Monthly Horoscope: ಮಾರ್ಚ್‌ನಲ್ಲಿ ಶನಿ ಆಶೀರ್ವಾದದಿಂದ ಈ ರಾಶಿಯವರಿಗೆ ಖುಲಾಯಿಸಲಿದೆ ಅದೃಷ್ಟ, ನನಸಾಗಲಿದೆ ಕನಸು

ಮಾರ್ಚ್ ಮಾಸ ಭವಿಷ್ಯ:  ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಮಾರ್ಚ್ ತಿಂಗಳಿನ ಆರಂಭದಲ್ಲಿ ಬುಧ ರಾಶಿ ಬದಲಾವಣೆ ಮಾಡಲಿದ್ದಾನೆ. ಬಳಿಕ ಸೂರ್ಯ-ಶುಕ್ರರ ರಾಶಿ ಪರಿವರ್ತನೆ ನಡೆಯಲಿದೆ. ನಂತರ ನ್ಯಾಯದ ದೇವರು ಶನಿ ದೇವ ಉದಯಿಸಲಿದ್ದಾನೆ. ಹೀಗೆ, ಮಾರ್ಚ್ ತಿಂಗಳಿನಲ್ಲಿ ಪ್ರಮುಖ ಗ್ರಹಗಳ ಸಂಚಾರದಲ್ಲಿ ಬದಲಾವಣೆ ಕಂಡು ಬರಲಿದ್ದು, ಇದರ ಪರಿಣಾಮವಾಗಿ ಐದು ರಾಶಿಯವರಿಗೆ ಭಾರೀ ಅದೃಷ್ಟ ಖುಲಾಯಿಸಲಿದೆ ಎಂದು ಹೇಳಲಾಗುತ್ತಿದೆ. ಆ ಅದೃಷ್ಟದ ರಾಶಿಗಳು ಯಾವುವು ಎಂದು ತಿಳಿಯೋಣ... 

ಕನ್ಯಾ ರಾಶಿ :  ಮಾರ್ಚ್ ಮಾಸದಲ್ಲಿ ಕನ್ಯಾ ರಾಶಿಯ ಜನರಿಗೆ ಸಂಬಂಧದಲ್ಲಿ ಮೂಡಿದ್ದ ಬಿರುಕು ಸರಿಹೋಗಲಿದೆ. ಇದರಿಂದಾಗಿ ವೈಯಕ್ತಿಕ ಜೀವನದಲ್ಲಿ ಸುಖ-ಸಂತೋಷವನ್ನು ಕಾಣುವಿರಿ. ಹಣ ಗಳಿಸುವ ಹೊಸ ಮೂಲಗಳು ಗೋಚರಿಸಲಿದ್ದು, ನೀವು ಸರಿಯಾದ ನಿರ್ಧಾರವನ್ನು ಕೈಗೊಂಡರೆ ಯಶಸ್ಸು ಖಂಡಿತ. 

ತುಲಾ ರಾಶಿ:  ತುಲಾ ರಾಶಿಯವರಿಗೆ ಈ ತಿಂಗಳು ನಿಮ್ಮ ದೀರ್ಘಕಾಲದ ಕೆಲಸವೊಂದು ಪೂರ್ಣಗೊಳ್ಳಲಿದೆ. ಇದರಿಂದಾಗಿ ಬಂಪರ್ ಧನಲಾಭವನ್ನು ಸಹ ನಿರೀಕ್ಷಿಸಬಹುದು. ನೀವು ಶುದ್ಧ ಮನಸ್ಸಿನಿಂದ ಕೈ ಹಾಕಿದ ಕೆಲಸದಲ್ಲಿ ಯಶಸ್ಸು ನಿಮ್ಮ ಪಾಲಿಗಿದೆ. 

ವೃಶ್ಚಿಕ ರಾಶಿ:  ಮಾರ್ಚ್ ತಿಂಗಳಿನಲ್ಲಿ ವೃಶ್ಚಿಕ ರಾಶಿಯವರಿಗೆ ನಿಮ್ಮ ಬಹುದಿನದ ಕನಸು ನನಸಾಗಲಿದೆ. ಈ ತಿಂಗಳು ನಿಮ್ಮ ಸೃಜನಶೀಲತೆ ಉತ್ತುಂಗದಲ್ಲಿದ್ದು ಇದರ ಸಂಪೂರ್ಣ ಪ್ರಯೋಜನವನ್ನು ಪಡೆದುಕೊಂಡರೆ ಉಜ್ವಲ ಭವಿಷ್ಯ ನಿಮ್ಮದಾಗಲಿದೆ. 

ಧನು ರಾಶಿ:  ಮಾರ್ಚ್ ತಿಂಗಳ ಗ್ರಹ ಗೋಚಾರದ ಫಲವಾಗಿ ಧನು ರಾಶಿಯವರಿಗೆ ಧೈರ್ಯ, ಶೌರ್ಯ ಹೆಚ್ಚಾಗಲಿದೆ. ಇದರಿಂದಾಗಿ, ನೀವು ಪ್ರತಿ ಸವಾಲನ್ನೂ ದಿಟ್ಟತೆಯಿಂದ ಎದುರಿಸುವಿರಿ. ಕೆಲಸಗಳು ಯಶಸ್ವಿಯಾಗಿ ಪೂರ್ಣಗೊಳ್ಳುವವು. ಹಣಕಾಸಿನ ಸ್ಥಿತಿಯೂ ಸುಧಾರಿಸಲಿದೆ. 

ಕುಂಭ ರಾಶಿ:  ಮಾರ್ಚ್ ಮಾಸದ ಗ್ರಹ ಗೋಚಾರದ ಫಲವಾಗಿ, ಅದರಲ್ಲೂ ವಿಶೇಷವಾಗಿ ಶನಿ ಆಶೀರ್ವಾದದಿಂದ ಕುಂಭ ರಾಶಿಯ ಜನರಿಗೆ ಆದಾಯದಲ್ಲಿ ಗಮನಾರ್ಹ ಏರಿಕೆ ಕಂಡು ಬರಲಿದೆ. ಈ ಸಮಯದಲ್ಲಿ ನಿಮ್ಮ ಮಾತೇ ನಿಮಗೆ ಬಂಡವಾಳವಾಗಿದ್ದು ಸೌಜನ್ಯದಿಂದ ಮಾತನಾಡಿ ನಿಮ್ಮ ಕೆಲಸಗಳನ್ನು ಸಾಧಿಸಿಕೊಳ್ಳಿ. 

ಸೂಚನೆ: ಇಲ್ಲಿ ನೀಡಲಾದ ಎಲ್ಲಾ ಮಾಹಿತಿಯು ಸಾಮಾಜಿಕ ಮತ್ತು ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದೆ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.