ನವದೆಹಲಿ: ಇಂದು ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ನೌಕರರ ತುಟ್ಟಿ ಭತ್ಯೆಯನ್ನು ಶೇ. 2 ರಷ್ಟು ಹೆಚ್ಚಿಸಲು ನಿರ್ಧರಿಸಲಾಗಿದ್ದು, ಕೇಂದ್ರ ಸರ್ಕಾರಿ ನೌಕರರಿಗೆ ಹಾಗೂ ಪಿಂಚಣಿದಾರರಿಗೆ ಮೋದಿ ಸರ್ಕಾರ ಬಂಪರ್ ಉಡುಗೊರೆ ಘೋಷಿಸಿದೆ.
Union Cabinet approves an additional 2% hike in dearness allowance for central government employees with effect from 1st July 2018.
— ANI (@ANI) August 29, 2018
ಮೂಲಗಳಿಂದ ಲಭ್ಯವಾದ ಮಾಹಿತಿಯ ಪ್ರಕಾರ, 2018ರ ಜುಲೈ 1ರಿಂದಲೇ ನೂತನ ವೇತನ ಅನ್ವಯವಾಗುತ್ತದೆ ಎಂದು ತಿಳಿದು ಬಂದಿದೆ. ವೇತನ ಹೆಚ್ಚಳದ ಬಳಿಕ ಡಿಎ ಶೇ. 9 ರಷ್ಟಾಗಿದೆ. ಕೇಂದ್ರ ಸರ್ಕಾರದ ಈ ನಿರ್ಧಾರದಿಂದ ಸುಮಾರು 1.1 ಕೋಟಿ ಸರ್ಕಾರಿ ನೌಕರರಿಗೆ ಹಾಗೂ ಪಿಂಚಣಿದಾರರಿಗೆ ಲಾಭವಾಗಲಿದೆ.
ಇದರಿಂದ ಸರ್ಕಾರದ ಖಜಾನೆಗೆ 6,112.20 ಕೋಟಿ ರೂ. ವಾರ್ಷಿಕ ಹೆಚ್ಚುವರಿ ಹೊರೆಯಾಗಲಿದೆ ಮತ್ತು 2018-19ರ ಹಣಕಾಸು ವರ್ಷದಲ್ಲಿ(2018ರ ಜುಲೈಯಿಂದ 2019ರ ಫೆಬ್ರವರಿ ವರೆಗಿನ 8 ತಿಂಗಳ ಅವಧಿ) 4,074.80 ಕೋಟಿ ರೂ. ಹೊರೆಯಾಗಲಿದೆ.
