'ಪುಟ್ಟಕ್ಕನ ಮಕ್ಕಳು' ಸೀರಿಯಲ್ ನಟಿ ಸ್ನೇಹ ಅಲಿಯಾಸ್ ಸಂಜನಾಗೆ ಜನ ಫುಲ್ ಕ್ಲಾಸ್ ತಗೊಳುತ್ತಿರೋದು ಯಾಕೆ..?

ಬೆಂಗಳೂರು : ಸಂಜನಾ ಬುರ್ಲಿ ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟಿ. ಬೆಂಗಳೂರಿನ ಡಾ.  ಅಂಬೇಡ್ಕರ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ವಿದ್ಯಾಭ್ಯಾಸ ಮುಗಿಸಿರುವ ಇವರು `ವಿಕೇಂಡ್' ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ.  ಸದ್ಯ ಸಂಜನಾ ಬುರ್ಲಿ ಜನಪ್ರಿಯ ನಟಿಯಾಗಿದ್ದಾರೆ. ಪುಟ್ಟಕ್ಕನ ಮಕ್ಕಳು ಸೀರಿಯಲ್ ನಲ್ಲಿ ಸಂಜನಾ ಬುರ್ಲಿ ಸ್ನೇಹ ಪಾತ್ರದಲ್ಲಿ ಪ್ರತಿಯೊಬ್ಬರನ್ನು ಮೋಡಿ ಮಾಡಿದ್ದಾರೆ.

ಸಂಜನಾ ಬುರ್ಲಿ ನಟಿಸಿದ ಇತ್ತೀಚಿನ ಚಲನಚಿತ್ರಗಳು ಮಾತಾ, ಚೂ ಮಂದಿರ ಕಾಲಿ ಮತ್ತು ವೀಕೆಂಡ್ ಆಗಿದೆ. ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯಲ್ಲಿ ನಟಿಸುತ್ತಿರುವ ನಟಿ ಸಂಜನಾ ಬುರ್ಲಿ ಧೈರ್ಯಶಾಲಿ ಹೆಣ್ಮಗಳ ಪಾತ್ರದಲ್ಲಿ ನಟಿಸೋ ಮೂಲಕ ಎಲ್ಲಾ ಹೆಣ್ಣುಮಕ್ಕಳಿಗೆ ಮಾದರಿಯಾಗಿದ್ದಾರೆ.

ಇದನ್ನೂ ಓದಿ : ಮರಿ ರೆಬೆಲ್ ಸ್ಟಾರ್ ಘರ್ಜನೆಗೆ ಫಿಕ್ಸ್ ಆಯ್ತಾ ಡೇಟ್? ಬ್ಯಾಡ್ ಮ್ಯಾನರ್ಸ್ ರಿಲೀಸ್ ಯಾವಾಗ ಅಂತಿದ್ದಾರೆ ಫ್ಯಾನ್ಸ್!

ನಿಜಜೀವನದಲ್ಲಿ ಸಂಜನಾಗೆ ಓದು ದೊಡ್ಡ ಕನಸಾಗಿದೆ. ರಾಧ ಸರ್ಚಿಂಗ್‌ ರಮಣ ಮಿಸ್ಸಿಂಗ್‌', 'ನಾನ್‌ವೆಜ್‌' ಎಂಬ ಎರಡು ಕನ್ನಡ ಸಿನಿಮಾಗಳಲ್ಲೂ ಇವರು ನಟಿಸಿದ್ದಾರೆ. ಲಾಕ್‌ಡೌನ್‌ನಿಂದಾಗಿ ಸಿನಿಮಾ ಇನ್ನೂ ಬಿಡುಗಡೆಯಾಗಿರಲಿಲ್ಲ. ಪ್ರಸ್ತುತ 'ರಾಧ ಸರ್ಚಿಂಗ್‌ ರಮಣ ಮಿಸ್ಸಿಂಗ್‌' ಚಿತ್ರದ ಆಡಿಯೋ ಮತ್ತು ಟ್ರೇಲರ್‌ ಬಿಡುಗಡೆಯಾಗಿದೆ. ರೀಲಿಸ್‌ ಡೇಟ್‌ ಇನ್ನಷ್ಟೇ ಅನೌನ್ಸ್ ಆಗಬೇಕಿದೆ.

ಪ್ರತಿದಿನ ಮಿಸ್ ಇಲ್ಲದೇ ಪುಟ್ಟಕ್ಕನ ಮಕ್ಕಳು ಸೀರಿಯಲ್ ನೋಡೋ ಜನ ಸ್ನೇಹ ಅಲಿಯಾಸ್ ಸಂಜನಾ ಬುರ್ಲಿಗೆ ತರಾಟೆ ತೆಗೆದುಕೊಳ್ಳುತ್ತಿದ್ದಾರೆ. ಯಾಕಂದ್ರೆ  ಕಂಠಿಗೆ ಯಾಕೆ ನೋವು ಕೊಡ್ತಾ ಇದ್ದೀಯಾ..? ತಾಯಿ ಮಾತಿಗೆ ನೀನು ಪ್ರೀತಿಯನ್ನ ಯಾಕೆ ಬಿಡ್ತಾ ಇದ್ದೀಯಾ ಅನ್ನೋ ನಾನಾ ಪ್ರಶ್ನೆಗಳನ್ನ  ಕೇಳೋ ಮೂಲಕ  ಇದು ಕೇವಲ ಧಾರವಾಹಿ ಕತೆ ಎನ್ನುವುದನ್ನು ಮರೆತು ನಿಜ ಜೀವನ ಎನ್ನುವಂತೆ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಅದೇನೇ ಇರಲಿ ಪುಟ್ಟಕ್ಕನ ಮಕ್ಕಳು ಸೀರಿಯಲ್ ದಿನದಿನಕ್ಕೂ ಸಾಕಷ್ಟು ಕುತೂಹಲ ಹೆಚ್ಚಿಸುತ್ತಿದ್ದು, ಜನಪ್ರಿಯತೆ ಪಡೆದುಕೊಳ್ಳುತ್ತಿದೆ.

ಇದನ್ನೂ ಓದಿ : ನವರಸನಾಯಕ ಜಗ್ಗೇಶ್ ತನ್ನ ಪ್ರೀತಿಯ ಹುಡುಗಿಯನ್ನ ಮೊದಲು ನೋಡಿದಾಗ ಆಕೆಗೆ ಜಸ್ಟ್ 14ವರ್ಷ..!