ಮೇಕಪ್ ಪ್ರಿಯರೇ ಇನ್ಮುಂದೆ ಅವಧಿ ಮುಗಿದ ನಿಮ್ಮ ಮೇಕಪ್ ವಸ್ತುಗಳನ್ನು ಎಸೆಯಬೇಡಿ.. ಬದಲಾಗಿ ಅವುಗಳನ್ನು ಬೇರೆ ರೀತಿಯಲ್ಲಿ ಮರುಬಳಕೆ ಮಾಡಿ ಹಣ ಉಳಿತಾಯ ಮಾಡಬಹುದು. ಇದರ ಬಗ್ಗೆ ಮತ್ತಷ್ಟು ಮಾಹಿತಿ ಇಲ್ಲಿದೆ ನೋಡಿ...
Makeup reuse ideas: ಮೇಕಪ್ ಅಥವಾ ಬ್ಯೂಟಿ ಉತ್ಪನ್ನಗಳನ್ನು ನಾವು ದಿನನಿತ್ಯ ಅಥವಾ ವಿಶೇಷ ಸಂದರ್ಭಗಳಲ್ಲಿ ಬಳಸುತ್ತಿರುತ್ತೇವೆ. ಆದರೆ ಬಹುತೇಕ ನಾವು ಆ ಉತ್ಪನ್ನಗಳನ್ನ ಬಳಸುವುದಕ್ಕೆ ಮುನ್ನವೇ ಅವುಗಳ ಎಕ್ಸ್ಪೈರಿ ಡೇಟ್ ಬಂದಿರುತ್ತದೆ. ಕೆಲವೊಮ್ಮೆ ಬಾಟಲ್ಗಳು ಮುರಿದುಹೋಗುತ್ತವೆ, ಪ್ಯಾಕಿಂಗ್ ಹಾಳಾಗುತ್ತದೆ, ಶೇಡ್ ಇಷ್ಟವಿರದೆ ಬದಲಾಗುತ್ತದೆ. ಇವುಗಳನ್ನ ಎಸೆಯುವ ಬದಲು ಅದನ್ನ ಜಾಣ್ಮೆಯಿಂದ, ಕಲಾತ್ಮಕವಾಗಿ ಹಾಗೂ ಪರಿಸರ ಸ್ನೇಹಿಯಾಗಿ ಮರುಬಳಕೆ ಮಾಡಬಹುದು.
ಇದರಿಂದ ನೀವು ಕೇವಲ ಹಣವನ್ನು ಉಳಿಸಿಕೊಳ್ಳುವುದಲ್ಲ, ನಿಮ್ಮ ಸೃಜನಾತ್ಮಕತೆಯನ್ನೂ ಹರಡಬಹುದು, ಪರಿಸರ ಸಂರಕ್ಷಣೆಯಲ್ಲೂ ಪಾಲ್ಗೊಳ್ಳಬಹುದು. ಈ ಲೇಖನದಲ್ಲಿ ನಿಮ್ಮ ಎಕ್ಸ್ಪೈರ್ ಆದ ಅಥವಾ ಉಪಯೋಗವಿಲ್ಲದಂತೆ ಕಂಡುಬರುವ ಮೇಕಪ್ ವಸ್ತುಗಳನ್ನ ಮರುಬಳಕೆ ಮಾಡುವ ಬಗ್ಗೆ ತಿಳಿಯೋಣ.
ಮರುಬಳಕೆ ಮಾಡುವ ಐಡಿಯಾಗಳು
ಲಿಪ್ಸ್ಟಿಕ್ - ಕ್ರಿಯೇಟಿವ್ ಕ್ಯಾಂಡಲ್ ಅಥವಾ ಕಲಾ ಪ್ರಾಜೆಕ್ಟ್ಗಳಿಗೆ ಬಳಕೆ: ಲಿಪ್ಸ್ಟಿಕ್ಗಳು ಸಾಮಾನ್ಯವಾಗಿ ಕೊನೆಗೆ ಸ್ವಲ್ಪ ಬಾಕಿ ಉಳಿದಿರುತ್ತವೆ. ಅವುಗಳನ್ನ ಕರಗಿಸಿ ಬತ್ತಿಗೆ ಸೇರಿಸಿ ಸಣ್ಣ ಸಣ್ಣ ಕ್ಯಾಂಡಲ್ಗಳನ್ನು ಮಾಡಬಹುದು. ಇಲ್ಲವೇ ಲಿಪ್ಸ್ಟಿಕ್ ಪಿಗ್ಮೆಂಟ್ನ್ನು ಮಕ್ಕಳ ಪೇಂಟಿಂಗ್ ಕ್ರೇಯಾನ್ ಅಥವಾ ಆರ್ಟ್ ಪ್ರಾಜೆಕ್ಟ್ಗಳಲ್ಲಿ ಬಳಸಬಹುದು. ಅಷ್ಟೇ ಅಲ್ಲ ನಿಮ್ಮ ಮೊಬೈಲ್ ಅಥವಾ ಪರ್ಸನಲ್ ನೋಟ್ಪ್ಯಾಡ್ಗಳಿಗೆ ಡಿಸೈನ್ ಮಾಡಲು ಸಹ ಲಿಪ್ಸ್ಟಿಕ್ ಬಳಸಬಹುದು.
ಮಸ್ಕರಾ ಬ್ರಷ್ – ಕ್ಲೀನಿಂಗ್ ಟೂಲ್ ಆಗಿ ಬಳಕೆ: ಮಸ್ಕರಾ ಬ್ರಷ್ ತುಂಬಾ ಸಣ್ಣದಾಗಿದ್ದರೂ ಬಹಳ ದಿಗಳ ಕಾಲ ಬಾಳಿಕೆ ಬರುವುದರಿಂದ ಅದನ್ನು ಚೆನ್ನಾಗಿ ತೊಳೆಯುವ ಮೂಲಕ ಐಬ್ರೋ ಬ್ರಷ್, ನೇಲ್ಸ್ ಕ್ಲೀನರ್, ಜ್ಯುವೆಲರಿ ಕ್ಲೀನರ್ ಆಗಿ ಬಳಸಬಹುದು. ಕೆಲವರು ಇದನ್ನು ತಮ್ಮ ಪೆಟ್ಮರಿಗಳ ಫೇಸ್ ಕ್ಲೀನಿಂಗ್ಗೂ ಬಳಸುತ್ತಾರೆ. ತೈಲ ಅಥವಾ ಕ್ಲೀನ್ಸಿಂಗ್ ಲೋಷನ್ನಲ್ಲಿ ನೆನೆಸಿ ಬ್ರಷ್ಗಳನ್ನು ತೊಳೆಯುವುದು ಉತ್ತಮ.
ಐ ಶ್ಯಾಡೋ/ಬ್ಲಷರ್ – ನೇಲ್ ಪಾಲಿಷ್ನಲ್ಲಿ ಮಿಕ್ಸ್ ಮಾಡಿ: ಮುರಿದುಹೋಗಿರುವ ಬ್ಲಷರ್ ಅಥವಾ ಐ ಶ್ಯಾಡೋ ಪೌಡರ್ಗಳನ್ನು ನೈಲ್ ಪಾಲಿಷ್ನೊಂದಿಗೆ ಮಿಕ್ಸ್ ಮಾಡಿದರೆ ಹೊಸ ಶೇಡ್ನ ನೇಲ್ ಪಾಲಿಷ್ ತಯಾರಿಸಬಹುದು. ಇದು ನಿಮಗೆ ಹೊಸ ಮತ್ತು ವಿಶಿಷ್ಟ ನೆಲ್ ಆರ್ಟ್ ಕಲರ್ ನೀಡುತ್ತದೆ. ಶೂ ಮಿಂಚು ಅಥವಾ ಬ್ಯಾಗ್ನಲ್ಲಿ ಕಲರ್ ಹೈಲೈಟ್ಸ್ ಹಾಕಲು ಸಹ ಈ ಪೌಡರ್ ಬಳಕೆ ಮಾಡಬಹುದು.
ಫೌಂಡೇಶನ್/ಬಿಬಿ ಕ್ರೀಂ – ಕಾಲಿಗೆ ಅಥವಾ ಹಿಂಭಾಗಕ್ಕೆ ಟಿಂಟ್ ಆಗಿ ಬಳಕೆ: ಫೌಂಡೇಶನ್ಗಳು ಮುಖಕ್ಕೆ ಬಳಸಲು ಆಗದಿದ್ದಾಗ ಅವುಗಳನ್ನ ಕಾಲುಗಳ ಹಿಮ್ಮಡಿಗೆ ಅಥವಾ ಫೋಟೋಶೂಟ್ ವೇಳೆ ಬಲವಾದ ಟಿಂಟ್ ನೀಡಲು ಬಳಸಬಹುದು. ಅವು ಇನ್ಸ್ಟಂಟ್ ಗ್ಲೋ ನೀಡಬಹುದು, ವಿಶೇಷವಾಗಿ ಶೂ ಹಾಕುವ ಮುನ್ನ ಕಾಲುಗಳು ಚೆನ್ನಾಗಿರುವಂತೆ ಕಾಣಿಸಲು ಉಪಯೋಗಿಸಬಹುದು.
)