ಚಿನ್ನದ ನಾಗಾಲೋಟಕ್ಕೆ ಬಿತ್ತು ಬ್ರೇಕ್ !ಬಂಗಾರದ ಬೆಲೆಯಲ್ಲಿ ಮತ್ತೆ ಕುಸಿತ ! ಹಿಂದಿನ ಸ್ತರ ತಲುಪುವ ದಿನ ಸನ್ನಿಹಿತ

ಚಿನ್ನದ ನಾಗಾಲೋಟಕ್ಕೆ ಬ್ರೇಕ್ ಬಿದ್ದಿದೆ. ಸತತ ಎರಡನೇ ದಿನವೂ ಚಿನ್ನದ ಬೆಲೆಯಲ್ಲಿ ಇಳಿಕೆ ಕಂಡಿದೆ. ಫ್ಯೂಚರ್ಸ್ ಮಾರುಕಟ್ಟೆಯಲ್ಲಿ ಚಿನ್ನ ತೀವ್ರವಾಗಿ ಕುಸಿದಿದೆ.   

ತಜ್ಞರ ಪ್ರಕಾರ ಮುಂದಿನ ದಿನಗಳಲ್ಲಿ ಬಂಗಾರದ ಬೆಲೆ ಭಾರೀ ಮಟ್ಟದಲ್ಲಿ ಇಳಿಕೆ ಕಾಣಲಿದೆ. ಚಿನ್ನದ ಪೂರೈಕೆ ಹೆಚ್ಚುತ್ತಿರುವುದೇ ಇದಕ್ಕೆ ಕಾರಣವಾಗಿರಲಿದೆ. ಒಂದು ಅಂದಾಜಿನ ಪ್ರಕಾರ ಚಿನ್ನದ ಬೆಲೆ ಮತ್ತೆ 60 ಸಾವಿರ ಆಸುಪಾಸಿಗೆ ತಲುಪಿದರೂ ಆಶ್ಚರ್ಯ ಇಲ್ಲ.   

ಇದೀಗ ಈ ಅಂದಾಜಿನ ಪ್ರಕಾರವೇ ದಿನೇ ದಿನೇ ಬಂಗಾರದ ಬೆಲೆಯಲ್ಲಿಯೂ ಕುಸಿತ ದಾಖಲಾಗುತ್ತಿದೆ. ಆಭರಣ ಖರೀದಿಸಬೇಕು ಎನ್ನುವವರಿಗೆ ಇದು  ಖಂಡಿತವಾಗಿಯೂ ಶುಭ ಸುದ್ದಿ. 

ಭಾರತೀಯ ಫ್ಯೂಚರ್ಸ್ ಮಾರುಕಟ್ಟೆಯಲ್ಲಿ (MCX) ಚಿನ್ನವು 843 ರೂ.ಗಳಷ್ಟು ಕುಸಿದು 96,330 ಕ್ಕೆ ವಹಿವಾಟು ನಡೆಸುತ್ತಿದೆ. ಆಗಸದೆತ್ತರಕ್ಕೆ ಹಾರಿದ ಬೆಳ್ಳಿ ಬೆಲೆ ಕೂಡಾ ಇಂದು ಕೆಳಗಿಳಿದಿದೆ. ಬೆಳ್ಳಿ ದರದಲ್ಲಿ 455 ರೂ.ಗಳಷ್ಟು ಕುಸಿತ ದಾಖಲಾಗಿದೆ. 

ಇಂಡಿಯಾ ಬುಲಿಯನ್ ಮತ್ತು ಜ್ಯುವೆಲ್ಲರ್ಸ್ ಅಸೋಸಿಯೇಷನ್‌ನ ಪ್ರಕಾರ ಇಂದು ಚಿನ್ನದ ದರ ಎಷ್ಟಿದೆ ಎಂದು ನೋಡುವುದಾದರೆ 24 KT(999)- 9,601 22 KT - 9,370, 20 KT - 8,545, 18 KT -7,776, 14 KT - 6,192 ರಷ್ಟಿದೆ. 

ಜಾಗತಿಕ ಮಾರುಕಟ್ಟೆಯಲ್ಲಿ, ಚಿನ್ನವು ಪ್ರತಿ ಔನ್ಸ್‌ಗೆ 3350 ಡಾಲರ್ ಗಿಂತ   ಕಡಿಮೆಯಿದ್ದರೆ, ಬೆಳ್ಳಿ 14 ವರ್ಷಗಳ ಗರಿಷ್ಠ 37 ಡಾಲರ್ ತಲುಪಿದೆ. ಸರಕು ಮಾರುಕಟ್ಟೆಯ ಬಗ್ಗೆ ಹೇಳುವುದಾದರೆ, ಕಚ್ಚಾ ತೈಲ ಬೆಲೆಗಳು ಸತತ ನಾಲ್ಕನೇ ದಿನವೂ ಏರಿಕೆಯಾಗಿದೆ.

ನಿಮ್ಮ ನಗರದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆ ನಿಖರವಾಗಿ ಎಷ್ಟಿದೆ ಎನ್ನುವುದನ್ನು  ಇಂಡಿಯಾ ಬುಲಿಯನ್ ಮತ್ತು ಜ್ಯುವೆಲ್ಲರ್ಸ್ ಅಸೋಸಿಯೇಷನ್ ​​ವೆಬ್ ಸೈಟ್ ನಲ್ಲಿ ಪರಿಶೀಲಿಸಬಹುದು.