ಸಂದರ್ಶನದಲ್ಲಿ ಐಶ್ವರ್ಯಾ ಬಗ್ಗೆ ಕೇಳಿದ ಪ್ರಶ್ನೆಗೆ ಶಾಕಿಂಗ್ ಉತ್ತರ ಕೊಟ್ಟ ಅಭಿಷೇಕ್ ಬಚ್ಚನ್ !ಎಲ್ಲವೂ ಸರಿ ಇದೆ ಎನ್ನುವಷ್ಟರಲ್ಲಿ ಮತ್ತೇನಾಯಿತು ದಂಪತಿ ಮಧ್ಯೆ ?

ಕಳೆದ ಕೆಲವು ತಿಂಗಳುಗಳಿಂದ   ಐಶ್ವರ್ಯ ರೈ ಮತ್ತು ಅಭಿಷೇಕ್ ಬಚ್ಚನ್ ವಿಚ್ಛೇದನ ಪಡೆಯಲಿದ್ದಾರೆ ಎನ್ನುವ  ಸುದ್ದಿ ಬಹಳವಾಗಿ ಚರ್ಚೆಯಲ್ಲಿತ್ತು. ಬಳಿಕ ಮತ್ತೆ ದಂಪತಿ ಅನೇಕ ಕಾರ್ಯಕ್ರಮಗಳಲ್ಲಿ ಜೊತೆಯಾಗಿ ಕಾಣಿಸಿಕೊಂಡು ಡಿವೋರ್ಸ್ ವದಂತಿಗಳಿಗೆ ಬ್ರೇಕ್ ಹಾಕಿದ್ದರು. 

ಇದೀಗ ಅಭಿಷೇಕ್ ನೀಡಿದ ಒಂದು ಹೇಳಿಕೆಯು ಮತ್ತೊಮ್ಮೆ ಅವರಿಬ್ಬರ ಸಂಬಂಧದ ಬಗ್ಗೆ ಪ್ರಶ್ನೆ ಏಳುವಂತೆ ಮಾಡಿದೆ. ಇಲ್ಲಿ ಅಭಿಷೇಕ್ ಬಚ್ಚನ್​ ನೇರಾ ನೇರವಾಗಿ ಪತ್ನಿ ಬಗ್ಗೆ ಮಾತನಾಡಿದ್ದಾರೆ. 

ಪ್ರಶಸ್ತಿ ಸ್ವೀಕಾರ ಸಮಾರಂಭದಲ್ಲಿ ಅಭಿಷೇಕ್ ಮತ್ತು ಅರ್ಜುನ್ ಕಪೂರ್ ನಡುವಿನ  ಸಂಭಾಷಣೆಯ ವೇಳೆ ಅಭಿಷೇಕ್ ಬಾಯಿಯಿಂದ ಈ ಮಾತು ಬಂದಿದೆ. 

ಯಾವ ವ್ಯಕ್ತಿ ಫೋನ್​ ಮಾಡಿ ನಿಮ್ಮ ಜೊತೆ ಮಾತನಾಡಬೇಕು ಎಂದಾಗ ಟೆನ್ಷನ್ ಆಗುತ್ತೀರಾ ಎನ್ನುವ ಪ್ರಶ್ನೆಗೆ ಅಭಿಷೇಕ್ ನೀಡಿರುವ ಉತ್ತರ ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ.ಇಲ್ಲಿ ಅಭಿಷೇಕ್ ನೀಡಿರುವ ಉತ್ತರವೇ ಮತ್ತೊಮ್ಮೆ ಚರ್ಚೆಗೆ ದಾರಿ ಮಾಡಿಕೊಟ್ಟಿರುವುದು.       

ಅರ್ಜುನ್  ಕಪೂರ್ ಕೇಳಿರುವ ಪ್ರಶ್ನೆಗೆ ಉತ್ತರಿಸಿದ ಅಭಿಷೇಕ್,  ನಿಮಗಿನ್ನೂ ಮದುವೆಯಾಗಿಲ್ಲ, ಮದುವೆಯಾದ ಮೇಲೆ ಈ ಪ್ರಶ್ನೆಗೆ ಉತ್ತರ ಸಿಗುತ್ತವೆ ಎಂದು ಹೇಳಿದ್ದಾರೆ.ಅಲ್ಲದೆ ಪತ್ನಿ ಫೋನಾಯಿಸಿ ನಿಮ್ಮೊಂದಿಗೆ ಮಾತನಾಡುವುದಿದೆ ಎಂದು ಹೇಳಿದರೆ ನೀವು ತೊಂದರೆಯಲ್ಲಿದ್ದೀರಾ ಎಂದರ್ಥಎಂದು ನೇರವಾಗಿ ನುಡಿದಿದ್ದಾರೆ.   

ಅಭಿಷೇಕ್, ಐಶ್ವರ್ಯಾ ರೈ ಬಚ್ಚನ್ ಬಗ್ಗೆ ಇಷ್ಟು ನೇರವಾಗಿ ಈ ಹಿಂದೆ ಎಲ್ಲಿಯೂ ಮಾತನಾಡಿರಲಿಲ್ಲ. ಹಾಗಾಗಿ ಇದೀಗ ಅಭಿಷೇಕ್​ ಮಾತು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ.