಯಶಸ್ಸು ಸಿಕ್ಕಿರುವುದನ್ನು ನಾವು ಕಾಣಬಹುದು. ಕೇಂದ್ರವು ಇತ್ತೀಚೆಗೆ ಆಯೋಜಿಸಿದ್ದ ಸರ್ವಪಕ್ಷ ಸಮಾಲೋಚನೆಯ ಕುರಿತು ಚರ್ಚಿಸುತ್ತಾ, ರಾಷ್ಟ್ರೀಯ ಭದ್ರತಾ ವಿಷಯಗಳಲ್ಲಿ ಸರ್ಕಾರದ ನಿಲುವಿನ ಕುರಿತು ವಿರೋಧ ಪಕ್ಷಗಳು ತೋರಿಸಿದ ಏಕೀಕೃತ ಬೆಂಬಲಕ್ಕೆ ಅವರು ಮೆಚ್ಚುಗೆ ವ್ಯಕ್ತಪಡಿಸಿದರು. 

  "ನಮಗೆ ಭಾರತೀಯ ಸೇನೆಯ ಮೇಲೆ ಸಂಪೂರ್ಣ ನಂಬಿಕೆ ಇದೆ, ಅದು ಪಾಕಿಸ್ತಾನಕ್ಕೆ ಹಲವು ಬಾರಿ ಪಾಠ ಕಲಿಸಿದೆ. ಅದನ್ನು ಎರಡು ಭಾಗಗಳಾಗಿ (ಬಾಂಗ್ಲಾದೇಶ ಮತ್ತು ಪಾಕಿಸ್ತಾನ) ವಿಂಗಡಿಸಿದೆ. ಭಾರತ ಸರ್ಕಾರ ಸರ್ವಪಕ್ಷ ಸಭೆಯನ್ನು ಕರೆದಿದೆ ಮತ್ತು ಅದರಲ್ಲಿಯೂ ವಿರೋಧ ಪಕ್ಷಗಳು ಒಗ್ಗಟ್ಟನ್ನು ವ್ಯಕ್ತಪಡಿಸಿವೆ. ಶೀಘ್ರದಲ್ಲೇ ಸಶಸ್ತ್ರ ಪಡೆಗಳು ಪಾಕಿಸ್ತಾನವನ್ನು ತಟಸ್ಥಗೊಳಿಸುತ್ತವೆ ಎಂದು ನಾವು ಭಾವಿಸುತ್ತೇವೆ" ಎಂದು ಯಾದವ್ ಹೇಳಿದರು. "ಸೇನೆ ಮತ್ತು ಸರ್ಕಾರ ತೆಗೆದುಕೊಳ್ಳುವ ಯಾವುದೇ ನಿರ್ಧಾರಕ್ಕೆ ನಾವು ಬೆಂಬಲ ನೀಡುತ್ತೇವೆ. ದೇಶದಿಂದ ಭಯೋತ್ಪಾದನೆ ಮತ್ತು ಪ್ರತ್ಯೇಕತಾವಾದವನ್ನು ಬೇರುಸಹಿತ ಕಿತ್ತುಹಾಕಬೇಕೆಂದು ನಾವು ಬಯಸುತ್ತೇವೆ. ಇದಕ್ಕಾಗಿ ಅವರು ಏನು ಮಾಡಿದರೂ ನಾವು ಬೆಂಬಲಿಸುತ್ತೇವೆ" ಎಂದು ಇದೇ ವೇಳೆ ಯಾದವ್‌ ತಿಳಿಸಿದ್ದಾರೆ. 

• 10 May, 2025 00:12 AM

  India Pakistan War News Live: ಭಾರತ-ಪಾಕ್ ಸಂಘರ್ಷ: ಪರಿಸ್ಥಿತಿ ಉಲ್ಬಣಗೊಳ್ಳದಿರಲಿ ಎಂದು ಆಶಿಸೋಣ, ಎಂದ ಎಂಇಎ ಅಧಿಕಾರಿ

  ನವದೆಹಲಿ: ಭಾರತ ಮತ್ತು ಪಾಕಿಸ್ತಾನದ ನಡುವೆ ನಡೆಯುತ್ತಿರುವ ಮಿಲಿಟರಿ ಸಂಘರ್ಷದ ಹಿನ್ನೆಲೆಯಲ್ಲಿ, ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ (ಎಂಇಎ) ಹಿರಿಯ ಅಧಿಕಾರಿಯೊಬ್ಬರು ಶುಕ್ರವಾರ, "ಪ್ರಸ್ತುತ ಪರಿಸ್ಥಿತಿ ಉಲ್ಬಣಗೊಳ್ಳದಿರಲಿ ಎಂದು ನಾವು ಆಶಿಸಬೇಕು" ಎಂದು ಹೇಳಿದ್ದಾರೆ.

  ಎಂಇಎದಲ್ಲಿ ಆರ್ಥಿಕ ಸಂಬಂಧಗಳ ಕಾರ್ಯದರ್ಶಿಯಾಗಿರುವ ದಮ್ಮು ರವಿ, ಸಂಘರ್ಷದಿಂದ ಆರ್ಥಿಕತೆಯ ಮೇಲಾಗುವ ಪರಿಣಾಮ ಮತ್ತು ಅಂತಹ ಸಂದರ್ಭಗಳಲ್ಲಿ ಅಗತ್ಯವಿರುವ ಸ್ಥಿರತೆ ಕುರಿತಾದ ಪ್ರಶ್ನೆಯೊಂದಕ್ಕೆ ಪ್ರತಿಕ್ರಿಯೆ ನೀಡಿದರು.

  STORY | We should remain hopeful that Indo-Pak conflict doesn't escalate: MEA official

  READ: https://t.co/A5R86AiaLX pic.twitter.com/s1x3isJAk5

  — Press Trust of India (@PTI_News) May 9, 2025

  ಪಬ್ಲಿಕ್ ಅಫೇರ್ಸ್ ಫೋರಂ ಆಫ್ ಇಂಡಿಯಾ (ಪಿಎಎಫ್‌ಐ) ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ರವಿ, ಸಭಿಕರೊಂದಿಗೆ ಸಂವಾದ ನಡೆಸುತ್ತಾ, "ಭದ್ರತೆ, ಅಭಿವೃದ್ಧಿ ಮತ್ತು ಆರ್ಥಿಕ ಬೆಳವಣಿಗೆಯು ವಿಶ್ವದಾದ್ಯಂತ ಪರಸ್ಪರ ಸಂಬಂಧಿತ ವಿಷಯಗಳಾಗಿವೆ. ಸಂಘರ್ಷದ ಸಂದರ್ಭದಲ್ಲಿ, ಕೈಗಾರಿಕೆಗಳು ಸ್ವಾಭಾವಿಕವಾಗಿ ಹಿಂದೆ ಸರಿಯುತ್ತವೆ. ಪರಿಸ್ಥಿತಿ ಸುಧಾರಿಸಲು ಸಮಯ ಬೇಕಾಗುತ್ತದೆ," ಎಂದು ತಿಳಿಸಿದರು.

• 9 May, 2025 23:46 PM

  India Pakistan War News Live: ಭಾರತೀಯ ಸೈನ್ಯದ ಶೌರ್ಯ, ಪರಾಕ್ರಮಕ್ಕೆ ಆಸ್ಟ್ರೇಲಿಯಾ ಕ್ರಿಕೆಟಿಗ ಜೋಶ್ ಹ್ಯಾಝಲ್‌ವುಡ್‌ ಮೆಚ್ಚುಗೆ

  ಆಸ್ಟ್ರೇಲಿಯಾದ ಪ್ರಸಿದ್ಧ ಕ್ರಿಕೆಟಿಗ ಜೋಶ್ ಹ್ಯಾಝಲ್‌ವುಡ್ ಅವರು ಭಾರತ-ಪಾಕಿಸ್ತಾನದ ನಡುವಿನ ಉದ್ವಿಗ್ನ ಪರಿಸ್ಥಿತಿಯಲ್ಲಿ ಭಾರತೀಯ ಸೇನೆಗೆ ತಮ್ಮ ಬೆಂಬಲವನ್ನು ವ್ಯಕ್ತಪಡಿಸಿದ್ದಾರೆ. ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿದ ಸಂದೇಶದಲ್ಲಿ, ಪಾಕಿಸ್ತಾನ ಮೂಲದ ಭಯೋತ್ಪಾದಕರ ವಿರುದ್ಧ ಹೋರಾಡುತ್ತಿರುವ ಭಾರತೀಯ ಸೇನೆಯ ಧೈರ್ಯ ಮತ್ತು ಸಮರ್ಪಣೆಯನ್ನು ಅವರು ಶ್ಲಾಘಿಸಿದ್ದಾರೆ.

  Stay strong 🇮🇳 pic.twitter.com/0Ihljy5t0P

  — Josh Hazlewood (@HOFFHazlewood) May 9, 2025

  "ಒಬ್ಬ ಆಸ್ಟ್ರೇಲಿಯಾ ಕ್ರಿಕೆಟಿಗನಾಗಿ, ನಾನು ಯಾವಾಗಲೂ ಸವಾಲುಗಳನ್ನು ಎದುರಿಸುವ ಚೈತನ್ಯವನ್ನು ನಂಬುತ್ತೇನೆ, ಇದು ನಮ್ಮ ಭಾರತೀಯ ಸೇನೆಯ ಧೀರರಂತೆಯೇ ಇದೆ. ಪಾಕಿಸ್ತಾನ ಮೂಲದ ಭಯೋತ್ಪಾದಕರ ವಿರುದ್ಧ ಹೋರಾಡುತ್ತಿರುವ ಭಾರತೀಯ ಸೇನೆಯ ಸೈನಿಕರಿಗೆ ನನ್ನ ಸಂಪೂರ್ಣ ಬೆಂಬಲವಿದೆ. ಶಾಂತಿ ಮತ್ತು ಸುರಕ್ಷತೆಗಾಗಿ ನೀವು ಮಾಡುತ್ತಿರುವ ಈ ಹೋರಾಟವನ್ನು ನಾವು ಆಸ್ಟ್ರೇಲಿಯಾದವರು ಗೌರವಿಸುತ್ತೇವೆ" ಎಂದು ಹ್ಯಾಝಲ್‌ವುಡ್ ಬರೆದಿದ್ದಾರೆ. ಅವರು ತಮ್ಮ ಸಂದೇಶದಲ್ಲಿ ಭಾರತೀಯರಿಗೆ ಧೈರ್ಯದಿಂದ ಮುಂದುವರಿಯುವಂತೆ ಮತ್ತು ಸುರಕ್ಷಿತವಾಗಿರುವಂತೆ ಕರೆ ನೀಡಿದ್ದಾರೆ"

• 9 May, 2025 23:26 PM

  India Pakistan War News Live: ಧರ್ಮಶಾಲಾದಿಂದ ನವದೆಹಲಿವರೆಗೆ ಕ್ರಿಕೆಟ್ ಸಿಬ್ಬಂದಿಗೆ ವಂದೇ ಭಾರತ್ ವಿಶೇಷ ರೈಲು

  ಧರ್ಮಶಾಲಾ: ಭಾರತೀಯ ರೈಲ್ವೆ ಸಚಿವಾಲಯವು ಅತ್ಯಂತ ಕಡಿಮೆ ಸಮಯದಲ್ಲಿ ವಿಶೇಷ ವಂದೇ ಭಾರತ್ ರೈಲನ್ನು ಆಯೋಜಿಸಿ, ಕ್ರೀಡಾಪಟುಗಳು, ಸಹಾಯಕ ಸಿಬ್ಬಂದಿ, ವಿವರಣೆಗಾರರು, ನಿರ್ಮಾಣ ಸಿಬ್ಬಂದಿ ಹಾಗೂ ಕಾರ್ಯಾಚರಣಾ ಸಿಬ್ಬಂದಿಯನ್ನು ನವದೆಹಲಿಗೆ ಸಾಗಿಸಿದೆ. ಈ ತ್ವರಿತ ಕ್ರಮಕ್ಕಾಗಿ ರೈಲ್ವೆ ಸಚಿವಾಲಯಕ್ಕೆ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದೆ.

  ರೈಲ್ವೆ ಸಚಿವ ಶ್ರೀ ಅಶ್ವಿನಿ ವೈಷ್ಣವ್, ಶ್ರೀ ಜಯ್ ಶಾ, ಶ್ರೀ ಲಾನ್ ಸೈಕಿಯಾ, ಶ್ರೀ ರಾಜೀವ್ ಶುಕ್ಲಾ ಮತ್ತು ಶ್ರೀ ಅರವಿಂದ್ ಸಿಂಗ್ ಠಾಕೂರ್ ಅವರಿಗೆ ಈ ಯಶಸ್ವಿ ವ್ಯವಸ್ಥೆಗಾಗಿ ಕೃತಜ್ಞತೆ ಸಲ್ಲಿಸಲಾಗಿದೆ. ಈ ವಿಶೇಷ ರೈಲು ಸೇವೆಯು ಭಾರತೀಯ ರೈಲ್ವೆಯ ಸಮರ್ಪಣೆ ಮತ್ತು ಸಾಮರ್ಥ್ಯವನ್ನು ಪ್ರದರ್ಶಿಸಿದೆ.

  #IPL | Special Vande Bharat train arranged for the players, support staff, commentators, production crew members, and operations staff from Dharamshala to New Delhi.@RailMinIndia @AshwiniVaishnaw https://t.co/l5P4RgZFsy

  — DD News (@DDNewslive) May 9, 2025

  ಈ ಕಾರ್ಯಕ್ಕಾಗಿ ಎಲ್ಲರೂ ಭಾರತೀಯ ರೈಲ್ವೆಗೆ ಹೃತ್ಪೂರ್ವಕ ಧನ್ಯವಾದ ಅರ್ಪಿಸಿದ್ದಾರೆ.

• 9 May, 2025 23:16 PM

  India Pakistan War News Live: ಭಾರತ-ಪಾಕಿಸ್ತಾನ ಗಡಿ ಭಾಗದಲ್ಲಿ ಒಟ್ಟು 26 ಸ್ಥಳಗಳಲ್ಲಿ ಕಾಣಿಸಿಕೊಂಡ ಡ್ರೋನ್ ಗಳು 

  ನವದೆಹಲಿ: ಭಾರತ-ಪಾಕಿಸ್ತಾನದ ಗಡಿಯಾದ ಅಂತರರಾಷ್ಟ್ರೀಯ ಗಡಿ ಮತ್ತು ಲೈನ್ ಆಫ್ ಕಂಟ್ರೋಲ್ (LoC) ವ್ಯಾಪ್ತಿಯಲ್ಲಿ ಒಟ್ಟು 26 ಸ್ಥಳಗಳಲ್ಲಿ ಡ್ರೋನ್‌ಗಳು ಕಾಣಿಸಿಕೊಂಡಿರುವ ಬಗ್ಗೆ ರಕ್ಷಣಾ ಇಲಾಖೆ ಮೂಲಗಳು ತಿಳಿಸಿವೆ. ಉತ್ತರದ ಬಾರಾಮುಲ್ಲಾದಿಂದ ದಕ್ಷಿಣದ ಭುಜ್‌ವರೆಗಿನ ಪ್ರದೇಶಗಳಲ್ಲಿ ಈ ಡ್ರೋನ್‌ಗಳು ಗುರುತಾಗಿವೆ, ಇವುಗಳಲ್ಲಿ ಕೆಲವು ಶಸ್ತ್ರಸಜ್ಜಿತ ಡ್ರೋನ್‌ಗಳಾಗಿದ್ದು, ನಾಗರಿಕರು ಮತ್ತು ಮಿಲಿಟರಿ ಗುರಿಗಳಿಗೆ ಸಂಭಾವ್ಯ ಬೆದರಿಕೆ ಒಡ್ಡುವ ಸಾಧ್ಯತೆ ಇದೆ.

  ಈ ಡ್ರೋನ್‌ಗಳು ಕಾಣಿಸಿಕೊಂಡ ಸ್ಥಳಗಳಲ್ಲಿ ಬಾರಾಮುಲ್ಲಾ, ಶ್ರೀನಗರ, ಅವಂತಿಪೋರಾ, ನಾಗ್ರೋಟಾ, ಜಮ್ಮು, ಫಿರೋಜ್‌ಪುರ್, ಪಠಾಣ್‌ಕೋಟ್, ಫಾಜಿಲ್ಕಾ, ಲಾಲ್‌ಗಢ್ ಜಟ್ಟಾ, ಜೈಸಲ್ಮೇರ್, ಬಾರ್ಮೆರ್, ಭುಜ್, ಕುವಾರ್‌ಬೆಟ್ ಮತ್ತು ಲಾಖಿ ನಾಲಾ ಸೇರಿವೆ.

  ಫಿರೋಜ್‌ಪುರದಲ್ಲಿ ದಾಳಿ, ಕುಟುಂಬದ ಸದಸ್ಯರಿಗೆ ಗಾಯ: ದುರಂತವೆಂದರೆ, ಫಿರೋಜ್‌ಪುರದ ನಾಗರಿಕ ಪ್ರದೇಶದಲ್ಲಿ ಶಸ್ತ್ರಸಜ್ಜಿತ ಡ್ರೋನ್ ದಾಳಿ ನಡೆಸಿದ್ದು, ಸ್ಥಳೀಯ ಕುಟುಂಬದ ಸದಸ್ಯರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಾಳುಗಳಿಗೆ ತಕ್ಷಣವೇ ವೈದ್ಯಕೀಯ ನೆರವು ಒದಗಿಸಲಾಗಿದ್ದು, ಭದ್ರತಾ ಪಡೆಗಳು ಆ ಪ್ರದೇಶವನ್ನು ಸುರಕ್ಷಿತಗೊಳಿಸಿವೆ.

  Drones have been sighted at 26 locations ranging from Baramulla in the North to Bhuj in the South, along both the International Border and the Line of Control with Pakistan. These include suspected armed drones posing potential threats to civilian and military targets.

  The… pic.twitter.com/b5PepfcCRw

  — ANI (@ANI) May 9, 2025

  ಭಾರತೀಯ ಸೇನೆಯ ಕಟ್ಟೆಚ್ಚರ: ಭಾರತೀಯ ಸೇನೆಯು ಎತ್ತರದ ಎಚ್ಚರಿಕೆಯ ಸ್ಥಿತಿಯಲ್ಲಿದ್ದು, ಎಲ್ಲಾ ವೈಮಾನಿಕ ಬೆದರಿಕೆಗಳನ್ನು ಗಮನಿಸುತ್ತಿದೆ ಮತ್ತು ಕೌಂಟರ್-ಡ್ರೋನ್ ವ್ಯವಸ್ಥೆಗಳನ್ನು ಬಳಸಿಕೊಂಡು ಅವುಗಳನ್ನು ತಡೆಗಟ್ಟುತ್ತಿದೆ. ಸ್ಥಿತಿಗತಿಯನ್ನು ನಿಕಟವಾಗಿ ಗಮನಿಸಲಾಗುತ್ತಿದ್ದು, ಅಗತ್ಯವಿರುವ ಕಡೆ ತಕ್ಷಣದ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ರಕ್ಷಣಾ ಮೂಲಗಳು ತಿಳಿಸಿವೆ.

  ನಾಗರಿಕರಿಗೆ ಸೂಚನೆ: ಗಡಿಪ್ರದೇಶದ ನಾಗರಿಕರಿಗೆ ಮನೆಯೊಳಗೆ ಉಳಿಯಲು, ಅನಗತ್ಯ ಸಂಚಾರವನ್ನು ತಪ್ಪಿಸಲು ಮತ್ತು ಸ್ಥಳೀಯ ಆಡಳಿತದಿಂದ ನೀಡಲಾದ ಸುರಕ್ಷತಾ ಸೂಚನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲು ರಕ್ಷಣಾ ಇಲಾಖೆ ಸೂಚಿಸಿದೆ. ಆತಂಕಕ್ಕೆ ಒಳಗಾಗುವ ಅಗತ್ಯವಿಲ್ಲವಾದರೂ, ಎಚ್ಚರಿಕೆ ಮತ್ತು ಮುನ್ನೆಚ್ಚರಿಕೆ ಅತ್ಯಗತ್ಯ ಎಂದು ಮೂಲಗಳು ಒತ್ತಿ ಹೇಳಿವೆ.

  ಈ ಸಂಕೀರ್ಣ ಪರಿಸ್ಥಿತಿಯನ್ನು ಎದುರಿಸಲು ಭಾರತೀಯ ಸೇನೆ ಸಂಪೂರ್ಣವಾಗಿ ಸನ್ನದ್ಧವಾಗಿದ್ದು, ದೇಶದ ಭದ್ರತೆಗೆ ಯಾವುದೇ ರೀತಿಯ ಧಕ್ಕೆ ಬಾರದಂತೆ ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಳ್ಳುತ್ತಿದೆ.

• 9 May, 2025 23:03 PM

  India Pakistan War News Live: ಭಾರತ-ಪಾಕಿಸ್ತಾನ ಉದ್ವಿಗ್ನತೆ ಕಡಿಮೆಯಾಗಲಿ ಎಂದ ವೈಟ್‌ ಹೌಸ್‌

  ವಾಷಿಂಗ್ಟನ್‌: ಭಾರತ ಮತ್ತು ಪಾಕಿಸ್ತಾನದ ನಡುವಿನ ಉದ್ವಿಗ್ನತೆಯನ್ನು ಕಡಿಮೆ ಮಾಡಲು ಎಲ್ಲಾ ಪ್ರಯತ್ನಗಳನ್ನು ಮಾಡಬೇಕೆಂದು ಎಂದು ವೈಟ್‌ ಹೌಸ್‌ ಹೇಳಿದೆ.

• 9 May, 2025 22:55 PM

  India Pakistan War News Live: ಗುಜರಾತ್‌ನ ಗಡಿಭಾಗದಲ್ಲಿ ಬ್ಲ್ಯಾಕ್‌ಔಟ್ ಘೋಷಣೆ: ಜನತೆಗೆ ಸುರಕ್ಷತಾ ಸೂಚನೆ

  ಗುಜರಾತ್‌ನ ಗಡಿಪ್ರದೇಶದಲ್ಲಿ ಪ್ರಸ್ತುತ ಉದ್ಭವಿಸಿರುವ ಸನ್ನಿವೇಶದ ಹಿನ್ನೆಲೆಯಲ್ಲಿ, ರಾಜ್ಯದ ಹಲವು ಜಿಲ್ಲೆಗಳ ಗ್ರಾಮಗಳಲ್ಲಿ ಮುಂಜಾಗ್ರತಾ ಕ್ರಮವಾಗಿ ಬ್ಲ್ಯಾಕ್‌ಔಟ್ ಘೋಷಿಸಲಾಗಿದೆ. ಪಾಟನ್ ಜಿಲ್ಲೆಯ ಸಂತಾಲ್‌ಪುರ ತಾಲೂಕಿನ ಗ್ರಾಮಗಳು, ಬನಸಕಾಂಠ ಜಿಲ್ಲೆಯ ಸುಯಿಗಾಮ್ ಮತ್ತು ವಾವ್ ತಾಲೂಕುಗಳ ಎಲ್ಲ ಗ್ರಾಮಗಳು, ಹಾಗೂ ಕಚ್ಛ್ ಜಿಲ್ಲೆಯಾದ್ಯಂತ ಈ ಬ್ಲ್ಯಾಕ್‌ಔಟ್ ಜಾರಿಯಲ್ಲಿದೆ. ಕಚ್ಛ್ ಜಿಲ್ಲೆಯಲ್ಲಿ ಮುಂದಿನ ಸೂಚನೆಯವರೆಗೆ ಈ ಆದೇಶ ಚಾಲ್ತಿಯಲ್ಲಿರಲಿದೆ.

  A blackout has been enforced in all the villages of Suigam and Vav talukas in Banaskantha district amid the prevailing border situation. People are also advised to stay away from rumours and follow safety instructions issued by the authorities. https://t.co/0c3qV0vZBY

  — CMO Gujarat (@CMOGuj) May 9, 2025

  ಪ್ರಾಧಿಕಾರಿಗಳು ಜನತೆಗೆ ಯಾವುದೇ ವದಂತಿಗಳಿಗೆ ಕಿವಿಗೊಡದಂತೆ ಮತ್ತು ಸ್ಥಳೀಯ ಆಡಳಿತದಿಂದ ಸಮಯಕ್ಕೆ ತಕ್ಕಂತೆ ನೀಡಲಾಗುವ ಸುರಕ್ಷತಾ ಸೂಚನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚಿಸಿದ್ದಾರೆ. ಈ ಕ್ರಮವು ಗಡಿಭಾಗದ ಸೂಕ್ಷ್ಮ ಪರಿಸ್ಥಿತಿಯನ್ನು ನಿಯಂತ್ರಿಸಲು ಮತ್ತು ಸಾರ್ವಜನಿಕ ಸುರಕ್ಷತೆಯನ್ನು ಖಾತ್ರಿಪಡಿಸಲು ತೆಗೆದುಕೊಳ್ಳಲಾಗಿದೆ ಎಂದು ಗುಜರಾತ್ ಮುಖ್ಯಮಂತ್ರಿಗಳ ಕಚೇರಿ ಹೇಳಿದೆ

• 9 May, 2025 22:46 PM

  India Pakistan War News Live: ಶ್ರೀನಗರ ವಿಮಾನ ನಿಲ್ದಾಣ, ಅವಂತಿಪೋರ ವಾಯುನೆಲೆಯ ಮೇಲಿನ ಡ್ರೋನ್ ದಾಳಿ ವಿಫಲ

  ಶ್ರೀನಗರ: ಶ್ರೀನಗರ ವಿಮಾನ ನಿಲ್ದಾಣ ಮತ್ತು ದಕ್ಷಿಣ ಕಾಶ್ಮೀರದ ಅವಂತಿಪೋರ ವಾಯುನೆಲೆಯ ಮೇಲೆ ಶುಕ್ರವಾರ ರಾತ್ರಿ ನಡೆಯಲಿದ್ದ ಡ್ರೋನ್ ದಾಳಿಯನ್ನು ಅಧಿಕಾರಿಗಳು ವಿಫಲಗೊಳಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

  ಈ ದಾಳಿಯ ಪ್ರಯತ್ನವು, ಪಾಕಿಸ್ತಾನ ಸೇನೆಯು ಡ್ರೋನ್‌ಗಳು ಮತ್ತು ಕ್ಷಿಪಣಿಗಳನ್ನು ಬಳಸಿ ಭಾರತೀಯ ಸೇನಾ ಸ್ಥಾಪನೆಗಳ ಮೇಲೆ ದಾಳಿ ನಡೆಸಲು ಯತ್ನಿಸಿದ ಒಂದು ದಿನದ ನಂತರ ಬಂದಿದೆ. ಈ ದಾಳಿಯನ್ನು ಭಾರತೀಯ ಸೇನೆ ಯಶಸ್ವಿಯಾಗಿ ತಡೆಗಟ್ಟಿತ್ತು.

  STORY | Drone attacks on Srinagar airport, Awantipora air base thwarted: Officials

  READ: https://t.co/XnbpahO2IU pic.twitter.com/DLBRqt0rss

  — Press Trust of India (@PTI_News) May 9, 2025

  ಇದೇ ವೇಳೆ, ಉತ್ತರ ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯಲ್ಲಿ ಕೂಡ ಡ್ರೋನ್‌ಗಳು ಕಾಣಿಸಿಕೊಂಡಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಘಟನೆಗೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ಮತ್ತು ತಡೆಗಟ್ಟುವ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ.

• 9 May, 2025 22:33 PM

  India Pakistan War News Live: ಐಪಿಎಲ್ 2025: ಬಿಸಿಸಿಐ ಶೀಘ್ರದಲ್ಲೇ ಪರಿಹಾರ ಕಂಡುಕೊಳ್ಳಲಿದೆ ಎಂದ ಗಂಗೂಲಿ

  ನವದೆಹಲಿ, ಮೇ 9, 2025: ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ ಸೌರವ್ ಗಂಗೂಲಿ ಅವರು ಐಪಿಎಲ್ 2025ರ ಸ್ಥಗಿತಗೊಂಡಿರುವ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ಈ ನಿರ್ಧಾರವನ್ನು ಯುದ್ಧದಂತಹ ಪರಿಸ್ಥಿತಿಯಿಂದಾಗಿ ತೆಗೆದುಕೊಳ್ಳಬೇಕಾಯಿತು ಎಂದಿದ್ದಾರೆ. "ಪ್ರಸ್ತುತ ಯುದ್ಧದಂತಹ ವಾತಾವರಣವಿದೆ, ಆದ್ದರಿಂದ ಈ ನಿರ್ಧಾರ ಅನಿವಾರ್ಯವಾಗಿತ್ತು. ಆದರೆ ಐಪಿಎಲ್ ಮತ್ತೆ ಆರಂಭವಾಗಲಿದೆ ಎಂಬ ಆಶಾಭಾವನೆಯಿದೆ. ಬಿಸಿಸಿಐ ಐಪಿಎಲ್ ಅನ್ನು ಪೂರ್ಣಗೊಳಿಸಲಿದೆ ಮತ್ತು ಈ ರೀತಿಯ ಪರಿಸ್ಥಿತಿ ದೀರ್ಘಕಾಲ ಉಳಿಯದು ಎಂದು ನಾನು ಭಾವಿಸುತ್ತೇನೆ. ಏಕೆಂದರೆ ಭಾರತದ ಒತ್ತಡವನ್ನು ಪಾಕಿಸ್ತಾನ ಸಹಿಸಲಾರದು," ಎಂದು ಗಂಗೂಲಿ ಹೇಳಿದ್ದಾರೆ.

  #WATCH | Kolkata | On the suspension of IPL 2025, Former Indian cricket team captain Sourav Ganguly says, "There is a war-like situation, so this decision had to be taken... I hope the IPL will start again... BCCI will complete the IPL and this kind of situation will not last… pic.twitter.com/cy8T2w9UPn

  — ANI (@ANI) May 9, 2025

  ಬಿಸಿಸಿಐ ಒಂದು ಅತ್ಯಂತ ಸಮರ್ಥ ಸಂಸ್ಥೆಯಾಗಿದ್ದು, ಈ ಸವಾಲಿನ ಪರಿಸ್ಥಿತಿಗೆ ಶೀಘ್ರದಲ್ಲೇ ಪರಿಹಾರ ಕಂಡುಕೊಳ್ಳಲಿದೆ ಎಂದು ಗಂಗೂಲಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. "ಬಿಸಿಸಿಐ ತನ್ನ ಯೋಜನೆಗಳನ್ನು ಸಮರ್ಥವಾಗಿ ಕಾರ್ಯಗತಗೊಳಿಸುವಲ್ಲಿ ಪರಿಣತಿಯನ್ನು ಹೊಂದಿದೆ. ಐಪಿಎಲ್ ಅನ್ನು ಮುಂದುವರಿಸಲು ಸೂಕ್ತ ಕ್ರಮಗಳನ್ನು ಕೈಗೊಳ್ಳಲಿದೆ," ಎಂದು ಅವರು ತಿಳಿಸಿದ್ದಾರೆ.

  ಪ್ರಸ್ತುತ ಭಾರತ-ಪಾಕಿಸ್ತಾನದ ನಡುವಿನ ಉದ್ವಿಗ್ನ ವಾತಾವರಣದಿಂದಾಗಿ ಐಪಿಎಲ್ 2025ರ ಆವೃತ್ತಿಯನ್ನು ಸ್ಥಗಿತಗೊಳಿಸಲಾಗಿದೆ.

• 9 May, 2025 22:26 PM

   India Pakistan War News Live: ಐಪಿಎಲ್ 2025: ದೆಹಲಿ ಕ್ಯಾಪಿಟಲ್ಸ್ ಮತ್ತು ಪಂಜಾಬ್ ಕಿಂಗ್ಸ್ ಆಟಗಾರರು ದೆಹಲಿಗೆ ಆಗಮಿಸಿದರು.

  ಇಂದು ಬೆಳಿಗ್ಗೆ, ಭಾರತ ಮತ್ತು ಪಾಕಿಸ್ತಾನದ ನಡುವಿನ ಹೆಚ್ಚುತ್ತಿರುವ ಮಿಲಿಟರಿ ಘರ್ಷಣೆಯಿಂದಾಗಿ ಐಪಿಎಲ್ ಒಂದು ವಾರದವರೆಗೆ ಸ್ಥಗಿತಗೊಂಡಿತು. 

• 9 May, 2025 22:08 PM

  India Pakistan War News Live: ಪಂಜಾಬ್‌ನ ಫಿರೋಜ್‌ಪುರ ಪ್ರದೇಶದ ವಸತಿ ಪ್ರದೇಶಕ್ಕೆ ಅಪ್ಪಳಿಸಿದ ಪಾಕಿಸ್ತಾನದ ಡ್ರೋನ್

  ಪಂಜಾಬ್‌ನ ಫಿರೋಜ್‌ಪುರ ಪ್ರದೇಶದ ವಸತಿ ಪ್ರದೇಶಕ್ಕೆ ಪಾಕಿಸ್ತಾನದ ಡ್ರೋನ್ ಅಪ್ಪಳಿಸಿದೆ, ಕುಟುಂಬಕ್ಕೆ ಗಾಯಗಳಾಗಿವೆ. ಹೆಚ್ಚಿನ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸಾಗಿಸಲಾಗಿದೆ.

• 9 May, 2025 22:05 PM

  India Pakistan War News Live: ಜೈಸಲ್ಮೇರ್‌ನಲ್ಲಿ ವೈಮಾನಿಕ ಬೆದರಿಕೆ: ಡ್ರೋನ್‌ಗಳನ್ನು ಧ್ವಂಸಗೊಳಿಸಿದ ಭಾರತದ ವಾಯು ರಕ್ಷಣಾ ವ್ಯವಸ್ಥೆ

  ರಾಜಸ್ಥಾನದ ಜೈಸಲ್ಮೇರ್‌ನಲ್ಲಿ ಶುಕ್ರವಾರ ರಾತ್ರಿಯೂ ಪಾಕಿಸ್ತಾನದಿಂದ ಬಂದ ಬಹುವಿಧ ವೈಮಾನಿಕ ಬೆದರಿಕೆಗಳನ್ನು ಭಾರತೀಯ ವಾಯು ರಕ್ಷಣಾ ವ್ಯವಸ್ಥೆಯು ಯಶಸ್ವಿಯಾಗಿ ತಡೆಗಟ್ಟಿದೆ. ಈ ಘಟನೆಯಿಂದಾಗಿ ಗಡಿಭಾಗದ ಹಲವು ಜಿಲ್ಲೆಗಳಲ್ಲಿ ರೆಡ್ ಅಲರ್ಟ್ ಘೋಷಿಸಲಾಗಿದ್ದು, ಕರ್ಫ್ಯೂ ಮತ್ತು ವಿದ್ಯುತ್ ಕಡಿತದಿಂದ ಸ್ಥಳೀಯ ನಿವಾಸಿಗಳಲ್ಲಿ ಆತಂಕ ಮನೆಮಾಡಿದೆ.

  STORY | Multiple aerial threats in Jaisalmer, intercepted

  READ: https://t.co/XyZFUSlrOr pic.twitter.com/m36C7tVsiX

  — Press Trust of India (@PTI_News) May 9, 2025

  ಮೂಲಗಳ ಪ್ರಕಾರ, ಪಾಕಿಸ್ತಾನದಿಂದ ಉಡಾಯಿಸಲಾದ ಶಂಕಿತ ಡ್ರೋನ್‌ಗಳನ್ನು ಭಾರತದ ವಾಯು ರಕ್ಷಣಾ ವ್ಯವಸ್ಥೆಯು ಮಧ್ಯ ಗಗನದಲ್ಲಿಯೇ ಧ್ವಂಸಗೊಳಿಸಿದೆ. ಈ ಘಟನೆಯಿಂದ ಗಡಿಭಾಗದಲ್ಲಿ ಭದ್ರತೆಯನ್ನು ಮತ್ತಷ್ಟು ಕಟ್ಟುನಿಟ್ಟಾಗಿಸಲಾಗಿದೆ.

  ಈ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಅಧಿಕಾರಿಗಳು ಇನ್ನೂ ಬಹಿರಂಗಪಡಿಸಿಲ್ಲವಾದರೂ, ಸ್ಥಳೀಯ ಜನತೆಗೆ ಸುರಕ್ಷಿತವಾಗಿರುವಂತೆ ಸೂಚನೆ ನೀಡಲಾಗಿದೆ.

• 9 May, 2025 21:35 PM

  India Pakistan War News Live: ಅಮೃತಸರ ವಿಮಾನ ನಿಲ್ದಾಣದಲ್ಲಿ ವಿಮಾನ ಕಾರ್ಯಾಚರಣೆ ಮೇ 15 ರವರೆಗೆ ಬಂದ್

  ಶ್ರೀ ಗುರು ರಾಮದಾಸ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ, ಅಮೃತಸರದ ವಿಮಾನ ನಿಲ್ದಾಣ ಪ್ರಾಧಿಕಾರವು ಎಲ್ಲಾ ರೀತಿಯ ವಿಮಾನ ಕಾರ್ಯಾಚರಣೆಗಳ ಸ್ಥಗಿತಗೊಳಿಸುವ ಅವಧಿಯನ್ನು ಮೇ 15 ರವರೆಗೆ ವಿಸ್ತರಿಸಿದೆ ಎಂದು ಶುಕ್ರವಾರ ಘೋಷಿಸಿದೆ.

  STORY | Airport Authority Amritsar extends suspension of flights till May 15

  READ: https://t.co/x4UA8HTmCP pic.twitter.com/ifNTihqASI

  — Press Trust of India (@PTI_News) May 9, 2025

  ಪ್ರಾಧಿಕಾರವು ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ, "ಎಲ್ಲಾ ಸಂಬಂಧಿತರಿಗೆ ತಿಳಿಸಲಾಗಿದೆಯೆಂದು, ಅಮೃತಸರ ವಿಮಾನ ನಿಲ್ದಾಣದಿಂದ ಎಲ್ಲಾ ವಾಣಿಜ್ಯ/ನಾಗರಿಕ ದೇಶೀಯ ಮತ್ತು ಅಂತರರಾಷ್ಟ್ರೀಯ ವಿಮಾನ ಕಾರ್ಯಾಚರಣೆಗಳ ಸ್ಥಗಿತವನ್ನು 2025ರ ಮೇ 15ರ ಬೆಳಿಗ್ಗೆ 5:30 ಗಂಟೆಯವರೆಗೆ ಮತ್ತಷ್ಟು ವಿಸ್ತರಿಸಲಾಗಿದೆ" ಎಂದು ತಿಳಿಸಿದೆ.

• 9 May, 2025 21:26 PM

  India Pakistan War News Live: ಪಾಕಿಸ್ತಾನದಿಂದ ಭಾರತದ 11 ಸ್ಥಳಗಳಿಗೆ ಡ್ರೋನ್ ದಾಳಿ: ಜಮ್ಮು-ಕಾಶ್ಮೀರ, ಪಂಜಾಬ್, ರಾಜಸ್ಥಾನದಲ್ಲಿ ಉದ್ವಿಗ್ನತೆ

  ಪಾಕಿಸ್ತಾನವು ಶುಕ್ರವಾರ ಜಮ್ಮು ಮತ್ತು ಕಾಶ್ಮೀರ, ಪಂಜಾಬ್ ಹಾಗೂ ರಾಜಸ್ಥಾನದ 11 ಸ್ಥಳಗಳಿಗೆ ಡ್ರೋನ್ ದಾಳಿಗಳನ್ನು ನಡೆಸಿದ್ದು, ಗಡಿಭಾಗದಲ್ಲಿ ಉದ್ವಿಗ್ನತೆಯ ವಾತಾವರಣ ಸೃಷ್ಟಿಯಾಗಿದೆ. ಜಮ್ಮು, ಸಾಂಬಾ, ಉರಿ, ಪೂಂಚ್, ಹಂದವಾಡ, ರಜೌರಿ, ನೌಗಾಮ್ ಮತ್ತು ಕುಪ್ವಾರಾದಲ್ಲಿ ಜಮ್ಮು-ಕಾಶ್ಮೀರದ ಎಂಟು ಸ್ಥಳಗಳು, ಪಂಜಾಬ್‌ನ ಪಠಾಣ್‌ಕೋಟ್ ಮತ್ತು ಅಮೃತಸರ, ಹಾಗೂ ರಾಜಸ್ಥಾನದ ಪೊಖ್ರಾನ್‌ನಲ್ಲಿ ಈ ದಾಳಿಗಳು ನಡೆದಿವೆ. ಭಾರತೀಯ ಸೇನೆಯು ಎಲ್ಲಾ ಡ್ರೋನ್‌ಗಳನ್ನು ಯಶಸ್ವಿಯಾಗಿ ತಡೆಗಟ್ಟಿದೆ ಎಂದು ವರದಿಯಾಗಿದೆ.

  ಪಠಾಣ್‌ಕೋಟ್, ಜಮ್ಮುವಿನಲ್ಲಿ ಎರಡನೇ ರಾತ್ರಿಯೂ ಆತಂಕ: ಗುರುವಾರ ರಾತ್ರಿ ಪಾಕಿಸ್ತಾನವು ಈ ಪ್ರದೇಶಗಳಲ್ಲಿ ಸೇನಾ ನೆಲೆಗಳ ಮೇಲೆ ಗುರಿಯಿಟ್ಟಿದ್ದು, ಶುಕ್ರವಾರವೂ ಪಠಾಣ್‌ಕೋಟ್ ಮತ್ತು ಜಮ್ಮುವಿನಲ್ಲಿ ವಿದ್ಯುತ್ ಕಡಿತ ಮತ್ತು ಸೈರನ್ ಶಬ್ದಗಳಿಂದ ಕರ್ಫ್ಯೂ ತರಹದ ವಾತಾವರಣ ನಿರ್ಮಾಣವಾಗಿದೆ. ಶ್ರೀನಗರದಲ್ಲಿಯೂ ವಿದ್ಯುತ್ ಕಡಿತ ವರದಿಯಾಗಿದೆ.

  ಜಮ್ಮು-ಕಾಶ್ಮೀರ ಮುಖ್ಯಮಂತ್ರಿಯಿಂದ ಮನವಿ: ಜಮ್ಮು-ಕಾಶ್ಮೀರದ ಮುಖ್ಯಮಂತ್ರಿ ಒಮರ್ ಅಬ್ದುಲ್ಲಾ, ಎಕ್ಸ್‌ನಲ್ಲಿ ಮಾಹಿತಿ ಹಂಚಿಕೊಂಡು, "ನನ್ನ ಸ್ಥಳದಿಂದ ಭಾರೀ ಫಿರಂಗಿಗಳ ಶಬ್ದದಂತಹ ಆಗಾಗ್ಗೆ ಸ್ಫೋಟದ ಶಬ್ದಗಳು ಕೇಳಿಸುತ್ತಿವೆ" ಎಂದು ಬರೆದಿದ್ದಾರೆ. ಮತ್ತೊಂದು ಪೋಸ್ಟ್‌ನಲ್ಲಿ, "ಜಮ್ಮು ಮತ್ತು ಸುತ್ತಮುತ್ತಲಿನ ಜನರು ಮುಂದಿನ ಕೆಲವು ಗಂಟೆಗಳವರೆಗೆ ಬೀದಿಗಳಿಗೆ ಬಾರದೆ, ಮನೆಯಲ್ಲಿಯೇ ಇರಿ ಅಥವಾ ಸುರಕ್ಷಿತ ಸ್ಥಳದಲ್ಲಿ ಉಳಿಯಿರಿ. ವದಂತಿಗಳನ್ನು ನಂಬದಿರಿ, ದೃಢೀಕರಿಸದ ಕಥೆಗಳನ್ನು ಹಂಚಿಕೊಳ್ಳದಿರಿ. ಒಟ್ಟಾಗಿ ಈ ಸಂಕಷ್ಟವನ್ನು ಎದುರಿಸೋಣ" ಎಂದು ಮನವಿ ಮಾಡಿದ್ದಾರೆ.

  ಪಾಕಿಸ್ತಾನದ ರಕ್ಷಣಾ ಸಚಿವರಿಂದ ವಿವಾದಾತ್ಮಕ ಹೇಳಿಕೆ: ಪಾಕಿಸ್ತಾನದ ರಕ್ಷಣಾ ಸಚಿವರು, ಮದರಸಾ ವಿದ್ಯಾರ್ಥಿಗಳನ್ನು ಎರಡನೇ ರಕ್ಷಣಾ ಮಾರ್ಗವಾಗಿ ಬಳಸುವ ಸೂಚನೆ ನೀಡಿದ್ದಾರೆ ಎಂದು ವರದಿಯಾಗಿದ್ದು, ಈ ಹೇಳಿಕೆ ಗಡಿಯಾಚೆಗಿನ ಉದ್ವಿಗ್ನತೆಯನ್ನು ಮತ್ತಷ್ಟು ಹೆಚ್ಚಿಸಿದೆ.

  ಭಾರತೀಯ ಸೇನೆಯು ಎಲ್ಲಾ ದಾಳಿಗಳನ್ನು ತಡೆಗಟ್ಟಿದ್ದರೂ, ಗಡಿಭಾಗದಲ್ಲಿ ಎಚ್ಚರಿಕೆಯ ವಾತಾವರಣ ಮುಂದುವರಿದಿದೆ. ಕೇಂದ್ರ ಸರ್ಕಾರವು ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದು, ಮುಂದಿನ ಕ್ರಮಗಳ ಬಗ್ಗೆ ಚರ್ಚೆ ನಡೆಸುತ್ತಿದೆ.

• 9 May, 2025 21:07 PM

  India Pakistan War News Live: ಯುಎಇಯಲ್ಲಿ ಪಿಎಸ್‌ಎಲ್ ಪಂದ್ಯಗಳ ಆಯೋಜನೆಗೆ ವಿರೋಧ

  ಪಾಕಿಸ್ತಾನ ಸೂಪರ್ ಲೀಗ್ (ಪಿಎಸ್‌ಎಲ್) ಉಳಿದ ಪಂದ್ಯಗಳನ್ನು ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿ (ಯುಎಇ) ಆಯೋಜಿಸುವ ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್‌ನ (ಪಿಸಿಬಿ) ಯೋಜನೆಗೆ ತಡೆಯಾಗುವ ಸಾಧ್ಯತೆ ಇದೆ. ಎಮಿರೇಟ್ಸ್ ಕ್ರಿಕೆಟ್ ಬೋರ್ಡ್ (ಇಸಿಬಿ) ಈ ಕೋರಿಕೆಯನ್ನು "ಒಪ್ಪಿಗೆ ನೀಡುವ ಸಾಧ್ಯತೆ ಕಡಿಮೆ" ಎಂದು ತಿಳಿದುಬಂದಿದೆ. ಇದಕ್ಕೆ ಭಾರತ ಮತ್ತು ಪಾಕಿಸ್ತಾನದ ನಡುವಿನ ಗಡಿ ಉದ್ವಿಗ್ನತೆಯೇ ಕಾರಣವಾಗಿದೆ.

  STORY | UAE set to decline PCB request to host PSL games

  READ: https://t.co/4WuhwVRrhx pic.twitter.com/TRzr2gUWET

  — Press Trust of India (@PTI_News) May 9, 2025

  ಇಸಿಬಿಯ ಒಬ್ಬ ಮೂಲದ ಪ್ರಕಾರ, ಭಾರತ-ಪಾಕಿಸ್ತಾನದ ನಡುವಿನ ಹೆಚ್ಚುತ್ತಿರುವ ಉದ್ವಿಗ್ನತೆಯಿಂದಾಗಿ "ಭದ್ರತಾ ಕಾಳಜಿಗಳು" ಉಂಟಾಗಿರುವುದೇ ಈ ನಿರ್ಧಾರಕ್ಕೆ ಕಾರಣವಾಗಿದೆ. ಪಿಎಸ್‌ಎಲ್ ಪಂದ್ಯಗಳನ್ನು ಯುಎಇಯಲ್ಲಿ ಆಯೋಜಿಸುವುದಾಗಿ ಪಿಸಿಬಿ ಈಗಾಗಲೇ ಘೋಷಿಸಿದ್ದರೂ, ಇಸಿಬಿ ಈ ಕೋರಿಕೆಯನ್ನು ತಿರಸ್ಕರಿಸುವ ಸಾಧ್ಯತೆ ಹೆಚ್ಚಿದೆ.

  ಈ ಬೆಳವಣಿಗೆಯಿಂದಾಗಿ ಪಿಎಸ್‌ಎಲ್‌ನ ಆಯೋಜನೆಗೆ ಸಂಬಂಧಿಸಿದಂತೆ ಪಿಸಿಬಿಗೆ ಹೊಸ ಯೋಜನೆ ರೂಪಿಸುವ ಅಗತ್ಯ ಎದುರಾಗಿದೆ.

• 9 May, 2025 20:54 PM

  India Pakistan War News Live: ಸಾಂಬಾದಲ್ಲಿ ಕೇಳಿಬಂದ ಸ್ಪೋಟದ ಸದ್ದು

  ಭಾರತದ ವಾಯು ರಕ್ಷಣಾ ಪಡೆಗಳು ಪಾಕಿಸ್ತಾನಿ ಡ್ರೋನ್‌ಗಳನ್ನು ತಡೆಹಿಡಿಯುತ್ತಿದ್ದಂತೆ ಸಾಂಬಾದಲ್ಲಿ ಸ್ಫೋಟಗಳ ಶಬ್ದ ಕೇಳಿಬಂದಿದೆ.

  #WATCH | J&K | Explosions heard in Samba as India's air defence intercepts Pakistani drones amid blackout.

  (Visuals deferred by an unspecified time) pic.twitter.com/2BxTXve0yw

  — ANI (@ANI) May 9, 2025

• 9 May, 2025 20:47 PM

  India Pakistan War News Live: ಜಮ್ಮು, ಸಾಂಬಾ, ಪಠಾಣ್‌ಕೋಟ್ ವಲಯದಲ್ಲಿ ಪಾಕಿಸ್ತಾನಿ ಡ್ರೋನ್‌ಗಳು ಪತ್ತೆ

  ಜಮ್ಮು, ಸಾಂಬಾ, ಪಠಾಣ್‌ಕೋಟ್ ವಲಯದಲ್ಲಿ ಪಾಕಿಸ್ತಾನಿ ಡ್ರೋನ್‌ಗಳು ಪತ್ತೆಯಾಗಿವೆ ಎಂದು ರಕ್ಷಣಾ ಮೂಲಗಳು

  Pakistani drones sighted in Jammu, Samba, Pathankot sector: Defence Sources pic.twitter.com/nIwnrXJ6tX

  — ANI (@ANI) May 9, 2025

• 9 May, 2025 20:40 PM

  India Pakistan War News Live: ಪ್ರಧಾನಿ ಮೋದಿ ಅವರ ನಿವಾಸದಲ್ಲಿ ಉನ್ನತ ಮಟ್ಟದ ಸಭೆ

  ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಇಂದು ತಮ್ಮ ನಿವಾಸದಲ್ಲಿ ಉನ್ನತ ಮಟ್ಟದ ಸಭೆಯನ್ನು ನಡೆಸಿದರು. ಈ ಸಭೆಯಲ್ಲಿ ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ಡೋವಲ್, ಮತ್ತು ಸೇನಾ ಮುಖ್ಯಸ್ಥರು ಸೇರಿದಂತೆ ಇತರ ಪ್ರಮುಖರು ಭಾಗವಹಿಸಿದ್ದರು.

  VIDEO | PM Modi (@narendramodi) chaired a high-level meeting at his residence earlier today with Defence Minister Rajnath Singh, National Security Advisor Ajit Doval, and Service Chiefs among others.

  (Source: Third Party) pic.twitter.com/nLL36pKBrT

  — Press Trust of India (@PTI_News) May 9, 2025

• 9 May, 2025 20:35 PM

  India Pakistan War News Live: ಜಮ್ಮು ನಗರ ಸಂಪೂರ್ಣ ಕತ್ತಲಮಯ

  ಗುರುವಾರ ರಾತ್ರಿ ಭಾರತೀಯ ಕಾಶ್ಮೀರದ ಜಮ್ಮು ನಗರದಲ್ಲಿ ಎರಡು ಭಾರೀ ಸ್ಫೋಟಗಳ ಶಬ್ದ ಕೇಳಿಸಿದ್ದು, ನಗರದಾದ್ಯಂತ ಸಂಪೂರ್ಣ ವಿದ್ಯುತ್ ಕಡಿತಗೊಂಡು ಕತ್ತಲೆಯಾಯಿತು

  Blasts heard in Jammu region. Complete blackout in city, sirens blared

  — Press Trust of India (@PTI_News) May 9, 2025

• 9 May, 2025 20:05 PM

  India Pakistan War News Live: ಪಾಕಿಸ್ತಾನದ 400 ಕ್ಷಿಪಣಿಗಳು ಮತ್ತು ಡ್ರೋನ್‌ಗಳ ದಾಳಿಯನ್ನು ವಿಫಲಗೊಳಿಸಿದ ಭಾರತದ ವಾಯು ರಕ್ಷಣಾ ವ್ಯವಸ್ಥೆ

  ಜಮ್ಮು ಮತ್ತು ಕಾಶ್ಮೀರದ ಮಾಜಿ ಪೊಲೀಸ್ ಮಹಾನಿರ್ದೇಶಕ (ಡಿಜಿಪಿ) ಎಸ್‌ಪಿ ವೈದ್ ಅವರು ಭಾರತ-ಪಾಕಿಸ್ತಾನದ ನಡುವಿನ ಇತ್ತೀಚಿನ ಉದ್ವಿಗ್ನತೆ ಕುರಿತು ಮಹತ್ವದ ಹೇಳಿಕೆಯನ್ನು ನೀಡಿದ್ದಾರೆ. "ನಿನ್ನೆ ರಾತ್ರಿ, ಪಾಕಿಸ್ತಾನವು ಭಾರತದ ವಿವಿಧ ಭಾಗಗಳ ಮೇಲೆ ಸುಮಾರು 400 ಕ್ಷಿಪಣಿಗಳು ಮತ್ತು ಡ್ರೋನ್‌ಗಳನ್ನು ಬಳಸಿ ದಾಳಿ ನಡೆಸಿತು. ಈ ದಾಳಿಯು ಹಮಾಸ್‌ನಿಂದ ಇಸ್ರೇಲ್‌ ಮೇಲೆ ನಡೆದ ದಾಳಿಗಿಂತಲೂ ದೊಡ್ಡದಾಗಿದೆ. ಆದರೆ, ನಮ್ಮ ವಾಯು ರಕ್ಷಣಾ ವ್ಯವಸ್ಥೆಯು ಅತ್ಯಂತ ಶಕ್ತಿಶಾಲಿಯಾಗಿದ್ದು, ಪಾಕಿಸ್ತಾನದ ಕ್ಷಿಪಣಿಗಳು ಮತ್ತು ಡ್ರೋನ್‌ಗಳನ್ನು ಯಶಸ್ವಿಯಾಗಿ ವಿಫಲಗೊಳಿಸಿದೆ," ಎಂದು ಅವರು ತಿಳಿಸಿದ್ದಾರೆ.

  VIDEO | India-Pakistan tension: Former Jammu and Kashmir DGP SP Vaid says, "Yesterday, around 400 missiles and drones were used to attack different parts of India. This attack is bigger than the attack of Hamas on Israel, but our air defence system is very strong, which… pic.twitter.com/603CsSo71J

  — Press Trust of India (@PTI_News) May 9, 2025

  ಮೇ 8, 2025 ರಂದು ರಾತ್ರಿ ನಡೆದ ಈ ಘಟನೆಯಲ್ಲಿ, ಪಾಕಿಸ್ತಾನವು ಜಮ್ಮು ಮತ್ತು ಕಾಶ್ಮೀರ, ಪಂಜಾಬ್, ರಾಜಸ್ಥಾನ ಮತ್ತು ಗುಜರಾತ್‌ನಂತಹ ಭಾರತದ ಉತ್ತರ ಮತ್ತು ಪಶ್ಚಿಮ ರಾಜ್ಯಗಳ ಮೇಲೆ ಡ್ರೋನ್ ಮತ್ತು ಕ್ಷಿಪಣಿ ದಾಳಿಗಳನ್ನು ನಡೆಸಿತು ಎಂದು ವರದಿಗಳು ತಿಳಿಸಿವೆ. ಭಾರತದ ರಕ್ಷಣಾ ಸಚಿವಾಲಯದ ಪ್ರಕಾರ, ಈ ದಾಳಿಗಳನ್ನು ಭಾರತದ ಎಸ್-400 ವಾಯು ರಕ್ಷಣಾ ವ್ಯವಸ್ಥೆಯು ಯಶಸ್ವಿಯಾಗಿ ತಡೆಗಟ್ಟಿದ್ದು, ಯಾವುದೇ ಜೀವಹಾನಿ ಸಂಭವಿಸಿಲ್ಲ. ಜಮ್ಮು, ಪಠಾಣ್‌ಕೋಟ್, ಉಧಂಪುರ ಮತ್ತು ಇತರ ಕೆಲವು ಸ್ಥಳಗಳಲ್ಲಿ ಪಾಕಿಸ್ತಾನದ ಡ್ರೋನ್‌ಗಳು ಮತ್ತು ಕ್ಷಿಪಣಿಗಳನ್ನು ನಿಷ್ಕ್ರಿಯಗೊಳಿಸಲಾಗಿದೆ ಎಂದು ರಕ್ಷಣಾ ಸಚಿವಾಲಯದ ವಕ್ತಾರರು ದೃಢಪಡಿಸಿದ್ದಾರೆ.

  ಎಸ್‌ಪಿ ವೈದ್ ಅವರು ಭಾರತೀಯ ಸೇನೆಯ ಸಾಮರ್ಥ್ಯವನ್ನು ಶ್ಲಾಘಿಸಿದ್ದು, "ನಮ್ಮ ವಾಯು ರಕ್ಷಣಾ ವ್ಯವಸ್ಥೆಯ ದಕ್ಷತೆಯಿಂದಾಗಿ ಪಾಕಿಸ್ತಾನದ ದಾಳಿಯ ಯಾವುದೇ ಪರಿಣಾಮವು ಭಾರತದ ಮೇಲೆ ಆಗಿಲ್ಲ. ಇದು ನಮ್ಮ ಸೇನೆಯ ಶಕ್ತಿ ಮತ್ತು ಸಿದ್ಧತೆಯನ್ನು ತೋರಿಸುತ್ತದೆ," ಎಂದು ಹೇಳಿದ್ದಾರೆ. ಈ ಘಟನೆಯ ನಂತರ, ಜಮ್ಮು ಮತ್ತು ಕಾಶ್ಮೀರದ ಹಲವು ಜಿಲ್ಲೆಗಳಲ್ಲಿ ಸಂಪೂರ್ಣ ವಿದ್ಯುತ್ ಕಡಿತಗೊಳಿಸಲಾಗಿದ್ದು, ಭದ್ರತಾ ಕಾರಣಗಳಿಗಾಗಿ ಶಾಲೆಗಳನ್ನು ಮುಚ್ಚಲಾಗಿದೆ.

• 9 May, 2025 19:39 PM

  India Pakistan War News Live: ಏಮ್ಸ್ ದೆಹಲಿಯಲ್ಲಿ ಎಲ್ಲ ರಜೆಗಳು ರದ್ದು: ತಕ್ಷಣ ಕರ್ತವ್ಯಕ್ಕೆ ಹಾಜರಾಗುವಂತೆ ಸೂಚನೆ

  ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಆದೇಶದಂತೆ, ಏಮ್ಸ್ ದೆಹಲಿಯಲ್ಲಿ ಎಲ್ಲ ಅಧಿಕಾರಿಗಳಿಗೆ ಯಾವುದೇ ರೀತಿಯ ರಜೆಯನ್ನು, ವೈದ್ಯಕೀಯ ಕಾರಣಗಳನ್ನು ಹೊರತುಪಡಿಸಿ, ಮುಂದಿನ ಆದೇಶದವರೆಗೆ ನೀಡದಿರಲು ನಿರ್ಧರಿಸಲಾಗಿದೆ. ಈಗಾಗಲೇ ಮಂಜೂರಾದ ರಜೆಗಳನ್ನು ರದ್ದುಗೊಳಿಸಲಾಗಿದ್ದು, ರಜೆಯಲ್ಲಿರುವ ಅಧಿಕಾರಿಗಳು ತಕ್ಷಣವೇ ಕರ್ತವ್ಯಕ್ಕೆ ಹಾಜರಾಗುವಂತೆ ಏಮ್ಸ್ ದೆಹಲಿ ಸೂಚಿಸಿದೆ.

  Leaves cancelled at AIIMS Delhi. Following the order of the Ministry of Health and Family Welfare, no leave of any kind, including station leave, is to be granted to any officer except on medical grounds, till further orders. Further, the already sanctioned leave, if any, stands… pic.twitter.com/r3DBm3JEJD

  — ANI (@ANI) May 9, 2025

• 9 May, 2025 19:15 PM

  India Pakistan War News Live: ಉರಿ ಸೆಕ್ಟರ್‌ನ ಎಲ್‌ಒಸಿ ಉದ್ದಕ್ಕೂ ಪಾಕ್ ನ ಗುಂಡಿನ ದಾಳಿ 

  ಉರಿ ಸೆಕ್ಟರ್‌ನ ಎಲ್‌ಒಸಿ ಉದ್ದಕ್ಕೂ ಪಾಕಿಸ್ತಾನವು ಶಸ್ತ್ರಾಸ್ತ್ರ ಮತ್ತು ಫಿರಂಗಿ ಗುಂಡಿನ ದಾಳಿಯನ್ನು ಪುನರಾರಂಭಿಸುತ್ತಿದ್ದಂತೆ ಗುಂಡಿನ ಸದ್ದು ಮತ್ತು ಸ್ಫೋಟಗಳು ಕೇಳಿಬಂದವು.

  #WATCH | Uri, J&K: Gunshots and explosions heard as Pakistan resumes arms and artillery fire along the LOC in Uri sector.

  Visuals deferred by unspecified time. pic.twitter.com/7AngrvttIp

  — ANI (@ANI) May 9, 2025

• 9 May, 2025 19:04 PM

  India Pakistan War News Live: ಭಾರತ ಭಯೋತ್ಪಾದನೆಯ ಗಂಭೀರ ಸವಾಲನ್ನು ಎದುರಿಸುತ್ತಿದೆ-ವಿದೇಶಾಂಗ ಸಚಿವ ಡಾ. ಎಸ್. ಜೈಶಂಕರ್ 

  ವಿದೇಶಾಂಗ ಸಚಿವ ಡಾ. ಎಸ್. ಜೈಶಂಕರ್ ಅವರು ಇಂದು ದೆಹಲಿಯಲ್ಲಿ ಮಾತನಾಡಿದ ಸಂದರ್ಭದಲ್ಲಿ, ಭಾರತವು ಭಯೋತ್ಪಾದನೆಯ ಗಂಭೀರ ಸವಾಲನ್ನು ಎದುರಿಸುತ್ತಿದೆ ಎಂದು ಹೇಳಿದ್ದಾರೆ. ಈ ಭೀತಿಯು ಕೇವಲ ಭಾರತಕ್ಕೆ ಮಾತ್ರವಲ್ಲ, ಇಡೀ ಜಾಗತಿಕ ಸಮುದಾಯಕ್ಕೆ ಸಾಮಾನ್ಯ ಬೆದರಿಕೆಯಾಗಿದೆ ಎಂದು ಅವರು ಒತ್ತಿ ಹೇಳಿದರು.

  #WATCH | Delhi: EAM Dr S Jaishankar says, "... We also meet at a time when India is confronting the challenge of terrorism, one that is a shared threat to the global community. I thank those who have expressed solidarity with us and understand the resolute response that is… pic.twitter.com/5X9u6xk2lG

  — ANI (@ANI) May 9, 2025

  "ನಾವು ಇಂದು ಭಾರತವು ಭಯೋತ್ಪಾದನೆಯ ಸವಾಲನ್ನು ಎದುರಿಸುತ್ತಿರುವ ಸಂದರ್ಭದಲ್ಲಿ ಭೇಟಿಯಾಗುತ್ತಿದ್ದೇವೆ. ಇದು ಜಾಗತಿಕ ಸಮುದಾಯಕ್ಕೆ ಸಾಮಾನ್ಯವಾದ ಬೆದರಿಕೆಯಾಗಿದೆ. ನಮ್ಮೊಂದಿಗೆ ಸಂನಾದತೆ ವ್ಯಕ್ತಪಡಿಸಿದವರಿಗೆ ಮತ್ತು ಪ್ರಸ್ತುತ ನಡೆಯುತ್ತಿರುವ ದೃಢವಾದ ಕ್ರಮಗಳನ್ನು ಅರ್ಥಮಾಡಿಕೊಂಡವರಿಗೆ ನಾನು ಧನ್ಯವಾದ ಅರ್ಪಿಸುತ್ತೇನೆ," ಎಂದು ಡಾ. ಜೈಶಂಕರ್ ಹೇಳಿದರು.

  ಭಾರತವು ಭಯೋತ್ಪಾದನೆಯ ವಿರುದ್ಧ ತನ್ನ ಕಠಿಣ ನಿಲುವನ್ನು ಮುಂದುವರೆಸಿದ್ದು, ಈ ಸಮಸ್ಯೆಯನ್ನು ಎದುರಿಸಲು ದೃಢವಾದ ಕ್ರಮಗಳನ್ನು ಕೈಗೊಳ್ಳುತ್ತಿದೆ ಎಂದು ಸಚಿವರು ಸ್ಪಷ್ಟಪಡಿಸಿದರು.

• 9 May, 2025 18:56 PM

  India Pakistan War News Live: ಈ ಸಮಯದಲ್ಲಿ ಎಲ್ಲರೂ ಜೊತೆಗಿದ್ದಾರೆ, ನಾವು ನೀವು ಜೊತೆಯಾಗಿರೋಣ-ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್

  ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಬೆಳಗಾವಿಯ ಸಾಂಬ್ರಾ ವಿಮಾನ ನಿಲ್ದಾಣಕ್ಕೆ ಆಗಮಿಸಿದರು. ಆಪರೇಷನ್ ಸಿಂಧೂರ ಕುರಿತು ಮಾಧ್ಯಮಗಳ ಪ್ರಶ್ನೆಗೆ, "ಈ ಸಮಯದಲ್ಲಿ ಎಲ್ಲರೂ ಜೊತೆಗಿದ್ದಾರೆ, ನಾವು ನೀವು ಜೊತೆಯಾಗಿರೋಣ" ಎಂದು ಪ್ರತಿಕ್ರಿಯಿಸಿದರು. ಅನಂತರ, ಬೆಳಗಾವಿಯಿಂದ ರಸ್ತೆ ಮಾರ್ಗದ ಮೂಲಕ ಧಾರವಾಡಕ್ಕೆ ತೆರಳಿ, ಅಲ್ಲಿನ ರಾಷ್ಟ್ರೋತ್ಥಾನ ಕೇಂದ್ರಕ್ಕೆ ಭೇಟಿ ನೀಡಲಿದ್ದಾರೆ.

  #WATCH | Belagavi, Karnataka: "Sab log saath hain iss samay…," says RSS Chief Mohan Bhagwat when asked about #OperationSindoor pic.twitter.com/BVwj7V82lO

  — ANI (@ANI) May 9, 2025

• 9 May, 2025 18:48 PM

  India Pakistan War News Live: ಸೇನೆ ಮತ್ತು ಸರ್ಕಾರ ತೆಗೆದುಕೊಳ್ಳುವ ಯಾವುದೇ ನಿರ್ಧಾರಕ್ಕೆ ನಾವು ಬೆಂಬಲ ನೀಡುತ್ತೇವೆ-ತೇಜಸ್ವಿ ಯಾದವ್

  ಭಾರತ-ಪಾಕಿಸ್ತಾನದ ನಡುವಿನ ಒತ್ತಡದ ಕುರಿತು ಭಾಗಲ್ಪುರದಲ್ಲಿ ಮಾತನಾಡಿದ ರಾಷ್ಟ್ರೀಯ ಜನತಾ ದಳ (ಆರ್‌ಜೆಡಿ) ನಾಯಕ ತೇಜಸ್ವಿ ಯಾದವ್, ಭಾರತೀಯ ಸೇನೆಯ ಮೇಲೆ ಸಂಪೂರ್ಣ ವಿಶ್ವಾಸವಿದೆ ಎಂದು ಹೇಳಿದ್ದಾರೆ. "ಭಾರತೀಯ ಸೇನೆ ಈ ಹಿಂದೆ ಹಲವು ಬಾರಿ ಪಾಕಿಸ್ತಾನಕ್ಕೆ ಪಾಠ ಕಲಿಸಿದೆ ಮತ್ತು ಅದನ್ನು ಎರಡು ಭಾಗಗಳಾಗಿ (ಬಾಂಗ್ಲಾದೇಶ ಮತ್ತು ಪಾಕಿಸ್ತಾನ) ವಿಭಜಿಸಿದೆ. ಕೇಂದ್ರ ಸರ್ಕಾರವು ಎಲ್ಲಾ ಪಕ್ಷಗಳ ಸಭೆಯನ್ನು ಕರೆದಿತ್ತು, ಆ ಸಭೆಯಲ್ಲೂ ವಿರೋಧ ಪಕ್ಷಗಳು ಒಗ್ಗಟ್ಟನ್ನು ವ್ಯಕ್ತಪಡಿಸಿವೆ," ಎಂದು ಅವರು ತಿಳಿಸಿದರು.

  #WATCH | Bhagalpur, Bihar | On India-Pakistan tension, RJD leader Tejashwi Yadav says, "We have full faith in the Indian Army, it has taught a lesson to Pakistan multiple times and divided it into two parts (Bangladesh and Pakistan). The Indian Government called an all-party… pic.twitter.com/WXmmTfZPqh

  — ANI (@ANI) May 9, 2025

  ತೇಜಸ್ವಿ ಯಾದವ್ ಮತ್ತಷ್ಟು ಮಾತನಾಡಿ, "ಶೀಘ್ರದಲ್ಲೇ ಭಾರತೀಯ ಸೇನೆ ಪಾಕಿಸ್ತಾನವನ್ನು ತಟಸ್ಥಗೊಳಿಸಲಿದೆ ಎಂದು ನಾವು ಭಾವಿಸುತ್ತೇವೆ. ಸೇನೆ ಮತ್ತು ಸರ್ಕಾರ ತೆಗೆದುಕೊಳ್ಳುವ ಯಾವುದೇ ನಿರ್ಧಾರಕ್ಕೆ ನಾವು ಬೆಂಬಲ ನೀಡುತ್ತೇವೆ. ದೇಶದಿಂದ ಭಯೋತ್ಪಾದನೆ ಮತ್ತು ಪ್ರತ್ಯೇಕತಾವಾದವನ್ನು ಕಿತ್ತೊಗೆಯಬೇಕೆಂದು ನಾವು ಬಯಸುತ್ತೇವೆ. ಈ ಗುರಿಗಾಗಿ ಅವರು ಏನು ಮಾಡಿದರೂ ನಾವು ಅವರೊಂದಿಗೆ ಇರುತ್ತೇವೆ," ಎಂದು ಒತ್ತಿ ಹೇಳಿದರು.

  ಈ ಹೇಳಿಕೆಯು ಭಾರತ-ಪಾಕಿಸ್ತಾನ ಸಂಬಂಧಗಳಲ್ಲಿ ಉಂಟಾಗಿರುವ ಒತ್ತಡದ ಹಿನ್ನೆಲೆಯಲ್ಲಿ ರಾಷ್ಟ್ರೀಯ ಒಗ್ಗಟ್ಟಿನ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸುತ್ತದೆ.