ಮೆಹೆಂದಿ ಕೂದಲಿನ ಆರೋಗ್ಯಕ್ಕೆ ಬಹಳ ಒಳ್ಳೆಯದು. ಆದ್ರೆ ಇದರ ಜೊತೆಗೆ ನೊರೆಕಾಯಿ ಬೆರೆಸಿ ಕೂದಲಿಗೆ ಹಚ್ಚಿದರೆ ಇನ್ನಷ್ಟು ಪ್ರಯೋಜನ ಸಿಗುತ್ತದೆ.
ನೊರೆಕಾಯಿ ಕೂದಲಿಗೆ ಹೊಳಪು ನೀಡುವುದರ ಜೊತೆಗೆ ಉದ್ದ ಬೆಳೆಯಲು ಸಹಾಯ ಮಾಡುತ್ತದೆ.
ಮೆಹೆಂದಿ ಮತ್ತು ನೊರೆಕಾಯಿ ಎರಡರಲ್ಲಿಯೂ ಆಂಟಿ ಆಕ್ಸಿಡೆಂಟ್ ಅಧಿಕ ಪ್ರಮಾಣದಲ್ಲಿ ಇರುತ್ತದೆ.ಇದು ಕೂದಲನ್ನು ಆರೋಗ್ಯಕರವಾಗಿ ಇಡುವಲ್ಲಿ ಸಹಾಯ ಮಾಡುತ್ತದೆ.
ಒಂದು ಚಮಚ ನೊರೆಕಾಯಿ ಪುಡಿ ತೆಗೆದುಕೊಂಡು ಮೂರು ಚಮಚ ಮೆಹೆಂದಿ ತೆಗೆದುಕೊಂಡು ನೀರು ಹಾಕಿ ಗಟ್ಟಿ ಪೇಸ್ಟ್ ಮಾಡಿಕೊಳ್ಳಿ. ಈ ಪೇಸ್ಟ್ ಅನ್ನು ಕೂದಲಿಗೆ ಹಚ್ಚಿ.
ಈ ಪೇಸ್ಟ್ ಅನ್ನು ಕೂದಲಿಗೆ ಹಚ್ಚಿ 20 ರಿಂದ 30 ನಿಮಿಶದವರೆಗೆ ಹಾಗೆಯೇ ಬಿಡಿ. ನಂತರ ಕೂದಲನ್ನು ಚೆನ್ನಾಗಿ ತೊಳೆಯಿರಿ.
ಈ ಪೇಸ್ಟ್ ಅನ್ನು ತಿಂಗಳಿಗೆ ಎರಡು ಬಾರಿ ಹಚ್ಚಬಹುದು.ಇದನ್ನು ಬಳಸುವುದರಿಂದ 2 ರಿಂದ 3 ತಿಂಗಳಲ್ಲಿಯೇ ವ್ಯತ್ಯಾಸ ತಿಳಿಯುವುದು.
ಬೇಗನೆ ಕೂದಲು ಬೆಳೆಸಬೇಕು ಅಂದುಕೊಳ್ಳುವವರು ಈ ಪೇಸ್ಟ್ ಅನ್ನು ಬಳಸಬಹುದು.
ಕೂದಲು ಅತಿಯಾಗಿ ಉದುರುತ್ತಿದೆ ಎಂದಾದರೂ ಈ ಪೇಸ್ಟ್ ಅನ್ನು ಬಳಸಬಹುದು.
ಸೂಚನೆ : ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು,ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಿ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.