EPFO ನಿಯಮಗಳಲ್ಲಿ ಬಹುದೊಡ್ಡ ಬದಲಾವಣೆ !ಕೇಂದ್ರ ಸರ್ಕಾರದ ಮಹತ್ವದ ಹೆಜ್ಜೆ
ಭವಿಷ್ಯ ನಿಧಿಗೆ ಸಂಬಂಧಿಸಿದ ನಿಯಮಗಳನ್ನು ಸರ್ಕಾರ ಬದಲಾಯಿಸಿದೆ. ಇಪಿಎಫ್ ಸದಸ್ಯರು ಈ ಬದಲಾವಣೆಯನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ.
EPFO ಹೊಸ ನಿಯಮಗಳಿಂದಾಗಿ ಪಾಸ್‌ಬುಕ್ ವೀಕ್ಷಣೆ, ಆನ್‌ಲೈನ್ ಕ್ಲೈಮಿಂಗ್, ಟ್ರ್ಯಾಕಿಂಗ್ ಮತ್ತು ಹಿಂಪಡೆಯುವಿಕೆಯಂತಹ ಎಲ್ಲಾ ಪ್ರಕ್ರಿಯೆಗಳು ಮೊದಲಿಗಿಂತ ಸುಲಭವಾಗುತ್ತವೆ. ಆದರೆ ಉದ್ಯೋಗಿಗಳು ಮೊದಲು ಈ ಒಂದು ಕೆಲಸವನ್ನು ಮಾಡುವ ಅಗತ್ಯವಿದೆ.
ಫಲಾನುಭವಿಗಳಿಗೆ ನೇರವಾಗಿ ಮತ್ತು ಪಾರದರ್ಶಕವಾಗಿ ಯೋಜನೆಗಳ ಪ್ರಯೋಜನಗಳನ್ನು ಒದಗಿಸಲು ಆಧಾರ ಪೇಮೆಂಟ್ ಬ್ರಿಜ್ ಮತ್ತು 100% ಬಯೋಮೆಟ್ರಿಕ್ ಆಧಾರ್ ದೃಢೀಕರಣವನ್ನು ಜಾರಿಗೊಳಿಸಲು ಕೇಂದ್ರ ಸರ್ಕಾರವು ನಿರ್ದೇಶನಗಳನ್ನು ನೀಡಿದೆ.
ಈ ನಿಟ್ಟಿನಲ್ಲಿ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯವು 2024-25ರ ಕೇಂದ್ರ ಬಜೆಟ್‌ನಲ್ಲಿ ಘೋಷಿಸಲಾದ ಉದ್ಯೋಗ ಲಿಂಕ್ಡ್ ಇನ್ಸೆಂಟಿವ್ (ELI) ಯೋಜನೆಯ ಪ್ರಯೋಜನಗಳನ್ನು ಗರಿಷ್ಠ ಉದ್ಯೋಗದಾತರು ಮತ್ತು ಉದ್ಯೋಗಿಗಳಿಗೆ ವಿಸ್ತರಿಸಲು ವಿಶೇಷ ಅಭಿಯಾನವನ್ನು ನಡೆಸಲು EPFO ಗೆ ನಿರ್ದೇಶನ ನೀಡಿದೆ.
ಮೊದಲ ಹಂತದಲ್ಲಿ, ಉದ್ಯೋಗದಾತರು / ಸಂಸ್ಥೆಗಳು ತಮ್ಮ ಉದ್ಯೋಗಿಗಳ UAN ಯನ್ನು ಆಧಾರ್ ಆಧಾರಿತ OTP ಪ್ರಕ್ರಿಯೆಯ ಮೂಲಕ 30 ನವೆಂಬರ್ 2024 ರೊಳಗೆ ಸಕ್ರಿಯಗೊಳಿಸಬೇಕಾಗುತ್ತದೆ. ಈ ಪ್ರಕ್ರಿಯೆಯು ಹೊಸ ನೇಮಕದಿಂದ ಅಸ್ತಿತ್ವದಲ್ಲಿರುವ ಎಲ್ಲಾ ಉದ್ಯೋಗಿಗಳಿಗೆ ಅನ್ವಯಿಸುತ್ತದೆ.
UAN ಸಕ್ರಿಯಗೊಳಿಸಿದ ನಂತರ, EPF ಚಂದಾದಾರರು EPFOನ ಎಲ್ಲಾ ಆನ್‌ಲೈನ್ ಸೇವೆಗಳನ್ನು ಸುಲಭವಾಗಿ ಪಡೆಯಬಹುದು. ಈ ಮೂಲಕ ಪಿಎಫ್ ಪಾಸ್‌ಬುಕ್ ವೀಕ್ಷಿಸಿ ಮತ್ತು ಡೌನ್‌ಲೋಡ್ , ಆನ್‌ಲೈನ್‌ನಲ್ಲಿ ಕ್ಲೈಮ್‌ಗಳ ಸಲ್ಲಿಕೆ, ವೈಯಕ್ತಿಕ ಮಾಹಿತಿಯ ಅಪ್ಡೇಟ್, ಕ್ಲೈಮ್‌ಗಳ ನೈಜ ಸಮಯದ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡಬಹುದು.