ಪ್ರತಿಯೊಬ್ಬರೂ ಹಸಿರು ಗಿಡಗಳನ್ನು ನೆಡಲು ಇಷ್ಟಪಡುತ್ತಾರೆ. ಬಾಲ್ಕನಿಯಲ್ಲಿ ಅಥವಾ ಉದ್ಯಾನದಲ್ಲಿ ಸ್ವಚ್ಛಂದವಾಗಿ ಹಚ್ಚಹಸಿರು ಕಾಣುವುದರಿಂದ ಸಕಾರಾತ್ಮಕ ಭಾವನೆಗಳು ಬರುತ್ತವೆ. ಅಷ್ಟೇ ಅಲ್ಲದೆ, ಗಿಡಮರಗಳನ್ನು ಬೆಳೆಯುವುದರಿಂದ ಶುದ್ಧ ಗಾಳಿ ಮತ್ತು ಆಮ್ಲಜನಕ ದೊರೆಯುತ್ತದೆ.
ಆದರೆ ಕೆಲವೊಂದು ಗಿಡ, ಮರಗಳನ್ನು ಬೆಳೆಯುವಾಗ ಎಚ್ಚರ ವಹಿಸಬೇಕು. ಏಕೆಂದರೆ ಅವುಗಳು ಹಾವುಗಳ ವಾಸಸ್ಥಾನಕ್ಕೆ ಯೋಗ್ಯ ಸ್ಥಳ ಕಲ್ಪಿಸುವಂತಹ ಗಿಡಗಳಾಗಿರುತ್ತವೆ. ಅಂದರೆ ಆ ಗಿಡಗಳು ಹಾವುಗಳನ್ನು ಆಕರ್ಷಿಸುತ್ತವೆ.
ಜಾಸ್ಮಿನ್ ವೈನ್ ಕುಟುಂಬದ ಸಸ್ಯಗಳ ಬಳಿ ಹಾವುಗಳು ಹೆಚ್ಚಾಗಿ ವಾಸಿಸುತ್ತವೆ. ಇದಕ್ಕೆ ಕಾರಣ ಈ ಸಸ್ಯದ ಹೂವುಗಳ ಬಲವಾದ ವಾಸನೆ ಮತ್ತು ಸಸ್ಯವು ತುಂಬಾ ದಟ್ಟವಾಗಿ ಬೆಳೆಯುವುದು. ಹೆಚ್ಚು ದಟ್ಟವಾದ ಮತ್ತು ನೆರಳಿನ ಕಾರಣ, ಹಾವುಗಳು ಸುಲಭವಾಗಿ ತಮ್ಮನ್ನು ಮರೆಮಾಡಿಕೊಳ್ಳಲು ಸಾಧ್ಯವಾಗುತ್ತವೆ.
ಕ್ಲೋವರ್ ಸಸ್ಯವು ಅಲಂಕಾರಿಕ ಸಸ್ಯಗಳಲ್ಲಿ ಒಂದಾಗಿದೆ. ಇದರ ಎಲೆಗಳು ದಪ್ಪ ಮತ್ತು ದಟ್ಟವಾಗಿದ್ದು, ನೆಲವನ್ನು ಸಂಪೂರ್ಣವಾಗಿ ಆವರಿಸುತ್ತವೆ. ಇದೇ ಕಾರಣಕ್ಕೆ ಹಾವುಗಳು ಈ ಎಲೆಯ ಕೆಳಗೆ ಆರಾಮವಾಗಿ ಸುರುಳಿಯಾಗಿ ಕುಳಿತು ಅಡಗಿಕೊಂಡು ತಮ್ಮ ಬೇಟೆಯನ್ನು ಹುಡುಕುತ್ತವೆ.
ನಿಂಬೆ ಮರ ಅಥವಾ ಯಾವುದೇ ಸಿಟ್ರಸ್ ಮರದ ಸುತ್ತಲೂ ಇಲಿಗಳು ಮತ್ತು ಸಣ್ಣ ಕೀಟಗಳು ವಾಸಿಸುತ್ತವೆ. ಪಕ್ಷಿಗಳು ಸಹ ಹಣ್ಣುಗಳನ್ನು ತಿನ್ನಲು ಬರುತ್ತವೆ. ನಿಂಬೆ ಮರದ ಸುತ್ತಲೂ ಹಾವುಗಳು ಸುಳಿದಾಡುವುದಕ್ಕೆ ಇದೇ ಕಾರಣ. ಆದ್ದರಿಂದ ಈ ಗಿಡವನ್ನು ಮನೆಯ ಬಳಿ ನೆಡಬಾರದು.
ಮನೆಯ ಸುತ್ತಲೂ ಖಾಲಿ ಜಾಗವಿದ್ದಾಗ ಜನರು ಸೈಪ್ರೆಸ್ ಮರವನ್ನು ನೆಡಲು ಇಷ್ಟಪಡುತ್ತಾರೆ. ಇದು ಅಲಂಕಾರಿಕ ಸಸ್ಯವಾಗಿದ್ದು, ತುಂಬಾ ಸುಂದರವಾಗಿ ಕಾಣುತ್ತದೆ. ಆದರೆ ಇದು ಸಾಕಷ್ಟು ದಟ್ಟವಾಗಿ ಬೆಳೆಯುವ ಹಿನ್ನೆಲೆಯಲ್ಲಿ, ಹಾವುಗಳು ಅದರಲ್ಲಿ ಅಡಗಿಕೊಂಡು ಕೀಟಗಳು ಮತ್ತು ಜೇಡಗಳನ್ನು ಬೇಟೆಯಾಡುತ್ತವೆ.
ಇತ್ತೀಚಿನ ದಿನಗಳಲ್ಲಿ ಜನರು ತಮ್ಮ ಮನೆಯ ಅಂಗಳ ಮತ್ತು ಬಾಲ್ಕನಿಯಲ್ಲಿ ಅನೇಕ ರೀತಿಯ ಮರಗಳು ಮತ್ತು ಗಿಡಗಳನ್ನು ನೆಡಲು ಪ್ರಾರಂಭಿಸಿದ್ದಾರೆ. ಅದರಲ್ಲಿ ದಾಳಿಂಬೆ ಮರಗಳು ಕೂಡ ಸೇರಿವೆ, ಆದರೆ ದಾಳಿಂಬೆ ಮರಗಳ ಬಳಿ ಹಾವುಗಳು ಬೀಡು ಬಿಡುತ್ತವೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗುತ್ತದೆ. ಹೀಗಾಗಿ, ಈ ಗಿಡಗಳನ್ನು ನಿಮ್ಮ ಮನೆಯಲ್ಲಿ ಅಪ್ಪಿತಪ್ಪಿಯೂ ನೆಡಬೇಡಿ.