ಮಧುಮೇಹಿಗಳಿಗೆ ದೇಹದ ಈ ಭಾಗದಲ್ಲಿ ನೋವು ಕಾಣಿಸಿಕೊಂಡ್ರೆ ಎಚ್ಚರ! ಅಪಾಯದ ಮುನ್ಸೂಚನೆ ಇದು..

1 /6

ಪ್ರಸ್ತುತ ಕಾಲಮಾನದಲ್ಲಿ ಅತಿ ಸಣ್ಣ ವಯಸ್ಸಿನಲ್ಲಿಯೇ ಜನರು ಮಧುಮೇಹಕ್ಕೆ ಬಲಿಯಾಗುತ್ತಿದ್ದಾರೆ. ಕಳಪೆ ಆಹಾರ ಪದ್ದತಿ, ದೇಹಕ್ಕೆ ಕಸರತ್ತು ನೀಡದಿರುವುದೇ ಇದಕ್ಕೆ ಮುಖ್ಯ ಕಾರಣವಾಗಿದೆ. 

2 /6

ಒಮ್ಮೆ ಬಂದರೆ ಜೀವನವಿಡೀ ದೇಹವನ್ನು ಬಿಟ್ಟು ಹೋಗದ ಮಧುಮೇಹವನ್ನು 'ಮೌನ ಕೊಲೆಗಾರ' /ಸೈಲೆಂಟ್ ಕಿಲ್ಲರ್ ಎಂತಲೇ ಹೇಳಲಾಗುತ್ತದೆ. ಮಧುಮೇಹಿಗಳಲ್ಲಿ ಕಂಡು ಬರುವ ಕೆಲವು ನೋವುಗಳಿಗೆ ಆರಂಭದಲ್ಲೇ  ಸರಿಯಾದ ಚಿಕಿತ್ಸೆ ಪಡೆಯದಿದ್ದರೆ ಇದು ಗಂಭೀರ ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತದೆ. 

3 /6

ಮಧುಮೇಹಿಗಳಲ್ಲಿ ನಿರಂತರವಾಗಿ ದೀರ್ಘಸಮಯದವರೆಗೆ ಬ್ಲಡ್ ಶುಗರ್ ಹೆಚ್ಚಾಗಿದ್ದರೆ ದೇಹದಲ್ಲಿ 'ಗ್ಲೈಕೇಶನ್' ಎಂಬ ಪ್ರಕ್ರಿಯೆ ಸಂಭವಿಸುತ್ತದೆ. ಇದು ಸಂಯೋಜಕ ಅಂಗಾಂಶಗಳಲ್ಲಿನ ಕಾಲಜನ್ ಮತ್ತು ಇತರ ರಚನಾತ್ಮಕ ಪ್ರೊಟೀನ್ ಮೇಲೆ ಪರಿಣಾಮ ಬೀರುವುದರಿಂದ ದೇಹದಲ್ಲಿ ನೋವು ಕೂಡ ಕಾಣಿಸಿಕೊಳ್ಳುತ್ತದೆ.

4 /6

ತಜ್ಞರ ಪ್ರಕಾರ, ಮಧುಮೇಹಿಗಳಲ್ಲಿ ಆಗಾಗ್ಗೆ ಕಂಡು ಬರುವ ಭುಜದ ನೋವನ್ನು ಸಾಮಾನ್ಯ ನೋವು ಎಂದು ಪರಿಗಣಿಸುವುದು ಅಪಾಯಕಾರಿಯಾಗಿದೆ. ಇದನ್ನು ನಿರ್ಲಕ್ಷಿಸಿದರೆ ಭವಿಷ್ಯದಲ್ಲಿ ಗಂಭೀರ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. 

5 /6

ಮಧುಮೇಹಿಗಳಲ್ಲಿ ಸ್ನಾಯುಗಳಲ್ಲಿ ಕಂಡು ಬರುವ ನೋವು ಭವಿಷ್ಯದಲ್ಲಿ ಅವರ ಚಲನಶೀಲತೆ ಮೇಲೆ ನಕಾರಾತ್ಮಕ ಪರಿಣಾಮವನ್ನು ಉಂಟು ಮಾಡುತ್ತದೆ. ಹಾಗಾಗಿ, ನೀವು ಸಕ್ಕರೆ ಕಾಯಿಲೆಯವರಾಗಿದ್ದರೆ ನಿಮ್ಮಲ್ಲಿ ಭುಜದ ನೋವು, ಸ್ನಾಯುಗಳಲ್ಲಿ ಕಂಡುಬರುವ ನೋವನ್ನು ನಿರ್ಲಕ್ಷಿಸಬೇಡಿ. 

6 /6

ಸೂಚನೆ : ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.