ಈ 47ರ ವಯಸ್ಸಿನ ನಟಿಗೆ ಮದುವೆ ಆಗೋಕೆ ಇಷ್ಟವಿಲ್ಲ, ಆದ್ರೆ ಜೊತೆಗೆ ಇರೋಕೆ ಗಂಡ ಬೇಕಂತೆ.!

ನಟಿ ದಿವ್ಯಾ ದತ್ತಾ.. ಅನೇಕ ಬಾಲಿವುಡ್ ತಾರೆಯರು ಬಹಳ ಸಂಭ್ರಮದಿಂದ ಮದುವೆಯಾಗುತ್ತಿದ್ದರೆ, ಈ ಚೆಲುವೆ ಮಾತ್ರ ಇಂದಿಗೂ ಸ್ವಾತಂತ್ರ್ಯ ಮತ್ತು ಒಂಟಿತನದ ಹಾದಿಯನ್ನು ಆರಿಸಿಕೊಂಡಿದ್ದಾರೆ.   

ಇದೀಗ ಅವರು ಮದುವೆ ಕುರಿತ ತಮ್ಮ ಆಲೋಚನೆಗಳ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. 'ಹಿಂದಿ ರಶ್' ಗೆ ನೀಡಿದ ಸಂದರ್ಶನದಲ್ಲಿ ದಿವ್ಯಾ, ಒಳ್ಳೆಯ ಸಂಗಾತಿ ಸಿಕ್ಕರೆ ಮದುವೆಯಾಗುತ್ತೇನೆ ಎಂದಿದ್ದಾರೆ ದಿವ್ಯಾ.  

ಅಲ್ಲದೆ, ಮದುವೆ ಇಲ್ಲದಿದ್ದರೂ ನನ್ನ ಜೀವನ ಸುಂದರವಾಗಿ ಸಾಗುತ್ತದೆ. ಡಿವೋರ್ಸ್‌ ಪಡೆದು ನಕರ ಅನುಭವಿಸುವುದಕ್ಕಿಂತ ಒಂಟಿಯಾಗಿ ಉಳಿದು ಸುಂದರ ಜೀವನ ಕಟ್ಟಿಕೊಳ್ಳುವುದು ಉತ್ತಮ ಅಂತ.. ನಟಿ ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ.  

ದಿವ್ಯಾ ಅವರು ಮದುವೆಯಾಗಲು ಬಯಸುವುದಿಲ್ಲವಂತೆ.. ಆದರೆ ತಮ್ಮ ಜೊತೆ ಜೀವನದುದ್ದಕ್ಕೂ ಪ್ರಯಾಣಿಸಬಹುದಾದ ಸಂಗಾತಿಯನ್ನು ಬಯಸುತ್ತಿರುವುದಾಗಿ ತಿಳಿಸಿದ್ದಾರೆ. ಇದು ನಡೆಯದಿದ್ದರೂ, ತಾವು ಒಂಟಿಯಾಗಿ ಸಂತೋಷವಾಗಿದ್ದೇನೆ ಅಂತ ಹೇಳಿಕೊಂಡಿದ್ದಾರೆ.   

ಇನ್ನು ದಿವ್ಯಾ ಅವರ ಸಿನಿಮಾಗಳ ಬಗ್ಗೆ ಮಾತನಾಡುವುದಾದರೆ, ಅವರು ಕೊನೆಯದಾಗಿ 'ಛಾವಾ' ಎಂಬ ಐತಿಹಾಸಿಕ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ವಿಕ್ಕಿ ಕೌಶಲ್, ರಶ್ಮಿಕಾ ಮಂದಣ್ಣ ಮತ್ತು ಅಕ್ಷಯ್ ಖನ್ನಾ ಜೊತೆ ಛಾವಾದಲ್ಲಿ ಕೆಲಸ ಮಾಡಿದ್ದರು.  

ಲಕ್ಷ್ಮಣ್ ಉಟೇಕರ್ ನಿರ್ದೇಶಿಸಿದ ಛಾವಾ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಭಾರಿ ಯಶಸ್ಸನ್ನು ಕಂಡಿತು. ಈ ಚಿತ್ರವು ವಿಶ್ವಾದ್ಯಂತ 807.88 ಕೋಟಿ ರೂ.ಗಳನ್ನು ಗಳಿಸಿತು. ಈ ಚಿತ್ರವು ಪ್ರಸ್ತುತ ನೆಟ್‌ಫ್ಲಿಕ್ಸ್‌ನಲ್ಲಿ ಲಭ್ಯವಿದೆ.  

ಪ್ರಸ್ತುತ ದಿವ್ಯಾ 'ನಾಸ್ತಿಕ್' ಎಂಬ ಚಿತ್ರದಲ್ಲಿ ಅರ್ಜುನ್ ರಾಂಪಾಲ್ ಜೊತೆ ಕಾಣಿಸಿಕೊಳ್ಳಲಿದ್ದಾರೆ. ಶೈಲೇಶ್ ವರ್ಮಾ ನಿರ್ದೇಶನದ ಈ ಚಿತ್ರದಲ್ಲಿ ಇಹಾನಾ ಧಿಲ್ಲೋನ್ ಮತ್ತು ಹರ್ಷಾಲಿ ಮಲ್ಹೋತ್ರಾ ಕೂಡ ನಟಿಸಿದ್ದಾರೆ.