ಇದೇ ವಿಡಿಯೋ ಅಲ್ಲು ಅರ್ಜುನ್‌ ಬಂಧನಕ್ಕೆ ಕಾರಣವಾಯ್ತಾ..!? ಆ CM ಹೆಸರು ಹೇಳದೆ ನಕ್ಕಿದ್ದು ತಪ್ಪಾಯ್ತಾ..?

Allu Arjun viral video : ಕಾಲ್ತುಳಿತ ಪ್ರಕರಣಕ್ಕೆ ಸಂಬಂಧಿಸಿ ಸ್ಟೈಲಿಶ್‌ ಐಕಾನ್‌ ಅಲ್ಲು ಅರ್ಜುನ್‌ ಬಂಧನವಾಗಿದೆ. ಮೊದಲಿಗೆ 14 ದಿನಗಳ ಕಾಲ ನ್ಯಾಯಾಂಗ ಬಂಧನಕ್ಕೆ ನ್ಯಾಯಾಲಯ ಆದೇಶ ನೀಡಿತ್ತು. ಇದೀಗ ಮದ್ಯಂತರ ಬೇಲ್‌ ಮಂಜೂರು ಮಾಡಿದೆ.. ಇದರ ನಡುವೆ ಸೋಷಿಯಲ್‌ ಮೀಡಿಯಾದಲ್ಲಿ ವಿಡಿಯೋ ಒಂದು ಚರ್ಚೆಗೆ ಕಾರಣವಾಗಿದೆ..

Allu Arjun arrest updates : ಪುಷ್ಪಾ 2 ಪ್ರಿಮಿಯರ್‌ ಶೋ ವೇಳೆ ಹೈದ್ರಾಬಾದ್‌ನ ಸಂಧ್ಯಾ ಚಿತ್ರಮಂದಿರದಲ್ಲಿ ಕಾಲ್ತುಳಿತ ಉಂಟಾಗಿ ಓರ್ವ ಮಹಿಳೆ ಮೃತ ಪಟ್ಟಿದ್ದಳು.. ಇದಕ್ಕೆ ಥಿಯೇಟರ್‌ ಮಾಲೀಕ ಸೇರಿದಂತೆ ನಟ ಅಲ್ಲು ಅರ್ಜುನ್‌ ಹೊಣೆ ಎಂದು ದೂರು ದಾಖಲಾಗಿತ್ತು.. ಪ್ರಕರಣದಲ್ಲಿ ಇಂದು ಅಲ್ಲು ಅರ್ಜುನ್‌ ಬಂಧನವಾಗಿ, ಇದೀಗ ಜಾಮೀನು ಪಡೆದು ಹೊರ ಬಂದಿದ್ದಾರೆ.. ಇದರ ನಡುವೆ ಸೋಷಿಯಲ್‌ ಮೀಡಿಯಾದಲ್ಲಿ ವಿಡಿಯೋ ಒಂದು ಸದ್ದು ಮಾಡುತ್ತಿದೆ..

ಹೌದು.. ಡಿಸೆಂಬರ್‌ 5 ರಂದು ತೆರೆಕಂಡ ಪುಷ್ಪಾ ಸಿನಿಮಾ ದೇಶಾದ್ಯಂತ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಈಗಾಗಲೇ 1000 ಕೋಟಿಗೂ ಹೆಚ್ಚು ಕಲೆಕ್ಷನ್‌ ಮಾಡಿದೆ. ಇನ್ನು ರಿಲೀಸ್‌ಗೂ ಹಿಂದಿನ ದಿನ ಪುಷ್ಪಾ ಪ್ರೀಮಿಯರ್‌ ಶೋ ಮಾಡಲಾಗಿತ್ತು. ಈ ವೇಳೆ ಅಲ್ಲು ಅರ್ಜುನ್‌ ಸಿನಿ ಚಿತ್ರ ವೀಕ್ಷಣೆಗಾಗಿ ಸಂಧ್ಯಾ ಚಿತ್ರಮಂದಿರಕ್ಕೆ ಬಂದಿದ್ದರು.

ಇದನ್ನೂ ಓದಿ:ಅಲ್ಲು ಅರ್ಜುನ್‌ಗೆ 14 ದಿನ ನ್ಯಾಯಾಂಗ ಬಂಧನ..! ಜೈಲಿನ ಕಂಬಿಹಿಂದೆ "ಪುಷ್ಪರಾಜ್‌"...

ನೆಚ್ಚಿನ ನಟನನ್ನು ನೋಡಲು ಥಿಯೇಟರ್‌ ಬಳಿ ಭಾರಿ ಪ್ರಮಾಣದಲ್ಲಿ ಜನ ಸೇರಿದ್ದರು. ಈ ವೇಳೆ ಕಾಲ್ತುಳಿತ ಉಂಟಾಗಿ ಓರ್ವ ಮಹಿಳೆ ಮೃತ ಪಟ್ಟಿದ್ದಳು. ಅಲ್ಲದೆ ಈಕೆಯ ಮಗು ಗಂಭೀರವಾಗಿ ಗಾಯಗೊಂಡು ಸಧ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದೆ. ಈ ಕುರಿತು ದೂರು ದಾಖಲಾಗಿತ್ತು.

A recent video of Allu Arjun has gone viral wherein he apparently seemed to have forgotten the name of the Telangana CM Revanth Reddy.

Interestingly, this has surfaced online after his arrest.#AlluArjunArrest pic.twitter.com/j7qqwh4bx9

— SS Sagar (@SSsagarHyd) December 13, 2024

ಸದ್ಯ ಈ ಘಟನೆಗಳಿಗೆ ಸಂಬಂಧಿಸಿ ವಿಡಿಯೋ ಒಂದು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ.. ಈ ವಿಡಿಯೋ ಅಲ್ಲು ಅರ್ಜುನ್‌ ಬಂಧನಕ್ಕೆ ಕಾರಣವಾಯ್ತಾ..? ಎನ್ನುವ ಅನುಮಾನವನ್ನು ನೆಟ್ಟಿಗರು ವ್ಯಕ್ತಪಡಿಸುತ್ತಿದ್ದಾರೆ.. ಅಸಲಿಗೆ ವಿಡಿಯೋದಲ್ಲಿ ಏನಿದೆ..? ಬನ್ನಿ ನೋಡೋಣ..

ಸದ್ಯ ವೈರಲ್‌ ಆಗುತ್ತಿರುವ ವಿಡಿಯೋದಲ್ಲಿ ಅಲ್ಲು ಅರ್ಜುನ್‌ ಪುಷ್ಪಾ 2 ಯಶಸ್ಸಿನ ಬಗ್ಗೆ ಮಾತನಾಡುತ್ತಾ, ನಾನು ತೆಲಂಗಾಣ ಸರ್ಕಾರಕ್ಕೆ ಧನ್ಯವಾದಗಳನ್ನು ಹೇಳಲು ಬಯಸುತ್ತೇನೆ. ವಿಶೇಷ ದರ ನಿಗಧಿ ಪಡಿಸಿದ್ದಕ್ಕೆ, ಚಿತ್ರರಂಗಕ್ಕೆ ಇಷ್ಟು ಬೆಂಬಲ ನೀಡುತ್ತಿರುವ ಗೌರವಾನ್ವಿತ ಮುಖ್ಯಮಂತ್ರಿ... ಎನ್ನುತ್ತಲೇ ಹೆಸರು ಗೊತ್ತಾಗದೆ ತಡಬಡಿಸುತ್ತಾರೆ.. 

ಇದನ್ನೂ ಓದಿ:ಹೈದರಾಬಾದ್‌ನಲ್ಲಿ ಬಂಧನಕ್ಕೊಳಗಾದ ನಟ ಅಲ್ಲು ಅರ್ಜುನ್‌ ಎಷ್ಟು ಕೋಟಿ ಆಸ್ತಿ ಒಡೆಯ ಗೊತ್ತಾ?

ಆಗ ಅಲ್ಲಿದ್ದವರು ಹೆಸರು ಹೇಳಲು ಯತ್ನಿಸಿದಾಗ, Sorry.. ಮಾತನಾಡಿ ಮಾತನಾಡಿ ಗಂಟಲು ಒಣಗಿ ಹೋಗಿದೆ.. ಅಂತ ನೀರು ತರಿಸಿ ಕುಡಿಯುತ್ತಾರೆ.. ಆಗ ಮುಖ್ಯಮಂತ್ರಿಯ ಹೆಸರು ಮರೆತಿರುವುದಾಗಿ ಮೆಲ್ಲಗೆ ಅಲ್ಲಿದ್ದವರಿಗೆ ಹೇಳುತ್ತಾರೆ. ಸಧ್ಯ ಈ ವಿಡಿಯೋ ವೈರಲ್‌ ಆಗಿದ್ದು, ಅಲ್ಲು ಅರ್ಜುನ್‌ ಸಿಎಂ ಹೆಸರು ಹೇಳಿಲ್ಲ ಅಂತ ಈ ಪ್ರಕರಣಕ್ಕೆ ಜೀವ ತುಂಬಿ ಬಂಧನ ಮಾಡಿಸಿದ್ದಾರೆ ಅಂತ ನೆಟ್ಟಿಗರು ಮಾತನಾಡಿಕೊಳ್ಳುತ್ತಿದ್ದಾರೆ..

ಆದರೆ ಈ ಕುರಿತು ಈಗಾಗಲೇ ಸ್ಪಷ್ಟತೆ ನೀಡಿರುವ ಸಿಎಂ ರೇವಂತ್‌ ರೆಡ್ಡಿ, ಈ ಪ್ರಕರಣಕ್ಕೂ ತಮಗೂ ಯಾವುದೇ ಲಿಂಕ್‌ ಇಲ್ಲ ಎಂದಿದ್ದಾರೆ.. ಅಲ್ಲದೆ, ನ್ಯಾಯಾಲಯ ಮತ್ತು ಪೊಲೀಸರು ತಮ್ಮ ಕೆಲಸ ಮಾಡುತ್ತಿದ್ದಾರೆ ಎಂದು ತಿಳಿದ್ದಾರೆ.. ಒಟ್ಟಾರೆಯಾಗಿ ಈ ವಿಡಿಯೋ ವೈರಲ್‌ ಆಗುತ್ತಿದ್ದಂತೆ.. ಅಲ್ಲು ಅರ್ಜುನ್‌ ಮತ್ತು ನೆಟ್ಟಿಗರು ಮಾತ್ರ... ಎಲ್ಲದಕ್ಕೂ ಸಿಎಂ ಕಾರಣ ಅಂತ ಟೀಕೆ ಮಾಡುತ್ತಿದ್ದಾರೆ..