ಆ ರಾಷ್ಟ್ರ ಪ್ರಶಸ್ತಿ ನಿರ್ದೇಶಕ ನನ್ನ ಜೊತೆ ಮಲಗಲು ಬಯಸಿದ್ದ, ಬಲವಂತವಾಗಿ ಚುಂಬಿಸಲು ಬಂದಿದ್ದ: ಕಹಿ ಅನುಭವ ಬಿಚ್ಚಿಟ್ಟ ಕನ್ನಡದ ಖ್ಯಾತ ನಟಿ

ನಟ ಶಿವರಾಜ್ ಕುಮಾರ್ ಅಭಿನಯದ 'ಪರಮೇಶ ಪಾನವಾಲಾ' ಚಿತ್ರದ ಮೂಲಕ ಸಿನಿರಂಗಕ್ಕೆ ಎಂಟಿ ಕೊಟ್ಟ ಸುರ್ವೀನ್ ಚಾವ್ಲಾ ಇದೀಗ ಆಘಾತಕಾರಿ ಸಂಗತಿಯನ್ನ ಬಿಚ್ಚಿಟ್ಟಿದ್ದಾರೆ. 

ಕನ್ನಡದ ನಂತರ ತೆಲುಗಿನತ್ತ ಮುಖ ಮಾಡಿದ್ದ ಸುರ್ವೀನ್ ಚಾವ್ಲಾ ಪಂಜಾಬಿ ಚಿತ್ರರಂಗದಲ್ಲಿ ಸ್ಟಾರ್‌ ನಟಿಯಾದರು. ಹೇಟ್ ಸ್ಟೋರಿ 2 ಸೇರಿ ಹಿಂದಿಯಲ್ಲಿ ಕೂಡ ಕೆಲ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಸುರ್ವೀನ್ ಚಾವ್ಲಾ ಇದೀಗ ತಮಗಾದ ಕಹಿ ಅನುಭವವನ್ನು ಹಂಚಿಕೊಂಡಿದ್ದಾರೆ. ಹೌಟರ್‌ ಪ್ಲೈಗೆ ನೀಡಿದ ಸಂದರ್ಶನದಲ್ಲಿ ಕಾಸ್ಟಿಂಗ್‌ ಕೌಚ್‌ ಬಗ್ಗೆ ಮಾತನಾಡಿದ್ದಾರೆ. 

ಹಿಂದಿ ಬಾರದ ರಾಷ್ಟ್ರ ಪ್ರಶಸ್ತಿ ಪಡೆದ ನಿರ್ದೇಶಕನೊಬ್ಬ ನನ್ನ ಜೊತೆ ಮಲಗಲು ಬಯಸಿದ್ದ. ನನಗೆ ಬಲವಂತವಾಗಿ ಚುಂಬಿಸಲು ಬಂದಿದ್ದ ಎಂದು ಹೇಳಿದ್ದಾರೆ.

ಆ ನಿರ್ದೇಶಕರಿಗೆ ಹಿಂದಿ ಮತ್ತು ಇಂಗ್ಲೀಷ್‌ ಎರಡೂ ಬರುವುದಿಲ್ಲ. ಆ ಕಾರಣ ಮೂರನೇ ವ್ಯಕ್ತಿಯನ್ನು ಮಧ್ಯವರ್ತಿಯನ್ನಾಗಿ ನನ್ನ ಬಳಿ ಕಳುಹಿಸಿದ್ದ ಎಂದು ಸುರ್ವೀನ್ ಚಾವ್ಲಾ ಹೇಳಿದ್ದಾರೆ. 

ಆ ಮೂರನೇ ವ್ಯಕ್ತಿ ಹೇಳಲು ಧೈರ್ಯ ಸಾಲದೇ ಸಂಜ್ಞೆಯ ಮೂಲಕ ಸಂವಹನ ನಡೆಸುವ ಪ್ರಯತ್ನ ಮಾಡಿದರು. ಆ ವ್ಯಕ್ತಿಯ ಹಾವ ಭಾವದಿಂದ ನನಗೆ ಅನುಮಾನ ಬಂತು ಎಂದಿದ್ದಾರೆ.

ನಾನು ನಿರ್ದೇಶಕರಿಗೆ ನನ್ನ ಜೊತೆ ಮಲಗುವ ಆಸೆಯಾಗಿದೆಯಾ ಎಂದು ನೇರವಾಗಿ ಕೇಳಿದೆ. ಆಗ ಆತ ತಲೆಯಾಡಿಸಿದ ಅಷ್ಟೇ ಎಂದು ಸುರ್ವೀನ್ ಚಾವ್ಲಾ ಹೇಳಿದ್ದಾರೆ.

ನೀವು ತಪ್ಪಾದ ಮನೆಯ ಬಾಗಿಲು ಬಡಿಯುತ್ತಿದ್ದೀರಿ. ಇದಕ್ಕಾಗಿ ನನಗೆ ವಿಷಾದ ಇದೆ. ಕೆಲಸಕ್ಕೋಸ್ಕರ ನಾನು ರಾಜಿಯಾಗುವುದಿಲ್ಲ ಎಂದು ಹೇಳಿ ಕಳುಹಿಸಿದ್ದೇ. ಆ ರಾಷ್ಟ್ರ ಪ್ರಶಸ್ತಿ ನಿರ್ದೇಶಕ ತಮಿಳು ಚಿತ್ರರಂಗದಲ್ಲಿರುವುದು ಎಂದು ಸುರ್ವೀನ್ ಚಾವ್ಲಾ ಹೇಳಿದ್ದಾರೆ.

ಸುರ್ವೀನ್ ಚಾವ್ಲಾ ಅವರ ಈ ಹೇಳಿಕೆ ಚಿತ್ರರಂಗದಲ್ಲಿ ಹೊಸ ಚರ್ಚೆ ಹುಟ್ಟು ಹಾಕಿದೆ. ಆ ನಿರ್ದೇಶಕ ಯಾರು ಎನ್ನುವ ಪ್ರಶ್ನೆ ಎಲ್ಲರನ್ನು ಕಾಡುತ್ತಿದೆ.