ಇದೊಂದು ಆಹಾರ ತಿನ್ನುವುದನ್ನು ಬಿಟ್ಟಿದಷ್ಟೇ... ಕೆಲವೇ ತಿಂಗಳಲ್ಲಿ 108 ಕೆಜಿ ತೂಕ ಇಳಿಸಿಕೊಂಡ ಅನಂತ್‌ ಅಂಬಾನಿ!

ಭಾರತದ ಪ್ರಸಿದ್ಧ ಕೈಗಾರಿಕೋದ್ಯಮಿ ಮುಖೇಶ್ ಅಂಬಾನಿಯವರ ಕಿರಿಯ ಪುತ್ರ ಅನಂತ್ ಅಂಬಾನಿ 18 ತಿಂಗಳಲ್ಲಿ 108 ಕೆಜಿ ತೂಕ ಇಳಿಸುವ ಮೂಲಕ ಒಂದೊಮ್ಮೆ ಭಾರೀ ಸುದ್ದಿಯಾಗಿದ್ದರು. ಆದರೆ ಆ ಬಳಿಕ ಮತ್ತಷ್ಟು ತೂಕ ಹೆಚ್ಚಳವಾಗಿ ಜನರನ್ನು ಆಶ್ಚರ್ಯಕ್ಕೀಡು ಮಾಡಿದ್ದರು. ಅಷ್ಟಕ್ಕೂ ಅನಂತ್‌ ತೂಕ ಇಳಿಸಿಕೊಂಡಿದ್ದು ಹೇಗೆ? ಆ ಬಳಿಕ ತೂಕ ಹೆಚ್ಚಳವಾಗಿದ್ದೇಗೆ? ಎಂಬೆಲ್ಲಾ ವಿಚಾರದ ಬಗ್ಗೆ ಈ ವರದಿಯಲ್ಲಿ ತಿಳಿಯೋಣ

2017 ರಲ್ಲಿ, ಅನಂತ್ ಅಂಬಾನಿ ಅವರ ತಾಯಿ ನೀತಾ ಅಂಬಾನಿ ಅವರ ಸಂದರ್ಶನವೊಂದರಲ್ಲಿ, ತಮ್ಮ ಮಗ ತೀವ್ರ ಆಸ್ತಮಾದಿಂದ ಬಳಲುತ್ತಿದ್ದಾನೆ. ಆದ್ದರಿಂದ ಅವನಿಗೆ ಬಹಳಷ್ಟು ಸ್ಟೀರಾಯ್ಡ್‌ಗಳನ್ನು ಹಾಕಬೇಕಾಯಿತು, ಇದರ ಪರಿಣಾಮವಾಗಿ ಅನಂತ್‌ನ ತೂಕ ಮತ್ತೆ ಹೆಚ್ಚಾಯಿತು ಎಂದು ಹೇಳಿದಾಗ ಜನರಿಗೆ ಈ ಪ್ರಶ್ನೆಗೆ ಉತ್ತರ ಸಿಕ್ಕಿತು.

ಆಸ್ತಮಾ ಚಿಕಿತ್ಸೆಯಲ್ಲಿ ಸ್ಟೀರಾಯ್ಡ್ ಔಷಧಿಗಳ ಬಳಕೆಯು ಉಸಿರಾಟದ ಪ್ರದೇಶವನ್ನು ತೆರೆಯಲು ಸಹಾಯ ಮಾಡುತ್ತದೆ. ಇದು ಉಸಿರಾಟದ ಸಮಸ್ಯೆಗಳಿಂದ ಪರಿಹಾರ ನೀಡುತ್ತದೆ. ಆದಾಗ್ಯೂ, ಇದರ ಅಡ್ಡಪರಿಣಾಮಗಳಲ್ಲಿ ತೂಕ ಹೆಚ್ಚಾಗುವುದು ಕೂಡ ಸೇರಿದೆ. ಇದರ ದೀರ್ಘಕಾಲೀನ ಬಳಕೆಯು ಕೆಲವು ಜನರಲ್ಲಿ ತೂಕ ಹೆಚ್ಚಾಗಲು ಕಾರಣವಾಗಬಹುದು. ಸ್ಟೀರಾಯ್ಡ್ ಔಷಧಿಗಳ ಬಳಕೆಯು ಚಯಾಪಚಯ ಕ್ರಿಯೆಯ ವೇಗವನ್ನು ಕಡಿಮೆ ಮಾಡುತ್ತದೆ, ಇದರಿಂದಾಗಿ ಆಹಾರವು ಬೇಗನೆ ಜೀರ್ಣವಾಗುವುದಿಲ್ಲ ಮತ್ತು ತೂಕ ಹೆಚ್ಚಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.

ಸರಳ ಭಾಷೆಯಲ್ಲಿ, ಸ್ಟೀರಾಯ್ಡ್ ದೇಹದೊಳಗೆ ಉತ್ಪತ್ತಿಯಾಗುವ ಒಂದು ರೀತಿಯ ಹಾರ್ಮೋನ್ ಆಗಿದೆ. ಆದರೆ ನಾವು ಮೇಲಿನಿಂದ ಸೇವಿಸುವ ಸ್ಟೀರಾಯ್ಡ್ ನೈಸರ್ಗಿಕ ಹಾರ್ಮೋನ್‌ನ ಕೃತಕ ರೂಪವಾಗಿದೆ. ಸ್ನಾಯುಗಳ ಬೆಳವಣಿಗೆಗೆ ಸ್ಟೀರಾಯ್ಡ್‌ಗಳು ಸಹಾಯಕವಾಗಿವೆ ಮತ್ತು ಅಸ್ತಮಾದಂತಹ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ಅವು ಮಾರುಕಟ್ಟೆಯಲ್ಲಿ ಮಾತ್ರೆಗಳು, ಸಿರಪ್‌ಗಳು ಮತ್ತು ದ್ರವಗಳ ರೂಪದಲ್ಲಿ ಲಭ್ಯವಿದೆ.

ತಜ್ಞರ ಪ್ರಕಾರ, ದೀರ್ಘಕಾಲದವರೆಗೆ ಸ್ಟೀರಾಯ್ಡ್‌ಗಳನ್ನು ದೊಡ್ಡ ಪ್ರಮಾಣದಲ್ಲಿ ತೆಗೆದುಕೊಳ್ಳುವುದರಿಂದ ಅನೇಕ ಅನಾನುಕೂಲಗಳಿವೆ. ಅವುಗಳನ್ನು ಸರಿಯಾಗಿ ಮತ್ತು ಸರಿಯಾದ ಪ್ರಮಾಣದಲ್ಲಿ ಸೇವಿಸದಿದ್ದರೆ, ಅವು ಅನೇಕ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ಇದು ಹೃದಯಾಘಾತ ಅಥವಾ ಹಠಾತ್ ಹೃದಯ ಸ್ತಂಭನಕ್ಕೂ ಕಾರಣವಾಗಬಹುದು. ಮೂತ್ರಪಿಂಡ ವೈಫಲ್ಯ, ಯಕೃತ್ತಿನ ಹಾನಿ, ವೃಷಣಗಳ ಕುಗ್ಗುವಿಕೆಗೆ ಸ್ಟೀರಾಯ್ಡ್‌ಗಳು ಕಾರಣವಾಗಿವೆ.

ಇದಕ್ಕೂ ಮುನ್ನ ಬರೋಬ್ಬರಿ 108 ಕೆಜಿ ತೂಕ ಇಳಿಸಿಕೊಂಡು ಸುದ್ದಿಯಾಗಿದ್ದರು. ಆ ಸಂದರ್ಭದಲ್ಲಿ ಅವರಿಗೆ ಸಹಾಯ ಮಾಡಿದ್ದು ಖ್ಯಾತ ಫಿಟ್ನೆಸ್ ಕೋಚ್ ವಿನೋದ್ ಚನ್ನಾ. ಪ್ರತಿದಿನ ಸುಮಾರು 5 ಗಂಟೆಗಳ ಕಾಲ ವ್ಯಾಯಾಮ ಮಾಡುತ್ತಿದ್ದ ಅನಂತ್‌ 21 ಕಿಲೋಮೀಟರ್ ನಡಿಗೆ ಮತ್ತು ಯೋಗ ಮಾಡುತ್ತಿದ್ದರು. ಜೊತೆಗೆ ಹೆಚ್ಚಿನ ಫೈಬರ್ ಮತ್ತು ಕಡಿಮೆ ಕಾರ್ಬೋಹೈಡ್ರೇಟ್ ಹೊಂದಿರುವ ಹಣ್ಣುಗಳು ಮತ್ತು ತರಕಾರಿಗಳನ್ನು ತಿನ್ನುತ್ತಿದ್ದರು. ಅತ್ಯಂತ ಮುಖ್ಯವಾದ ವಿಷಯವೆಂದರೆ ಎಣ್ಣೆಯುಕ್ತ ಆಹಾರ ಮತ್ತು ಸಿಹಿ ಪದಾರ್ಥಗಳನ್ನು ಬಿಟ್ಟಿದ್ದೇ ಅಷ್ಟೊಂದು ತೂಕ ಇಳಿಕೆ ಮಾಡಲು ಸಹಾಯ ಮಾಡಿತ್ತು. 

ತೂಕವನ್ನು ಕಳೆದುಕೊಂಡ ನಂತರ, ಅದನ್ನು ಕಾಪಾಡಿಕೊಳ್ಳುವುದು ಅಷ್ಟೇ ಮುಖ್ಯ. ಆದರೆ ಅನಾರೋಗ್ಯದ ಕಾರಣದಿಂದ ಮತ್ತೆ ಅನಂತ್‌ ಅವರ ತೂಕ ಹೆಚ್ಚಳವಾಗಿದೆ. ಇದೀಗ ರಾಧಿಕಾ ಜೊತೆ ವಿವಾಹವಾಗಿರುವ ಅನಂತ್‌ ಸುಖ ಸಂಸಾರ ನಡೆಸುತ್ತದ್ದಾರೆ. 

ಸೂಚನೆ: ಈ ಲೇಖನವು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ಇದು ಯಾವುದೇ ರೀತಿಯಲ್ಲಿ ಯಾವುದೇ ಔಷಧಿ ಅಥವಾ ಚಿಕಿತ್ಸೆಗೆ ಬದಲಿಯಾಗಿರಲು ಸಾಧ್ಯವಿಲ್ಲ. ಹೆಚ್ಚಿನ ಮಾಹಿತಿಗಾಗಿ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.