Jio ಬಂಪರ್ ವ್ಯಾಲಿಡಿಟಿ ಕೊಡುಗೆ: ನಿತ್ಯ 3 ರೂ.ಗಿಂತ ಕಡಿಮೆ ಬೆಲೆಯಲ್ಲಿ ಇಷ್ಟೆಲ್ಲಾ ಲಾಭ

ದೇಶದಲ್ಲಿ ಅಗ್ಗದ ಯೋಜನೆಗಳೊಂದಿಗೆ ಜನಪ್ರಿಯವಾಗಿರುವ ರಿಲಯನ್ಸ್ ಜಿಯೋ ಮತ್ತೊಮ್ಮೆ ತನ್ನ ಕೋಟ್ಯಾಂತರ ಗ್ರಾಹಕರಿಗಾಗಿ ಅತ್ಯಂತ ಕಡಿಮೆ ಬೆಲೆಯಲ್ಲಿ ದೀರ್ಘಾವಧಿಯ ರಿಚಾರ್ಜ್ ಪ್ಲಾನ್ ಬಿಡುಗಡೆ ಮಾಡಿದೆ. 

ಜಿಯೋ ಪರಿಚಯಿಸಿರುವ ಈ ವಾರ್ಷಿಕ ಪ್ರಿಪೇಯ್ಡ್ ಪ್ಲಾನ್ ಬೆಲೆ 895ರೂ. ಎಂದರೆ ದಿನಕ್ಕೆ ಕೇವಲ 3ರೂ.ಗಳಿಗಿಂತಲೂ ಕಡಿಮೆ ಇದ್ದು, ಇದು ಒಟ್ಟು 336 ದಿನಗಳ ವ್ಯಾಲಿಡಿಟಿಯೊಂದಿಗೆ ಬರುತ್ತದೆ.   

ಸುಮಾರು 11 ತಿಂಗಳವರೆಗಿನ ದೀರ್ಘಾವಧಿ ರಿಚಾರ್ಜ್ ಪ್ಲಾನ್ ಇದಾಗಿದ್ದು ಈ ಜಿಯೋ ಅಗ್ಗದ ರಿಚಾರ್ಜ್ ಪ್ಲಾನ್ ಮೂಲಕ ವರ್ಷವಿಡೀ ಸಿಮ್ ಆಕ್ಟೀವ್ ಆಗಿಡುವುದರ ಜೊತೆಗೆ ಹಲವು ಪ್ರಯೋಜನಗಳು ಸಹ ಲಭ್ಯವಾಗಲಿವೆ. 

ಜಿಯೋ 895ರೂ. ಪ್ರಿಪೇಯ್ಡ್ ಪ್ಲಾನ್‌ನಲ್ಲಿ ಗ್ರಾಹಕರಿಗೆ 11 ತಿಂಗಳುಗಳ ಕಾಲ ದೇಶಾದ್ಯಂತ ಎಲ್ಲಾ ನೆಟ್ವರ್ಕ್ ಗಳಿಗೆ ಅನ್ಲಿಮಿಟೆಡ್ ಕರೆ, ತಿಂಗಳಿಗೆ 50 ಎಸ್ಎಂಎಸ್ ಉಚಿತವಾಗಿರುತ್ತದೆ.  

ಜಿಯೋದ ಈ ರಿಚಾರ್ಜ್ ಪ್ಲಾನ್‌ನಲ್ಲಿ ಗ್ರಾಹಕರಿಗೆ ಪ್ರತಿ ತಿಂಗಳಿಗೆ 2ಜಿ‌ಬಿ ಡೇಟಾ ಸೌಲಭ್ಯವೂ ಲಭ್ಯವಾಗಲಿದೆ. 

ಜಿಯೋ ಪರಿಚಯಿಸಿರುವ ಈ ದೀರ್ಘಾವಧಿಯ ರಿಚಾರ್ಜ್ ಪ್ಲಾನ್  ವಿಶೇಷವಾಗಿ ಜಿಯೋ ಫೋನ್ ಬಳಕೆದಾರರಿಗಾಗಿ ಆಗಿದೆ.