ಕೋಲ್ಕತ್ತಾ ಶೈಲಿಯ ಎಗ್ ರೋಲ್ ಬಹಳ ಜನಪ್ರಿಯ ಬೀದಿ ಆಹಾರವಾಗಿದೆ. ಇದನ್ನು ತಯಾರಿಸುವುದು ಸುಲಭ.
ಬೇಕಾಗುವ ಸಾಮಗ್ರಿಗಳು: ಮೈದಾ ಹಿಟ್ಟು - 1 ಕಪ್, ಜೋಳದ ಪುಡಿ - 1 ಟೀಚಮಚ, ಉಪ್ಪು - ರುಚಿಗೆ ತಕ್ಕಷ್ಟು, ತುಪ್ಪ - 1 ಟೀಚಮಚ, ಮೊಟ್ಟೆ - 2
ಈರುಳ್ಳಿ - 2 (ನುಣ್ಣಗೆ ಕತ್ತರಿಸಿದ), ಹಸಿರು ಮೆಣಸಿನಕಾಯಿ - 2 (ನುಣ್ಣಗೆ ಕತ್ತರಿಸಿದ), ಟೊಮೆಟೋ ಕೆಚಪ್ - 1/3 ಕಪ್, ಕೆಂಪು ಮೆಣಸಿನಕಾಯಿ ಸಾಸ್ - 2 ಚಮಚ, ಚಾಟ್ ಮಸಾಲಾ - 1 ಟೀಚಮಚ, ಎಣ್ಣೆ
ಒಂದು ದೊಡ್ಡ ಬಟ್ಟಲಿನಲ್ಲಿ, ಮೈದಾ ಹಿಟ್ಟು, ಸಕ್ಕರೆ ಪುಡಿ, ಉಪ್ಪು ಮತ್ತು ತುಪ್ಪ ಹಾಕಿ. ಮೃದುವಾದ ಹಿಟ್ಟನ್ನು ತಯಾರಿಸಲು ಸ್ವಲ್ಪ ಸ್ವಲ್ಪ ನೀರು ಸೇರಿಸುತ್ತ ಕಲಿಸಿ.
ಎಣ್ಣೆಯನ್ನು ಹಚ್ಚಿ 15-20 ನಿಮಿಷಗಳ ಕಾಲ ಮುಚ್ಚಿಡಿ. ಒಂದು ಬಟ್ಟಲಿನಲ್ಲಿ, ಸಣ್ಣಗೆ ಹೆಚ್ಚಿದ ಈರುಳ್ಳಿ, ಹಸಿರು ಮೆಣಸಿನಕಾಯಿ ಮತ್ತು ಉಪ್ಪನ್ನು ಮಿಶ್ರಣ ಮಾಡಿ.
ಒಂದು ಬಟ್ಟಲಿನಲ್ಲಿ ಮೊಟ್ಟೆಗಳನ್ನು ಬೀಟ್ ಮಾಡಿ, ಸ್ವಲ್ಪ ಉಪ್ಪು ಮತ್ತು ಹಸಿರು ಮೆಣಸಿನಕಾಯಿ ಸಾಸ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
ಹಿಟ್ಟಿನ ಸಣ್ಣ ಉಂಡೆಗಳನ್ನು ಮಾಡಿ ತೆಳುವಾದ ಚಪಾತಿಗಳಾಗಿ ಲಟ್ಟಿಸಿ. ಎರಡು ಬದಿಯನ್ನೂ ಬೇಯಿಸಿ. ಎಣ್ಣೆ ಹಾಕುತ್ತ ಚೆನ್ನಾಗಿ ಬೇಯಿಸಿ.
ಪರೋಟಾ ತಯಾರಾದ ನಂತರ ಮೊಟ್ಟೆಯ ಮಿಶ್ರಣವನ್ನು ಸುರಿಯಿರಿ. ಎರಡೂ ಬದಿಗಳಲ್ಲಿ ಚೆನ್ನಾಗಿ ಹುರಿಯಿರಿ.
ಇದರ ಮೇಲೆ ಚಾಟ್ ಮಸಾಲ ಸಿಂಪಡಿಸಿ, ಈರುಳ್ಳಿ ಸಲಾಡ್, ಟೊಮೆಟೊ ಕೆಚಪ್, ರೆಡ್ ಚಿಲ್ಲಿ ಸಾಸ್ ಸೇರಿಸಿ ರೋಲ್ ಮಾಡಿ. ಬಿಸಿಯಾಗಿ ಬಡಿಸಿ.