ರಫೇಲ್ ಡೀಲ್ ಅಂದ್ರೆ ಏನು? ರಫೇಲ್ ಡೀಲ್ ಕುರಿತ ಟೀಸರ್ ಬಿಡುಗಡೆ ಮಾಡಿದ ಕಾಂಗ್ರೆಸ್!

ನವದೆಹಲಿ: ರಫೇಲ್ ಒಪ್ಪಂದ ಬಹುದೊಡ್ಡ ಹಗರಣ ಎಂದು ಹಲವು ರಾಜಕೀಯ ನಾಯಕರು ಬಣ್ಣಿಸಿದ್ದಾರೆ. ರಫೇಲ್ ಒಪ್ಪಂದದ ಬಗ್ಗೆ ಪ್ರಧಾನಿ ಮೋದಿಯವರ ಮೌನವನ್ನು ಕಾಂಗ್ರೆಸ್ ನಿರಂತರವಾಗಿ ಪ್ರಶ್ನಿಸುತ್ತಾ ಬಂದಿದೆ. ರಫೇಲ್ ಡೀಲ್ ಅಂದ್ರೆ ಏನು? ಈ ಬಗ್ಗೆ ಕಾಂಗ್ರೆಸ್ ಪಕ್ಷ ಮಂಗಳವಾರ ಒಂದು ಸಣ್ಣ ವಿಡಿಯೋವನ್ನು ಪ್ರಕಟಿಸಿದೆ. ಅದರಲ್ಲಿ ಭಾರತ ಮತ್ತು ಫ್ರಾನ್ಸ್ ನಡುವಿನ ವಿವಾದಾತ್ಮಕ ಫೈಟರ್ ಜೆಟ್ ವ್ಯವಹಾರದ ಬಗ್ಗೆ ಹೆಚ್ಚಿನ ಬೆಳಕು ಚೆಲ್ಲುವ ಭರವಸೆಯನ್ನು ನೀಡಿದೆ.

ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಈ ಟೀಸರ್ ಅನ್ನು ಪೋಸ್ಟ್ ಮಾಡಿರುವ ಕಾಂಗ್ರೆಸ್, ರಫೆಲ್ ಡೀಲ್ ಬಗ್ಗೆ ತಿಳಿಯಲು ಕಾಂಗ್ರೆಸ್ ನ ಅಧಿಕೃತ ಟ್ವಿಟ್ಟರ್ ಖಾತೆಯ ಮೇಲೆ ಕಣ್ಣಿಡುವಂತೆ ತಿಳಿಸಿದೆ.