ಜೆಸಿ ರಸ್ತೆಯಲ್ಲಿ ಕಳ್ಳರ ಹಾವಳಿ: ಮಧ್ಯಾಹ್ನದ ಹೊತ್ತಲ್ಲೇ ಟರ್ಬೊ ಮೋಟಾರ್ ಕಳ್ಳತನ

ಬೆಂಗಳೂರು:  ಪೋರ್ಟರ್ ಆಪ್‌ ಮೂಲಕ ಡಿಲಿವರಿ ಬಾಯ್ ಆಗಿ ಕೆಲಸ ಮಾಡುತ್ತಿದ್ದ ಜಗನ್ ಎಂಬ ಯುವಕ, ಕಾರುಗಳಿಗೆ ಸಂಬಂಧಿಸಿದಂತೆ ಟರ್ಬೊ ಮೋಟಾರ್ ಎಂಬ ಸ್ಪೇರ್ ಪಾರ್ಟ್‌ನ್ನು ಗ್ರಾಹಕರೊಬ್ಬರಿಗೆ ಡಿಲಿವರ್ ಮಾಡಲು ಬೈಕ್‌ನಲ್ಲಿ ಸಾಗಿಸುತ್ತಿದ್ದ. ಮೌಲ್ಯವು ಸುಮಾರು ₹28,000 ಇದ್ದ ಈ ಪಾರ್ಟ್ ಅನ್ನು ಜಗನ್ ಬೈಕ್ ಮುಂಭಾಗದಲ್ಲಿ ಹಾಕಿದ್ದರು. 

ಮಧ್ಯಾಹ್ನದ ಹೊತ್ತಿಗೆ ಜಗನ್ ಹತ್ತಿರದ ಸಾರ್ವಜನಿಕ ಶೌಚಾಲಯಕ್ಕೆ ಹೋಗಿದ್ದ ಸಂದರ್ಭದಲ್ಲಿ, ಕಳ್ಳನೊಬ್ಬ ತನ್ನನ್ನು ಗುರುತಿಸಲಾರಾದ ರೀತಿಯಲ್ಲಿ ಸ್ಥಳಕ್ಕೆ ಬಂದು ಬೈಕ್ ಎದುರುಗಡೆ ಇಟ್ಟಿದ್ದ ಟರ್ಬೊ ಮೋಟಾರ್ ಅನ್ನು ತೆಗೆದುಕೊಂಡು ಪರಾರಿಯಾಗಿದ್ದಾನೆ. ಸಿಸಿಟಿವಿ ದೃಶ್ಯಾವಳಿ ಪರಿಶೀಲನೆಯಿಂದಾಗಿ ಕೃತ್ಯ ಬಯಲಾಗಿದ್ದು, ಕಳ್ಳ ಕೃತ್ಯದ ದೃಶ್ಯ ಸ್ಪಷ್ಟವಾಗಿ ಸೆರೆಯಾಗಿದೆ. ಅದರಲ್ಲಿ ಟೋಪಿ, ಫುಲ್ ಸ್ಲೀವ್ ಶರ್ಟ್, ಮತ್ತು ಮುಖ ಮುಚ್ಚಿದವನು ಸಂಶಯಾಸ್ಪದವಾಗಿ ಬೈಕ್‌ ಬಳಿ ತಿರುಗಾಡಿ ನಂತರ ವೇಗವಾಗಿ ಪಾರಾಗಿರುವ ದೃಶ್ಯ ದೃಢವಾಗಿದೆ. 

ಇದನ್ನೂ ಓದಿ: ಹೊಂಬಾಳೆ ಫಿಲ್ಮ್ಸ್: ಕರ್ನಾಟಕದ ಹೆಮ್ಮೆಯ ಭಾರತದ ಮೊದಲ ಸಿನಿಮ್ಯಾಟಿಕ್ ಯೂನಿವರ್ಸ್

ಈ ಘಟನೆಯ ನಂತರ ತೀವ್ರ ಮನನೊಂದ ಜಗನ್, ತನ್ನ ಕಂಪನಿಗೆ ಹಾಗೂ ಗ್ರಾಹಕರಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದಾನೆ. ಗ್ರಾಹಕರು ಈಗ ಸ್ಪೇರ್ ಪಾರ್ಟ್ ಹಾನಿಗೆ ಸಂಬಂಧಿಸಿದ ಹಣವನ್ನು ಜಗನ್ ನೀಡಬೇಕೆಂದು ಒತ್ತಡ ಹೇರಿದ್ದಾರೆ.. 

ಇದನ್ನೂ ಓದಿ: ಹೊಂಬಾಳೆ ಫಿಲ್ಮ್ಸ್: ಕರ್ನಾಟಕದ ಹೆಮ್ಮೆಯ ಭಾರತದ ಮೊದಲ ಸಿನಿಮ್ಯಾಟಿಕ್ ಯೂನಿವರ್ಸ್

ಪೊಲೀಸರ ಕ್ರಮ:
ಕಲಾಸಿಪಾಳ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಸುತ್ತಮುತ್ತಲಿನ ಎಲ್ಲಾ ಸಿಸಿಟಿವಿ ದೃಶ್ಯಗಳನ್ನು ಸಂಗ್ರಹಿಸಿ ಪರಿಶೀಲನೆ ನಡೆಸುತ್ತಿದ್ದಾರೆ. ಕಳ್ಳನ ಗುರುತಿಸುವ ಪ್ರಯತ್ನ ನಡೆಯುತ್ತಿದೆ. ಕೆಲವೇ ದಿನಗಳಲ್ಲಿ ಆರೋಪಿಯನ್ನು ಪತ್ತೆ ಹಚ್ಚಲಾಗುತ್ತದೆ ಎಂಬ ಭರವಸೆ ನೀಡಿದ್ದಾರೆ.

ಸಾರ್ವಜನಿಕ ಆತಂಕ:
ಈ ರೀತಿಯ ಮಧ್ಯಾಹ್ನ ಹೊತ್ತಿನಲ್ಲೇ ನಡೆಯುತ್ತಿರುವ ದೋಚಾಟಗಳು ಸಾರ್ವಜನಿಕರಲ್ಲಿ ಭಯವನ್ನುಂಟುಮಾಡಿವೆ. ವಾಹನ ಚಾಲಕರು, ಡಿಲಿವರಿ ಪರ್ಸನ್ಸ್, ಹಾಗೂ ವ್ಯಾಪಾರಸ್ಥರು ತಮ್ಮ ಸರಕುಗಳನ್ನು ಎಚ್ಚರಿಕೆಯಿಂದ ನೋಡಿಕೊಳ್ಳಬೇಕಾದ ಅಗತ್ಯವಿದೆ.