ಹಾರ್ಟ್ ಅಟ್ಯಾಕ್ ಇದ್ದಕ್ಕಿದ್ದಂತೆ ಆಗುವುದಿಲ್ಲ!ಈ ಸೂಚನೆಗಳನ್ನು ನೀಡಿಯೇ ಬರುವುದು ಹೃದಯಾಘಾತ !ನಾವು ಎಚ್ಚೆತ್ತುಕೊಳ್ಳಬೇಕು ಅಷ್ಟೇ

ಹೃದಯಾಘಾತ ಎನ್ನುವುದು ಇದ್ದಕ್ಕಿದ್ದಂತೆ ಬರುವುದಿಲ್ಲ. ಇದು ಬರುವ ಮುನ್ನ ದೇಹ ನಮಗೆ ಮುನ್ಸೂಚನೆ ನೀಡುತ್ತದೆ. ಅವುಗಳನ್ನು ಸಮಯಕ್ಕೆ ಸರಿಯಾಗಿ ಗುರುತಿಸಿ ಮುನ್ನೆಚ್ಚರಿಕೆ ವಹಿಸುವ ಮೂಲಕ, ಜೀವ ಉಳಿಸಬಹುದು.   

ಅತಿಯಾದ ಆಯಾಸ : ಯಾವುದೇ ನಿರ್ದಿಷ್ಟ ಕಾರಣವಿಲ್ಲದೆ ಅಸಹಜವಾಗಿ ದಣಿದಿದ್ದರೆ, ಹೃದಯಾಘಾತದ ಆರಂಭಿಕ ಸಂಕೇತವಾಗಿರಬಹುದು. ಈ ಲಕ್ಷಣವು ವಿಶೇಷವಾಗಿ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಸಾಮಾನ್ಯ ದೈನಂದಿನ ಚಟುವಟಿಕೆಗಳನ್ನು ಮಾಡುವಾಗಲೂ ಮಿತಿ ಮೀರಿದ ಆಯಾಸವಾಗುವುದು ಹೃದಯ ದೌರ್ಬಲ್ಯದ ಸಂಕೇತವಾಗಿರಬಹುದು.

ಉಸಿರಾಟದ ತೊಂದರೆ : ಯಾವುದೇ ದೈಹಿಕ ಕೆಲಸ ಮಾಡುವಾಗ ಇದ್ದಕ್ಕಿದ್ದಂತೆ ಉಸಿರಾಟದ ತೊಂದರೆ ಎದುರಾದರೆ ಅದನ್ನು ಲಘುವಾಗಿ ಪರಿಗಣಿಸಬಾರದು. ಹೃದಯಕ್ಕೆ ಆಮ್ಲಜನಕದ ಪೂರೈಕೆಯ ಕೊರತೆಯಾದಾಗ ಹೀಗಾಗುತ್ತದೆ. 

ಎದೆ ನೋವು : ಎದೆಯಲ್ಲಿ ನೋವು, ಭಾರ ಅಥವಾ ಒತ್ತಡದಂತೆ ಎದುರಾಗುವುದು ಹೃದಯಾಘಾತದ ಸಾಮಾನ್ಯ ಲಕ್ಷಣವಾಗಿದೆ. ಈ ನೋವು ಕೆಲವು ನಿಮಿಷಗಳ ಕಾಲ ಎದುರಾಗುವುದರ ಜೊತೆಗೆ ಪದೇ ಪದೇ ಕಾಣಿಸಿಕೊಳ್ಳಬಹುದು.ಕೆಲವೊಮ್ಮೆ ನೋವು ಭುಜ, ತೋಳು, ಕುತ್ತಿಗೆ  ಅಥವಾ ದವಡೆಗೂ ಹರಡಬಹುದು.

ನಿದ್ರೆ ಬಾರದಿರುವುದು : ರಾತ್ರಿ ಹೊತ್ತು ಸರಿಯಾಗಿ ನಿದ್ದೆ ಬಾರದಿರುವುದು, ಪದೇ ಪದೇ ಎಚ್ಚರವಾಗುವುದು, ಉಸಿರಾಟದ ತೊಂದರೆ ಎದುರಾಗುವುದು ಹೃದಯ ಸಮಸ್ಯೆಗಳ ಸಂಕೇತವಾಗಿರಬಹುದು. 

ವಾಕರಿಕೆ :ಕೆಲವರು, ಅದರಲ್ಲಿಯೂ ವಿಶೇಷವಾಗಿ ಮಹಿಳೆಯರಿಗೆ  ಹೃದಯಾಘಾತವಾಗುವ ಮೊದಲು ವಾಕರಿಕೆ ಅಥವಾ ವಾಂತಿ ಕಾಣಿಸಿಕೊಳ್ಳಬಹುದು. ಇದನ್ನು ಹೆಚ್ಚಾಗಿ ಸಾಮಾನ್ಯ ಎಂದು ಬಹುತೇಕ ಮಂದಿ ನಿರ್ಲಕ್ಷಿಸಿ ಬಿಡುತ್ತಾರೆ. 

ತಲೆ ಸುತ್ತುವುದು : ಹಠಾತ್ ತಲೆತಿರುಗುವಿಕೆ ಅಥವಾ ಲಘು ತಲೆತಿರುಗುವಿಕೆ ಹೃದಯಾಘಾತದ ಸಂಕೇತವಾಗಿರಬಹುದು. ಹೃದಯವು ಮೆದುಳಿಗೆ ಸರಿಯಾದ ಪ್ರಮಾಣದ ರಕ್ತವನ್ನು ಪೂರೈಸಲು ಸಾಧ್ಯವಾಗದಿದ್ದಾಗ ಹೀಗಾಗುತ್ತದೆ. 

ಬೆವರುವುದು : ಯಾವುದೇ ನಿರ್ದಿಷ್ಟ ಕಾರಣವಿಲ್ಲದೆ, ವಿಶೇಷವಾಗಿ ಎದೆ ನೋವಿನಿಂದಾಗಿ ಬೆವರು ಬರುತ್ತಿದ್ದರೆ ಅದು ಹೃದಯಾಘಾತದ ಗಂಭೀರ ಲಕ್ಷಣವಾಗಿರಬಹುದು.  

ಸೂಚನೆ : ಈ ಲೇಖನವು ಸಾಮಾನ್ಯ ಮಾಹಿತಿ ಮತ್ತು ಮನೆ ಮದ್ದನ್ನು ಆಧರಿಸಿದೆ. ಜೀ ಕನ್ನಡ ನ್ಯೂಸ್ ಇದನ್ನು ಅನುಮೋದಿಸುವುದಿಲ್ಲ.