ದಿನದ ಒಂದು ಹೊತ್ತು ಈ ಆಹಾರ ಸೇವಿಸಿದರೆ ಸಾಕು ದಡೂತಿ ದೇಹ ಕೂಡಾ ಬಳುಕುವ ಬಳ್ಳಿಯಂತಾಗುವುದು!ವೇಟ್ ಲಾಸ್ ಮಾಡುವವರು ಈ ಆಹಾರವನ್ನೇ ಸೇವಿಸುವುದು !

ಬೊಜ್ಜು ಕಡಿಮೆ ಮಾಡಲು ಮತ್ತು ದೇಹದಲ್ಲಿ ಸಂಗ್ರಹವಾದ ಕೊಬ್ಬನ್ನು ಕರಗಿಸಲು ಫೈಬರ್ ಸಮೃದ್ಧವಾಗಿರುವ ಆಹಾರಗಳು ಅತ್ಯಗತ್ಯ.ಇವು ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ ಮತ್ತು ಆರೋಗ್ಯಕರ ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ. ಕರುಳಿನ ಆರೋಗ್ಯವು ಉತ್ತಮವಾಗಿಲ್ಲ ಎಂದಾದರೆ ಯಾವುದೇ ಕಾರಣಕ್ಕೂ ತೂಕ ಇಳಿಸಿಕೊಳ್ಳಲು ಸಾಧ್ಯವಿಲ್ಲ.  

ಓಟ್ಸ್: ಓಟ್ಸ್ ನಲ್ಲಿ ಕರಗುವ ನಾರು ಅಧಿಕವಾಗಿದ್ದು, ಇದು ಕೊಬ್ಬನ್ನು ಸುಡಲು ಮತ್ತು ದೇಹದ ತೂಕವನ್ನು ಆರೋಗ್ಯಕರವಾಗಿ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.  ಉಪಾಹಾರದಲ್ಲಿ ಓಟ್ಸ್ ಗಂಜಿ ಅಥವಾ ಓಟ್ಸ್ ದೋಸೆಯನ್ನು ಸೇರಿಸಿಕೊಳ್ಳುವುದರಿಂದ  ತೂಕ ಇಳಿಸಿಕೊಳ್ಳಲು ಸಹಾಯವಾಗುವುದು.

ಚಿಯಾ ಬೀಜಗಳು: ನಾರಿನಂಶದಿಂದ ಸಮೃದ್ಧವಾಗಿರುವ ಚಿಯಾ ಬೀಜಗಳು ದೀರ್ಘಕಾಲದವರೆಗೆ ಹೊಟ್ಟೆ ತುಂಬಿರುವಂತೆ ಮಾಡುತ್ತದೆ. ಆದರೆ ಅವುಗಳನ್ನು ತಿನ್ನುವ ಮೊದಲು ರಾತ್ರಿಯಿಡೀ ನೆನೆಸಿಡಬೇಕು.ಇಲ್ಲದಿದ್ದರೆ, ಅವು ಜೀರ್ಣಕ್ರಿಯೆಯ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಬೀನ್ಸ್: ಬೀನ್ಸ್, ಸಾಮಾನ್ಯವಾಗಿ, ಪ್ರೋಟೀನ್ ಮತ್ತು ಫೈಬರ್‌ನ ಉತ್ತಮ ಮೂಲವಾಗಿದೆ. ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಇದು ಉತ್ತಮ ಆಯ್ಕೆಯಾಗಿದೆ.

ಬ್ರೊಕೊಲಿ: ಲೆಕ್ಕವಿಲ್ಲದಷ್ಟು ಪೋಷಕಾಂಶಗಳಿಂದ ತುಂಬಿರುವ ಬ್ರೊಕೊಲಿ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುವುದಲ್ಲದೆ, ಆರೋಗ್ಯವನ್ನು ಹಲವು ವಿಧಗಳಲ್ಲಿ ಸುಧಾರಿಸುತ್ತದೆ.ಆದರೆ ಇದನ್ನು ಬೇಯಿಸುವುದರಿಂದ ಪೋಷಕಾಂಶಗಳ ನಷ್ಟವಾಗಬಹುದು. 

ಸೇಬು: ಸೇಬು ಪೋಷಕಾಂಶಗಳ ಆಗರವಾಗಿದ್ದು, ಕರುಳಿಗೆ ಪ್ರಯೋಜನಕಾರಿಯಾದ ಕರಗುವ ನಾರು ಪೆಕ್ಟಿನ್‌ ಇದರಲ್ಲಿ ಅಧಿಕ ಪ್ರಮಾಣದಲ್ಲಿದೆ. ಸೇಬಿನ ಸಂಪೂರ್ಣ ಪ್ರಯೋಜನಗಳನ್ನು ಪಡೆಯಲು, ಅವುಗಳನ್ನು ಸಿಪ್ಪೆಯೊಂದಿಗೆ ತಿನ್ನಬೇಕು ಎನ್ನುವುದು ನೆನಪಿರಲಿ.   

ಕ್ಯಾರೆಟ್: ಕ್ಯಾರೆಟ್ ಕರಗದ ನಾರಿನಂಶದಿಂದ ಸಮೃದ್ಧವಾಗಿದೆ. ಇದು ಜೀರ್ಣಕ್ರಿಯೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಕ್ಯಾರೆಟ್ ಅನ್ನು ಹಸಿಯಾಗಿ ತಿನ್ನುವ ಬದಲು ಸ್ವಲ್ಪ ಬೇಯಿಸಿ ತಿಂದರೆ, ಅವುಗಳಲ್ಲಿರುವ ಬೀಟಾ-ಕ್ಯಾರೋಟಿನ್ ಅನ್ನು ದೇಹವು ಸಂಪೂರ್ಣವಾಗಿ ಹೀರಲ್ಪಡುತ್ತದೆ.

ಸೂಚನೆ : ಈ ಲೇಖನವನ್ನು ಸಾಮಾನ್ಯ ಮಾಹಿತಿ ಮತ್ತು ಮನೆ ಮದ್ದಿನ ಆಧಾರದಲ್ಲಿ ಬರೆಯಲಾಗಿದೆ. ಜೀ ನ್ಯೂಸ್ ಕನ್ನಡ ಇದನ್ನು ಅನುಮೋದಿಸುವುದಿಲ್ಲ.