ಮಳೆಗಾಲದಲ್ಲಿ ಹೇರ್ ಫಾಲ್ ಸಮಸ್ಯೆ ತಡೆಗಟ್ಟಲು ಇಲ್ಲಿದೆ ಪರಿಣಾಮಕಾರಿ ಮನೆಮದ್ದು

Hair Care Tips In Monsoon: ಪ್ರತಿ ಹವಾಮಾನ ಬದಲಾವಣೆಯಲ್ಲಿಯೂ ಕೂದಲಿನ ಆರೈಕೆ ವೈವಿದ್ಯವಾಗಿರುತ್ತದೆ, ಇದರ ಬಗ್ಗೆ ಸರಿಯಾದ ತಿಳುವಳಿಕೆ ಇರದ ಕಾರಣ ಕೂದಲಿನ ಸಮಸ್ಯೆಗಳನ್ನು  ಎದುರಿಸಬೇಕಾಗಬಹುದು. ಆದ್ದರಿಂದ ಈ ಮಳೆಗಾಲದಲ್ಲಿ ಕೂದಲಿನ ಸರಿಯಾದ ಆರೈಕೆ ಮಾಡುವುದರ ಬಗ್ಗೆ ಇಲ್ಲಿದೆ ಮಾಹಿತಿ. 

ಮಳೆಗಾಲದಲ್ಲಿ ವಾತಾವರಣದಲ್ಲಿ ತೇವಾಂಶ (humidity) ಪ್ರಮಾಣ ಹೆಚ್ಚಾಗಿ ಇರುತ್ತದೆ. ಇದು ಕೂದಲಿನ ಆರೋಗ್ಯದ ಮೇಲೆ ಪ್ರಭಾವ ಬೀರುತ್ತದೆ. ಇದರಿಂದಾಗಿ ನೆತ್ತಿಯ ಮೇಲಿನ ಚರ್ಮದಲ್ಲಿ ಬಾಕ್ಟೀರಿಯಾ ಮತ್ತು ಫಂಗಸ್ ಉಂಟಾಗುವುದು ಸಾಮಾನ್ಯ. ಆದರೆ ಮಳೆಗಾಲದಲ್ಲಿ ಈ ಸೂಕ್ಷ್ಮ ಜೀವಿಗಳ ಸಂಖ್ಯೆ ವೇಗವಾಗಿ ಹೆಚ್ಚಾಗುತ್ತದೆ. ಇದರಿಂದ ತಲೆ ಚರ್ಮದಲ್ಲಿ ಉರಿಯೂತ, ಕೊಳಕಾಗುವಿಕೆ, ತೈಲ ಸ್ರವ ಹೆಚ್ಚಾಗುವುದು ಇತ್ಯಾದಿಗಳಿಂದ ಕೂದಲು ತನ್ನ ಸಾಮರ್ಥ್ಯ ಕಳೆದುಕೊಂಡು ಉದುರುತ್ತವೆ. 

ಮಳೆ ನೀರಿನಲ್ಲಿ ಇರುವ ಕೀಟಾಣುಗಳು ಅಥವಾ ಪ್ಲಾಸ್ಟಿಕ್ ನೀರಿನಿಂದ ತಲೆ ತೊಳೆಯುವದರಿಂದ ಕೂಡ ಕೂದಲು ಹೆಚ್ಚು ಹಾನಿಗೊಳಗಾಗುತ್ತದೆ. ತಲೆ ತೊಳೆದ ಮೇಲೆ ಸರಿಯಾಗಿ ಒಣಗಿಸದಿದ್ದರೆ ತಲೆಯ  ಮೇಲೆ ತೇವ ಹೆಚ್ಚಾಗುತ್ತದೆ, ಇದು ಕೂದಲು ಹೆಚ್ಚು ಉದುರಲು ಕಾರಣವಾಗುತ್ತದೆ. ಇದಕ್ಕೆ ಪೋಷಕಾಂಶ ಆಹಾರದ ಕೊರತೆ,  ರಾಸಾಯನಿಕ ಉತ್ಪನ್ನಗಳ ಹೆಚ್ಚಾದ ಬಳಕೆ, ನಿದ್ರೆಯ ಕೊರತೆ ಮತ್ತು ಮಾನಸಿಕ ಒತ್ತಡ ಕೂಡ ಮುಖ್ಯ ಪಾತ್ರವಹಿಸುತ್ತವೆ.

ಇದನ್ನೂ ಓದಿ- ಈ ಖಾಯಿಲೆ ಇದ್ದವರು ಅಪ್ಪಿತಪ್ಪಿನೂ ಕುಂಬಳಕಾಯಿ ತಿನ್ನಬೇಡಿ! ತಿಂದ್ರೆ ಸಮಸ್ಯೆ ಗ್ಯಾರಂಟಿ

ಮಳೆಗಾಲದಲ್ಲಿ ಹೇರ್ ಫಾಲ್ ಸಮಸ್ಯೆ ನಿಯಂತ್ರಿಸಲು ಪರಿಣಾಮಕಾರಿ ಮನೆಮದ್ದುಗಳು: 
ತಲೆ ತೊಳೆಯಲು ಶುದ್ಧ ನೀರನ್ನೇ ಬಳಸಿ:
ಮಳೆ ನೀರಿನಲ್ಲಿ ಅಥವಾ ಅಶುದ್ಧ ನೀರಿನಲ್ಲಿ ತಲೆ ತೊಳೆಯುವುದು ಹಾನಿಕಾರಕ. ಇದರಿಂದ ಬಾಕ್ಟೀರಿಯಾ ಕೂದಲಿನ ಮೂಲದಲ್ಲಿ ಉಳಿದು ಕೂದಲು ಉದುರುವಿಕೆಗೆ ಕಾರಣವಾಗಬಹುದು.  ಇದಕ್ಕೆ ಪರಿಹಾರವಾಗಿ ಮೃದುವಾದ ನೀರನ್ನು ಬಳಸಿದರೆ ತಲೆ ಚರ್ಮದ ಆರೋಗ್ಯ ಕಾಪಾಡಿಕೊಳ್ಳಬಹುದು.

ಕೂದಲು ಸರಿಯಾಗಿ ಒಣಗಿಸುವುದು:
ಹೇರ್ ವಾಶ್ ಮಾಡಿದ ನಂತರ ತಕ್ಷಣ ತಲೆ ಒಣಗಿಸದೆ ಜಡೆ ಹಾಕುವುದು ಅಥವಾ ಟವಲ್‌ನಲ್ಲಿ ಕಟ್ಟಿ ಇಡುವುದು ತಪ್ಪು. ಈ ರೀತಿ ಮಾಡುವುದರಿಂದ ತೇವಾಂಶ ಹೆಚ್ಚಾಗಿ ಕೂದಲು ಉದುರಬಹುದು ಇದಲ್ಲದೆ, ನಿಯಮಿತವಾಗಿ ಬ್ಲೋ ಡ್ರೈಯರ್‌ನ ಬಳಕೆಯು ಕೂಡ ಹೇರ್ ಫಾಲ್ ಸಮಸ್ಯೆಗೆ ಕಾರಣವಾಗಿದೆ. ಇದನ್ನು ತಪ್ಪಿಸಲು ನೈಸರ್ಗಿಕವಾಗಿ ಕೂದಲು ಒಣಗಿಸುವುದು ಉತ್ತಮ.

ಕೆಮಿಕಲ್‌ಫ್ರೀ ಎಣ್ಣೆಗಳ ಬಳಕೆ:
ಉತ್ತಮ ಕೂದಲಿನ ಆರೈಕೆಗೆ ಮಳೆಗಾಲದಲ್ಲಿ ನಲ್ಲೆಣ್ಣೆ, ಬಾದಾಮಿ ಎಣ್ಣೆ, ತೆಂಗಿನ ಎಣ್ಣೆ ಉತ್ತಮ ಆಯ್ಕೆ. ವಾರದಲ್ಲಿ 2 ಬಾರಿ ಈ ಎಣ್ಣೆಗಳಿಂದ ತಲೆ ಮಸಾಜ್ ಮಾಡಿದರೆ ತಲೆ ಚರ್ಮದ ರಕ್ತ ಸಂಚಾರ ಸುಧಾರಣೆ ಆಗುತ್ತದೆ. ಇದು ಕೂದಲನ್ನು ಬಲವಾಗಿಸಲು ಸಹಕಾರಿಯಾಗುತ್ತದೆ.

ಅತಿಯಾದ ಶಾಂಪೂ ಬಳಕೆ: 
ಡ್ರೈ ಸ್ಕಾಲ್ಪ್‌ಗೂ ಸೂಕ್ತವಾದ, ಕೆಮಿಕಲ್ ರಹಿತ ಶಾಂಪೂ ಬಳಸಿ. ಫಂಗಸ್ ಮತ್ತು ಬ್ಯಾಕ್ಟೀರಿಯಾ ವಿರುದ್ಧ ಹೋರಾಡುವ  ಸೂಕ್ಷ್ಮ ರಚನೆ ಹೊಂದಿದ ಶಾಂಪೂಗಳು ಈ ಸಮಯದಲ್ಲಿ ಉಪಯುಕ್ತ. ವಾರಕ್ಕೊಮ್ಮೆ ಅಥವಾ ಹೆಚ್ಚುಎಂದರೆ ವಾರದಲ್ಲಿ 2 ಬಾರಿಗೆ ಹೇರ್ ವಾಶ್ ಮಾಡಿ. ನೇರವಾಗಿ ಶಾಂಪೂ ಬಳಸದೆ ಇದರಲ್ಲಿ ನೀರು ಮಿಕ್ಸ್ ಮಾಡಿ ಬಳಸುವುದರಿಂದ ಹೇರ್ ಫಾಲ್ ಸಮಸ್ಯೆ ತಪ್ಪಿಸಬಹುದು. 

ಇದನ್ನೂ ಓದಿ- ದುಬಾರಿ ಸ್ಕಿನ್ ಕೇರ್ ಬೇಡ, ನಿಂಬೆಹಣ್ಣಿಗೆ ಇದನ್ನು ಬೆರೆಸಿ ಹಚ್ಚಿದ್ರೆ ಹೊಳೆಯುತ್ತೆ ತ್ವಚೆ

ಆಹಾರದಲ್ಲಿ ಪ್ರೋಟೀನ್ ಮತ್ತು ವಿಟಮಿನ್ ಅಂಶಗಳ ಶ್ರೇಷ್ಠ ಪ್ರಮಾಣ:
ವಿಟಮಿನ್ B7 (ಬೈಟಿನ್), ವಿಟಮಿನ್ E, ವಿಟಮಿನ್ C, ಮತ್ತು ಪ್ರೋಟೀನ್ ಹೆಚ್ಚು ಇರುವ ಆಹಾರಗಳು ಕೂದಲು ಬೆಳವಣಿಗೆಗೆ ಸಹಕಾರಿಯಾಗುತ್ತವೆ. ಬೀನ್ಸ್, ಕಡಲೆಕಾಯಿ, ಸಬ್ಬಕ್ಕಿ, ಹಣ್ಣುಗಳು ಮತ್ತು ಹಸಿರು ತರಕಾರಿಗಳನ್ನು ಹೆಚ್ಚು ಸೇವಿಸಿ.

ಹೇರ್ ಮಾಸ್ಕ್ ಅಥವಾ ಮನೆಮದ್ದು ಪ್ರಯೋಗಿಸಿ:
ಬೆಣ್ಣೆ, ಜೀರಿಗೆ ಪೌಡರ್, ಹುಣಸೆಹಣ್ಣು, ಮೆಂತ್ಯೆ ಪೇಸ್ಟ್ ಇತ್ಯಾದಿಗಳನ್ನು ವಾರಕ್ಕೊಂದು ಬಾರಿ ಕೂದಲಿಗೆ ಹಚ್ಚುವುದರಿಂದ ಕೂದಲಿಗೆ ನೈಸರ್ಗಿಕ ಪೋಷಣೆ ಒದಗಿಸುವ ಮಾರ್ಗವಾಗಿದೆ. ಇದರಿಂದ ಕೂದಲು ಬಲವಾಗಿ, ಕಾಂತಿಯುತವಾಗಿ ಇರುತ್ತದೆ.

ಸೂಚನೆ : ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.