Betel Leaves benefits: ಬಿಳಿ ಕೂದಲು ಕಪ್ಪಾಗಿಸಲು ಕೆಲವು ಉತ್ತಮ ನೈಸರ್ಗಿಕ ಪರಿಹಾರಗಳಿವೆ. ಇದರಿಂದ ಕೂದಲು ಕಪ್ಪಾಗುವುದರ ಜೊತೆಗೆ ಉದ್ದ ದಪ್ಪವಾಗಿ ಬೆಳೆಯುತ್ತವೆ.
ವೀಳ್ಯದೆಲೆ ಊಟದ ಬಳಿಕ ತಿಂದರೆ ಜೀರ್ಣಕ್ರಿಯೆಗೆ ಮಾತ್ರವಲ್ಲದೆ ವಿವಿಧ ರೋಗಗಳನ್ನು ತಡೆಯಲು ಸಹಕಾರಿಯಾಗಿದೆ. ವಿಟಮಿನ್ ಎ, ಸಿ, ಬಿ1, ಬಿ2, ಪೊಟ್ಯಾಸಿಯಮ್, ಥಯಾಮಿನ್, ನಿಯಾಸಿನ್ ಮತ್ತು ರೈಬೋಫ್ಲಾವಿನ್ ನಂತಹ ಪೋಷಕಾಂಶಗಳು ವೀಳ್ಯದ ಎಲೆಗಳಲ್ಲಿ ಕಂಡುಬರುತ್ತವೆ.
ವೀಳ್ಯದೆಲೆ ಕೂದಲು ಉದುರುವಿಕೆಯನ್ನು ತಡೆಯಲು ಸಹಾಯ ಮಾಡುತ್ತವೆ. ವೀಳ್ಯದ ಎಲೆಗಳನ್ನು ಬಳಸುವುದರಿಂದ ನೆತ್ತಿಯ ತುರಿಕೆ ಪರಿಹರಿಸಬಹುದು. ಬಿಳಿ ಕೂದಲನ್ನು ಕಪ್ಪಾಗಿಸಲು ಸಹ ವೀಳ್ಯದೆಲೆ ಪ್ರಯೋಜನಕಾರಿಯಾಗಿದೆ.
ಒಂದು ಪಾತ್ರೆಯಲ್ಲಿ 15-20 ವೀಳ್ಯದೆಲೆಗಳನ್ನು ಕುದಿಸಿ. ನೀರನ್ನು ತಣ್ಣಗಾಗಿಸಿ. ಈ ನೀರಿನಿಂದ ಕೂದಲನ್ನು ತೊಳೆಯಬಹುದು. ಆಂಟಿಮೈಕ್ರೊಬಿಯಲ್ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ವೀಳ್ಯದೆಲೆ ಹೊಂದಿವೆ. ತಲೆಹೊಟ್ಟು ಸಮಸ್ಯೆಯನ್ನು ಪರಿಹರಿಸುತ್ತದೆ.
ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ 5-6 ವೀಳ್ಯದೆಲೆಗಳನ್ನು ಅಗಿದು ತಿನ್ನಬಹುದು. 10-15 ವೀಳ್ಯದೆಲೆಗಳನ್ನು ನೀರಿನಲ್ಲಿ ನೆನೆಸಿಟ್ಟು, ಕುದಿಸಿ ಕುಡಿಯಬಹುದು. ಇದು ಕೂದಲು ಉದುರುವಿಕೆಯನ್ನು ನಿಯಂತ್ರಿಸುವುದಲ್ಲದೆ ಬಿಳಿ ಕೂದಲನ್ನು ಸಹ ತಡೆಯುತ್ತದೆ.
ಬಿಳಿ ಕೂದಲನ್ನು ಕಪ್ಪಾಗಿಸಲು ವೀಳ್ಯದೆಲೆ ಮತ್ತು ತುಪ್ಪದ ಹೇರ್ ಪ್ಯಾಕ್ ಬಳಸಬಹುದು. 15-20 ವೀಳ್ಯದೆಲೆಗಳನ್ನು ಪೇಸ್ಟ್ ಮಾಡಿ. ಅದಕ್ಕೆ 1 ಚಮಚ ತುಪ್ಪ ಸೇರಿಸಿ. ಕೂದಲು ತೊಳೆಯುವ ಕನಿಷ್ಠ 1 ಗಂಟೆ ಮೊದಲು ಹಚ್ಚಿ ನಂತರ ಕೂದಲನ್ನು ತೊಳೆಯಿರಿ.
10 ರಿಂದ 15 ವೀಳ್ಯದೆಲೆಗಳನ್ನು ತೆಂಗಿನಕಾಯಿ ಅಥವಾ ಸಾಸಿವೆ ಎಣ್ಣೆಯಲ್ಲಿ ಕಡಿಮೆ ಉರಿಯಲ್ಲಿ ಕುದಿಸಬೇಕು. ವೀಳ್ಯದ ಎಲೆಗಳು ಕಪ್ಪು ಬಣ್ಣಕ್ಕೆ ತಿರುಗಿದಾಗ ಗ್ಯಾಸ್ ಆಫ್ ಮಾಡಿ. ಈ ಎಣ್ಣೆಯನ್ನು ಶೋಧಿಸಿ ಕೂದಲಿನ ಉದ್ದಕ್ಕೂ ಚೆನ್ನಾಗಿ ಹಚ್ಚಿ. ರಾತ್ರಿಯಿಡೀ ಬಿಟ್ಟು ಬೆಳಗೆದ್ದು ತಲೆಸ್ನಾನ ಮಾಡಿ.
ಸೂಚನೆ: ಈ ಲೇಖನವು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಇದನ್ನು ಖಚಿತಪಡಿಸುವುದಿಲ್ಲ. ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ತಪ್ಪದೇ ತೆಗೆದುಕೊಳ್ಳಿ.
