Famous Actress decided to never marry: 'ಲಗಾನ್', 'ಮುನ್ನಾಭಾಯಿ ಎಂಬಿಬಿಎಸ್', 'ಗಂಗಾಜಲ್' ಮುಂತಾದ ಚಿತ್ರಗಳಲ್ಲಿ ನಟಿಸಿರುವ ನಟಿ ಗ್ರೇಸಿ ಸಿಂಗ್ ಪ್ರಸ್ತುತ ಆಧ್ಯಾತ್ಮಿಕತೆಯ ಹಾದಿಯಲ್ಲಿದ್ದಾರೆ. ಗ್ರೇಸಿ ಬ್ರಹ್ಮಕುಮಾರಿ ಆಶ್ರಮಕ್ಕೆ ಸೇರಿ ಎಂದಿಗೂ ಮದುವೆಯಾಗದಿರಲು ನಿರ್ಧರಿಸಿದ್ದಾರೆ.
'ಲಗಾನ್' ಮತ್ತು 'ಮುನ್ನಾಭಾಯಿ ಎಂಬಿಬಿಎಸ್' ನಂತಹ ಬ್ಲಾಕ್ಬಸ್ಟರ್ ಚಿತ್ರಗಳಲ್ಲಿ ನಟಿಸಿದ್ದ ನಟಿ ಗ್ರೇಸಿ ಸಿಂಗ್, ಪ್ರಸ್ತುತ ಚಿತ್ರಗಳಿಂದ ದೂರವಿದ್ದಾರೆ. ಗ್ರೇಸಿ ಈಗ ಆಧ್ಯಾತ್ಮದ ಹಾದಿಯನ್ನು ಆರಿಸಿಕೊಂಡಿದ್ದಾರೆ.
ಆಧ್ಯಾತ್ಮಿಕ ಶಾಂತಿಯನ್ನು ಹುಡುಕುತ್ತಾ, ಗ್ರೇಸಿ ಸಿಂಗ್ ಬ್ರಹ್ಮ ಕುಮಾರೀಸ್ ಸಂಘಟನೆಗೆ ಸೇರಲು ನಿರ್ಧರಿಸಿದ್ದಾರೆ. ಈಗ ಅವರು ನಿಯಮಿತವಾಗಿ ಸಂಸ್ಥೆ ಆಯೋಜಿಸುವ ಕಾರ್ಯಕ್ರಮಗಳಲ್ಲಿ ಭಾಗವಹಿಸುತ್ತಾರೆ.
ಗ್ರೇಸಿ ಧ್ಯಾನ, ಯೋಗ ಮತ್ತು ಸೇವೆಯ ಮೂಲಕ ಆಧ್ಯಾತ್ಮಿಕ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾರೆ. ಅವರು ತಮ್ಮ ಅಧಿಕೃತ ಸೋಷಿಯಲ್ ಮಿಡಿಯಾದಲ್ಲಿ ಬದಲಾದ ಮತ್ತು ಹೊಸ ಜೀವನದ ಒಂದು ನೋಟವನ್ನು ಸಹ ಹಂಚಿಕೊಂಡಿದ್ದಾರೆ.
ಬ್ರಹ್ಮ ಕುಮಾರಿ ಆಶ್ರಮ ಸೇರಿದ ನಂತರ, ಗ್ರೇಸಿ ಪೋರ್ಟಲ್ ಒಂದಕ್ಕೆ ನೀಡಿದ ಹಳೆಯ ಸಂದರ್ಶನದಲ್ಲಿ, "ನಾನು ಅಪಾರ ಸಂತೋಷ, ಶಾಂತಿ, ತಿಳುವಳಿಕೆ, ಭದ್ರತೆ, ಸ್ವೀಕಾರ ಮತ್ತು ಬೆಂಬಲವನ್ನು ಅನುಭವಿಸುತ್ತಿದ್ದೇನೆ" ಎಂದು ಹೇಳಿದ್ದರು.
ಗ್ರೇಸಿ ಒಬ್ಬ ತರಬೇತಿ ಪಡೆದ ಭರತನಾಟ್ಯ ಮತ್ತು ಒಡಿಸ್ಸಿ ನೃತ್ಯಗಾರ್ತಿ. ಅವರು ಬ್ರಹ್ಮ ಕುಮಾರೀಸ್ ಕಾರ್ಯಕ್ರಮಗಳಲ್ಲಿ ತಮ್ಮ ನೃತ್ಯದ ಮೂಲಕ ಆಧ್ಯಾತ್ಮಿಕ ಸಂದೇಶಗಳನ್ನು ನೀಡುತ್ತಾರೆ.
4 ವರ್ಷ ವಯಸ್ಸಾದರೂ ಸದ್ಯ ಗ್ರೇಸಿ ಮದುವೆಯಾಗದಿರಲು ನಿರ್ಧರಿಸಿದ್ದು, ಅವರು ತನ್ನ ಜೀವನವನ್ನು ಹೀಗೆಯೇ ಬದುಕಲು ಇಷ್ಟಪಡುತ್ತಾರೆ. ನಟಿ ಕೊನೆಯದಾಗಿ ಸಂತೋಷಿ ಮಾ ಧಾರಾವಾಹಿಯ ಮುಂದುವರಿದ ಭಾಗವಾದ 'ಸಂತೋಷಿ ಮಾ- ಸುನೇನ್ ವ್ರತ್ ಕಥೇನ್' ನಲ್ಲಿ ಒಂದು ಪಾತ್ರವನ್ನು ನಿರ್ವಹಿಸಿದ್ದರು..
ಗ್ರೇಸಿ ಜುಲೈ 20, 1980 ರಂದು ದೆಹಲಿಯಲ್ಲಿ ಜನಿಸಿದರು. ಅವರು 1997 ರಲ್ಲಿ 'ಅಮಾನತ್' ಧಾರಾವಾಹಿಯೊಂದಿಗೆ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. 2001 ರಲ್ಲಿ ಬಿಡುಗಡೆಯಾದ 'ಲಗಾನ್' ಚಿತ್ರದಲ್ಲಿ ಆಮಿರ್ ಖಾನ್ ಜೊತೆ ನಟಿಸುವ ಮೂಲಕ ಅವರು ರಾತ್ರೋರಾತ್ರಿ ತಾರೆಯಾದರು. ಗ್ರೇಸಿ ಮುನ್ನಾಭಾಯಿ ಎಂಬಿಬಿಎಸ್, ಗಂಗಾಜಲ್ ಮತ್ತು ಅರ್ಮಾನ್ ನಂತಹ ಚಿತ್ರಗಳಲ್ಲಿಯೂ ನಟಿಸಿದ್ದಾರೆ.
