 "\"ಮೇಡೇ.. ಮೇಡೇ... ನೋ ಪವರ್, ಗೋಯಿಂಗ್ ಡೌನ್!\": ಏರ್ ಇಂಡಿಯಾ AI 171 ಪೈಲಟ್ನ ಕೊನೆಯ ಸಂದೇಶ")
)
Air India plane crash updates: ಅಹಮದಾಬಾದ್ನಲ್ಲಿ ಪತನಗೊಂಡ ಏರ್ ಇಂಡಿಯಾ AI 171 ವಿಮಾನ ದುರಂತದ ಬೆನ್ನಲ್ಲೇ ಪೈಲಟ್ ಕೊನೆ ಕ್ಷಣಗಳಲ್ಲಿ ನೀಡಿದ ತುರ್ತು ಸಂದೇಶವು ಬ್ಲ್ಯಾಕ್ಬಾಕ್ಸ್ನಲ್ಲಿ ದಾಖಲಾಗಿದ್ದು, ಅದನ್ನು ಡಿಕೋಡ್ ಮಾಡಲಾಗಿದೆ. ಪೈಲಟ್ ನೀಡಿದ ಕೊನೆಯ ಸಂದೇಶ ಈ ರೀತಿಯಾಗಿದೆ: ''ಮೇಡೇ.. ಮೇಡೇ.. ಮೇಡೇ... ನೋ ಪವರ್, ನೋ ಥ್ರಸ್ಟ್... ಗೋಯಿಂಗ್ ಡೌನ್...''
ಈ ಸಂದೇಶವು ವಿಮಾನ ಪತನದ ಕೇವಲ 5 ಸೆಕೆಂಡುಗಳ ಮೊದಲು ಕಾಕ್ಪಿಟ್ ವಾಯ್ಸ್ ರೆಕಾರ್ಡರ್ನಲ್ಲಿ ದಾಖಲಾಗಿದೆ. ವಿಮಾನವು ಟೇಕಾಫ್ ಆದ ನಂತರ ಎತ್ತರ ಹೆಚ್ಚಿಸಲು ಸಾಧ್ಯವಾಗದೆ ಶಕ್ತಿ ಕಳೆದುಕೊಂಡಿರುವುದು ಈ ಮೂಲಕ ಸ್ಪಷ್ಟವಾಗಿದೆ. ಇದಾದ ಕೂಡಲೇ ಏರ್ ಟ್ರಾಫಿಕ್ ಕಂಟ್ರೋಲ್ಗೆ ಸಂಪರ್ಕ ಕಡಿತಗೊಂಡಿದ್ದು, ಕೆಲವೇ ಸೆಕೆಂಡುಗಳಲ್ಲಿ ವಿಮಾನ ಪತನಗೊಂಡಿದೆ.
ಉನ್ನತ ಮಟ್ಟದ ತನಿಖಾ ಸಮಿತಿ ರಚನೆ
ಈ ಅಪಘಾತದ ನಿಖರ ಕಾರಣ ಪತ್ತೆಹಚ್ಚಲು ಗೃಹ ಕಾರ್ಯದರ್ಶಿ ನೇತೃತ್ವದಲ್ಲಿ ಉನ್ನತ ಮಟ್ಟದ ತನಿಖಾ ಸಮಿತಿಯನ್ನು ರಚಿಸಲಾಗಿದ್ದು, ಸಮಿತಿ ಸೋಮವಾರ ಸಭೆ ನಡೆಸಲಿದೆ. ಮೂರು ತಿಂಗಳ ಒಳಗೆ ವರದಿ ಸಲ್ಲಿಸಲು ನಿರ್ಧರಿಸಲಾಗಿದೆ ಎಂದು ನಾಗರಿಕ ವಿಮಾನಯಾನ ಸಚಿವ ರಾಮ್ಮೋಹನ್ ನಾಯ್ಡು ದೆಹಲಿಯಲ್ಲಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
ವಿಮಾನದ ಹಿಂದಿನ ಓಡಾಟ!
ದುರಂತಕ್ಕೀಡಾದ AI 171 ವಿಮಾನವು ಪ್ಯಾರಿಸ್ನಿಂದ ದೆಹಲಿಗೆ ತಲುಪಿದ ಬಳಿಕ ಅಹಮದಾಬಾದ್ಗೆ ತೆರಳಿತ್ತು. ಅಲ್ಲಿಯರೆಗೆ ಯಾವುದೇ ತಾಂತ್ರಿಕ ಸಮಸ್ಯೆ ವರದಿಯಾಗಿರಲಿಲ್ಲವೆಂದು ವಿಮಾನಯಾನ ಇಲಾಖೆಯ ಕಾರ್ಯದರ್ಶಿ ಸಮೀರ್ ಕುಮಾರ್ ಸಿನ್ಹಾ ಮಾಹಿತಿ ನೀಡಿದ್ದಾರೆ.
ಪರಿಹಾರ ಘೋಷಣೆ
ಈ ದುರಂತದಲ್ಲಿ ಮೃತರ ಕುಟುಂಬಗಳಿಗೆ ಟಾಟಾ ಸನ್ಸ್ ಪರಿಹಾರ ಘೋಷಿಸಿದೆ. 1 ಕೋಟಿ ರೂ. ಪರಿಹಾರದ ಜೊತೆಗೆ ತಲಾ 25 ಲಕ್ಷ ರೂ. ಹೆಚ್ಚುವರಿ ಪರಿಹಾರವನ್ನು ಮಧ್ಯಂತರವಾಗಿ ನೀಡಲಾಗುವುದು ಎಂದು ಏರ್ ಇಂಡಿಯಾ ಸಿಇಒ ಕ್ಯಾಂಪ್ಬೆಲ್ ವಿಲ್ಸನ್ ಘೋಷಿಸಿದ್ದಾರೆ. ಗಾಯಾಳುಗಳ ಚಿಕಿತ್ಸಾ ವೆಚ್ಚವನ್ನು ಸಂಪೂರ್ಣವಾಗಿ ಏರ್ ಇಂಡಿಯಾ ಭರಿಸಲು ನಿರ್ಧರಿಸಿದೆ.
ವಿಮಾನ ಸಂಖ್ಯೆ ಬದಲಾವಣೆ
ದುರಂತದ ಬಳಿಕ ಆ ನೋವು ಮತ್ತು ನೆನಪನ್ನು ತಡೆಗಟ್ಟಲು ಏರ್ ಇಂಡಿಯಾ ತನ್ನ ‘AI 171’ ಸಂಖ್ಯೆಗೆ ಅಂತ್ಯ ಹೇಳಿದ್ದು, ಅದನ್ನು ‘AI 159’ ಎಂದು ಮರುನಾಮಕರಣ ಮಾಡಿದೆ.
ಸಾವಿನ ಸಂಖ್ಯೆ ಏರಿಕೆ
ವಿಮಾನ ಕಟ್ಟಡದ ಮೇಲೆ ಬಿದ್ದ ಪರಿಣಾಮ ಗಂಭೀರವಾಗಿ ಗಾಯಗೊಂಡಿದ್ದ ಐವರು ಸ್ಥಳೀಯರು ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದು, ಈ ಮೂಲಕ ದುರಂತದಲ್ಲಿ ಸಾವಿನ ಸಂಖ್ಯೆ 270ಕ್ಕೆ ಏರಿಕೆಯಾಗಿದೆ.
ಸ್ಥಳದಲ್ಲಿ ಭದ್ರತೆ ಹೆಚ್ಚಿಸಿದ್ದು, ತನಿಖೆ ಮುಂದುವರಿದೆ. ಪತನಗೊಂಡ ವಿಮಾನದ ಟೈಲ್ ಭಾಗದಲ್ಲಿ ಗಗನಸಖಿಯ ಮೃತದೇಹ ಪತ್ತೆಯಾಗಿದೆ. ಎನ್ಎಸ್ಜಿ ಭದ್ರತೆಯಲ್ಲಿ ತನಿಖೆ ಮುಂದುವರಿದಿದೆ. ಹಾಸ್ಟೆಲ್ ವಿದ್ಯಾರ್ಥಿಗಳನ್ನ ತಾತ್ಕಾಲಿಕವಾಗಿ ಸ್ಥಳಾಂತರಿಸಲಾಗಿದೆ. ಈ ವಿಮಾನವು 2023ರ ಜೂನ್ನಲ್ಲಿ ಸಮಗ್ರ ತಪಾಸಣೆಗೆ ಒಳಪಟ್ಟಿತ್ತು ಮತ್ತು ಮುಂದಿನ ತಪಾಸಣೆ 2025ರ ಡಿಸೆಂಬರ್ಗೆ ನಿಗದಿಯಾಗಿತ್ತು ಎಂದು ತಿಳಿದುಬಂದಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಜೀ ಕನ್ನಡ ನ್ಯೂಸ್ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್ ಲಭ್ಯ
Sun Direct-292
TATA PLAY- 1664
JIO TV-1334
NXT Digital-30
IN-CABLE-30
U-Digital-162
GTPL-17
Rockline Telecommunications ಬೆಂಗಳೂರು-42
V4 Digital Infotech ಮಂಗಳೂರು-628
Malanad infotech Pvt Ltd-56
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ
