ರಾತ್ರಿಯ ಊಟ ಬಿಡುವುದು ತೂಕ ಇಳಿಕೆಗೆ ಸಹಾಯ ಮಾಡುತ್ತದೆಯೇ?

1 /10

ಕಡಿಮೆ ಆಹಾರ ಸೇವಿಸುವುದರಿಂದ ತೂಕ ಇಳಿಕೆಯಾಗುತ್ತದೆ ಎಂಬುದು ನಮ್ಮಲ್ಲಿ ಸಾಮಾನ್ಯ ನಂಬಿಕೆಯಾಗಿದೆ. ಆದರೆ ಸತ್ಯ ಬೇರೆಯೇ ಇದೆ. ಯಾರಾದರೂ ನಿಮಗೆ ಊಟ ಬಿಟ್ಟುಬಿಡುವುದರಿಂದ ನಿಮ್ಮ ತೂಕ ಕಡಿಮೆಯಾಗುತ್ತದೆ ಎಂದು ಸಲಹೆ ನೀಡುತ್ತಿದ್ದರೆ, ಆ ಸಲಹೆ ಸಂಪೂರ್ಣವಾಗಿ ತಪ್ಪು.  

2 /10

ಊಟ ಬಿಡುವುದು ಆರೋಗ್ಯಕ್ಕೆ ಹಾನಿಕಾರಕ ಮತ್ತು ತೂಕವನ್ನು ಕಡಿಮೆ ಮಾಡುವ ಬದಲು ಅದು ಹೆಚ್ಚಾಗಬಹುದು. ಹೀಗೆ ಮಾಡುವುದರಿಂದ ದೇಹಕ್ಕೆ ಸಾಕಷ್ಟು ಪೋಷಕಾಂಶಗಳು ಸಿಗುವುದಿಲ್ಲ.  

3 /10

ಜರ್ನಲ್ ಆಫ್ ಕ್ಲಿನಿಕಲ್ ಎಂಡೋಕ್ರೈನಾಲಜಿ & ಮೆಟಾಬಾಲಿಸಮ್ ಆಫ್ ದಿ ಎಂಡೋಕ್ರೈನ್ ಸೊಸೈಟಿಯಲ್ಲಿ ಪ್ರಕಟವಾದ ಅಧ್ಯಯನವು 'ಭಾರವಾದ ಉಪಹಾರ ಮತ್ತು ಲಘು ಭೋಜನ' ನಿಮ್ಮನ್ನು ಫಿಟ್ ಆಗಿ ಮತ್ತು ಉತ್ತಮವಾಗಿರಿಸಲು ಸಹಾಯ ಮಾಡುತ್ತದೆ ಎಂದು ಕಂಡುಹಿಡಿದಿದೆ. ಇದು ಬೊಜ್ಜು ಮತ್ತು ಅಧಿಕ ರಕ್ತದ ಸಕ್ಕರೆಯನ್ನು ಸಹ ತಡೆಯಬಹುದು.  

4 /10

ತೂಕ ಇಳಿಕೆ ತರಬೇತುದಾರ ಡಾ. ಸ್ನೇಹಲ್ ಅಲ್ಸುಲೆ ಹೇಳುವಂತೆ, "ರಾತ್ರಿಯ ಊಟ ಬಿಡುವುದು ತೂಕ ಬೇಗನೆ ಕಡಿಮೆ ಮಾಡುತ್ತದೆ ಎಂದು ನೀವು ಭಾವಿಸಿದರೆ, ಅದು ಹಾಗಲ್ಲ. ತುಂಬಾ ಕಡಿಮೆ ಕ್ಯಾಲೊರಿಗಳನ್ನು ಸೇವಿಸಿದರೆ, ದೇಹವು ಹಸಿವಿನ ಸ್ಥಿತಿಗೆ ಹೋಗುತ್ತದೆ ಮತ್ತು ಕೊಬ್ಬಿನ ಸಂಗ್ರಹವನ್ನು ಹಿಡಿದಿಟ್ಟುಕೊಳ್ಳುತ್ತದೆ. ನೀವು ಹೀಗೆ ಮಾಡುತ್ತಲೇ ಇದ್ದರೆ, ತೂಕ ಇಳಿಸುವ ಬದಲು, ನಿಜವಾಗಿಯೂ ತೂಕ ಹೆಚ್ಚಾಗಬಹುದು"  

5 /10

ಭೋಜನವು ದಿನದ ಪ್ರಮುಖ ಊಟಗಳಲ್ಲಿ ಒಂದಾಗಿದೆ. ಏಕೆಂದರೆ ಇದು ನಿಮ್ಮ ದೇಹದ ಎಲ್ಲಾ ಕಾರ್ಯಗಳನ್ನು ಸರಿಯಾಗಿ ನಿರ್ವಹಿಸಲು ಸಾಕಷ್ಟು ಪೋಷಣೆ ಮತ್ತು ಶಕ್ತಿಯನ್ನು ನೀಡುತ್ತದೆ. ಆದರೆ ಭೋಜನವನ್ನುಬಿಟ್ಟಾಗ, ಆಲಸ್ಯ ಮತ್ತು ದುರ್ಬಲರಾಗುತ್ತೀರಿ. ಇದು ನಿಮ್ಮ ಕೆಲಸಕ್ಕೆ ಇನ್ನಷ್ಟು ಅಡ್ಡಿಪಡಿಸಬಹುದು. ಇದರೊಂದಿಗೆ ನಿಮ್ಮ ನಿದ್ರೆಯ ಚಕ್ರದ ಮೇಲೂ ಪರಿಣಾಮ ಬೀರುತ್ತದೆ.  

6 /10

ಊಟ ಬಿಡುವುದರಿಂದ ನಿಮ್ಮ ಚಯಾಪಚಯ ಕ್ರಿಯೆ ನಿಧಾನವಾಗಬಹುದು. ಇದು ತೂಕ ಹೆಚ್ಚಾಗಲು ಅಥವಾ ತೂಕ ಇಳಿಸಿಕೊಳ್ಳಲು ಕಷ್ಟವಾಗಬಹುದು. ತುಂಬಾ ಕಡಿಮೆ ಕ್ಯಾಲೊರಿಗಳನ್ನು ಸೇವಿಸಿದರೆ, ನಿಮ್ಮ ದೇಹವು ಸಂರಕ್ಷಣಾ ಕ್ರಮಕ್ಕೆ ಹೋಗುತ್ತದೆ, ಇದು ನಿಮ್ಮ ಚಯಾಪಚಯ ಕ್ರಿಯೆಯನ್ನು ನಿಧಾನಗೊಳಿಸುತ್ತದೆ.  

7 /10

ಊಟ ಬಿಡುವುದರಿಂದ ತೂಕ ಕಡಿಮೆಯಾಗುತ್ತದೆ ಎಂದು ನೀವು ಭಾವಿಸಿದರೆ ಅದು ತಪ್ಪು. ಇದು ತೂಕ ಮತ್ತು ಒತ್ತಡವನ್ನು ಹೆಚ್ಚಿಸುತ್ತದೆ. ಯಾವುದೇ ಸಮಯದಲ್ಲಿ ಊಟವನ್ನು ಬಿಟ್ಟುಬಿಡುವುದರಿಂದ ದೇಹದಲ್ಲಿ ಒತ್ತಡ ಉಂಟಾಗುತ್ತದೆ.  

8 /10

ಊಟ ಬಿಟ್ಟುಬಿಟ್ಟಾಗ ಅಥವಾ ದೀರ್ಘಕಾಲದವರೆಗೆ ತಿನ್ನದೆ ಇದ್ದಾಗ, ದೇಹವು ಬದುಕುಳಿಯುವ ಅಥವಾ ಸಂರಕ್ಷಣಾ ಕ್ರಮಕ್ಕೆ ಹೋಗುತ್ತದೆ. ಇದು ನಿಮ್ಮ ಜೀವಕೋಶಗಳು ಮತ್ತು ದೇಹವನ್ನು ಆಹಾರಕ್ಕಾಗಿ ಹಂಬಲಿಸಲು ಪ್ರೇರೇಪಿಸುತ್ತದೆ. ಅಷ್ಟೇ ಅಲ್ಲದೆ, ಇದು ನಿಮ್ಮನ್ನು ಯಾವುದೇ ಸಮಯದಲ್ಲಿ ಜಂಕ್ ಫುಡ್ ಅಥವಾ ಸಂಸ್ಕರಿಸಿದ ಆಹಾರವನ್ನು ತಿನ್ನುವಂತೆ ಮಾಡುತ್ತದೆ. ಊಟವನ್ನು ಬಿಟ್ಟುಬಿಡುತ್ತಿದ್ದರೆ, ತಪ್ಪು ಪರ್ಯಾಯಗಳು ನಿಮಗೆ ಹೆಚ್ಚು ಇಷ್ಟವಾಗಲು ಪ್ರಾರಂಭಿಸುತ್ತವೆ.  

9 /10

ಡಾ. ಸ್ನೇಹಲ್ ಹೇಳುವಂತೆ, "ರಾತ್ರಿ ಊಟ ಬಿಡುವುದು ಎಂದರೆ ತೂಕ ಇಳಿಸಿಕೊಳ್ಳುವುದು ಎಂದರ್ಥವಲ್ಲ. ತೂಕ ನಷ್ಟವು ಮನಸ್ಥಿತಿಯಿಂದ ಪ್ರಾರಂಭವಾಗುತ್ತದೆ".  

10 /10

 ಸೂಚನೆ: ಪ್ರಿಯ ಓದುಗರೇ, ಈ ಸುದ್ದಿಯನ್ನು ಓದಿದ್ದಕ್ಕಾಗಿ ಧನ್ಯವಾದಗಳು. ಈ ಸುದ್ದಿಯನ್ನು ನಿಮಗೆ ತಿಳಿಸಲು ಮಾತ್ರ ಬರೆಯಲಾಗಿದೆ. ಇದನ್ನು ಬರೆಯುವಾಗ ನಾವು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯ ಸಹಾಯವನ್ನು ಪಡೆದುಕೊಂಡಿದ್ದೇವೆ. ಜೀ ಕನ್ನಡ ನ್ಯೂಸ್‌ ಇದನ್ನು ಖಚಿತಪಡಿಸುವುದಿಲ್ಲ.